ဧရာဝတီ

စက်ဘီးတာယာဖာသည့် ပလတ် စတစ် ကော်ကို မီးနှင့် အပူတိုက် လိုက်သောကြောင့် ထွက်လာသော အငွေ့သည် သာမန်လူများ အတွက် ကတော့ အညှော်ငွေ့၊ အညှော်နံ့သာ ဖြစ်သော်လည်း သော်သော်တို့ အတွက်ကတော့ ထိုအငွေ့သည်ပင် အရသာ ဖြစ်သည်

။

အသား မည်းမည်း၊ ကတုံး ဆံပင်ပေါက်နှင့် သော်သော်သည် အသက် ၁၀ နှစ်မပြည့်မီမှာပင် ကော်ရှူတတ်သော ကလေး တဦး ဖြစ်နေပေပြီ။

သော်သော့်ကို စက်ဘီးကပ်သည့်ကော်ဘူးကို ရှူလျင် မူးသည်ဟု ပြောပြခဲ့သူက သူ့သူငယ်ချင်း ဖိုးခွားဖြစ်သည်။ ဖိုးခွားက လည်း သူ့အကို ကော်ရှူနေသည်ကို တွေ့ဖူးသောကြောင့် အတုခိုးပြီး လိုက်ရှူကြည့်ရာမှ မူးယစ် ရီဝေစေသည်ကို သိသွား ခဲ့သည်။

ခုလို သော်သော်ကော်ရှူနေသည်ကို သော်သော့်မိဘတွေ မသိသလို၊ ကျောင်းက ဆရာမ များလည်း မသိပေ။ သော်သော့် လက်ထဲက ကော်ဘူးလေးကို သော်သော့်မေမေက ယူကြည့် သော်လည်း သော်သော်က အရုပ်ကပ်ဖို့ကော်ပါဟု ပြောလိုက် သောအခါ သော်သော့်မေမေက သားပြောစကားကို ယုံကြည်သွားဟန်တူသည် ဘာမှ ဆက်မမေးတော့ဟု သော်သော်က ပြောပြသည်။

ကော်ရှူရုံနှင့် မူးယစ်သည်ဆိုသည်ကို လူတော်တော်များများ မသိနိုင်ပေ။ ဆေးခြောက်သုံးစွဲသူများနှင့် ဘိန်းဖြူသုံးစွဲသူ များသာလျင် သိနိုင်သည်ဟု ကော်ရှူသူများ၏ ပြောပြချက်များအရ သိရသည်။

“ဒါက အသစ်၊ ပိုက်ဆံမရှိရင်လည်း ပျော်အောင် ကောင်းအောင် လုပ်လို့ရတဲ့ နည်းသစ်ပါ” ဟု ကော်ရှူသူ အသက် ၁၉ နှစ် အရွယ် လူငယ်တဦးက ပြောပြသည်။

ကော်ရှူခြင်းသည် သော်သော်တို့လို ကျောင်းသားအရွယ်ကလေးများနှင့် ရပ်ကွက်ထဲမှ ငွေကြေးနွမ်းပါးသူ လူငယ်များကြား ခေတ်စားလျက်ရှိကြောင်း၊ ကော်ရှူခြင်းကို စတင်ခဲ့ သည်မှာ ထိုင်းနိုင်ငံနယ်စပ်ဒေသများမှ ဖြစ်ကြောင်း သိရသည်။

၁၉၉၀ ပြည့်နှစ်နောက်ပိုင်းကာလများတွင် မြန်မာနိုင်ငံမူးယစ်ဆေးဝါး ဈေးကွက်တွင်းသို့ စိတ်ကြွဆေးဝါးများ စတင်ဝင် ရောက်လာခဲ့သလို ၁၉၉၆ ခုနှစ်တွင်တော့ စိတ်ကြွ ဆေးများအပြင် ဓာတုဗေဒပစ္စည်းများကို အခြေခံပြီးထုတ်လုပ်ထားသော စိတ်ပြောင်း ဆေးများပါ ဈေးကွက်အတွင်းသို့ တွင်တွင်ကျုယ်ကျယ် ၀င်ရောက်ပျံ့နှံ့နေခဲ့ပြီ ဖြစ်သည်။

လက်ရှိဈေးကွက်အတွင်းအရောင်းသွက်လျက်ရှိသော ဆေးဝါးများမှာ အက်တာစီ(Ecstasy)၊ မက်သာအဖက် တမင်း (Methamphetamine)၊ အိုက်စ် (Ice)၊ ကတ်တမင်း (Ketamine) စသည့် ဆေးများဖြစ်ပြီး မီးသွေးခဲနှင့် ချိုးများ (မူးယစ် အထူးအဖွဲ့မှ ဖမ်းဆီးရမိသော ဘိန်းနှင့် တခြား မူးယစ်ဆေးဝါးများကို အခမ်းအနားနှင့် မီးရှို့ ဖျက်ဆီးရာမှ မီးလောင်ကျွမ်း ပြီး ကျန်ခဲ့သော မီးသွေးခဲများနှင့် ပြာများကို မီးသွေးခဲနှင့် ချိုးကျန်ဟုခေါ်ကာ ဈေးကွက်အတွင်း ရောင်းချ နေသည်) မှာလည်း ဘိန်းအစားထိုးပစ္စည်းအဖြစ် အရောင်းသွက်လျက်ရှိကြောင်း သိရှိရသည်။

“အခုဒီမှာက ဘိန်းဖြူခေတ် မဟုတ်တော့ဘူး။ ဘိန်းဖြူက ဈေးကြီးလွန်းတော့ တော်ရုံလူ မသုံးနိုင်ကြတာလည်း ပါတယ်။ နောက်တခုက ဘိန်းဖြူသုံးတဲ့သူက ရုပ်ပျက်လွန်းတယ်။ ရာဘတို့ အက်တာစီတို့က သုံးပြီး သူလိုကိုယ်လို အလုပ်လုပ်နေလို့ ရတယ်။ မသိသာဘူး။ ဒါတွေကိုပဲ သုံးလာကြတာ များတယ်” ဟု လူငယ် အဆိုတော် တဦးက ပြောပြသည်။

လက်ရှိ ဈေးကွက်အတွင်း ရောင်းအားအကောင်းဆုံး မူးယစ်ဆေးဝါးမှာ စိတ်ကြွဆေးပြားဖြစ်ပြီး အတွင်ကျယ် ဆုံးနှင့် အကျယ်ပြန့်ဆုံးမှာ ရာဘနှင့် အက်တာစီတို့ ဖြစ်ကြောင်း သိရသည်။

လက်ရှိပြည်တွင်းတွင် ရာဘသုံးစွဲမှုနှုန်းမှာ နှစ်စဉ် နှစ်တိုင်း တိုးတက်လျက်ရှိရာ ယခုအခါ ယခင် ၁၉၉၆ ခုနှစ်က ရောင်းအား ထက် အဆပေါင်း ၁၀ ဆကျော်ခန့်ပင် တက်သွားပြီ ဖြစ်ကြောင်း ရာဘ သုံးစွဲ ဖြန့်ချိနေသူ တဦးက ပြောဆိုသည်။

“သုံးတဲ့သူတွေမပြောနဲ့ ရောင်းတဲ့သူတွေတောင် တနှစ်ထက် တနှစ်တော်တော်များလာတယ်။ သူက ငွေရင်း ၃ သိန်းလောက် ရှိတယ်ဆိုရင်ပဲ အရောင်းအ၀ယ် လုပ်လို့ရနေပြီ” ဟု ရောင်းချသူ တဦးက ဆိုသည်။

လက်ရှိ ဈေးကွက်ပုံစံမှာလည်း ကျယ်ပြန့်လျက်ရှိရာ ဆေးဆိုင်များနှင့် ဈေးဆိုင်များ တွင် သာမက ရပ်ကွက်များ အတွင်းမှ နေအိမ်များမှာပင် ၀ယ်ယူရရှိနိုင်ပြီး ယခုအခါ ကျောင်းသား လူငယ်များကပါ ရာဘကို စာကျက်၍ ကောင်းသော ဆေးအဖြစ် သုံးစွဲလာကြသောကြောင့် နှစ်ရှည် စွဲသုံးသူ များကပင် ရောင်းချသူများဖြစ်လာကြောင်း သူက ဆက်ပြော သည်။

“ကျောင်းက ကျောင်းသားတချို့ရဲ့ ထမင်းဘူးတွေထဲက ထမင်းတွေထဲမှာ ဆေးပြားတွေ ထည့် ၀ှက်လာတာ တွေ့လို့ ခေါ်စစ်တော့ ရာဘ ဆေးပြားဆိုတာသိရတယ်။ ကလေးတွေက ဒါ မူးယစ်ဆေးဝါးမဟုတ်ပါဘူးလို့ အတင်းငြင်းတယ်။ စာကျက်နိုင်အောင် သောက်တာပါ လို့ပြောတယ်” ဟု လသာမြို့နယ် အထက်တန်းကျောင်း တကျောင်းမှ အထက်တန်းပြ ဆရာမ တဦးက ပြောသည်။

ထိုဆေးပြားကို ဗန်းစကားအနေဖြင့် မြင်းဆေး ဟုလည်းကောင်း၊ ကြယ်သီးဟုလည်းကောင်း ခေါ်ဆိုလျက်ရှိပြီး အမျိုးအစား အားဖြင့်လည်း WY ၊ SY၊ R၊ R1 ဟု ရှိကာ ချောကလက်ရောင်၊ အနီရောင်၊ အညိုရောင်၊ ပန်းရောင်၊ လိမ္မော်ရောင်၊ အဖြူ ရောင်၊ အနက်ရောင် စသည့် အရောင်များ ရှိကြောင်းသိရှိရသည်။

အရောင်နှင့် အမျိုးအစားပေါ်တွင် မူတည်ပြီး ဈေးနှုန်း ကွာခြားလျက်ရှိရာ အနက်ရောင် ဆေးပြားမှာ တပြားလျင် ကျပ် ၈ သောင်း ဈေးပေါက်လျက်ရှိသဖြင့် ၀င်ငွေကောင်းသူများနှင့် အနုပညာရှင်များသာ အသုံးများကြောင်း သိရှိရသည်။ ထိုဆေး ပြားကို သုံးစွဲလျင် ၂၄ နာရီ ခံသည်ဟုလည်း သုံးစွဲသူများကပြောကြသည်။

WY အမျိုးအစားထဲကပင်လ်ိမ်မော်ရောင် ဆေးတပြား၏ တန်ဖိုးမှာ ကျပ် ၇ ထောင်ဈေးရှိပြီး ထိုဆေးကို သောက်လျင် ၈ နာရီခံသည်ဟု သိရသည်။ တခြားအမျိုးအစားများနှင့် အရောင် များသည်ပင်လျင် တပြားကို ကျပ် ၅ ထောင်ဈေးရှိကာ သောက်သုံးပါက ၆ နာရီ ခံသည်ဟု သိရသည်။

ဒုတိယ လူသုံးအများဆုံးဆေးဝါးမှာ အက်တာစီဖြစ်ကြောင်း ရောင်းချသူများထံမှ သိရှိရသည်။

“အက်တာစီက ဈေးနည်းနည်းမြောက်တယ်။ ပိုပြီးတော့လည်း ပျော်ရတယ်။ ခံတာလည်း ရာဘထက် ပိုခံတော့ အဆိုတော် တွေနဲ့ သရုပ်ဆောင်တွေ အများဆုံးသုံးတယ်။ ပြီးတော့ အရာရှိသားသမီးတွေ သုံးကြတာများတယ်” ဟု အက်တာစီ ရောင်းချသူ တဦးက ပြောဆိုသည်။

အဆိုပါ အက်တာစီ ဆေးလုံးမှာ လူရိုင်းခေါင်းတံဆိပ်၊ သံကွင်းစက် တံဆိပ်၊ မြှားပစ်တံဆိပ် ဟူ၍ တံဆိပ် သုံးလေးမျိုးရှိပြီး ဈေးကွက်တွင်းတင်သွင်းလာကြသော နိုင်ငံများမှာလည်း ထိုင်း၊ တရုတ်၊ မလေးရှား၊ အမေရိကန် စသည်ဖြင့် အသီးသီးရှိပြီး ထိုင်းနှင့် တရုတ်နိုင်ငံတို့မှ တင်သွင်းလာသော ဆေးပြားမှာ တပြားလျင် ကျပ် ၇ သောင်း၊ အမေရိကန်နိုင်ငံမှ ဆေးပြားမှာ တပြားလျင် ကျပ် ၁ သိန်း ၂ သောင်းထိ ပေါက်ဈေး ရှိကြောင်း သိရသည်။

အက်တာစီဆေးပြားလိုပင် သုံးစွဲသူ နှစ်သက်သော ဆေးပြားတမျိုးမှာ အိုက်စ် ဖြစ်သည်။ တပြားလျင် သုံးသောင်းခွဲဈေးရှိ သောကြောင့် လူငယ်တချို့နှင့် ပိုက်ဆံချမ်းသာသူများသာ သုံးစွဲနိုင်သော ဆေးပြား ဖြစ်သည်ဟု သိရသည်။

ထို့ပြင် ပါကစ္စတန်နိုင်ငံမှ တင်သွင်းလာသော ဒိုင်ယာစီပင်၊ ဗြူပရီနော်ဖင်း၊ ဆိုစီဂွန်၊ ဇိုလန် စသော စိတ်ကြွဆေးပြားများ သည်လည်း ဈေးကွက်အတွင်းရှိနေကာ တန်ဖိုးအနေနှင့် တပြားကို ကျပ် ၃ ထောင် ၀န်းကျင်ခန့်ရှိကြောင်း သိရသည်။

မြန်မာနိုင်ငံတွင် စီးပွားရေးကျဆင်းလာကြခြင်းနှင့် ဘိန်းဖြူ ဈေးမြင့်တက်လာခြင်းတို့ကြောင့် ဘိန်းဖြူ သုံးစွဲသူ လျော့နည်း လာသော်လည်း သုံးစွဲသူတချို့ရှိနေသေးကြောင်း ရောင်းချသူ များထံမှ သိရှိရသည်။

ဘိန်းဖြူ ပင်နဆလင်ပုလင်းနှင့် တပုလင်း၏ လက်ရှိပေါက်ဈေးမှာ ကျပ် ၃ သိန်း ၅ သောင်း ဈေးရှိပြီး ဘိန်းမည်းမှာ ကော်ဘူးတဘူးစာကို ကျပ် ၇၅၀၀ ဈေးရှိကြောင်း သိရသည်။

ဖမ်းဆီးရမိသော ဘိန်းနှင့် တခြားမူးယစ်ဆေးဝါးများကို အခမ်းအနားနှင့် မီးရှို့ဖျက်ဆီးရာမှ မီးလောင်ကျွမ်းပြီး ကျန်ခဲ့သော ချိုးကျန်ပြာ၏ တန်ဖိုးမှာ ပင်နဆလင် တပုလင်းလျင် ကျပ် ၅ ထောင်ရှိကာ မီးသွေးခဲတခဲလျင် ကျပ် ၃ထောင်မျှတန်ဖိုးရှိ သေးကြောင်း သိရသည်။

ဘိန်းဖြူကဲ့သို့ အာနိသင်ရှိသောကြောင့် ဘိန်းဖြူမသုံးစွဲနိုင်သူများနှင့် ဘိန်းအာနိသင်ကြိုက်သူ များ ၀ယ်ယူ သုံးစွဲကြရာ ဈေးကွက်ဖြစ်လျက်ရှိပြီး မီးရှို့ဖျက်ဆီးပွဲရှိလျင် မီးသွေးခဲနှင့် ချိုးကျန် များမှာ ဈေးကွက်အတွင်း ပေါပေါမျာများတွေ့ရ တတ်၍ ဈေးလည်း သာမန်အချိန်ထက် ပို သက်သာလေ့ရှိကြောင်း သူက ပြောပြသည်။

မြန်မာနိုင်ငံတွင် ဖမ်းဆီးရမိသော မူးယစ်ဆေးဝါးများ မီးရှို့ဖျက်ဆီးခြင်းကို ၁၉၉၀ ပြည့်နှစ် ကတည်းက စတင်ပြုလုပ်ခဲ့ခြင်း ဖြစ်ပြီး ၂၀၀၆ ဇွန်လအထိ ရန်ကုန်မြို့တွင် အကြိမ် ၂၀ နှင့် တခြားမြို့များတွင် ၄၃ ကြိမ်ပြုလုပ်ခဲ့ပြီး ဖြစ်ကြောင်း အစိုးရ၏ တရားဝင်ထုတ်ပြန်ထားသော စာရင်းများအရ သိရှိရသည်။

ယနေ့မြန်မာနိုင်ငံတွင် မူးယစ်ဆေးဝါးအပါအ၀င် စိတ်ကိုပြောင်းလဲစေသော ဆေးဝါးများကို သုံးစွဲနေကြသည်မှာ အသက် ၁၀ နှစ်အရွယ်မှ အသက် ၄၀ အရွယ်ထိ အမျိုးသား အမျိုးသမီးများဖြစ်ပြီး သုံးစွဲသူ ဦးရေမှာလည်း နှစ်စဉ် တက်လျှက်ရှိ ကြောင်း မူးယစ်ဆေးဝါး စွဲသူများကို ကုသပေးနေသော အန်ဂျီအို အဖွဲ့အစည်းတခု၏ ၂၀၀၄ ခုနှစ်နှင့် ၂၀၀၆ ခုနှစ် စစ်တမ်း များအရ သိရသည်။

အဆိုပါ အန်ဂျီအိုမှ ဆရာဝန်တဦးက “နှစ်တိုင်း သုံးတဲ့သူနှုန်းက တနှစ်ကို အကြမ်းဖျင်း ၁၀ ရာခိုင်နှုန်း ကနေ ၁၅ ရာခိုင်နှုန်း လောက်ကို တိုးတိုးလာတာ တွေ့ရတယ်။ ဆေးတွေကို လွယ်လွယ်ကူကူ ၀ယ်လို့ရနေတာက အဓိက အကြောင်းရင်းပဲ။ နယ်စပ်တွေက ကယ်ရီသမား တွေ ကတဆင့် ဆေးတွေ လှိမ့်ဝင်လာသလို စီးပွားရေး လုပ်ငန်း ရှင် တချို့ကလည်း ရောင်းဝယ်နေတာတွေရှိတယ်” ဟု ပြောသည်။

မြန်မာနိုင်ငံတွင် အခြေခံစာရင်း ကောက်ယူမှုအရ မူးယစ်ဆေးဝါး သုံးစွဲသူများ လျော့ကျ သွားကြောင်းနှင့် ၂၀၀၅ ခုနှစ်တွင် မူးယစ်ဆေးဝါးသုံးစွဲသူ ၆၁၄၅၅ ဦးရှိရာမှ ၂၀၀၈ ခုနှစ် ဇန်န၀ါရီလအထိ စာရင်းကောက်ယူမှုအရ ၅၄၇၀၅ ဦးသာ ရှိကြောင်း ကို နေပြည်တော်တွင် ကျင်းပသည့် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င်ရောင်းဝယ်မှု တိုက်ဖျက် ရေးနေ့ အထိမ်းအမှတ်အခမ်းအနားတွင် ပြည်ထဲရေးဝန်ကြီးက ပြောကြား ခဲ့သည်။ မြန်မာနိုင်ငံတွင် မူးယစ်ဆေးနှင့် စိတ်ကြွရူးသွပ် ဆေးဝါးများဆိုင်ရာ ဥပဒေကို (၁/၉၃) ဖြင့် ၁၉၉၃ ခုနှစ် ဇန်န၀ါရီလ ၂၇ ရက်နေ့က ပြဋ္ဌာန်းခဲ့သည်။