စေတနာနှင့် ရောင်းသော ဈေး

ကြိတ်ကြိတ် တိုးနေသော လူကြားထဲမှ အတင်းတိုးထွက် လာသည့် အသားညိုညိုနှင့် အမျိုးသမီးက သူနှင့်မျက်မှန်း တန်းမိနေသော အမျိုးသား ဒီမိုကရေစီ အဖွဲ့ချုပ် (NLD) ဗဟိုအမျိုးသမီး အဖွဲ့မှ အဖွဲ့ဝင်တဦးအား ဖက်လျက် သားဖြစ်သူရှိရာ ပူတာအိုထောင်သို့ ထောင်ဝင်စာ သွားတွေ့နိုင်တော့မည် ဖြစ်ကြောင်း ပြောနေသည်။

nld-hq-dassk-11သူ၏ သားဖြစ်သူ အသက် ၂၀ ၀န်းကျင်အရွယ် မျိုးကျော်ဇင်မှာ ကချင်ပြည်နယ်၊ ပူတာအိုထောင်တွင် ထောင်ဒဏ် ၁၇ နှစ်ကျခံနေရသူ နိုင်ငံရေးအကျဉ်းသားတဦးဖြစ်သည်။ မျိုးကျော်ဇင်၏မိခင်မှာ ရန်ကုန်မြို့ လှိုင်သာယာမြို့နယ်တွင် နေထိုင်သူဖြစ်ပြီး အ၀တ်အငှားလျှော်သူ လက်လုပ်လက်စား မိခင်တဦး ဖြစ်သည့်အတွက် သားဖြစ်သူထံသို့ ထောင်ဝင်စာသွားတွေ့ရန် မလွယ်ကူလှပေ။

ယခုအခါ NLD ၏ ပံ့ပိုးကူညီမှုကြောင့် သားဖြစ်သူရှိရာ ပူတာအိုထောင်သို့ ထောင်ဝင်စာ သွားတွေ့နိုင်တော့မည် ဖြစ်သည့်အတွက် မိခင်တဦးအနေဖြင့် ၀မ်းသာဝမ်းနည်းဖြစ်မိကြောင်း ပြောသည်။

“ကျမသားကို သွားတွေ့တော့မယ်။ သူ ထောင်ကျသွားတာ ၃ နှစ်ရှိပြီ။ အခုလို အဖွဲ့ချုပ်ကပံ့ပိုးကူညီပေးတာ ကျေးဇူးတင်တယ်။အရမ်းဝမ်းသာမိပါတယ်။ အခုလို ကူညီပေးတာ ကျမတို့အတွက် အများကြီး အထောက်အကူဖြစ်ပါတယ်” ဟု မျိုးကျော်ဇင်၏ မိခင်က ဆိုသည်။

သူကဲ့သို့သော နိုင်ငံရေးအကျဉ်းသား မိသားစုဝင်များမှာ NLD ရုံးချုပ် အောက်ထပ် ခန်းမထဲတွင် ပြည့်လျက်ရှိပြီး မိမိတို့၏ သားချင်းများအား မည်သူတို့က တာဝန်ယူရန် မဲအလှည့်ကျမည်ဆိုသည်ကို ရင်ခုန်စွာဖြင့် စောင့်မျှော်နားထောင်လျက်ရှိသည်။

၆၃ နှစ်မြောက် လွတ်လပ်ရေးနေ့ အထိမ်းအမှတ် အခမ်းအနားအပြီးတွင် NLD အဖွဲ့ဝင်များနှင့် စေတနာရှင်များက နိုင်ငံရေးအကျဉ်းသားများ၏ အမည်ပါ ရင်ထိုးတံဆိပ်များကို မဲဖောက်ပြီး မဲကျသူအား ထောင်ဒဏ်ကျခံနေရစဉ် ထောက်ပံ့ပေးမည်ဟု တာဝန်ယူကြသည်။

လှိုင်သာယာမှ နိုင်ငံရေးအကျဉ်းသား စိုးမင်းမင်း၏ အမည်ကို ဒေါ်အောင်ဆန်းစုကြည်က မဲကျသောကြောင့် ၀မ်းသာဝမ်းနည်းဖြစ်မိကြောင်း မိခင်ဖြစ်သူ ဒေါ်စိမ်းက ဆိုသည်။

“ဒေါ်အောင်ဆန်းစုကြည်က မဲပေါက်တဲ့အတွက်လည်း ၀မ်းသာမိတယ်။ အထူးပြောချင်တာက အခုလို NLD အဖွဲ့ချုပ်နဲ့ စေတနာရှင်တွေက စုပေါင်းပြီး နိုင်ငံရေးအကျဉ်းသားတွေရော၊ HIV/AIDS ဝေဒနာရှင်တွေကိုရော ကူညီပံ့ပိုးနိုင်ဖို့အတွက် ကြိုးစားကြတာကိုလည်း နိုင်ငံရေး အကျဉ်းသားတယောက်ရဲ့ မိခင်အနေနဲ့ ၀မ်းသာ ဂုဏ်ယူမိပါတယ်” ဟု ဒေါ်စိမ်းက ပြောသည်။

NLD ရုံးချုပ်တွင် လွတ်လပ်ရေးနေ့ အထိမ်းအမှတ် ဈေးရောင်းပွဲကို ဇန်န၀ါရီလ ၂ ရက်နေ့မှ ဇန်န၀ါရီလ ၄ ရက်နေ့အထိ ၃ ရက်တိုင်တိုင် ကျင်းပခဲ့သည်။ အဆိုပါ ဈေးရောင်းပွဲကို ဇန်န၀ါရီလ ၂ ရက်နေ့ နံနက် ၉နာရီတွင် ဒေါ်အောင်ဆန်းစုကြည်က ဖဲကြိုးဖြတ် ဖွင့်လှစ်ပေးခဲ့သည်။

ဈေးရောင်းပွဲတော် ကျင်းပရခြင်းနှင့် ပတ်သက်၍ NLD ဗဟို လူမှု အထောက်အကူပြုအဖွဲ့မှ ဥက္ကဋ္ဌ ဦးတင်ဦးက “၆၃ နှစ်မြောက် လွတ်လပ်ရေးနေ့အကြို ဈေးရောင်းပွဲရဲ့ အဓိက ရည်ရွယ်ချက်ကတော့ အမျိုးသားဒီမိုကရေစီ အဖွဲ့ချုပ်ရဲ့ လူမှုရေးကိစ္စတွေမှာ ဆောင်ရွက်ဖို့ ရန်ပုံငွေရရှိဖို့ အတွက်ပဲ။ အဲဒီလို ရန်ပုံငွေရရှိဖို့ ပြည်နယ်နဲ့ တိုင်း၊ ဥပမာ ကရင်၊ မွန်၊ ရှမ်း၊ ရန်ကုန်တိုင်းမှာရှိတဲ့ မြို့နယ်ပေါင်း ၂၀ ကျော်က လာပြီးတော့ သူတို့ရဲ့ ဒေသထွက်ကုန်တွေ ရောင်းတယ်။ ဒေါ်အောင်ဆန်းစုကြည်က သူလက်ဆောင်ရထားတဲ့ ပစ္စည်းတွေထဲမှာ တချို့ပစ္စည်းတွေကို ရောင်းချပေးတယ်။ ရလာတဲ့ အကျိုးအမြတ်တွေကိုမှ အမျိုးသားဒီမိုကရေစီ အဖွဲ့ချုပ်ရဲ့ လူမှုရေးလုပ်ငန်းတွေ ဆောင်ရွက်ဖို့အတွက် အားလုံးရဲ့ ရန်ပုံငွေအဖြစ်ထည့်ဝင်မှာဖြစ်တယ်” ဟု ရှင်းပြသည်။

NLD ရုံးချုပ်တွင် ကျင်းပခဲ့သော အဆိုပါဈေးရောင်းပွဲ၌ ဆိုင်ခန်းပေါင်း ၂၀ ကျော်ခန့်ရှိပြီး ဒေါ်အောင်ဆန်းစုကြည် ကိုယ်တိုင်ရေး ပန်းချီကားများ၊ ပန်းချီဆရာတို့၏ ပန်းချီကားများ၊ ဒေါ်အောင်ဆန်းစုကြည်ပုံများ၊ ဒေါ်အောင်ဆန်းစုကြည်ပုံပါ တီရှပ်များ၊ ဆွဲကြိုး၊ သော့ချိတ်များ၊ ကရင်၊ မွန်၊ ရှမ်း စသည့်တိုင်းရင်းသားတို့၏ ရိုးရာဝတ်စုံများအပြင် ဒေသထွက် အစားအစာများ၊ ဖုန်းအိတ်၊ လက်ကိုင်အိတ်များ၊ ဖိနပ်များ၊ အပင်များနှင့် စာအုပ်များရောင်းချသည့် ဆိုင်များအပြင် အအေးဆိုင်၊ ကော်ဖီဆိုင်၊၀တ်သားတုတ်ထိုးဆိုင်၊ ကျောက်ကျောဆိုင် စသည်တို့ကိုလည်း တွေ့ရသည်။

အဆိုပါ ဈေးရောင်းပွဲမှ ရရှိမည့် အမြတ်ငွေများအား NLD ဗဟို လူမှုထောက်ကူပြုအဖွဲ့သို့ လှူဒါန်းမည်ဟု သိရသည်။

NLD ဗဟို လူမှုထောက်ကူပြုအဖွဲ့မှ ဦးလှသိန်းက “ကျွန်တော်တို့ တော်တော်လေး အောင်မြင်ပါတယ်။ ဘာဖြစ်လို့လဲဆိုတော့ လာပြီးတော့ အားပေးတဲ့လူတွေကိုက ရန်ပုံငွေလှူတယ်၊ ဒီက လက်ဆောင်ပစ္စည်းတခု ရယူတယ်ဆိုတဲ့ သဘောကိုပဲ အမှတ်တရအဖြစ် လာကြတာပဲ” ဟု ပြောသည်။

ဗဟို လူမှုထောက်ကူပြုအဖွဲ့သည် ၂၀၀၂ ခုနှစ်ကတည်းက နိုင်ငံရေးအကျဉ်းသားများနှင့် HIV/AIDS ဝေဒနာရှင်များအား ကူညီထောက်ပံ့နေသည့် အဖွဲ့ဖြစ်သည်။

အဆိုပါ ဈေးရောင်းပွဲ ပထမနေ့ စတင်ကတည်းက လာရောက် ကြည့်ရှုသူများ၊ ၀ယ်ယူသူများဖြင့် စည်းကားခဲ့သည်။

“ကျမတို့က သေချာအားပေးချင်လို့ကို လာခဲ့ကြတာပါ။ ရုံးကိုဝင်ရင် ဓာတ်ပုံရိုက်ခံရမယ်ဆိုတာလည်း သိပါတယ်။ ဒါပေမယ့် အားပေးချင်တဲ့စိတ်က ပိုများနေတော့ မကြောက်တော့ဘူး” ဟု ဒဂုံတက္ကသိုလ်မှ ကျောင်းသူတဦးက ပြောသည်။

ဈေးရောင်းပွဲတော် ရက်များအတွင်း လာရောက်အားပေးကြသူများမှာ အရွယ်စုံ၊ နယ်ပယ်အသီးသီးအစုံမှ ဖြစ်ကြောင်း တွေ့ရသည်။

“ပထမနေ့မှာတင်ပဲ တော်တော်လေး ရောင်းရတယ်။ ဒီနေ့ နောက်ဆုံးရက်မှာတောင် ရောင်းဖို့ မကျန်တော့ဘူး။ ဒုတိယရက်မှာ အကုန် ကုန်တဲ့သူတွေလည်းရှိတော့ ဒီနေ့မှာ ဆိုင်တချို့က မထွက်ကြတော့ဘူး။ ကုန်ကုန်ပြီ။ ပြည်သူလူထုက အားပေးကြပါတယ်။အဲဒါကြောင့် ရောင်းကောင်းတာ ဖြစ်ပါတယ်” ဟု NLD ဗဟိုအမျိုးသမီးအဖွဲ့မှ အဖွဲ့ဝင်တဦးက ဆိုပါသည်။

ဈေးရောင်းပွဲတော်တွင် ၃ ရက်တာအတွင်း စုစုပေါင်း ငွေကျပ် သိန်း ၂၀၀ ကျော် ရခဲ့ကြောင်းလည်း သိရပါသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်