ယိုယွင်းနေသော မြန်မာ့တရားစီရင်ရေးစနစ်ရဲ့ ပုံရိပ်လွှာတခု

ကိုသန်းဦးနဲ့ မိတ်ဆွေ လယ်သမား ၄ ယောက်ဟာ သူတို့နေထိုင်ရာ စစ္စရံရွာကို ဆိုက်ကယ်စီးပြီး ပြန်အလာ ရွာအ၀င်လမ်းနဲ့ မနီးမဝေးမှာ မထင်မှတ်ဘဲ လူ ၂၀ ယောက်ခန့်က ၀ိုင်းဝန်းရိုက်နှက် ခဲ့ပါတယ်။ အဲဒီရိုက်နှက်ခဲ့ သူတွေကပဲ သူတို့ကို တရားစွဲလို့ မင်းလှမြို့နယ် တရားရုံးက မေလထဲမှာ ကိုသန်းဦးနဲ့ မိတ်ဆွေ လယ်သမားများကို ထောင်ဒဏ် ၁၀ နှစ်ကျော်စီ ချမှတ်ခဲ့ပါတယ်။

gavel2စစ္စရံကျေးရွာဆိုတာ မြန်မာနိုင်ငံအလယ်ပိုင်း မကွေးတိုင်း ကံမမြို့နယ်က ရွာလေးတရွာ ဖြစ်ပါတယ်။ လယ်ယာလုပ်ငန်းနဲ့ အသက်မွေးဝမ်းကြောင်းပြုကြတဲ့ ကိုသန်းဦးတို့အမှုကို ရန်ကုန်မြို့က ရှေ့နေကြီး ဦးအောင်သိန်းက အထက်တရားရုံးဖြစ်တဲ့ မင်းဘူးခရိုင်တရားရုံးကို အယူခံဝင်ခဲ့တာကြောင့် သူတို့အားလုံးကို ထောင်ဒဏ် ၃ လစီ ပြောင်းလဲချမှတ်ခဲ့ပါတယ်။

ဘာကြောင့် မြန်မာ့တရားစီရင်ရေးစနစ်မှာ ဒီလောက်ကွာခြားတဲ့ ပြစ်ဒဏ်ပြင်ဆင်မှုမျိုး ဖြစ်ပေါ်ရပါသလဲ၊ မူလစီရင်ချက်ကို ချမှတ်တဲ့ တရားရုံးက တရားစီရင်ရေးစနစ်ကို မမှန်မကန် အသုံးချခဲ့လို့လားလို့ ရှေ့နေကြီး ဦးသိန်းအောင်ကို မေးတော့ “ဒါမျိုးက ဖြစ်တောင့်ဖြစ်ခဲ့တဲ့ ကိစ္စပါ။ ဒါပေမယ့် သူတို့က မူလတရားရုံးရဲ့စီရင်ချက်ဖြစ်တဲ့ အပြစ်ရှိတယ်ဆိုတဲ့ အချက်ကိုတော့ အကာအကွယ်ပေးထားတယ်ဗျ။ လုံးဝလွှတ်လိုက်တာ မဟုတ်ဘူးလေ။ ပြစ်ဒဏ်ကို ပြင်ဆင်သတ်မှတ်ပေးတာပဲရှိတယ်” လို့ ရှင်းပြပါတယ်။

သရက်ထောင်ထဲမှာ ချုပ်နှောင်ခံထားကြရတဲ့ ကိုသန်းဦးတို့ အခု လွတ်မြောက်လာပါပြီ။ ၀မ်းသာစရာကောင်းတဲ့ သတင်းတခုဖြစ်ပေမယ့် အဲဒီအမှုနောက်ကွယ်က ဖြစ်ရပ်တွေက မြန်မာနိုင်ငံ တရားစီရင်ရေးနဲ့ပတ်သက်ပြီး အတွေးပွားစရာ မေးခွန်း အများအပြား ပေါ်ပေါက်လာပါတယ်။

မြန်မာပြည်က တရားစီရင်ရေးစနစ်မှာ ပြစ်မှုနဲ့ပြစ်ဒဏ် မျှတမှုရှိရဲ့လားဆိုတာ အခု ကိုသန်းဦးတို့အမှုက နမူနာထား မေးခွန်းထုတ်စရာ ဖြစ်လာပါတယ်။ မြန်မာပြည်အနှံ့က ထောင်ထဲမှာ အကျဉ်းကျခံနေကြသူတွေ ဘယ်လောက်များများ ရှေ့နေမငှားနိုင်လို့၊ အယူခံမတင်နိုင်လို့ ဒါမှမဟုတ် အယူခံတင်ရကောင်းမှန်း မသိလို့ မိမိတို့ကျခံနေရတဲ့ ပြစ်ဒဏ်တွေဟာ ကျူးလွန်တဲ့ပြစ်မှုနဲ့ ထိုက်တန်ပါရဲ့လားလို့ မသိဘဲ ပြစ်ဒဏ်ကျခံနေရတဲ့သူတွေ ဘယ်လောက်များများ ရှိနေပါသလဲ။

ဒါနဲ့ပတ်သက်ပြီး ဦးအောင်သိန်းကို မေးကြည့်တော့ “ခြုံပြီးတကြောင်းတည်း ပြောလိုက်မယ်။ တရားစီရင်ရေးဟာ လွတ်လပ်တဲ့ တရားစီရင်ရေး မဟုတ်ဘူး” လို့ ခပ်ပြတ်ပြတ်ပြောပါတယ်။

ဒါနဲ့ ကိုသန်းဦးတို့ကို ရိုက်တဲ့သူတွေက ဘယ်သူတွေလဲ။ သူတို့ကိုရော ကိုယ်ထိလက်ရောက် ရိုက်နှက်ကျူးလွန်မှုအတွက် တရားဥပဒေအရ ဘယ်လိုစီရင်ခဲ့ပါသလဲ။ အရိုက်ခံရတဲ့သူတွေကရော ဘယ်လို နောက်ခံအကြောင်းတရားတွေကြောင့် အရိုက်ခံရသလဲ။ သူတို့ကရော အရိုက်လည်းခံရပြီး ဘာကြောင့် ဒီလောက်ကြီးလေးတဲ့ ထောင်ဒဏ်တွေ အပြစ်ပေးခံရပါသလဲ။

ကိုသန်းဦးတို့ကို ရိုက်နှက်သူတွေက မြန်မာ့စီးပွားရေးဦးပိုင် ကုမ္ပဏီလီမီတက်နဲ့ မြန်မာနိုင်ငံမှာ အချမ်းသာဆုံး သူဌေးစာရင်းဝင် ဦးတေဇရဲ့ ထူးကုမ္ပဏီစုကြီးတို့ ပူးပေါင်းပြီး စစ္စရံရွာနားက ဧက ၄၀၀၀ ခန့် ကျယ်ဝန်းတဲ့ မြေပေါ်မှာ ကော့စတစ်စက်ရုံ ဆောက်လုပ်ဖို့ ပြင်ဆင်နေတဲ့ အငြိမ်းစားဗိုလ်မှူး ၀င်းမြင့် ဦးဆောင်တဲ့ ၀န်ထမ်းတွေဖြစ်တယ်။ မြန်မာ့စီးပွားရေးဦးပိုင် ကုမ္ပဏီ လီမီတက်က စစ်တပ်ပိုင် စီးပွားရေးလုပ်ငန်းစုကြီးလည်း ဖြစ်တယ်။

ကိုသန်းဦးနဲ့ တခြား မိတ်ဆွေလယ်သမား ၃ ဦး (ယခု အပြစ်ဒဏ်ကျခံထားရသူများ မဟုတ်ပါ) ပိုင်တဲ့ စစ္စရံရွာက လယ်မြေတွေဟာ ကော့စတစ်စက်ရုံ တည်ဆောက်ရေးစီမံကိန်းက ကျူးကျော်ဝင်ရောက်တာ၊ ဖျက်ဆီးတာ ခံခဲ့ရပါတယ်။ ဒါကို တရားဥပဒေရဲ့ အကာအကွယ်ရယူဖို့ ကိုသန်းဦးက ဦးဆောင်ပြီး ကံမတရားရုံးမှာ ဗိုလ်မှူးဟောင်း ၀င်းမြင့်နဲ့ ၂ ဦးကို ယခုနှစ် မတ်လထဲမှာ တရားစွဲခဲ့တယ်။

ဒီလိုတရားစွဲပြီး မကြာခင်မှာပဲ ကိုသန်းဦးဟာ တခြားမိတ်ဆွေရွာသား ၅ ဦးနဲ့ ခရီးသွားရာကအပြန် ရွာအ၀င်လမ်းပေါ်မှာ တည်ရှိနေတဲ့ ကော့စတစ်စက်ရုံ တည်ဆောက်ရေးဝန်းထဲက အလုပ်သမား ၂၀ ယောက်ခန့် ထွက်လာပြီး သူတို့ စီးလာတဲ့ ဆိုက်ကယ်တွေကိုတား၊ လူတွေကို ဖမ်းဆီးပြီး အလုပ်ရုံဝန်းထဲခေါ်သွားကာ ကြိုးတုတ်ရိုက်နှက်ခဲ့တယ်လို့ အမှုကို လိုက်ပါကူညီပေးနေတဲ့ ရှေ့နေကြီး ဦးသိန်းအောင်က ဖြစ်စဉ်ကို ရှင်းပြပါတယ်။

အရိုက်ခံရုံတင်မကဘဲ သူတို့အားလုံးကို ရဲစခန်းပို့ ချုပ်နှောင်ထားခဲ့တယ်။ နောက်ပိုင်း တယောက်ကို ပြန်လွတ်ပေးပြီး ကိုသန်းဦးနဲ့ ကျန် ၄ ယောက်ကို သူတို့စီးလာတဲ့ဆိုင်ကယ် လိုင်စင်မရှိတဲ့အမှုအပြင် ဆောက်လုပ်ရေးစီမံကိန်းဝင်းကို ခဲနဲ့ပေါက်မှု၊ ဆဲရေးတိုင်းထွာမှုနဲ့ ၀န်ထမ်းတဦးကို ထိုးကြိတ်မှု စတဲ့အခြားအမှု ၃ မှုနဲ့ ကံမတရားရုံးမှာ တရားစွဲခဲ့ပါတယ်။

မိမိတို့ရွာသားတွေ အရိုက်လည်းခံရရုံမျှမက မတရား တရားစွဲခံကြရတော့ စစ္စရံရွာသားတွေက ကံမတရားရုံးမှာ တရားရင်ဆိုင်တဲ့နေ့တိုင်း လူအုပ်နဲ့သွားရောက်ပြီး ကိုသန်းဦးတို့ကို အားပေးခဲ့တဲ့အတွက် ဗိုလ်မှူးဟောင်း ၀င်းမြင့်က လုံခြုံရေးစိတ်မချရ လို့ တရားရုံးပြောင်းပေးပါလို့ လျှောက်ထားပြန်တယ်။ တရားသူကြီးက အမှုကို မင်းလှတရားရုံးကို လွှဲခဲ့ပြီး တရားရုံးက ကိုသန်းဦးတို့ကို အပြစ်ရှိတယ်လို့ ဆုံးဖြတ်ကာ နှစ်ရှည်ထောင်ဒဏ်တွေပေးခဲ့တယ်လို့ ဦးအောင်သိန်းက ရှင်းပြပါတယ်။

ကိုသန်းဦးတို့ကို ၀ိုင်းဝန်းရိုက်နှက်ခဲ့တဲ့ အပေါ်မှာရော တရားဥပဒေအရ အရေးယူဆောင်ရွက်ခဲ့တာ ရှိပါသလားလို့မေးတော့ ဦးအောင်သိန်းက “ကိုသန်းဦး အမျိုးသမီးက ဒီလိုလူအုပ်နဲ့ ၀ိုင်းရိုက်တာဟာ ဗိုလ်မှူးဟောင်း ၀င်းမြင့်ရဲ့ ညွှန်ကြားချက်နဲ့ လုပ်ဆောင်ခဲ့တာပါလို့ တိုင်ကြားပေမယ့် တရားရုံးတော်ကို ဆောက်လုပ်ရေးအလုပ်သမား ၂ ဦးကိုပဲ ဆင့်ခေါ်ခဲ့ပြီး ထင်ရှားတဲ့ သက်သေအထောက်အထား မရှိဟုဆိုကာ မင်းလှတရားရုံးက တရားသေလွှတ်လိုက်ပါတယ်” လို့ ပြောပြပါတယ်။

သူက ဆက်လက်ပြီး “ခင်ဗျားတို့သိတဲ့အတိုင်းပဲလေ ဒီနေ့ခေတ် တရားရုံးတွေက သြဇာအာဏာရှိသူတွေဘက်က ရပ်တည်နေကြတယ်။ ဦးပိုင်တို့၊ ထူးတို့ ဆိုတာလည်း သြဇာရှိတယ်လေ” ဟု ဆိုပါတယ်။

သမ္မတ ဦးသိန်းစိန်ဟာ ကောင်းမွန်တဲ့ အုပ်ချုပ်မှုစနစ် (Good Governance) နဲ့ သန့်ရှင်းတဲ့အစိုးရ (Clean Government) ဖြစ်အောင် အမှန်တကယ်လုပ်မယ်ဆိုရင် တရားစီရင်ရေးစနစ်ကို အရင်ဆုံး မပြုပြင်သင့်ဘူးလား ဆိုတာနဲ့ ပတ်သက်ပြီး ဦးအောင်သိန်းက “တရားရုံးဆိုတာ တပြေးညီပဲ ဖြစ်ရတယ်။ အဲဒီလောက်ကြီး အနိမ့်အမြင့် ကွာဟစရာမလိုဘူး။ ပြစ်ဒဏ်ရဲ့ အမြင့်ဆုံးကိုပေးတာဟာ တရားသူကြီးမှ မဟုတ်ဘူး၊ တရားရုံးစာရေးတယောက်ကလည်း ပေးတတ်ပါတယ်ဆိုတာ ဟိုတုန်းက အင်္ဂလိပ်ခေတ် စီရင်ထုံးတွေ ပြောထားတာရှိပါတယ်” လို့ ထောက်ပြပါတယ်။

ရှေ့နေကြီး ဦးအောင်သိန်း ထောက်ပြတဲ့အချက်ဟာ မြန်မာ့တရားစီရင်ရေးမဏ္ဍိုင်ရဲ့ အခရာကျတဲ့ တရားရုံးအဆင့်ဆင့်က တရားသူကြီးများ သတိထားသင့်ပါတယ်။

ပိုပြီး ဆင်ခြင်သင့်တာကတော့ ရာဇ၀တ်ပြစ်မှု တစုံတရာ ကျူးလွန်ခြင်းမရှိဘဲ ယနေ့ထောင်ထဲမှာ နှစ် ၆၀ ကနေ ၁၀၀ ခန့်အထိ ထောင်ဒဏ်ကျခံနေရတဲ့ နိုင်ငံရေးအကျဉ်းသား ၂၀၀၀ ကျော်ဟာ မြန်မာနိုင်ငံသားတွေ ဖြစ်ကြပြီး တရားဥပဒေကို တလွဲသုံးကာ ကိုယ့်နိုင်ငံသားတွေကို အခုလိုညှဉ်းပန်းနှိပ်စက်တဲ့ စနစ်ကို ပြန်လည်စဉ်းစားသင့်ပါပြီ။     ။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်