မြန်မာပြည်ကို လွမ်းနေတဲ့ မော်ဒန်ပန်းချီ

အနုပညာဆိုတာ
စိတ်ကူးရဖို့ ပုံသဏ္ဌာန် ဖြစ်အောင် ဖော်ယူဖို့သာ ဖြစ်တယ်...။
ပစ္စည်းတခုဖြစ်အောင် လုပ်တာ အနုပညာ မဟုတ်...။

လီယိုနာဒို ဒါ ဗင်ချီ (၁၄၅၂ - ၁၅၁၉)

Art-Paw-Thame-01အရောင်တွေ၊ အရုပ်တွေ၊ အလင်းအမှောင်တွေနဲ့ ဖွဲ့စည်းခင်းကျင်းထားတဲ့ I am Cadmium Red ဆိုတဲ့ ခန်းမထဲကို ရောက်သွားရင်ပဲ နားထဲမှာ ဘုရားပုထိုးစေတီတွေရဲ့ ဆည်းလည်း လှုပ်သံတွေ၊ ဦးပဉ္ဇင်းတွေ ကိုရင်ကလေးတွေရဲ့ စာဝါလိုက်သံတွေ၊ ဗုဒ္ဓ ဓမ္မ တရားသံတွေကို စိတ်အာရုံမှာ ခံစားကြားယောင် လာမိတယ်။

အထင်ကရ ပုဂံ မြို့ဟောင်း၊ ယဉ်ကျေးမှု အစဉ်အလာ ကြီးခဲ့တဲ့ မန္တလေး၊ အထက် အညာ၊ အောက်ပြည် အောက်ရွာက ပဲခူး စတဲ့ မြန်မာ့ မြေပေါ်က ရိုးရာ ယဉ်ကျေးမှုတွေနဲ့ ဘာသာ သာသနာရဲ့ အရိပ်အာဝါသတွေရှိရာ ဘုရား ကျောင်းကန် အရပ်ဒေသတွေဆီ ရောက်သွားအောင် ပန်းချီကားတွေက ခေါ်ဆောင်သွားနေရဲ့။

သူ့ ပန်းချီကားအများစုက ဗုဒ္ဓ၀ါဒကို အကြောင်းအရာအနေနဲ့ အခြေခံပြီးတော့ ခေတ်ပြိုင်အနုပညာဟန်နဲ့ ပုံဖော်ရေးရင်း မြန်မာ လူမျိုးတွေရဲ့ယဉ်ကျေးမှု ဓလေ့တွေနဲ့ နေ့စဉ်ဘ၀တွေလည်း ပါလာရတယ်လို့ မော်ဒန် ပန်းချီဆရာ ပေါ်သိမ်းက ဆိုပါတယ်။

ပန်းချီ ပေါ်သိမ်းက “ပန်းချီရေးတာဟာ ၀ိပဿနာအလုပ်၊ မဟာသတိပဌာန် အလုပ်၊ သမထရော ၀ိပဿနာပါ ၂ မျိုးစလုံး ပါသွားတာ” လို့လည်း ပြောပြတယ်။

02-Crimson_SpiritCrimson spirit (ကြက်သွေးရောင် စိတ်ဝိညာဉ်) လို့ အမည်ပေးထားတဲ့ တကားလုံး ကြက်သွေးရောင်လွှမ်းနေတဲ့စေတီပုံ ပန်းချီကားကို ကြည့်ပြီး ပြင်သစ်နိုင်ငံသူ အမျိုးသမီးတဦးက “အရောင်သုံးတာ ထူးခြားလို့ ကျမ စိတ်ဝင်စားအောင် ဖမ်းစား နိုင်တယ်” လို့ ပြောပါတယ်။

မော်ဒန် ပန်းချီဆရာကြီး ဗဂျီအောင်စိုးရဲ့ “ပန်းချီ အနှစ်သည် အရောင်ဖြစ်သည်” ဆိုတဲ့ ပြောကြားချက်ကို အမှတ်ရလိုက် မိပါတယ်။

ဒါပေမယ့် ပန်းချီပေါ်သိမ်းကတော့ သူ့မှာ အရောင်အစွဲ၊ ရေးတဲ့ဟန် အသေကိုင်စွဲတာမျိုး မရှိဘူးလို့ ဆိုပါတယ်။

I am Cadmium Red ဆိုတာကိုက Primary color အခြေခံ အဓိကကျတဲ့အရောင်ကို ယူထားပေမယ့် တိကျပြတ်သားတယ်၊ လုပ်တဲ့အလုပ်အပေါ်မှာ သစ္စာရှိတယ်၊ ဖောက်ပြန်ပြောင်းလဲမှု မရှိဘူးဆိုပြီး သူ့ကျင့်ဝတ်သိက္ခာနဲ့ တထပ်တည်းကျအောင် အဓိပ္ပာယ် ဖွင့်ဆိုထားတာလို့လည်း ပန်းချီဆရာ ပေါ်သိမ်းက ရှင်းပြတယ်။ 

မော်ဒန် ပန်းချီဆရာ ပေါ်သိမ်းရဲ့ပန်းချီကားပေါင်း ၃၅ ကား ပါဝင်တဲ့ I am Cadmium Red လို့ အမည်ပေးထားတဲ့ တကိုယ်တော်ပြ ပွဲကို ထိုင်းနိုင်ငံ ချင်းမိုင်မြို့က သုဝဏ္ဏဘူမိ ပန်းချီပြခန်းမှာ သြဂုတ်လ၂၇ ရက်ကနေ စက်တင်ဘာ ၁၀ ရက်အထိ ကျင်းပနေတာပါ။

ပန်းချီပေါ်သိမ်းဟာ တကိုယ်တော်ပြပွဲတွေကို ၁၉၇၃ က စခဲ့ပြီး အခုတကြိမ်နဲ့ပါဆိုရင် ၉ ကြိမ်လောက် ရှိပါပြီ။

သုဝဏ္ဏဘူမိ ပြခန်းပိုင်ရှင် မမာမာ က တကိုယ်တော် ပန်းချီပြပွဲတွေကို ထူးခြားတဲ့ ပန်းချီဆရာတွေရဲ့ လက်ရာတွေနဲ့သာ ရွေးချယ် ကျင်းပတာလို့ ဆိုပါတယ်။

“ကျမ ငယ်ကတည်းက သူ့ မော်ဒန် ပန်းချီတွေကို ကြိုက်ခဲ့တာပါ၊ သူက မြန်မာရိုးရာ၊ အထူးသဖြင့် အညာရဲ့ဓလေ့စရိုက်နဲ့ အငွေ့အသက်တွေကို ရေးတယ်။ ကျမကိုယ်တိုင်လည်း အဲဒီ အငွေ့အသက်တွေကို ခံစားရလို့ ပြပွဲလုပ်တာ ဖြစ်ပါတယ်” လို့ မမာမာက ပြောပြပါတယ်။

အခုပြပွဲက ပန်းချီပေါ်သိမ်းရဲ့ လက်ရာတွေမှာ မော်ဒန်ပန်းချီ ကျူဗစ်ဇင် (Cubism) မှန်ကူကွက်လို ရေးနည်း၊ စိတ္တဇပန်းချီခေါ် ဒြပ်မဲ့ ပန်းချီနည်း (Abstract)၊ စိတ်ခံစားချက်ကို အရောင်တွေ အလင်းအမှောင်တွေနဲ့ ထုတ်ဖော်ပြတဲ့ (Impressionism) နည်း စတဲ့ ရေး နည်း ရေးဟန် အစုံနဲ့ အရောင်သုံးရာမှာလည်း ပန်းချီ ဆရာကို အရောင် တရောင်တည်းက လွှမ်းမိုးနေတာမျိုး မဟုတ်ဘဲ အရောင် အစုံ သုံးတာတွေ့ရပါတယ်။ 

ရုပ်ပုံတွေအနေနဲ့လည်း မြန်မာ့ရိုးရာ ကလေးကစားစရာ အရုပ်ပုံတွေ၊ ဆင်ရုပ်တွေကအစ ဘုန်းကြီးကျောင်း၊ လှေ၊ နန်းတော် ဆောင်၊ ကျောက်စာတိုင်၊ မန္တလေး အမရပူရ တောင်သမန်အင်းက ဦးပိန်တံတား၊ စေတီ ပုထိုးတွေအထိ ပန်းချီကားတွေမှာ တွေ့မြင် ရတယ်။

03-I_am_Burmeseအဲဒီ ပန်းချီကားတွေထဲက I am Burmese လို့ အမည်ပေးထားတဲ့ ကျောက်သင်ပုန်းပုံ ပန်းချီကားလေးကလည်း ထူးခြားနေတာမို့ ပန်းချီဆရာကို မေးမိပါသေးတယ်။

“ကျနော်က အမေရိကန်မှာ နေပေမယ့် မြန်မာအစစ် ရွှေဘိုသား။ ဘယ်နိုင်ငံပဲ ရောက်ရောက် မြန်မာဟာ မြန်မာပါပဲ။ ဒီ အဓိပ္ပာယ်နဲ့ ရေးထားတဲ့ ကားလေးပါ။ မြင်တဲ့သူတိုင်းက ကြိုက်ကြတယ်၊ ပန်းချီကားကလည်း ချစ်စရာလေးလေ” လို့ ပန်းချီ ဆရာက ပြန် ရှင်း ပြ ပါတယ်။

မြန်မာ ပန်းချီဆရာတွေရဲ့ လက်ရာတွေအပါအ၀င် ပန်းချီကား စုဆောင်းတဲ့ ထိုင်းလူမျိုး ဟိုတယ်ပိုင်ရှင် အမျိုးသားတဦးကလည်း အဲဒီ ကျောက်သင်ပုန်း ပုံ ကားလေးကို ကြိုက်လို့ ၀ယ်ချင်တယ်လို့ ပြောပါတယ်။ ဒါပေမယ့် သူ့အရှေ့မှာ ထိုင်း ဆရာဝန် တဦးက ၀ယ်ထားပြီးနှင့်ပြီလို့ သိရပါတယ်။

ပန်းချီပေါ်သိမ်းဟာ လက်ရှိ အမေရိကန်နိုင်ငံမှာ နေထိုင်နေတာ ဖြစ်ပါတယ်။ မြန်မာနိုင်ငံက ထွက်ခွာခဲ့တာ ၂၆ နှစ်ရှိပြီလို့ ပြောပါတယ်။ ၁၉၇၄ ခုနှစ်က ဖြစ်ခဲ့တဲ့ ဦးသန့် အရေးအခင်းမှာ ဦးသန့် ပုံတူရေးဆွဲမှု၊ အလုပ်သမား အရေးအခင်းနဲ့ဆိုင်တဲ့ ကဗျာစာအုပ် အဖုံး သရုပ်ဖော်ပုံ ရေးဆွဲမှု အပါအ၀င် ပန်းချီရေးဆွဲမှုတွေကြောင့် အာဏာပိုင်တွေရဲ့ ဖမ်းဆီးထောင်ချခံရတာ ၄ ကြိမ် ကြုံခဲ့ရဖူးသူပါ။

မြန်မာနိုင်ငံမှာရှိစဉ်က ပန်းချီပေါ်သိမ်းဟာ ရန်ကုန်မြို့က မော်ဒန် ပန်းပုဆရာ ဆန်နီညိန်းနဲ့ အတူတွဲပြီး ပန်းချီအနုပညာအလုပ်တွေ လုပ်ကိုင်ခဲ့ပါ သေးတယ်။

ပန်းပုဆရာ ဆန်နီညိန်းက “သူက အနုပညာအပေါ်မှာ အရမ်းကိုထက်သန်တဲ့ လူတယောက်ပေါ့။ ပန်းချီရေးတာလည်း လောဘကြီး တယ်။ ရေးနည်းတွေကလည်း ကောင်းတယ်။ နေရာ မရွေးဘူး၊ အကြောင်းအရာ မရွေးဘူး။ အဲဒါကြောင့် သူဟာ ရေးအားလည်း ကောင်းတယ်၊ ဖန်တီးအားလည်း ကောင်းတယ်၊ အနုပညာလည်း လောဘကြီးတဲ့ လူ တယောက်အနေနဲ့ ကျနော် မြင်ပါတယ်” လို့ ပန်းချီ ပေါ်သိမ်းကို မှတ်ချက် ပေးပါတယ်။

ပန်းချီပေါ်သိမ်းနဲ့ ပန်းပုဆရာ ဆန်နီညိန်းတို့ ၂ ဦးဟာ ၁၉၇၅ ခုနှစ်လောက်က ရန်ကုန်မှာ Peacock Gallery (ဥဒေါင်းမင်း ပန်းချီပြ ခန်း) ဖွင့်ပြီး အတူ လုပ်ကိုင်ခဲ့ကြတဲ့ ရင်းနှီးသူတွေဖြစ်ပါတယ်။

၁၉၉၁ ခုနှစ်လောက်က ပန်းချီပေါ်သိမ်းဟာ ဒေါ်အောင်ဆန်းစုကြည် ရေးတဲ့ “ကြောက်ရွံ့ခြင်းမှ လွတ်ကင်းရေး” စာအုပ် မျက်နှာဖုံးကိုလည်း ရေးဆွဲပေးခဲ့ပါတယ်။ အဲဒီ စာအုပ်ဟာ အဂတိ တရား လေးပါးကနေ လွတ်ကင်းရေးကို အဓိက ရေးတဲ့ စာအုပ် ဖြစ်ပါတယ်။

01-Bhava_in_Sasanaပန်းချီ ပေါ်သိမ်းရဲ့ပန်းချီကားတွေထဲမှာလည်း Bhava in Sasana (သာသနာထဲက ဘ၀) လို့ အမည်ပေးထားတဲ့ ပန်းချီကား တကား ကိုတွေ့ရပါတယ်။ အဲဒီကားက ကမ်းစပ်မှာ ဆိုက်ကပ်ထားတဲ့ လှေပုံတွေကို အဖြူအမည်းနဲ့ ဆွဲထားတာပါ။ လှေတစီးရဲ့ ရွက်ကြိုးမှာတော့ သာသနာ့ အလံကို ချိတ်ထားပါတယ်။

ဘ၀ သံသရာက လွတ်မြောက်ရာ အေးငြိမ်းရာကို သယ်ဆောင်သွားမယ့် နိဗ္ဗာန် ကူးတို့ လှေပုံလို့ တွေးယူလို့ ရနိုင်မယ် ထင်ပါတယ်။ လူတွေဟာ အေးငြိမ်းသော သန္တပုဂ္ဂိုလ် ဖြစ်လိုကြတယ် မဟုတ်ပါလား။

အဲဒီလို မြန်မာ့ ယဉ်ကျေးမှု ဓလေ့စရိုက်ပန်းချီတွေ ရေးဆွဲရင်းနဲ့ စိတ်ထိခိုက်ရတယ်လို့လည်း ပန်းချီ ပေါ်သိမ်းက ပြောပြပါသေး တယ်။

“ကျနော် အခုရေးတဲ့ ပန်းချီကား တကားဆွဲတိုင်း တခါငို ဆိုသလိုပါပဲ။ ၃၅ ကားဆိုတော့ ၃၅ ခါ ငိုရပါတယ်။ ကျနော် မြန်မာကို ချစ်တယ်၊ ဒါပေမယ့် မပြန်ချင်သေးဘူး၊ ကျနော် မပြန်နိုင်သေးဘူးလေ” လို့ သူက ဆိုပါတယ်။

သူဟာ အခု နေ့စဉ်လိုလို ဗုဒ္ဓ ဓမ္မ တွေကို လေ့လာကျင့်ကြံတာရယ်၊ ပန်းချီ အနုပညာ အလုပ်ရယ် ကို အဓိကလုပ် နေရင်းက ရှေ့ကို မျှော်လင့်တာတွေ၊ လိုချင်တောင့်တမှု ဆန္ဒ အစွဲတွေ လျော့လာတယ်လို့လည်း ပြောပြပါတယ်။

အဲဒီလို ပန်းချီဆရာရဲ့ ပန်းချီကားတွေနဲ့ နှုတ်ဆက်ခွဲခွာပြီးချိန်မှာတော့ ဗြိတိသျှ ကဗျာဆရာ ရုဒ်ယာ့ဒ် ကစ်ပလင်း ရေးတဲ့ IF ကဗျာထဲက အပိုင်းအစ တချို့ အတွေးထဲကို ရောက်လာ ပါတော့တယ်။

အကယ်၍...
စိတ်ကူး အ်ိပ်မက်တွေဟာ
မင်းအပေါ် မလွှမ်းမိုးစေဘဲ စိတ်ကူးနိုင်မယ် ဆိုရင်...။     ။


 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်