နှစ်လေးဆယ် ရှင်သန်နေဆဲ ဇာတ်ကောင်များ

ပြီးခဲ့တဲ့လပိုင်းလောက်က ကျနော့်မိတ်ဆွေတချို့နဲ့ သတင်းဌာနတချို့ဆီကရတဲ့ သတင်းအရဆိုရင် ကွယ်လွန်သူ စာရေး ဆရာ“နိုင်ဝင်းဆွေ”ရဲ့ဝတ္ထု တချို့ကို ပြန်လည်ထုတ်ဝေခွင့် ရတော့မှာဖြစ်တယ်လို့ ဆိုပါတယ်။ ပထမတော့ ကျနော် အံ့အား သင့်ပါတယ်။ ဘာပြုလို့ လည်းဆိုတော့ လွန်ခဲ့တဲ့ ဆယ်စုနှစ် (၂)ခု အတွင်း ဆရာနိုင်ဝင်းဆွေရဲ့ဝတ္ထုတွေ ပြန်လည်ထုတ်ဝေခွင့် မပြောနဲ့ သူ့ နာမည်ကိုတောင်မှ ဖေါ်ပြခွင့်မရခဲ့တဲ့ အနေအထားမှာ ဒီလိုသတင်းမျိုးကိုကြားရတော့ ကျနော် တကယ့်ကို မှင်တက်မိခဲ့တာပါ။ ဒါပေမယ့် ကျနော့်စိတ်ထဲ သံသယဖြစ်မိတဲ့အချက်တော့ရှိပါတယ်။

ဆရာ နိုင်ဝင်းဆွေရဲ့ လုံးချင်းဝတ္ထု (၁၀) အုပ်ရှိတဲ့အနက် တချို့စာအုပ်တွေကတော့ ထုတ်ဝေခွင့် ရမှ ရနိုင်ပါ့မလား ဆိုတဲ့ အချက်ပါ။ အခုပဲ ပထမ အသုတ် ထပ်မံထုတ်ဝေခွင့်ရတော့မယ်ဆိုပြီး စိစစ်ရေးက ကျလာပါပြီလို့ ဆိုတဲ့ ဝတ္ထုတွေဟာ တကယ်တော့ နိုင်ငံရေးနောက်ခံနဲ့ ရေးတဲ့ဝတ္ထုတွေမဟုတ်ကြပါဘူး။

shin cover
ဝတ္ထုအမည်။    ။ မသိန်းရှင်ဆီပို့ ပေးပါ
စာရေးသူ   ။    ။ နိုင်ဝင်းဆွေ
ထုတ်ဝေ ခုနှစ်။    ။ ၁၉၇၁ ခုနှစ်
စိစစ်ရေးက ကျလာပြီဆိုတဲ့ဝတ္ထုတွေက “မဟူရာမေတ္တာ”နဲ့“နွေတည” ဝတ္ထုတွေပဲဖြစ်ပါတယ်။ ဒါကြောင့်မို့လည်း စိစစ်ရေးက ရှောရှောရှုရှု ချပေးလိုက်တာလို့ ယူဆနိုင်ပါတယ်။ ကျန်တဲ့ ဝတ္ထုတွေထဲက “မသိန်းရှင်ဆီပို့ ပေးပါ” နဲ့ “ဘဝစာမျက်နှာများ” ဝတ္ထုတွေကိုတော့ ထပ်မံထုတ်ဝေခွင့် ရကောင်းမှ ရနိုင်လိမ့်မယ်ဆိုတဲ့သံသယ ကျနော့်မှာ ရှိပါတယ်။ ဘာပြုလို့လည်း ဆိုတော့ အဲဒီဝတ္ထုတွေက ‘ခေတ်ပြိုင်ဘဝသရုပ်ဖေါ်‛ ဝတ္ထုတွေဖြစ်တဲ့အတွက် နိုင်ငံရေးနောက်ခံရှိတယ်လို့ စိစစ်ရေးက ယူဆ နိုင်စရာရှိနေလို့ ပါပဲ။ဘယ်လိုပဲဖြစ်ဖြစ် နှစ်ပေါင်း(၂ဝ) ကျော်မြေမြှုပ် သင်္ဂြိုဟ်ခြင်းခံထားရတဲ့စာရေးဆရာ တယောက်ရဲ့ စာပေ လက်ရာတွေကို ပြန်လည်ဖတ်ရှုနိုင်တော့မယ်ဆိုတဲ့ သတင်းကတော့ မင်္ဂလာသတင်းပါပဲ။ ပြီးတော့“မသိန်းရှင်ဆီပို့ ပေးပါ”
လို ဝတ္ထုမျိုးကို ထပ်မံထုတ်ဝေခွင့် ရမယ်ဆိုရင်တော့ တကယ့်ကို မင်္ဂလာသတင်းလို့ဆိုရပါလိမ့်မယ်။

“မသိန်းရှင်ဆီပို့ ပေးပါ” ဝတ္ထုကို ကျနော့်အဖို့ ဒီတကြိမ်ပါနဲ့ ဆိုရင် (၄) ကြိမ်မြောက်ဖတ်ဖြစ်ခြင်းပါပဲ။ ပထမ (၃)ကြိမ်တုန်းက နှစ်သက်လွန်းလို့ ဖတ်ခဲ့တာဖြစ်ပြီး အခုတကြိမ်ကတော့ လိုအပ်လို့ ကို ဖတ်ခဲ့တာပါ။ လွန်ခဲ့တဲ့ မတ်လပိုင်းထဲမှာ နိုင်ဝင်းဆွေ ရဲ့ “မသိန်းရှင်ဆီပို့ ပေးပါ” ဝတ္ထုကို ကျနော့်ဘလော့ဂ်မှာ အပိုင်းလိုက်ရိုက်ပြီးတင်ပေးခဲ့ပါတယ်။ ဆရာနိုင်ဝင်းဆွေရဲ့ဝတ္ထုတွေ ကို ဒီဘက်ခေတ်လူငယ်တွေ မဖတ်ဘူးသေးတာကို ဖြည့်ဆီးပေးတဲ့ သဘောနဲ့ ပြည်တွင်းမှာ သူ့ ဝတ္ထုတွေ ပြန်လည်ထုတ်ဝေ ခွင့် မရတာကိုလည်း ချေဖျက်တဲ့သဘောနဲ့ ကျနော့်ဘလော့ဂ်မှာ သူ့ ဝတ္ထုတချို့အစအဆုံးရိုက်တင်ဖို့ လုပ်ခဲ့တာပါ။

ဒီဝတ္ထုကို ပြန်တင်တော့ အကျအပေါက်အမှားအယွင်းတွေ မရှိရအောင် စကားလုံး တလုံးချင်းဆီပြန်ဖတ်ရပါတယ်။ ဒီလို အလုပ်သဘော ဆန်ဆန် လိုအပ်လို့ ပြန်ဖတ်ရတဲ့အခါ ဟိုတုန်းက ဖတ်စဉ်တုန်းက ရင်ခုန်ပုံမျိုး မဟုတ်တဲ့ ထူးခြားတဲ့ ရင်ခုန် ပုံမျိုး ရလိုက်ပြန်ပါတယ်။

“မသိန်းရှင်ဆီပို့ ပေးပါ” ဝတ္ထုရဲ့ နောက်ခံကာလဟာ ၁၉၆၄ ခုနှစ်ဝန်းကျင်ကာလဖြစ်ပါတယ်။ မြန်မာ့ ဆိုရှယ်လစ် စီးပွားရေး စနစ်က မွေးထုတ်တဲ့ မှောင်ခိုစီးပွားရေးလုပ်ငန်းရဲ့ အစဦးပိုင်းကာလဖြစ်ပါတယ်။ ထန်းလျက်မှောင်ခိုကုန်ကူးတဲ့(ထန်းလျက် ကုန်သည်ဒိုင်အတွက် ထန်းလျက်သယ်ပေးရသူ ကယ်ရီသမားသာဖြစ်ပါတယ်) ဆင်းရဲသူ မိန်းမပျို တဦးနဲ့ ရထားလိုက် လက်မှတ်စစ် မီးရထားဝန်ထမ်းလူငယ် တဦးတို့ ရဲ့မေတ္တာဘွဲ့ ဇာတ်လမ်းတပုဒ်ပါပဲ။

ဒီဝတ္ထုရဲ့ အဖွင့်စာမျက်နှာများဟာ အင်မတန်ရသမြောက်တဲ့ စာမျက်နှာများဖြစ်ပါတယ်။ ဒီအဖွင့်စာမျက်နှာများသည်ပင်လျင် ဒီဝတ္ထုကို အစမှအဆုံး တထိုင်တည်းနဲ့ ဆုံးအောင်ဖတ်ချင်စိတ်ဖြစ်ဖို့ အာမခံနိုင်တဲ့ စာမျက်နှာများဖြစ်တယ်လို့ ကျနော်ထင်မိ ပါတယ်။ ဥပမာအနေနဲ့ ဝတ္ထုရဲ့ ပထမဆုံး စာပိုဒ်တချို့ ကျနော်တင်ပြလိုက်ပါတယ်။ 

၁၉၆၄......
နှင်းထုကြီး ပိတ်ဆို့ မှောင်ပိန်းနေသောနံနက်များ၌ ရထားကြီးသည် ဘူတာရုံရှေ့ မှ ထွက်ခွာရန် ကြောက်ရွံ့ တုန်လှုပ် နေ  သည်။ မထွက်ခွာ၍လည်း မဖြစ်။ သူသည် မီးခိုးများကို မှုတ်ထုတ်လိုက်ပြီး တညည်းညည်းတညူညူဖြင့် ထွက်ခွာရတော့ သည်။ ရှေ့နား ကွက်ကွက်ကလေးသာမြင်ရသည့် မီးမောင်းကို ဖွင့်လိုက်သည်။ ဖြတ်သန်းမှုအရှိန် ရလာလျှင် သူ့သွေးများ သည်လည်း ဆူပွက်လာကာ သူသည် တစတစ အကြောက်ပျယ်လာနေသည်။ တောင်တွင်းကြီးဘူတာရုံ ပလက်ဖောင်း  မီးရောင်များကို လွန်လာခဲ့လျှင် သူသည် သူ့ကိုယ်သူ အားပေးသည့် ဥသြသံရှည်တချက်ကို ညှစ်ထုတ်အော်ဟစ်လိုက်သည်။

ချက်ချင်း သူ့ဥသြသံကို ပတ်ဝန်းကျင်မှလာသော သြဘာကောင်းချီးသံများဟု ကယောင်ကတမ်းဖြင့် တွေးကာ သူသည် အမှားမှား အယွင်းယွင်း အားတက်လာသည်။ ပို၍ မှောင်ပိန်းနေသော အမှောင်ထုကြီးအတွင်းသို့ သွေးရူးသွေးတန်းဖြင့် ခွဲဖြတ် ဝင်ရောက်နေသည်။

ကျနော်သည် ဤရထားကြီး၏ စက်ကိရိယာ အစိတ်အပိုင်းတခုလိုပင် တွဲတတွဲ၏ ထောင့်ဘက် အမှောင်ရိပ်ထဲမှ လိုက်ပါနေရ သည်။ ကျနော်သည် ပီပီပြင်ပြင်မမြင်ရသည့် တောင်တွင်းကြီးမြို့ကို အမှတ်မထင်ကြည့်လာခဲ့သည်။ ဘူတာရုံမှ မီးရောင် များ သည် နောက်သို့ဆုတ်ပြေးကာ သေးငယ်နေရစ်ခဲ့သည်။ မြို့ဘက်မှလမ်းဓာတ်မီးတိုင်အရောင်များသည် ရထားကြီးပေါ်သို့ ဖျတ်ခနဲ လာထိနေကြလျက်၊ မြို့ကြီးမှာငြိမ်သက်နေလျက်၊ ရခိုင်ဘုရားပျက်ကြီး၏ထုထည်သည် အမှောင်ရိပ်ထဲမှ အမှောင် မည်းကြီးတခု အဖြစ်ဖြင့် အမြင်၌ ဖြတ်သန်းနေခဲ့လျက်၊ ရထားကြီးသည် အကွေ့အရှည်ကြီး၌ ဖြည်းဖြည်းရွေ့ရွေ့ ကွေ့လိုက်၏။

အခု အရေးအသားများနဲ့ စဖွင့်ထားတဲ့ ဒီဝတ္ထုရဲ့ ဇာတ်လမ်းဇာတ်ကွက်များဟာ ခဲရာခဲဆစ်ဖန်တီးယူရတဲ့ ဇာတ်လမ်း ဇာတ် ကွက် များတော့ ဟုတ်ဟန်မတူပါဘူး။ သာမန်အားဖြင့်ဆိုရင် စာဖတ်အားကောင်းသူအများစုက ဇာတ်ကွက်တချို့ကို ကြို တွေးလို့ ရနိုင်လောက်အောင် ရိုးစင်းတဲ့ ဇာတ်လမ်းတခုပဲဖြစ်ပါတယ်။ ဒါပေမယ့် ဝေဖန်ရေးဆရာ “မောင်စွမ်းရည်”ပြောတဲ့ ထိုအချိန်တုန်းက ထုထည်ကြီးမားလှတဲ့ “အပစ်အခတ်၊ အညှစ်အသတ်၊ အညစ်အပတ်” ဝတ္ထု စာရင်းဝင်မဟုတ်တာ တခု တည်းနဲ့ “မသိန်းရှင်ဆီပို့ ပေးပါ” ဝတ္ထုရဲ့ဂုဏ်ဟာ သန့် စင်မြင့်မားနေတဲ့သဘောရှိတယ်လို ယူဆမိပါတယ်။

စာရေးသူကိုယ်တိုင်က မီးရထားဝန်ထမ်းတဦးဖြစ်တာမို့ သူ့ ဘဝကိုယ်တွေ့ တချို့ကို ရသအဖွဲ့ အနွဲ့ များနဲ့ ရက်ရှယ် ထား လိုက်တဲ့သဘောမို့့“မသိန်းရှင်ဆီပို့ ပေးပါ” ဝတ္ထုဟာ မြန်မာ ဂန္ထဝင်မြောက် ဝတ္ထုတပုဒ်ဖြစ်လာခဲ့ပါတယ်။ အထူးသဖြင့် မှားယွင်းသော စီးပွားရေးစနစ်တခုရဲ့ သားကောင်များ၊ အနိဌာရုံများကို ပီပြင်ထင်ရှားစွာ ထင်ဟပ်ဖေါ်ပြနိုင်လို့လည်း ခေတ် တခေတ်ရဲ့ ရသမှတ်တမ်းဝင် သမိုင်းသက်သေဝတ္ထုတပုဒ်အဖြစ် လက်ခံခဲ့ကြရမယ့်သဘော ရှိပါတယ်။

ဇာတ်လမ်းအရ ရိုးစင်းတဲ့ဇာတ်လမ်းတပုဒ်သာဖြစ်တယ်လို့ ကျနော် အထက်ကပြောခဲ့ပါတယ်။ တောင်တွင်းကြီးမြို့ နဲ့  ကျောက်ပန်းတောင်းမြို့ ကြားခုတ်မောင်းတဲ့ ရထားတစင်းပေါ်က အချစ်ဇာတ်လမ်းတပုဒ်ဖြစ်ပါတယ်။ ထန်းလျက်မှောင်ခိုကူး တဲ့ ဆင်းရဲသူ မိန်းမပျိုလေး ညိုညို နဲ့ ရထားလိုက်လက်မှတ်စစ် ကိုရင်မောင်တို့ ရဲ့ လွမ်းမောဖွယ် အချစ်ဇာတ်လမ်းတပုဒ်ပါပဲ။ ဒါဆိုရင် ဘာပြုလို့ ဒီဝတ္ထုကို လူတွေအာရုံစိုက်ခဲ့ကြရသလဲ။ ဒီဝတ္ထုကို ဘာပြုလို့ ထပ်မံထုတ်ဝေခွင့် ရကောင်းမှ ရနိုင်မယ်လို့ ကျနော်ယူဆခဲ့တာလဲ။ ခိုင်မာတဲ့ သက်သေတွေ ဒီဝတ္ထုမှာ ရှိပါတယ်။

ပထမ ပိုင်းအနေနဲ့ ဒီဝတ္ထုရဲ့အတတ်ပညာပိုင်းက်ိစ္စကို ကျနော် အရင်ပြောချင်ပါတယ်။ ဆရာ“နိုင်ဝင်းဆွေ”ဟာ “မသိန်းရှင်ဆီ ပို့ ပေးပါ” ဝတ္ထုကို ဇာတ်ရှိန်တဆင့်ပြီးတဆင့် စနစ်တကျမြှင့်တင်သွားတဲ့နည်းနဲ့ ရေးပါတယ်။ ပဟေဠိ ဆန်ဆန် ဇာတ်လမ်း ဆင်တာမျိုးလုပ်ပြီး စာဖတ်သူကို ဆွဲခေါ်သွားတာမျိုးမဟုတ်ပေမယ့်၊ စာဖတ်သူက နောက်ဆုံးမှာ ဒီလိုပဲဖြစ်လာတော့မှာပဲ ဆိုတဲ့ ခန့် မှန်းသိ သိနေနိုင်ပေမယ့် ဇာတ်ဝင်ခန်း တခန်းပြီးတခန်း မဖြစ်မနေဆက်ဖတ်ချင်လောက်အောင် ရေးဖွဲ့ သွားနိုင်တာကတော့ တကယ့်ကို အံ့သြဖို့ ကောင်းတဲ့ အတတ်ပညာအရ အောင်မြင်မှုပါပဲ။ ကိုရင်မောင်က ရထားလိုက်လက်မှတ်စစ်၊ ညိုညိုက ပထမ ကုန်စိမ်းရောင်းသူ။ မျက်မမြင်ဖခင် လူမမာမိခင်နဲ့ မောင်ငယ်ကလေးကို လုပ်ကိုင်ကျွေးရသူ။

ရထားလက်မှတ်ဝယ်မစီးနိုင်သူ။ တနေ့ ရထားလက်မှတ် ဝယ်မစီးသူ ညိုညိုကို လက်မှတ်စစ်ကိုရင်မောင်က ဖမ်းဆီးမိရာက စလို့ သူတို့ နှစ်ဦးသိကျွမ်းရင်းနှီးကြ။ တနေ့ တခြား ကျပ်တည်းလာတဲ့ စီးပွားရေးဒဏ်ကြောင့် နောက်ဆုံးတော့ ညိုညိုက တင်းခံတောင့်ခံထားသည့်ကြားမှ ထိုစဉ်က တားမြစ်ကန့်သတ်ကုန် တခုဖြစ်သည့် ထန်းလျက်ကို မှောင်ခိုကူးရသည့် အဆင့် အထိ လုပ်ကိုင်လာခဲ့ရ။ နောက်ဆုံးတော့ စိတ်ဓာတ်နှင့်အကျင့်စာရိတ္တပျက်ပြားသူ လက်မှတ်စစ် ထွန်းမောင်က ညိုညိုကို ရထားပေါ်တွင် လိုက်လံဖမ်းဆီးဖို့ ကြိုးစားစဉ် ညိုညိုက မထင်မှတ်ဘဲ ရထားအကြိတ်ခံလိုက်ရလို့ သေဆုံးသွားရတဲ့ ကြေကွဲ စွာ နိဂုံးချုပ်ထားတဲ့ ဇာတ်လမ်းဖြစ်ပါတယ်။

ဒီဝတ္ထုရဲ့ အတတ်ပညာရေးအောင်မြင်မှုက စာဖတ်သူတိုင်းလိုလို ညိုညိုနဲ့ ကိုရင်မောင်တို့ ရဲ့ အပြုအမူ အနေအထိုင် အဆက် အဆံကိစ္စဟူသမျှ မျက်စိထဲ စွဲထင်နေစေလောက်အောင် ဖွဲ့နိုင်ရေးနိုင်တာ တွေ့ ရပါတယ်။

တောင်တွင်းကြီးဘူတာ ဦးကောင်းဇုံ ဈေးဆိုင်ရှေ့ညောင်ပင်အောက်က ထိုင်ခုံမှာ ညိုညိုက ထိုင်နေစဉ် ရထားကြီးကွေ့ ဝင် လာပုံ၊ ကိုရင်မောင်က အဝေးကြီးကတည်းက ညိုညိုကို လှမ်းမြင်နေရပုံ၊ သူတို့နှစ်ယောက် ထန်းလျက်မှောင်ခိုကုန်ကူးရ သည့် အခြေအနေဖြစ်လာသည့်တိုင် တယောက်နဲ့ တယောက် ထုတ်မပြောဘဲ စိတ်ခံစားချက်ကိုယ်စီနဲ့ ကြေကွဲကြရပုံ၊ ရထားဂါတ်ဗိုလ်တွဲပေါ်မှာ ကိုရင်မောင်က သူလက်ဆောင်ပေးတဲ့ အနီရောင်ပဝါစလေးကို ညိုညိုက လက်မခံရပါကောင်းလားဆိုပြီး ရထားပေါ်က ပစ်ချလိုက်တဲ့အခါ လမ်းပြင်အလုပ်သမားတွေက ရထားကြီးနောက်မှာ အပြေးအလွှားလိုက်ပါ ကောက်ယူနေကြပုံ၊ ဝှက်ထားတဲ့ ထန်းလျက်တောင်း အဖမ်းခံလိုက်ရလို့ ငိုယိုအသနားခံနေသူ ဆံပင်များဖွေးဖွေးဖြူနေတဲ့ အမယ်အို တဦးရဲ့မြင်ကွင်း၊ အစရှိတဲ့ဇာတ်ကွက် ပြကွက်များက နောင် ဒီဝတ္ထုကိုဖတ်မိသူအားလုံး ဆုံမိသည့်အချိန်တိုင်း တသသ ပြော မဆုံး ခံစားလို့ မဆုံးနိုင်အောင်ဖြစ်စေတဲ့ ဇာတ်ဝင်ခန်းများဖြစ်ခဲ့ပါတယ်။

ထန်းလျက်မှောင်ခိုကုန်ကူးရင်း ဘဝပျက်ကြရတဲ့ မအေးသွယ်၊ တင်တင်၊ မအေးရွှေတို့ လိုအမျိုးသမီးများ၊ ရထားရဲများ၊ ဂတ်ဗိုလ်များ၊ လက်မှတ်စစ်များ၊ ရှာဖွေရေးဝန်ထမ်းများ အစရှိတဲ့ မှောင်ခိုကုန်လောက အမှောင်အတွင်း ပျက်စီးခြင်းမက ပျက်စီးနေတဲ့ လူပုဂ္ဂိုလ်များရဲ့ စရိုက်လက္ခဏာများကိုလည်း ကွက်ကွက်ကွင်းကွင်းမြင်အောင် ရေးဖွဲ့ နိုင်တာတွေ့ ရပါတယ်။

ဒုတိယပိုင်းအနေနဲ့ မသိန်းရှင်ဆီပို့ ပေးပါ ဝတ္ထု အကြောင်းအရာပိုင်းကို ကျနော်ပြောချင်ပါတယ်။ ဝတ္ထုရဲ့ ဦးတည်ချက်၊ ဒီဝတ္ထု ကပေးတဲ့ ဒဿနကို လေ့လာခြင်းဖြစ်ပါတယ်။

ဆရာ နိုင်ဝင်းဆွေက “မသိန်းရှင်ဆီပို့ ပေးပါ” ဝတ္ထုမှာ လူတွေ အကျင့်စာရိတ္တပျက်ပြားရခြင်းဟာ စနစ်ကြောင့်ဖြစ်တာဆိုတဲ့ အယူအဆနဲ့ ရေးတာတွေ့ ရပါတယ်။ ငါ့ဝမ်းပူစာ မနေသာလို့ အစိုးရကန့်သတ်ထားတဲ့ ထန်းလျက်မှောင်ခိုကုန်ကူးကြ ရတာ ဖြစ်တယ်။ မှောင်ခိုကုန်တွေ လွတ်အောင် ရှောင်ကြရှားကြ ပေးကြကမ်းကြရင်းက လူတွေ စာရိတ္တပျက်ပြားရခြင်းဖြစ်တယ်။ ဝန်ထမ်းတွေအားလုံးလည်း ဒီမှောင်ခိုကုန်ကူးခြင်း အမှောင်တိုက်အတွင်းက သားကောင်များသာဖြစ်တယ် ဆိုတဲ့ အယူအဆ ကို အခြေခံပြီးမှ ရေးခဲ့တာ အထင်အရှားတွေ့ ရပါတယ်။ ဒီအယူအဆကို အခြေခံတယ်ဆိုပေမယ့် စာရေးသူကတော့ သူ့တ္ထု ထဲမှာ ဒီအယူအဆနဲ့ ပတ်သက်ပြီး အတုံးလိုက်အတစ်လိုက် ဖေါ်ပြတာမျိုး၊ ဇာတ်ကောင်တဦးဦးက တဆင့် တရားဝင် ဟောပြောတာမျိုး လုံးဝမလုပ်ဘဲ စာဖတ်သူတွေကို တဖြည်းဖြည်း တွေးထင်သိမြင်လာစေအောင် သိမ်မွေ့ ညက်ညောစွာ ရှင်းပြလိုက်တဲ့သဘောနဲ့ ရေးတာ တွေ့ ရပါတယ်။ စာရေးသူက လူတွေ အကျင့်စာရိတ္တပျက်ပြားရခြင်းဟာ စနစ်ဆိုးကြောင့် ဖြစ်တယ်ဆိုတဲ့ အချက်ကို ပေးချင် ပြောချင်တဲ့သဘောလို့ ယူဆရပါတယ်။

“မသိန်းရှင်ဆီပို့ ပေးပါ” ဝတ္ထုဟာ အတတ်ပညာနဲ့ အကြောင်းအရာကို အံဝင်ခွင်ကျ ပေါင်းစပ်မိအောင် ရေးတဲ့ ဝတ္ထု အဖြစ် ထင်ရှားခဲ့ပါတယ်။

“နိုင်ဝင်းဆွေ” ရဲ့ “မသိန်းရှင်ဆီပို့ ပေးပါ↔ဝတ္ထုဟာ စင်းလုံးချော လူတိုင်း ခြွင်းချက်မရှိ လက်ခံထားကြတဲ့ ဝတ္ထုတပုဒ်တော့ မဟုတ်ပါဘူး။ ဒီဝတ္ထုနဲ့ ပတ်သက်ပြီး ဝေဖန်ပြစ်တင်ကြသူတွေလည်း ရှိပါတယ်။ ဥပမာ ဒီဝတ္ထုဟာ “ဘဝသရုပ်ဖေါ်” သက် သက်ဝတ္ထုသာဖြစ်တယ်၊ လူတွေ ဆင်းရဲဒုက္ခရောက်နေတာကိုပဲ ကွက်ပြီးဖေါ်ပြတဲ့ဝတ္ထုဖြစ်တယ်၊ တကယ်တော့ လူတွေ ဒီအမှောင်ထုအတွင်းက ဘယ်လို ဖောက်ထွက်ရမလဲဆိုတဲ့ “ထွက်ပေါက်” ကိုဖေါ်ပြပေးနိုင်တဲ့ “ဘဝသရုပ်မှန်” ဝတ္ထုတပုဒ် တော့ မဟုတ်ဘူးဆိုတဲ့ ဝေဖန်မှုတွေလည်း ရှိခဲ့ပါတယ်။

အထူးသဖြင့် ထန်းလျက်မှောင်ခိုသမလေး ညိုညို ရထားအကြိတ်ခံရလို့ ဒေါသပေါက်ကွဲနေတဲ့ ကိုရင်မောင်က လက်မှတ်စစ် ထွန်းမောင်ကို မထနိုင်တဲ့အထိ လဲကျသွားအောင် ထိုးကြိတ်လိုက်တဲ့အချက်ဟာ တကယ်တော့ ထွက်ပေါက်အမှားသာဖြစ် တယ် ဆိုတဲ့ ဝေဖန်မှုတွေလည်း ရှိခဲ့ပါတယ်။ ညိုညိုနဲ့ ကိုရင်မောင်နည်းတူ ထွန်းမောင်ဟာလည်း စနစ်တခုရဲ့သားကောင်သာဖြစ်ပြီး သားကောင်အချင်းချင်း ရန်သူလိုဖြေရှင်းခြင်းဟာ မှားယွင်းတဲ့ဖြေရှင်းနည်းသာဖြစ်တယ်ဆိုတဲ့ ဝေဖန်သံများကိုလည်း ကြားခဲ့ကြရပါတယ်။

ဘယ်လိုပဲဖြစ်ပါစေ “မသိန်းရှင်ဆီပို့ ပေးပါ” ဝတ္ထုရဲ့ဂယက်ဟာ ကြီးပါတယ်။ ၁၉၆၅ နဲ့ ၁၉၇၅ ခုနှစ် ဆယ်စုနှစ်တခုအတွင်း စကားပြေ အရေးအသား အကောင်းဆုံးစာရေးဆရာဖြစ်တယ်ဆိုတဲ့ အောင်မြင်မှုမျိုးအထိ ပြောဆို သတ်မှတ် ထင်ရှားခဲ့သူ စာရေးဆရာနိုင်ဝင်းဆွေဟာ ဒီလိုဝတ္ထုမျိုးရေးနိုင်စွမ်းရှိလို့သာ အခုလို သတ်မှတ်ချီးကျူးခံရတာဖြစ်ပါတယ်။

ဒီဝတ္ထု ပထမ အကြိမ် ထုတ်ဝေစဉ်က အမှာစာရေးပေးခဲ့သူ ကဗျာဆရာကြီး “ဒဂုန်တာရာ” ရဲ့မှတ်ချက်ကလည်း စိတ်ဝင်စား စရာပါ။

“ယခု နိုင်ဝင်းဆွေ၏ ‘မသိန်းရှင်ဆီပို့ ပေးပါ‛ ဝတ္ထုအတွက် ပြောစရာသိပ်မရှိပါ။ သူ့ ဝတ္ထု ကိုယ်တိုင်ကပင်လျင် သူ့ ခေတ်၏ ပြည်သူ့ အစီရင်ခံစာ တရပ်ကို တင်သွင်းထားပါသည်”လို့ ဆရာကြီး ဒဂုန်တာရာက သူ့ ရဲ့အမှာစာထဲမှာ မှတ်ချက်ပေး ရေးခဲ့ ပါတယ်။

အခုဆိုရင် ဆရာနိုင်ဝင်းဆွေရဲ့ ဝတ္ထုတွေကို ပြန်လည်ထုတ်ဝေခွင့်ပြုတော့မယ်လို့ ဆိုပါတယ်။ ဒါပေမယ့်လည်း“မသိန်းရှင်ဆီပို့ ပေးပါ” ဝတ္ထုဆိုတာက ပြည်သူတွေရဲ့ဘဝအမှန်ကို တစုံတရာ ထင်ဟပ်ဖေါ်ပြထားတဲ့အပြင် ဒီဝတ္ထုထဲမှာဖေါ်ပြတဲ့ စနစ်ဆိုး တခုကြောင့် လူတွေဆင်းရဲမွဲတေကြရပုံ၊ ဝန်ထမ်းတွေ အကျင့်စာရိတ္တ ပျက်စီးကြရပုံတွေက လက်ရှိခေတ်အဖြစ်အပျက်တွေ နဲ့ တထပ်တည်း ကျနေသေးတာမို့ စစ်အစိုးရ စာပေစိစစ်ရေးအနေနဲ့ ဒီ “မသိန်းရှင်ဆီပို့ ပေးပါ” ဝတ္ထုကို ပြန်လည်ထုတ်ဝေခွင့် ပေးမှ ပေးပါ့မလား။ စဉ်းစားဖွယ်ဖြစ်ပါတယ်။

အခုတော့ ဆရာ“နိုင်ဝင်းဆွေ” ကွယ်လွန်တာ (၁၅) နှစ်ပြည့်ပါပြီ။ ဆရာနိုင်ဝင်းဆွေက ၁၉၉၅ခု ဧပြီလထဲမှာ သေဆုံးခဲ့ ပါတယ်။ “မသိန်းရှင်ဆီပို့ ပေးပါ” ဝတ္ထုရဲ့သက်တမ်းဟာလည်း နှစ် (၄၀) ပြည့်ပါပြီ။ ဒါပေမယ့်လည်း “မသိန်းရှင်ဆီပို့ ပေးပါ” ဝတ္ထုထဲက ညိုညိုလို ကိုရင်မောင်လို ဇာတ်ကောင်တွေကတော့ ရထားဘူတာရုံတွေ၊ ကားဆိပ်နဲ့ ဈေးတွေ၊ လူသွားလမ်း ပလက်ဖောင်းတွေပေါ်မှာ အခုထက်ထိ တယောက်နဲ့ တယောက် ပခုံးချင်းထိလုမတတ် လမ်းလျောက်သွားလာနေကြတုန်း ဆိုတာ အထင်အရှားတွေ့ နေရဆဲပါ။   ။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်