လက်ဖက်ရွက်များကို ဖတ်ရှုခြင်း

အင်မာလာကင် (Emma Larkin)သည် ဂျော့ခ်ျအော်ဝယ်လ်၏အတိတ်ကို ရှာဖွေလေ့လာရင်း မြန်မာပြည်၏ မျက်မှောက် ကာလကိုပါ နှိုင်းယှဉ် ဖော်ထုတ်ပြသလိုက်သည်။

 

လက်ဖက်ရည်ဆိုင်ထိုင်သည့် အကျင့်ရရှိပြီး စာရူးပေရူးများ၊ စာတတ်ပေတတ် များ၊ ကျောင်းသားများ ၊ တခါတရံ ခပ်ပေပေ အရာရှိများနှင့် စကားစမြည် ပြောဆိုရင်း အချိန်ဖြုန်းရသည်မှာ မဆိုးလှပါ။ ကိုလိုနီခေတ် မြန်မာပြည်၌ ဂျော့ခ်ျအော်ဝဲလ် ဖြတ်သန်းခဲ့သည့် ကာလများကို ခြေရာခံရာတွင် အင်မာ လာကင်သည် မြန်မာပြည်သူပြည်သားများ၏ဘ၀၌ ထူးခြားသော အလေ့ အကျင့်တခုဖြစ်သည့် လက်ဖက်ရည်ဆိုင် ထိုင်ခြင်းကို သူမ၏ ပြည့်စုံသော စာအုပ်သစ် လျှို့ဝှက်သမိုင်းများ၏ အဓိကအရင်းအမြစ်တခုအဖြစ် အသုံးပြု ခဲ့သည်။

အော်ဝဲလ်သည် ဗြိတိသျှကိုလိုနီစံနစ်တွင် ပုလိပ်အရာရှိတယောက်အဖြစ် ၁၉၂၀ ခုနှစ်များ၌ ငါးနှစ်တာဝန် ထမ်းဆောင်ခဲ့ဖူးသည်။ လာကင်၏ အဆိုအရ ဤ အတွေ့အကြုံများသည် မြန်မာပြည်နေ့များ(Buremese Days)၊ ခြေလေးချောင်း တော်လှန်ရေး (Animal Farm) နှင့် ၁၉၈၄ စသည့် ၀တ္ထုကြီးများမှ တဆင့် မျက်မှောက်ခေတ်မြန်မာပြည်၏ သမိုင်းကြောင်းကို ကြိုတင်ပြောပြခဲ့သော ထူးဆန်းသည့်နိမိတ်ပြ ဇာတ်လမ်းသုံးတွဲ၏ မြစ်ဖျားခံရာ ဖြစ်ပါသည်။

မန္တလေး ၊ ရန်ကုန် ၊ စစ်တွေ ၊ ဧရာဝတီမြစ်ဝကျွန်းပေါ်ရှိ တွံတေးနှင့်မြောင်းမြ၊ မော်လမြိုင် နှင့် မြန်မာပြည်နေ့များ ၀တ္တု၏ နောက်ခံဒေသဖြစ်သော မြန်မာပြည် မြောက်ပိုင်း ကသာမြို့ရှိ ရာသီဥတု ဆိုးရွားသောစခန်းတခုအပါအ၀င် တာဝန် ကျရာဒေသများသို့ သွားရောက်လေ့လာခြင်းဖြင့် လာကင်သည် ( ၁၀ )နှစ်နီးပါး အချိန်ယူခဲ့သည်။

မြန်မာပြည်သည် အော်ဝဲလ် အထင်အမြင်ကြီးစရာ ဖြစ်ခဲ့သည်။ သို့သော်လည်း သူသည် ဆင်တကောင်ကို ပစ်သတ်ခဲ့၏။ လူများ ကြိုးပေးခံရသည်ကို ကြည့်ခဲ့၏။ ဓားပြနှင့် လူသတ်သမားများ နောက်သို့ လိုက်ခဲ့၏။ ဘူတာရုံတွင်လူငယ်တချို့ အား ရိုက်ခဲ့၏ ။ အခိုင်းအစေ တချို့ကို မကြာခန ညှဉ်းပမ်းခဲ့၏။ မြန်မာအမျိုးသမီးတဦးကို အငယ်အနှောင်း ထားခဲ့ကောင်း ထားခဲ့မည် ဖြစ်သည်။ သူသည် ဟိန္ဒူဘာသာ ၊ မြန်မာဘာသာနှင့် ကရင်ဘာသာတချို့ကိုပင် လေ့လာခဲ့၏။ အကူအညီ တောင်းရန်နှင့် ခိုင်းစေရန်မှအပ အခြားဘာကိုမှ လေ့လာသင်ယူရန် ဆန္ဒမရှိကြသော နိုင်ငံခြားသားများအား ပြက်ရယ် ပြုလေ့ရှိသည်။ ထိုအတွေ့အကြုံများသည် အင်ပါယာဖွား အဲရစ်ဘလဲ(Eric Blair) အား တော်လှန်သမား ဂျော့ဂ်ျအော်ဝဲလ် အဖြစ် ပြောင်းလဲပစ်ရာတွင် အရေးကြီးသော အတွေ့အကြုံများဖြစ်သည်။

လာကင်၏ သုတေသနသည် စံနစ်ကျ၍ ရှင်းလင်းသည်။ အော်ဝဲလ်ရေးသမျှ စာအုပ်များကို ဖတ်ရှု ထားဟန်ရှိပြီး သူမသည် ကိုလိုနီခေတ် မြန်မာပြည်တွင် အော်ဝဲလ် တွေ့ကြုံဖြတ်သန်းခဲ့သော လမ်းကြောင်းမှုန်ဝါးဝါးအတိုင်း ခြေရာခံခဲ့သည်။ အခြား လေ့လာသူများနှင့်မတူဘဲ သူမသည် ဘာသာ စကားတတ်ကျွမ်းသည်။ အတွင်းကျကျ တွေ့ဆုံမေးမြန်းမှုများ ပြုလုပ်သည်။ ကြုံရာကျပန်းစကားပြောသည်။ ပွင့်လင်းရိုးသားသော နေ့စဉ်သုံး ဟာသများကို အသုံးပြုသည်။ ဤကဲ့သို့သော နိုင်ငံရေး ဆိုင်ရာ ခရီးသွားဆောင်းပါးများသည် ဤတိုင်းပြည်နှင့် ပတ်သက်၍ ရေးသားခဲ့သမျှ မှန်ကန်တိကျသော စာအုပ်များထဲတွင် တခုအပါအ၀င်ဖြစ်သည်။

အော်ဝဲလ်၏ အတိတ်အကြောင်းစူးစမ်းရှာဖွေခြင်းသည် လက်ဖက်ရည်ဆိုင်ပေါင်း များစွာမှ တဆင့် ယနေ့ခေတ်မြန်မာပြည်၏ စစ်အုပ်ချုပ်ရေးသဘာဝများကို လေ့လာစူးစမ်းရာ၌ မရှိမဖြစ် လိုအပ်သော နည်းလမ်းကိရိယာတခုပင် ဖြစ်သည်။ ဤကဲ့သို့ အတင်းအဖျင်းများနှင့် တွက်ကိန်းသံသရာထဲသို့ ထိုးထွင်းဝင်ရောက်ရင်းဖြင့် လာကင်သည် မြန်မာလူမျိုးများ၏ ကောလာ ဟလအနုပညာကို မီးမောင်းထိုး ပြသည်။ ဘောင်ခတ်ထားသောအတွေးများနှင့်လုပ်ရပ်များကြောင့် သွားလာလှုပ်ရှားမှု၊ ရေးသားပြောဆိုမှု နှင့် ပညာရေးဆိုင်ရာအခွင့်အရေးများကို လူများက ငြင်းပယ်ခဲ့ကြသည် ဟူသော ကမ္ဘာကြီး၏ တိမ်းချော် နေသော အမြင်ကိုလည်း ဖော်ပြခဲ့သည်။ တဘောင် များ၏ကြီးမားလာသော သြဇာသည်လည်း အာဏာရှင်စံနစ်၏ ထွက်ကုန်တခုဖြစ်သည်။ ဤကောလာဟလများနှင့် ဟောကိန်းများသည် စိတ်တထင့်ထင့်ဖြင့် မြန်မာပြည် လေထုထဲ ပျံ့နှံ့လျက်ရှိသည်။ တခုခုတော့ ဖြစ်တော့မှာဘဲဟူသည့် ချောက်ချားဘွယ်ရာ ခံစားချက်မျိုး အမြဲဖြစ်ပေါ်နေသည်။

လာကင်စုစည်းထားသည့် လက်တန်းစာအုပ်ကလပ်တွင် အော်ဝဲလ်၏လက်ရာ ၀တ္ထုဇာတ်လမ်းတွဲ (၃)ခုနှင့် ကျော်ကြားသော အက်ဆေးတပုဒ်ဖြစ်သည့် ဆင်တကောင်အား ပစ်သတ်ခြင်း တို့၏ မြန်မာအဓိပ္ပါယ် ပြန်ဆိုချက် အကြောင်း ဆွေးနွေးထား သည်။ ဤစကားပြောများနှင့် စာရေးဆရာများ ၊ နိုင်ငံရေး အကျဉ်းသား များနှင့် အခြားသူများ၏ နေ့စဉ်ဘ၀ ရုပ်ပုံလွှာများမှ တဆင့် အော်ဝဲလ်၏ ဖိနှိပ် ချုပ်ချယ်မှု နှင့်ပတ်သက်သော အမြင်များ၊ ထိုအမြင်များအား စုစည်းတည်ဆောက်ပုံနှင့် လူအများ အပေါ်သက်ရောက်မှုသည် ယနေ့ခေတ် မြန်မာပြည်နှင့် များစွာဆက်စပ်မှုရှိကြောင်း ထင်ရှားပါသည်။

လျှို့ဝှက်သမိုင်းများတွင် အဓိကလွဲချော်ပုံရသောနေရာမှာ ၁၉၈၄ ၀တ္တုနှင့် စစ်အစိုးရအုပ်ချုပ် သော မြန်မာပြည်ကို နီးစပ်စွာ နှိုင်းယှဉ်ခြင်းဖြစ်သည်။ စာရေးဆရာတဦး၏ ကျွမ်းကျင်မှုမျိုးဖြင့် ဤကဲ့သို့ ရိုးစင်းလှသည့် နှိုင်းယှဉ်မှုမျိုးတွင် ပေါ်ပေါက်လာ တတ်သော ဆီသည်မလက်သုတ်ဆောင်ပုဒ်များကို ရှောင်ရှားခဲ့သည်။ အတွေးအခေါ်ထိန်းချုပ်မှု ၊ ၀ါဒဖြန့်ချီရေးနည်းပေါင်းစုံ ၊ စိစစ်ရေး ၊ နှင့် သမိုင်းနှင့် မျက်မှောက်ခေတ်ရေးရာများအား ပုံဖျက်ခြင်း အပါအ၀င် အော်ဝဲလ်၏ အာဏာရှင်စံနစ် သရုပ်ဖော် လက္ခဏာရပ်များသည် မြန်မာပြည်နှင့် တပုံစံတည်း ဖြစ်သည်။

စာရေးဆရာ၏ မြန်မာပြည်အတွေ့အကြုံများသည် ထိုစာအုပ်မျုားထဲတွင် ရောင်ပြန်ထင်ဟပ်မှု ရှိသော်လည်း အော်ဝဲလ်၏ နိုင်ငံရေးဆိုင်ရာအကောင်းဆုံးလက်ရာများကို မြန်မာပြည်က အဓိက သြဇာ လွှမ်းမိုးထားသည် ဆိုသည့် အချက်မှာမူ အနည်းငယ် ချဲ့ကားထားသည်ဟု အငြင်းပွားဘွယ် ရှိသည်။ ကွန်မြူနစ်များ၏ စပိန်ပြည်တွင်းစစ်တွင် သူ၏ မင်းမဲ့ဝါဒီ အဖွဲ့ကသစ္စာဖောက်မှု ၊ ဥရောပ ဖက်ဆစ်ဝါဒ၏ ရက်စက်ကြမ်းကြုတ်မှုနှင့် ၁၉၃၀ ခုနှစ် များက စတာလင်၏ သုတ်သင် ရှင်းလင်းမှု ၊ စသည့်အချက်များက ဗျူရိုကရေစီကိုလိုနီနယ်ချဲ့စနစ်ကို မုန်းတီးတတ်လာသော မြန်မာပြည် အတွေ့အကြုံ များထက် အော်ဝဲလ်၏ ခြေလေးချောင်းတော်လှန်ရေးနှင့် ၁၉၈၄ စာအုပ်များပေါ်တွင် သြဇာသက်ရောက်မှု ပို၍ကြီးမားစွာ ရှိနိုင်ပါသည်။

အော်ဝဲလ်၏ စက်မှုနိုင်ငံများ၏အနိဋ္ဌာရုံများ အပေါ် စိတ်ပျက်လက်ပျက်ဖြစ်ခြင်း နှင့် မြန်မာပြည်၏ ခေတ်နောက်ကျသော ကျေးလက်ဒေသအပေါ် ရှုမြင်ချက်အကြားတွင် လုံးလုံးလျားလျား ကွာခြားချက် ရှိပါသည်။ သို့သော်ထိုစံနစ်နှစ်ခုလုံးတွင် တူညီသောအချက်မှာ အကြောက်တရားဖြင့် ထိန်းချုပ်ခြင်းပင် ဖြစ်ပါသည်။ မြန်မာလူမျိုးတဦးက လာကင်ကို ပြောကြား သကဲ့သို့ “သူတို့မှာ သတင်းပေးတွေရှိတာမရှိတာက အရေးမကြီးပါဘူး။ သူတို့ရဲ့သတင်းပေးတွေ နေရာတကာမှာရှိနေ တယ်လို့ ကျနော်တို့ ယုံကြည်နေတယ်ဆိုရင် လုံလောက်ပါပြီ ၊ အဲဒီတော့မှ သူတို့အတွက် အလုပ်တွေကို ကျနော်တို့ လုပ်ပေးရတော့တာပေါ့”

အော်ဝဲလ် နောက်သို့ ခြေရာခံလိုက်ခြင်းသည် စိတ်ဝင်စားစရာကောင်းသကဲ့သို့ပင် ဤစာအုပ်၏ အဓိကအားသာချက်မှာ သူမကြုံတွေ့ခဲ့သော စိတ်ဝင်စားစရာ လူတချို့၏ မျှော်လင့်ချက်များ ၊ စိတ်ပျက်လက်ပျက်ဖြစ်မှုများ ၊ဒေါသများ ၊ တီထွင် ကြံဆမှုများအား ပြန်လည်တင်ပြထားပုံပင် ဖြစ်သည်။ သာမန်ပြည်သူအများအပြားမှာ ယုံတ၀က်မယုံတ၀က် ခန့်မှန်းတွက် ချက်ခြင်း၊ အနာဂတ်၏ အရိပ်အယောင် များကို လက်ဖက်ရည်ခွက်ထဲတွင် ရှာဖွေခြင်းတို့ဖြင့် ဗျာများနေကြသည်။ အနှစ် လေးဆယ် စစ်အုပ်ချုပ်ရေး သည် လူအများ စကားကျယ်ကျယ် မပြောဘဲတွတ်ထိုးကြသော ၊ တ၀မ်းတခါးအတွက် နေ့စဉ် ရုန်းကန် လှုပ်ရှား ရသော အာဏာရှင်စံနစ်ကို မွေးဖွားထုတ်လုပ်ပေးခဲ့သည်။

စာပေစိစစ်ရေးအဖွဲ့က ဘ၀အကြောင်း သရုပ်မဖော်နဲ့ ဟု သူ့ကို သတိပေးဖူးကြောင်း လာကင် စကားပြော ခဲ့သော ကဗျာ ဆရာတဦးက ပြောပြသည်။ အော်ဝဲလ်သည် ဤစံနစ်အကြောင်းကို သိရှိခဲ့သည်။ ဤစံနစ်ကို နောက်ဆုံးတွင် ကျော်လွှား အနိုင်ယူနိုင်မည့် လူထု၏အစွမ်းကိုလည်း နားလည်ခဲ့သည်။

လျှို့ဝှက်သမိုင်းများ သည် မြန်မာပြည်သူများနှင့် သူတို့၏ ခန္တီပါရမီကို အလေးအမြတ် ဂါရ၀ပြုသော စာအုပ် ဖြစ်ပါသည်။    ။

(၂၀၀၄ ခုနှစ် နိုဝင်ဘာလထုတ် ဧရာဝတီမဂ္ဂဇင်းမှ David Scott Mathieson ၏ Reading Tea Leaves ကို ဆီလျော်အောင်
ဘာသာပြန်ပါသည်)

 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်