ဆုံးဖြတ်ချက် မချမီ ရက်သတ္တပတ် အနည်းငယ်အထိ NLD ခေါင်းဆောင်တချို့က ရွေးကောက်ပွဲဝင်ရန် စဉ်းစားခဲ့ကြကြောင်း သိရသည်။ သို့သော် ဒေါ်အောင်ဆန်းစုကြည်က လက်ရှိအနေအထားတွင် သူ့အနေဖြင့် ပါတီမှတ်ပုံတင်ခြင်းကို သဘောမတူ နိုင်ကြောင်း ၂၉ ရက်နေ့ မတိုင်မီက သူ၏ ရှေ့နေ ဦးဉာဏ်ဝင်းမှတဆင့် ပြောခဲ့သည်။ ဒေါ်အောင်ဆန်းစုကြည်က ထိုကဲ့သို့ ပြောဆိုလိုက်သည့် နောက်ပိုင်း ပါတီခေါင်းဆောင်များအတွင်း သဘောထား သိသာစွာပြောင်းလဲခဲ့သည်။
NLD ၏ ရွေးကောက်ပွဲမ၀င်ရေး ဆုံးဖြတ်ချက်အပေါ် တုံ့ပြန်မှုအမျိုးမျိုး ရှိခဲ့သည်။ ပြည်တွင်း ပြည်ပရှိ တက်ကြွလှုပ်ရှားသူများ နှင့် နိုင်ငံရေး အင်အားစုများအပါအ၀င် မြန်မာ လူထုအကြား NLD ၏ ဆုံးဖြတ်ချက်ကို အားပေးမှုများရှိသကဲ့သို့ စိတ်ပျက်မှု များလည်းရှိသည်။
NLD အနေနှင့် မယုံကြည်နိုင်လောက်အောင်ပင် ပါတီကို အထိနာစေသော ဆုံးဖြတ်ချက်ကို ချမှတ်ခဲ့သည်လည်း ဖြစ်နိုင်သည်။ NLD အထိနာခဲ့သည်မှာ ယခုမှ မဟုတ်ပါ။ စစ်အစိုးရက NLD အပြတ်အသတ် အနိုင်ရခဲ့သော ၁၉၉၀ ရွေးကောက်ပွဲ ရလဒ်ကို လည်း လျစ်လျူရှုခဲ့သည်မှာ အများအသိပင်ဖြစ်သည်။ သို့သော် NLD အနေနှင့် ပါတီဖျက်သိမ်းရမည့် အခြေအနေနှင့် ရင်ဆိုင် ရသည်မှာ ယခုအကြိမ်သည် ပထမဆုံး အကြိမ်ဖြစ်သည်။
ရွေးကောက်ပွဲ ဥပဒေအသစ်အရ ရွေးကောက်ပွဲအတွက် မှတ်ပုံမတင်သည့် မည့်သည့်ပါတီမဆို ဖျက်သိမ်းခံရမည်ဖြစ်သည်။ ဆယ်စုနှစ် နှစ်ခုကျော် ကြာခဲ့သည့် မြန်မာ့ဒီမိုကရေစီ ဖော်ဆောင်ရေးလမ်းကြောင်းအရ အနာဂတ် မြန်မာ့ နိုင်ငံရေးတွင် NLD မပါဘဲ စိတ်ကူးကြည့်၍ မဖြစ်နိုင်သလောက် ရှိသည်။
သို့သော် ယခင်ကလည်း NLD အနေနှင့် ပါတီ မူဝါဒထက် မည်သည့်အရာကိုမှ ရှေ့တန်း မတင်ခဲ့သည့် အခြေအနေများရှိခဲ့ သည်။
“အခုလို အကျင့်ပျက် ခြစားပြီး တရားမျှတမှုမရှိတဲ့ ဥပဒေစနစ်အောက်မှာ ဒေါ်အောင်ဆန်းစုကြည်နဲ့ ထောင်ကျနေတဲ့ ပါတီ ၀င်တွေကို ကျနော်တို့ ပါတီကနေ ထုတ်မပစ်နိုင်ပါဘူး၊ သူတို့မပါဘဲနဲ့ ပါတီဟာ ဘာမှ ဖြစ်လာမှာ မဟုတ်ပါဘူး"ဟု NLD ပါတီကို တည်ထောင်ခဲ့သူ တဦးဖြစ်သည့် ဦးဝင်းတင်က မတ်လ ၃၀ ရက်နေ့ထုတ် ၀ါရှင်တန်ပို့စ် သတင်းစာတွင် ရေးသားထား သည်။
အဆိုပါ ရပ်တည်ချက်သည် လေးစားလောက်ဖွယ် ဖြစ်နိုင်ပါသည်။ သို့သော် ပါတီ အမှုဆောင်အဖွဲ့ဝင် ၁၁၃ ယောက်၏ တညီ တညွတ်တည်း မဲခွဲဆုံးဖြတ်ချက်က တရားဝင်ဖွဲ့စည်း ရပ်တည်လာခဲ့သော နိုင်ငံရေး အင်အားစု တခုကို ဖျက်သိမ်းပစ်တော့ မည်မှာလည်း ၀မ်းနည်းစရာ ဖြစ်သည်။
၁၉၉၀ ရွေးကောက်ပွဲတွင် အမတ်နေရာ ၈၀ ရာခိုင်နှုန်းကျော် အနိုင်ရခဲ့သော NLD မပါဘဲနှင့် မဲပေးရမည့် ပြည်သူလူထုမှာ စစ်အစိုးရ ထိန်းချုပ်ထားသော လာမည့် ရွေးကောက်ပွဲတွင် ရွေးချယ်စရာ အနည်းငယ်သာ ရှိတော့မည်။
NLD အနေနှင့် ရွေးကောက်ပွဲဝင်ရန် ဆုံးဖြတ်ခဲ့လျှင်ရော ဘာဖြစ်လာမည်နည်း။ စစ်အစိုးရ၏ သိသိသိသာသာ ဖိနှိပ်မှုများကြား က ပင် NLD အနေဖြင့် ရွေးကောက်ပွဲတွင် နိုင်ရန် အခွင့်အခါကောင်း ရလိမ့်မည်ဟု ယုံကြည်ပါသည်။ အဘယ့်ကြောင့် ဆို သော် တနိုင်ငံလုံးရှိ မဲဆန္ဒရှင်များက NLDအား ယခင်ကကဲ့သို့ပင် ရှင်သန်နေသည်ကို ယခုထိတိုင် မြင်တွေ့ချင်ကြသည့် အတွက်ကြောင့်ဖြစ်သည်။
ယခုကဲ့သို့ NLD က ရွေးကောက်ပွဲ မ၀င်ရေး ဆုံးဖြတ်လိုက်ခြင်းသည် ဒေါ်အောင်ဆန်းစုကြည်နှင့် NLD ကို နိုင်ငံရေးတွင် မပါဝင်နိုင်ရန် ပြုလုပ်ထားသည့် စစ်ဗိုလ်ချုပ်များအတွက် ၀မ်းသာစရာဖြစ်ပေမည်။
လတ်တလော သိချင်ကြသည်မှာ NLD အနေနှင့် နောက်တဆင့် ဘာဆက်လုပ်ရန် အစီအစဉ်များ ရှိသနည်း။ မြေအောက် အဖွဲ့အစည်း ဖြစ်သွားမည်လား၊ ပါတီ ဖျက်သိမ်းမခံရစေရန် ဒေါ်အောင်ဆန်းစုကြည်က စွမ်းဆောင်နိုင်မည်လား၊ ဒေါ်အောင်ဆန်းစုကြည်၏ နောက်ထပ် လှုပ်ရှားမှုက ဘာဖြစ်မည်လဲ ဆိုသည့် အချက်များပင်ဖြစ်သည်။
စစ်အစိုးရကို ဥပဒေဘောင်အတွင်းမှ ဆန့်ကျင်တော်လှန်ရင်း ၂၂ နှစ်ကြာ ရပ်တည် ထိန်းထားနိုင်ခဲ့သော မဟာဗျူဟာကို ယခု NLD က စွန့်လွှတ်လိုက်ပေပြီ။ NLD အနေဖြင့် မည်သို့ ရှေ့ဆက်မည်ကို ကြည့်ရပေတော့မည်။ မည်သို့ပင် ဖြစ်စေ စစ်အစိုးရ အတွက်မူ အကွက်ချထားသည့်အတိုင်း အရာရာ အလုပ်ဖြစ်သွားလေပြီ။ NLD ကို မြန်မာ့နိုင်ငံရေး ပုံရိပ်ထဲမှ ဆွဲထုတ်ပစ်ရန် သာ ကျန်တော့သည်။
နောက်ဆုံး မေးစရာရှိသည်က NLD ၏ ဆုံးဖြတ်ချက်သည် စစ်အုပ်ချုပ်မှုကို တရားဝင် ဖြစ်လာစေရေးဆိုသည့် စစ်အစိုးရ၏ ပြင်းပြသော ရည်မှန်းချက်ကို ပြိုလဲသွားစေမည်လားဟူသည့် မေးခွန်းပင်ဖြစ်သည်။
အကယ်၍ နိုင်ငံတကာ အသိုင်းအဝိုင်းအနေနှင့် စစ်အစိုးရ၏ ရွေးကောက်ပွဲကို လက်ခံလိုက်လျှင် ရွေးကောက်ပွဲ မ၀င်ရေး ဆုံးဖြတ်ခဲ့သော NLD ပါတီ၏ အခန်းကဏ္ဍသည်လည်း အဆုံးသတ်ကောင်း သတ်သွားလိမ့်မည်။ သို့သော် NLD ၏ ရွေးကောက်ပွဲမ၀င်ရေး ဆုံးဖြတ်ချက်သည် ထည့်သွင်းစဉ်းစားစရာ ကိစ္စတခု ဖြစ်လာပါက ထိုဆုံးဖြတ်ချက်သည် NLD ၏ ကြီးမားသော အောင်ပွဲတရပ်အဖြစ် သက်သေပြနိုင်ပေလိမ့်မည်။
End of the Road? အယ်ဒီတာ့ အာဘော်ကို ဆီလျော်အောင် ပြန်ဆိုဖော်ပြပါသည်။
| < Prev | Next > |
|---|
