သို့ရာတွင် ရွေးကောက်ပွဲ အလွန်တရာနီးကပ်လာချိန်၌ ၁၉၉၀ ခုနှစ်တွင် NLD နှင့်အတူ အနိုင်ရရှိခဲ့သောတိုင်းရင်းသား နိုင်ငံရေးပါတီများက “ကလေးမြို့ဆုံးဖြတ်ချက် ကြေညာစာတမ်း” ဆိုသည့် နိုင်ငံရေးရည်မှန်းချက် ၄ ရပ် အပေါ် အခြေခံသည့် ဒုတိယ ပင်လုံညီလာခံတခုကို ခေါ်ယူကျင်းပရန် ကြေညာချက်တရပ် ထုတ်ပြန်ခဲ့သည်။
ထိုရည်မှန်းချက်များမှာ အာဏာရှင်စနစ်ချုပ်ငြိမ်းရေး၊ ဒီမိုကရေစီ ဖော်ဆောင်ရေး၊ လူ့အခွင်အရေးနှင့် တိုင်းရင်းသား အားလုံး၏ ညီညွတ်သောအင်အားဖြင့် အမျိုးသားပြန်လည်သင့်မြတ်ရေး ဖော်ဆောင်ရေးတို့ ဖြစ်သည်။
ထို့အပြင် ၎င်းကြေညာချက်က ၂၀၀၈ ဖွဲ့စည်းပုံအခြေခံဥပဒေတွင် ပြဌာန်းထားသော တပြည်ထောင်စနစ်ကို ကန့်ကွက်သကဲ့သို့ သမိုင်းတလျှောက် စစ်အစိုးရအဆက်ဆက်က တိုင်းရင်းသားများအပေါ် စွပ်စွဲခဲ့သော ပြည်ထောင်စုမှ ခွဲထွက်ရေးကိုလည်း ကန့်ကွက်ထားပြီး တိုင်းရင်းသားအားလုံး တန်းတူအခွင့်အရေးရှိမည့် ဖယ်ဒရယ် ပြည်ထောင်စုစနစ်ကို တည်ထောင်ရန် ထပ်မံ၍ အတည်ပြုခဲ့သည်။
ပထမ ပင်လုံညီလာခံကို ၁၉၄၇ ခုနှစ် ဖေဖော်ဝါရီလတွင် ကျင်းပခဲ့သည်။ ဗြိတိသျှ ကိုလိုနီလက်အောက်မှ လွတ်လပ်ရေး ရယူရန်အတွက် ဗိုလ်ချုပ်အောင်ဆန်း၏ ဦးဆောင်မှုအောက်တွင် တိုင်းရင်းသားခေါင်းဆောင်များ စုစည်းညီညွတ်ခဲ့ကြသည်။
ယခုထွက်ရှိလာသော ကြေညာချက်အသစ်တွင် အမျိုးသားစည်းလုံးညီညွတ်ရေး ဖော်ဆောင်ရန်အတွက် တိုင်းရင်းသား နိုင်ငံရေးခေါင်းဆောင်များသည် ဗိုလ်ချုပ်အောင်ဆန်း၏ သမီးဖြစ်သူ ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ခေါင်းဆောင်မှုကိုခံယူရန် ထပ်မံအတည်ပြုခဲ့ကြပါသည်။
၎င်းကြေညာချက်သည် စစ်ကိုင်းတိုင်း ကလေးမြို့၌ကျင်းပခဲ့သော ၂၂ နှစ်မြောက် ဇိုမီးအမျိုးသားကွန်ဂရက် (ZNC) တည်ထောင်ခြင်း အထိမ်းအမှတ် အခမ်းအနားအပြီးတွင် တိုင်းရင်းသားခေါင်းဆောင်များက လက်မှတ်ရေးထိုး၍ အောက်တိုဘာလ ၂၄ ရက်နေ့ ရက်စွဲဖြင့် ထုတ်ပြန်ခဲ့ခြင်းဖြစ်ပါသည်။
၎င်းတို့ထဲတွင် ၁၉၉၀ ခုနှစ် ရွေးကောက်ပွဲတွင် အနိုင်ရခဲ့သော တိုင်းရင်းသားပါတီများဖြစ်သည့် NLD, ZNC, ရှမ်းတိုင်း ရင်းသားများ ဒီမိုကရေစီအဖွဲ့ချုပ် (SNLD)၊ ရခိုင်ဒီမိုကရေစီအဖွဲ့ချုပ် (ALD)၊ မွန်အမျိုးသား ဒီမိုကရေစီအဖွဲ့ချုပ် (MNDF)၊ ကရင်အမျိုးသား ဒီမိုကရေစီကွန်ရက် (KNCD)၊ ပြည်ထောင်စုတိုင်းရင်သားများ မဟာမိတ်အဖွဲ့ (UNA) တို့ပါ ၀င်ကြသည်။
ဒုတိယ ပင်လုံညီလာခံ ခေါ်ယူရေးကြေညာချက်သည် ဒီမိုကရေစီလှုပ်ရှားမှုကို အားကောင်းစေရန်နှင့် ရွေးကောက်ပွဲအလွန် ပြောင်းလဲလာမည့် နိုင်ငံရေးပုံသဏ္ဍာန်အသစ်တွင် ခေါင်းဆောင်မှုခိုင်မာစေရန် NLD နှင့် တိုင်းရင်းသားအုပ်စုများဘက်မှ ရည်ရွယ်လုပ်ဆောင်သည့် သိသိသာသာ ရှေ့တိုးလုပ်ဆောင်ချက်တရပ် ဖြစ်သည်။
ယင်းသည် စစ်မှန်သော အမျိုးသားပြန်လည်သင့်မြတ်ရေးကို နှစ်ပေါင်းများစွာ ကြိုးပမ်းနေပြီး အပစ်အခတ် ရပ်စဲထားသော တိုင်းရင်းသားလက်နက်ကိုင် အဖွဲ့ခေါင်းဆောင်များနှင့် တွေ့ဆုံဆွေးနွေးနိုင်ရန် အခွင့်အလမ်းများ ရှာဖွေမည်ဟု မကြာသေးခင်က NLD ၏ ကြေညာချက်ထွက်ပေါ်လာပြီး နောက်ဆက်တွဲ လှုပ်ရှားမှုတခုလည်း ဖြစ်သည်။
စစ်အစိုးရက NLD ကို တရားဝင်ပါတီအဖြစ်မှ ဖျက်သိမ်းခဲ့သော်လည်း အဖွဲ့ချုပ်ခေါင်းဆောင် ဦးတင်ဦးနှင့် အတွင်းရေးမှူး ဦးဝင်းတင်တို့၏ ဦးဆောင်မှုအောက်တွင် အဖွဲ့ချုပ်သည် စည်းရုံးရေးခရီးစဉ်များကို တိုင်းရင်းသား ဒေသများအထိ တိုးချဲ့ဆောင်ရွက်နေသည်။
လွန်ခဲ့သည့် ကာလတလျှောက်လုံး စစ်အစိုးရသည် NLD နှင့် တိုင်းရင်းသား အပစ်အခတ် ရပ်စဲရေးအဖွဲ့များအကြား ဆက်သွယ်မှုအားလုံးကို ထိထိရောက်ရောက် ဖြတ်တောက်နိုင်ခဲ့သည်။ အကယ်၍ NLD က အပစ်အခတ်ရပ်စဲရေး အဖွဲ့များနှင့် ဆက်ဆံရေး ထူထောင်နိုင်မည်ဆိုလျှင် လက်ရှိလှမ်းနေသည့်ခြေလှမ်းသည် တိုးတက်မှုတခုကို ကိုယ်စားပြုနေပါသည်။
ယခုကဲ့သို့ အရှိန်ရလာသော အားကောင်းသည့်လှုပ်ရှားမှုသည် ရွေးကောက်ပွဲကျင်းပပြီး တပတ်အလို နိုဝင်ဘာလ ၁၃ ရက်နေ့တွင် ပြန်လည်လွတ်မြောက်လာမည်ဟု ယူဆရသော ဒေါ်အောင်ဆန်းစုကြည် နိုင်ငံရေးတွင် ပြန်လည်ပါဝင် ဆောင်ရွက်နိုင်ရေးအတွက် အဓိကလှုပ်ရှားမှုတခုအဖြစ်လည်း သဘောဆောင်နေပါသည်။ ဒေါ်အောင်ဆန်းစုကြည်၏ ခေါင်းဆောင်မှုအောက်တွင် ဒီမိုကရေစီအဖွဲ့များနှင့် တိုင်းရင်းသားအဖွဲ့များသည် ရွေးကောက်ပွဲလွန် နိုင်ငံရေးတွင် အရေးပါသည့် အခန်းကဏ္ဍကို ဆက်လက်ရယူထားနိုင်ပါလိမ့်မည်။
ဒေါ်အောင်ဆန်းစုကြည်သာလျှင် တိုင်းရင်းသားများအကြား ပြန်လည်သင့်မြတ်ရေးကို ဆောင်ကြဉ်းပေးနိုင်လိမ့်မည်ဟု မြန်မာပြည်သူများက နှစ်ပေါင်းများစွာ ယုံကြည်နေကြပါသည်။ အမှန်အားဖြင့် ဒုတိယ ပင်လုံညီလာခံ ကျင်းပရေးကို ၁၉၈၈-၈၉ ခုနှစ် ကာလအတွင်း ရှမ်းပြည်နယ် စည်းရုံးရေးခရီးစဉ်အတွင်း ပင်လုံမြို့သို့ ရောက်ရှိစဉ် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေး ကြိုးပမ်းမှုအဖြစ် တောင်းဆိုခဲ့ပါသည်။
ကောင်းသည်ဖြစ်စေ ဆိုးသည်ဖြစ်စေ အသစ်ပေါ်ထွန်းလာမည့် ပါလီမန်လှုပ်ရှားမှုဖြစ်စဉ်၏ ပြင်ပတွင် နိုင်ငံရေးလှုပ်ရှား တက်ကြွမှုအသစ်တခုသည် ရွေးကောက်ပွဲပြီးနောက်ပိုင်းတွင် ရှိနေပါလိမ့်မည်။ NLD နှင့် တိုင်းရင်းသား ခေါင်းဆောင်များ၏ ဒုတိယအကြိမ် ပင်လုံညီလာခံခေါ်ယူရေး ကြေညာချက်သည် စစ်မှန်သည့် အမျိုးသားပြန်လည်သင့်မြတ်ရေးအတွက် ရှေ့တိုးလုပ်ဆောင်ချက်ဖြစ်သကဲ့သို့ ဒီမိုကရေစီလှုပ်ရှားမှုကို ပြန်လည် အားကောင်းလာစေရန် ဆောင်ရွက်သည့် နိုင်ငံရေးပုံသဏ္ဍာန်တရပ်လည်း ဖြစ်ပါသည်။
| < Prev | Next > |
|---|
