ဤသည်မှာ လက်ဝါးကြီးအုပ် စီးပွားရေး ပုံသဏ္ဍာန်မှ အများပါဝင်နိုင်သည့် မြေညီကွင်း (Level Play Field) အဖြစ် ရောက်ရှိစေအံ့သောငှာ ရည်ရွယ်ရင်း ဖြစ်သည်။
ထိုသို့ ရည်ရွယ်ရခြင်း၏ အကြောင်းမှာ ပြည်သူတို့၏ လူမှုစီးပွားရေးဘ၀ တစတစ မြင့်တက်လာစေရေးကို ကြိုးပမ်းရန် ချမှတ်ထားသည့် ပါတီ၏ (Market Oriented Mixed Economy) ဈေးကွက်အခြေပြု ရောပြွန်း စီးပွားရေးစနစ် မူဝါဒအတိုင်း ဆောက်ရွက်သွားနိုင်ရေးလည်း ဖြစ်ပါသည်။
သို့ဖြစ်ရာ နိုင်ငံခြားရင်းနှီးမြှုပ်နှံမှု အခွင့်အလမ်း၊ ဖွံ့ဖြိုးပြီးစီးပွားရေး အင်အားကြီးနိုင်ငံများနှင့် ကုန်သွယ်ရေး အခွင့်အလမ်း များအပြင် နိုင်ငံတကာဈေးကွက်ကြီးနှင့် တိုက်ရိုက်ချိတ်ဆက်နိုင်ခွင့်များ ရရှိစေရေးမှာလည်း အထူးလိုအပ်ပါသည်။
ထို့အပြင် နိုင်ငံတနိုင်ငံ၏ စီးပွားရေးဘ၀ ဖွံ့ဖြိုးတိုးတက်လာနိုင်ရန် အစိုးရကောင်း အုပ်ချုပ်ရေးဖြစ်စဉ် ပေါ်ပေါက်ရေးသည်လည်း အဓိက လိုအပ်ကြောင်း သတိမူမိပါသည်။ ယင်းသို့ သတိမူမိသည့်အလျှောက် သင့်လျှော်ကောင်းမွန်သည့် စီးပွားရေး စီမံခန့်ခွဲမှုတရပ် ဖြစ်ပေါ်လာရေးကို လွှတ်တော်တွင်းဥပဒေပြု အာဏာအသိုင်းအ၀န်းနှင့် အများညီသဘော ရယူ၍
ရှေ့ရှုဆောင်ရွက်သွားရန် လွန်စွာအရေးကြီးနေသည်ဟု ခံယူယုံကြည်ပါသည်။
သို့ဖြစ်သည့်အလျှောက် ပြည်သူတို့၏ စီးပွားရေး အခွင့်အလမ်းများ တရားမျှတစွာ ရရှိခံစားနိုင်ရေးအတွက် ဥပဒေပြု အာဏာဖြင့် အစိုးရကောင်း အုပ်ချုပ်ရေး ပေါ်ပေါက်လာစေရန် အပြန်အလှန် ထိန်းကြောင်းဆောင်ရွက်ရေး ကျင့်စဉ်ဖြင့် လွှတ်တော်တွင်းနှင့် လွှတ်တော်ပြင်ပမှ သတင်းမီဒီယာများ အပါအ၀င် နိုင်ငံရေးပါတီများ၏ အပြုသဘော ချဉ်းကပ်ဆောင်ရွက်မှုများနှင့် ၀ိုင်းဝန်း ထိန်းမတ်ကြရေးသည် လူမှုစီးပွါးရေးဘ၀ ဖွံ့ဖြိုးလာရေးတွင် အရေးပါသည့် ဒေါက်တိုင်ကြီးလည်း ဖြစ်လာပါသည် ။
သို့ဖြစ်ရာ အရင်းအနှီးများ လာရောက်မြှုပ်နှံစေရန် စီးပွားရေးမိတ်ဖက် ဥပဒေများ၊ လူတစု လူတဖွဲ့တည်းက ချုပ်ကိုင်ထားသည့် စီးပွားရေးခွင်ထဲမှ ထွက်နိုင်ရန် အပြည့်အ၀ ယှဉ်ပြိုင်နိုင်ခွင့်ဥပဒေ (Perfect Competition Law) စသည်တို့ကို လွှတ်တော်ထဲတွင် ဥပဒေပြုနိုင်စေရန် ကြိုးပမ်းသည်နှင့် တချိန်တည်း တဘက်မှ ကုန်သွယ်ရေးနှင့် ရင်းနှီး မြှုပ်နှံမှုများ ရောက်ရှိလာအောင် စီးပွားရေး ပိတ်ဆို့မှုကို ရုပ်သိမ်းရန် လိုအပ်ပါသည်။
ထိုအခါ လူတစုကသာ ခံစားနေရသည့် အကျိုးအမြတ်များမှတဆင့် လျှံကျအကျိုး (Spill over Effect) များကို ၀င်ရောက် လုပ်ကိုင်ကြမည့် ပြည်သူများရရှိပြီး ၀င်ငွေ ခွဲဝေမှုအပေါ် အကျိုးသက်ရောက်နိုင်မည် ဖြစ်ပါသည်။
ထို့ကြောင့် ယခုရောက်နေသည့် မြန်မာ့နိုင်ငံရေး အခင်းအကျင်းသည် နိုင်ငံရေး ပြဿနာကို နိုင်ငံရေးနည်းဖြင့် ဖြေရှင်းရမည့် အနေအထားမှ နိုင်ငံရေးပြဿနာကို စီးပွားရေးနည်းဖြင့် ဖြေရှင်းမှရမည့်အချိန် ရောက်နေပါပြီ။ အမျိုးသား ရင်ကြားစေ့ရေးဆီသို့ အမှန်တကယ် ရောက်နိုင်စေရန် အမျိုးသားနိုင်ငံရေး အင်အားစုများအကြား နိုင်ငံရေးယုံကြည်မှု၊ စီးပွားရေး အခွင့်အလမ်းများ တိုင်းရင်းသားပြည်သူများအကြား တန်းတူညီမျှ ခံစားစေမှု၊ ထိုမှတဆင့် အမျိုးသားရင်ကြားစေ့ရေး လမ်းပေါ်မှ ဒီမိုကရေစီ လူ့ဘောင်ကို ပြည်သူ့အင်အားဖြင့် အရောက်သွားရေးကသာ ယနေ့မြန်မာ့နိုင်ငံရေး၏ လက်ငင်း တောင်းဆိုချက် ဖြစ်ပါကြောင်း ဖော်ပြအပ်ပါသည်။
စာရေးသူ ခင်မောင်ဆွေသည် အမျိုးသားဒီမိုကရေစီ အဖွဲ့ချုပ် (NLD) မှ ခွဲထွက်လာသော အမျိုးသားဒီမိုကရေစီ အင်အားစု (NDF) ပါတီ၏ နိုင်ငံရေးဦးဆောင်အဖွဲ့ခေါင်းဆောင် ဖြစ်သည်။
| < Prev | Next > |
|---|
