၁၉၉၀ ရွေးကောက်ပွဲတွင် ဒီမိုကရေစီနှင့် ငြိမ်းချမ်းရေး အဖွဲ့ချုပ်၏ ပန်းဘဲတန်းမြို့နယ် လွှတ်တော်ကိုယ်စားလှယ်လောင်း အဖြစ် ၀င်ရောက်ရွေးချယ်ခံခဲ့ဖူးသူ ဦးအောင်သန်းကို ပါတီ၏ စီပွားရေးမူဝါဒများနှင့် ပတ်သက် ဧရာဝတီမဂ္ဂဇင်း၏ ရွေးကောက်ပွဲစာမျက်နှာ တာဝန်ခံ ထက်အောင်က တွေ့ဆုံမေးမြန်းခဲ့ပါသည်။မေး။ ။ ဒီမိုကရေစီနှင့် ငြိမ်းချမ်းရေးပါတီရဲ့ မူဝါဒလုပ်ငန်းစဉ်ထဲမှာ “အစိုးရအရင်းရှင်စနစ် (State Capitalism) သို့ ဦးမလှည့်ရေးအတွက် လွတ်လပ်စွာယှဉ်ပြိုင်ရောင်းဝယ်တဲ့ ဈေးကွက်စီးပွားရေးစနစ်ကို ကျင့်သုံးမယ်” လို့ ဆိုထားပါတယ်။ အဲဒီတော့ လက်ရှိတိုင်းပြည်မှာ သွားနေတဲ့စီးပွားရေး ပုံသဏ္ဍာန်က အစိုးရအရင်းရှင်ပုံစံ သွားနေတယ်လို့ ယူဆပါသလား။ ဘယ်လိုအကြောင်း အချက်တွေကြောင့် ဒီလိုယူဆထားပါသလဲ။
ဖြေ။ ။ အစိုးရ သတင်းစာတွေမှာ နိုင်ငံတော်ရဲ့ စီးပွားရေးလုပ်ငန်းဟာ နိုင်ငံတော်ရဲ့လက်ဝယ်မှာ ရှိရမယ်၊ တိုင်းရင်းသား နိုင်ငံသားများရဲ့ လက်ဝယ်မှာရှိရမယ်လို့ သူတို့ ပြောထားပါတယ်။ နိုင်ငံတော်ရဲ့ လက်ဝယ်မှာ ရှိရမယ်ဆိုတဲ့အခါကြတော့ ကျနော်တို့ အယူအဆက ဈေးကွက်စီးပွားရေး စနစ်ဆိုတာ လွတ်လွတ်လပ်လပ် လှုပ်ရှား ရောင်းဝယ်တာမျိုး ဖြစ်ရမယ်။ အဲဒီတော့ ဈေးကွက်စီးပွားရေးပုံသဏ္ဍာန်နဲ့ စီးပွားရေးဟာနိုင်ငံတော်ရဲ့လက်ဝယ်ရှိရမယ်ဆိုတဲ့ ဦးတည်ချက်က ဆန့်ကျင်ဖက် လာဖြစ်တယ်။ ဈေးကွက်စီးပွားရေးစနစ် ပီပီပြင်ပြင်သွားမယ်ဆိုရင် စီးပွားရေးကို လွတ်လွတ် လပ်လပ်ပဲ လုပ်ခွင့်ရှိရမယ် ဆိုတဲ့အမြင် ကျနော်တို့မှာရှိပါတယ်။
ဈေးကွက် စီးပွားရေးစနစ်ကို ပီပြင်အောင်လုပ်တဲ့အခါမှာ ကျနော်တို့ပါတီအနေနဲ့ မူဝါဒချမှတ်ထားတာက “လူမှုစီးပွားဘ၀ မြှင့်တင်ရေးအသင်း” တွေကို ဖွဲ့စည်းထူထောင်သွားမယ်။ အဲဒီ အသင်းတွေကသာလျင် အခြေခံလူတန်းစားအလွှာကို ကာကွယ်စောင့်ရှောက် သွားနိုင်မယ်လို့ ကျနော်တို့ ယုံကြည်ထားပါတယ်။ ဘာဖြစ်လို့ ဒီလို အသင်းမျိုး လိုအပ်သလဲဆိုတော့ ဈေးကွက် စီးပွားရေးစနစ်မှာ ငွေကြေးချမ်းသားတဲ့သူတွေ၊ နိုင်ငံခြားက ၀င်ရောက်လာမယ့် အရင်းအနှီးတွေက အပြိုင်အဆိုင် ကုမ္ပဏီတွေ ထူထောင်လာကြပါတယ်။ အဲဒီလိုအခြေအနေမျိုးမှာ ဈေးကွက်ကို ဥပမာ - ကုန်ဈေးနှုန်း သတ်မှတ်တဲ့ကိစ္စတွေကို အဲဒီ အဖွဲ့အစည်းတွေ လက်ထဲမှာပဲ လုံးဝ မရောက်ရအောင် အောက်ခြေ လူတန်းစားတွေကြားထဲမှာ ဒီလိုအသင်းတွေကို ဖွဲ့စည်းသွားမှာပါ။ ကျနော်တို့ဆီမှာ လယ်သမားက နိုင်ငံလူဦးရေရဲ့ သုံးပုံ နှစ်ပုံလောက် ရှိနေတော့ ကျေးရွာကိုအခြေခံပြီး ဖွဲ့စည်းသွားမှာပါ။ ကျေးရွာဘဏ် သဘောဆောင်ပြီး ရွာလူထုက ထည့်ဝင်တဲ့ငွေရင်းက နည်းရင် နိုင်ငံတော်က အစ ပထမမှာ ငွေရင်း မတည် ထည့်ဝင်ပေးပြီး နောက်ပိုင်း ကိုယ်တိုင်ရပ်တည် လာနိုင်တဲ့အခါ နိုင်ငံတော်ရဲ့ငွေရင်းကို တဖြည်းဖြည်း နုတ်ယူသွားမယ့် ပုံစံဖြစ်ပါတယ်။ ဒီလိုနဲ့ ကျေးရွာလူထုရဲ့ လူမှုစီးပွားဘ၀ကို ကူညီနိုင်မယ့် ကျေးရွာပိုင် ဘဏ်တခု ဖြစ်လာပါလိမ့်မယ်။
မေး။ ။ ၀န်ကြီးချုပ်ဟောင်း ဦးနု အာဏာရှိစဉ်က ပြည်တော်သာ စီမံကိန်းဆိုပြီး လုပ်သွားခဲ့တာရှိတယ်။ အခု ပါတီ အနေနဲ့ စီးပွားရေး မူဝါဒတွေကို ချမှတ်တဲ့အခါမှာ ဦးနုခေတ်က မူဝါဒတွေကို ပြန်လည် ထင်ဟပ်ထားတာ ရှိပါသလား။
ဖြေ။ ။ တချို့အပိုင်းတွေကို ထင်ဟပ်ထားပါတယ်။ အခုလို အသင်းဖွဲ့စည်းမှုမျိုးတွေက ဟိုတုန်းက ရှိခဲ့ပါတယ်။
မေး။ ။ ပါတီရဲ့မူဝါဒမှာ သုံးနှုန်းထားတာက “အသေးစား ငွေကြေး အစုအဖွဲ့” ပေါ့။ ဒီလိုဖွဲ့စည်းမှုကို နိုင်ငံတော်က ဦးဆောင် လုပ်မှာလား။ ပြည်သူတွေက သူတို့သဘောဆန္ဒအလျောက် ဖွဲ့စည်းခွင့် ရှိမှာလား။
ဖြေ။ ။ နိုင်ငံတော်အပိုင်းက ဒီလိုဖွဲ့စည်းခွင့်ရအောင် ဥပဒေပြဌာန်းပြီး လုပ်ဆောင်ပေးမှာပါ။ အပေါ်ကနေ ဖွဲ့စည်း မပေးပါဘူး။ ရပ်ရွာထဲမှာ ရပ်ရွာလူထု လက်ခံတဲ့သူတွေက သူတို့ကိုယ်တိုင် ဖွဲ့စည်းရမှာပါ။ ဒါက ဒီမိုကရေစီသဘောရဲ့ အနှစ် သာရ တခုပါပဲ။ အလားတူ ၀န်ထမ်းတွေ ထဲမှာလည်း ဒီလိုအဖွဲ့မျိုး ထူထောင်သွားမှာပါ။ ဘာနဲ့တူသလဲဆိုတော့ ဥပမာ ဖဆပလ ခေတ်က “ဗာစီတီ ကွန်ကိုး” ဆိုတဲ့ တက္ကသိုလ် ၀န်ထမ်းပေါင်းစုံအဖွဲ့ ရှိတယ်။ ၀န်ထမ်းတွေရဲ့ သက်သာချောင်ချိရေး ကိစ္စတွေကို အဲဒီလိုအသင်းမျိုးတွေက ဆောင်ရွက်ပေးနိုင်အောင် ဖွဲ့စည်းသွားမှာပါ။ ကုန်ဈေးနှုန်း အတက်အကျကြောင့် သူတို့အပေါ် သက်ရောက်မှုတွေကို ကာကွယ်လို့ရအောင်ပါ။ နောက်ဆုံး ဘယ်အထိ စဉ်းစားထားသလဲဆိုတော့ ခေါင်းရွက်ဗျက်ထိုး ဈေးသည် တွေဟာ နေ့ပြန်တိုး (ငွေချေးရတဲ့) ဘ၀နဲ့ပဲလည်နေပြီး အဲဒီဘ၀က မလွတ်မြောက်နိုင်ကြဘူး။ သူတို့အတွက်လည်း ဒီလို အဖွဲ့အစည်းတွေ ထူထောင်မှာပါ။ အရင်းအနှီးကို အတိုးနှုန်း သက်သက်သာသာနဲ့ ထုတ်ပေး နိုင်မယ်၊ နောက်ပိုင်း သူတို့ရဲ့ ကိုယ်ပိုင် အရင်းအနှီးရှိလားတဲ့ အထိဖြစ်လာမှာပါ။
မေး။ ။ ဒီနှစ်ဆန်းပိုင်းက နိုင်ငံတော်အဆင့် ဆန်စပါး အထူးပြု အသင်းတခုဖွဲ့လိုက်တယ်။ အဲဒီအသင်းက စပါး စိုက်ပျိုးတဲ့ ဆီကနေ ဈေးကွက်မှာ ရောင်းချတဲ့အထိ လုပ်ပါတယ်။ အဲဒီလိုအသင်းအဖွဲ့မျိုးနဲ့ ဒီမိုကရေစီနဲ့ ငြိမ်းချမ်းရေးပါတီက ဖွဲ့စည်း လုပ်ဆောင်မဲ့ အသင်းအဖွဲ့ ဘာများ ကွာခြားမှု ရှိပါသလဲ။
ဖြေ။ ။ ကျနော်တို့ လုပ်ချင်တဲ့ အသင်းအဖွဲ့က အဲဒီလိုမျိုးမဟုတ်ဘူး။ အဲဒီအသင်းအဖွဲ့တွေရဲ့ ပုံစံမျိုးမဟုတ်ဘူး။ သူတို့က ကုန်သည်ကြီးတွေရဲ့ အကျိုးစီးပွားအတွက် ဖွဲ့ထားတာပါ။ ကျနော်တို့က ကုန်သည်ကြီးတွေရဲ့အကျိုးစီးပွားကို မကြည့်ဘူး။ အောက်ခြေလူတန်းစားရဲ့ အကျိုးစီးပွားကို ကြည့်မှာဖြစ်တဲ့အတွက် ရည်ရွယ်ချက်ခြင်းရော၊ ပုံသဏ္ဍာန်ခြင်းရော မတူပါဘူး။ နောက်တခုက အကန့်အသတ်ဖြစ်နေတဲ့ ဈေးကွက်ပုံစံကို ပြောင်းပစ်ချင်တယ်။ ဥပမာ လောင်စာဆီဖြန့်ဖြူးမှုကို ပုဂ္ဂလိကကို ချပေးတယ်။ ဒီ လောင်စာဆီကို ၀ယ်ဖို့ရောင်းဖို့ဆိုတာ အပြိုင်အဆိုင် မလုပ်နိုင်သေးဘူး။ ကျနော်တို့အမြင်က အကန့်အသတ် ရှိတယ်။ ဆိုလိုတာက ပြိုင်ဆိုင်မှုကို တားဆီး ခံနေရတယ်။ အဲဒါမျိုးကို မလိုချင်ပါဘူး။
မေး။ ။ လောင်စာဆီဈေးကွက်ကို ၀င်နိုင်ဖို့ အကန့်အသတ် ရှိနေတယ်ဆိုတာက ငွေရင်း အင်အားများလို့ ဒီဈေး ကွက်ထဲ မ၀င်နိုင်တာရယ်၊ လုပ်ပိုင်ခွင့်ကို သီးခြားရရှိနေတဲ့ လူတန်းစား တရပ်ရှိနေတာရယ်ကြောင့်လို့ ပြောရင်မှန်သလား။
ဖြေ။ ။ မှန်ပါတယ်၊ အဲဒီလိုဖြစ်နေတဲ့ အခါကြတော့ ဈေးကွက်စီးပွားရေးကို ဖွင့်ပေးပေမယ့် အကန့်အသတ်နဲ့ ဖြစ်နေတယ်။ လူအများစုက ငွေကြေးအင်အား မပြည်စုံတဲ့ အခြေအနေမှာ ငွေကြေးပြည့်စုံတဲ့ လူနည်းစုလောက်ကပဲ လုပ်နိုင်သလို ဖြစ်နေတယ်။ ကျနော်တို့က အဲဒီအခြေအနေကို ပြောင်းလဲချင်တယ်။
မေး။ ။ အာဆီယံ နိုင်ငံတွေဖြစ်တဲ့ မလေးရှား၊ စင်ကာပူနဲ့ အိမ်နီးချင်း ထိုင်းနိုင်ငံတို့မှာ စီးပွားရေးဖွံ့ဖြိုးတိုးတက်မှု ပုံသဏ္ဍာန်ကို ပြန်ကြည့်ရင် နိုင်ငံခြားတိုက်ရိုက်ရင်းနှီးမြုပ်နှံမှု (FDI) က အဓိက မောင်းနှင် အားဖြစ်နေတာ တွေ့ရတယ်။ နောက်တချက်က ကမ္ဘာ့ဘဏ်နဲ့ နိုင်ငံတကာငွေကြေး ရန်ပုံငွေအဖွဲ့တွေဆီကလည်း ဖွံ့ဖြိုးရေး ချေးငွေတွေ အလုံးအရင်းနဲ့ ရကြတယ်။ မြန်မာနိုင်ငံက နိုင်ငံရေး အခြေအနေကြောင့် စီးပွားရေးပိတ်ဆို့မှု လုပ်ခံထားရတယ်။ ဒီပိတ်ဆို့မှုတွေက ရွေးကောက်ပွဲလွန် ကာလတွေမှာလည်း ဆက်ပြီးရှိနေနိုင်တဲ့ အရိပ်လက္ခဏာတွေ တွေ့နေရတယ်။ အဲဒီတော့ နိုင်ငံခြား ရင်းနှီးမြှုပ်နှံမှုတွေ တိုင်းပြည်ထဲ ၀င်လာအောင် ဘယ်လိုမူဝါဒတွေ ချမှတ်ထားပါသလဲ။
ဖြေ။ ။ အထက်ကပြောခဲ့သလို ဈေးကွက်စီးပွားရေးကို ပီပီပြင်ပြင် ဖော်ဖို့လိုပါတယ်။ အဲဒီနေရာမှာ ၀င်လာမယ့် အရင်းအနှီးတွေအတွက် အာမခံချက်ရှိရပါမယ်။ ဒါဆိုရင် နိုင်ငံတကာ ရင်းနှီးမြှုပ်နှံမှုတွေက ၀င်လာမှာပါ။ အခုလည်း အမေရိကန်ကပြောနေတဲ့ အသံတခုရှိပါတယ်။ ရွေးကောက်ပွဲပြီးရင် သူတို့ဘက်ကလည်း အပြောင်းအလဲလုပ်မယ်လို့ အသံပေးနေတာကို တွေ့ရပါတယ်။
မေး။ ။ အမေရိကန်က အပြောင်းအလဲ လုပ်မယ်ဆိုတဲ့အသံက ရန်ကုန်မှာ အခြေစိုက် အမေရိကန်သံရုံးနဲ့ ထိတွေ့ ဆက်ဆံမှုကနေ ရလာတဲ့ သတင်းစကားလား။
ဖြေ။ ။ မဟုတ်ပါဘူး၊ အမေရိကန်အစိုးရပိုင်းက ကျနော်တို့ဆီ လာတုန်းက ဆွေးနွေးခဲ့တဲ့အပိုင်းကို ပြောတာပါ။
မေး။ ။ လက်ရှိဝန်ကြီးချုပ် ဦးသိန်းစိန်ဦးဆောင်တဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက မဲအားလုံးနီးပါး ရအောင် ရွေးကောက်ပွဲ အခင်းအကျင်းတခု လုပ်နေတယ်။ သူတို့မျှော်လင့်သလို ဖြစ်လာရင် ဒီမိုကရေစီနဲ့ ငြိမ်းချမ်းရေးပါတီက အတိုက်အခံ ပါတီတခုအနေနဲ့ နိုင်ငံတကာနဲ့ ဆက်ဆံရေးကို ဘယ်လောက် တိုးတက်အောင် လုပ်နိုင်မှာလဲ။
ဖြေ။ ။ ကြံ့ဖွံ့ပါတီရဲ့ အခင်းအကျင်းကတော့ အန်မတန်ကြီးပါတယ်။ ကျနော်တို့ နိုင်ငံမှာ အလားတူ အတွေ့အကြုံ တခုရှိပါတယ်။ ၁၉၆၀ ရွေးကောက်ပွဲမှာ သန့်ရှင်းနဲ့ တည်မြဲ ဖဆပလ တို့ ယှဉ်ပြိုင်ခဲ့ပါတယ်။ အဲ့ဒီတုန်းက အင်အား အင်မတန်ကောင်းတဲ့ တည်မြဲ ဖဆပလက လူထုထောက်ခံမှု မရခဲ့ပါဘူး။ အခုလည်း ကျနော်တို့ယုံကြည်နေတာက လူထုမှာ Hidden Desire (နောက်ကွယ်က ဆန္ဒ) ဆိုတာရှိတယ်။ အဲဒီ ဆန္ဒကို လူထုက ထုတ်သုံးနိုင်အောင် ကျနော်တို့က လုပ်ပေး နိုင်ရင် ခုနက အင်အားတောင့်တင်းပါတယ် ဆိုတဲ့ ပါတီကို ကျနော်တို့ ဒီမိုကရေစီအင်အားစုတွေက ကျော်လွှားနိုင်မယ်လို့ ယုံကြည် ပါတယ်။ လူထုဟာ အဲဒီ Hidden Desire ကြောင့် မညှိရပဲ ညီနေကြတယ်လို့ မြင်ပါတယ်။
မေး။ ။ လက်ရှိ နိုင်ငံရေး အခင်းအကျင်းအရ ရွေးကောက်ပွဲဟာ လွတ်လပ်ပြီး တရား မျှတမှု ရှိလိမ့်မယ်လို့ ထင်ပါသလား။
ဖြေ။ ။ လွတ်လပ်ပြီး တရား မျှတမှု ဆိုတာက တော်တော်ခက်ပါတယ်။ လက်ရှိအခြေအနေမှာ လက်ရှိဝန်ကြီးချုပ် ဦးဆောင် နေတဲ့ ပါတီက အစိုးရ ဌာနတွေအပေါ် သူတို့ရဲ့ စည်းရုံးရေးအင်အားက ကျနော်တို့ထက် သာတာပေါ့။ သူတို့က လက်ရှိ လုပ်ပိုင်ခွင့် ရှိနေတာကိုး။ ဒါပေမယ့် ၀န်ထမ်းအားလုံးကို သူတို့ မစည်းရုံးနိုင်ပါဘူး။
| < Prev | Next > |
|---|
