အဆိုပါ မြန်မာနိုင်ငံသားများသည် အလုပ်သမားလက်မှတ်အသစ် ရရှိရေးအတွက် ထိုင်းနိုင်ငံ တာ့ခ်ခရိုင်အတွင်းရှိ ဖုတ်ဖရမြို့နယ်မှ တဆင့် ဘန်ကောက်သို့ သွားရောက်ရန် ကြိုးပမ်းရာတွင် ထိုင်းအာဏာပိုင်များ၏ စစ်ဆေး ဖမ်းဆီးမှုကို ခံခဲ့ရခြင်းဖြစ်သည်။
ဖမ်းဆီးထားသည့် သူများကို မဲဆောက်မြို့ လူဝင်မှုကြီးကြပ်ရေး (လ၀က) တာဝန်ရှိသူများထံ တိုက်ရိုက် ပို့ ဆောင်ပေးခဲ့သည် ဟု တာ့ခ်ခရိုင် ဖုတ်ဖရမြို့နယ် ရဲစခန်း တာဝန်ကျ ရဲတစ်ဦးက ဧရာဝတီသို့ ပြောသည်။
“ဖမ်းမိတဲ့သူတွေကို မဲဆောက် လ၀က အချုပ်ခန်းက တဆင့် မြန်မာ ဘက်ကမ်း ပြန်ပို့လိုက်တယ်။ ဒီနေ့ ပြန်ပို့ လိုက်ရင် နောက်တနေ့ ပြန်ရောက်လာတာပဲ။ ဒီမြို့နယ်မှာ တနေ့ကို လူ ၂၀ လောက် ဖမ်းမိနေတယ်” ဟု ၎င်း တာဝန်ကျ ရဲကဆိုသည်။
ထိုင်း - မြန်မာ နယ်စပ် မဲဆောက်မြို့မှ ဘန်ကောက်သို့ သွားမည့် လမ်းကြောင်း တလျှောက် စစ်ဆေးရေး ဂိတ်များတွင် စစ်ဆေးမှုများကို ယခင်ထက် တင်းကျပ်ထားကြောင်းလည်း ကြားသိရသည်။
လွန်ခဲ့သည့် မေလအတွင်း ထိုင်းအစိုးရ ထိပ်သီး အစည်းအဝေး၏ အတည်ပြုချက်အရ မြန်မာနိုင်ငံအပါဝင်၊ လော၊ ကမ္ဘောဒီးယား အစရှိသည့်နိုင်ငံတို့မှ လာရောက် အလုပ်လုပ်ကိုင်နေသည့် ရွှေ့ပြောင်း အလုပ်သမားများကို ၂၀၁၀ ပြည့်နှစ် ဖေဖော်ဝါရီ လဆန်းပိုင်းအထိ အလုပ်သမား လက်မှတ်များ ထပ်မံ ပြုလုပ်ပေးမည်ဟု ကြားသိရသည်။
၎င်း ထိပ်သီးအစည်းအဝေး၏ အတည်ပြုချက်အရ အလုပ်သမားလက်မှတ် အသစ်များကို ယခု ရက်ပိုင်းအတွင်း စတင် ပြုလုပ်ပေးနေပြီး ဖြစ်ကြောင်း သိရသည်။
ယခုကဲ့သို့ မှတ်ပုံတင်ခွင့် ပေးခြင်းသည် ထိုင်းနိုင်ငံအတွင်းသို့ အလုပ်သမားများ တရားမ၀င် ၀င်ရောက်ပြီး နေထိုင် အလုပ် လုပ်ခြင်းမှ တားဆီးနိုင်ရန် ဖြစ်သည် ဟု ထိုင်းအာဏာပိုင်များ က ပြောဆိုသည်။
ထိုင်းနိုင်ငံ အခြေစိုက် အလုပ်သမားအရေး ကူညီ ဆောင်ရွက်ပေးသူများ အနေနှင့်မူ ထိုင်း အလုပ်သမား ၀န်ကြီးဌာန၏ အစီအစဉ်သစ်ကို ကြိုဆိုသော်လည်း အလုပ်သမားများအတွက် ပြဌာန်းထားသည့် အခွင့်အရေး များကိုလည်း ကြီးကြပ်ပေးစေလိုသည်ဟု ပြောကြသည်။
ထို့အပြင် အလုပ်လုပ်ခွင့် လက်မှတ်များ ထုတ်ပေးပြီးပါက၊ ထိုင်းနိုင်ငံအတွင်း ငါးဖမ်းလုပ်ငန်း၊ ပင်လယ် အစားအသောက် ထုတ်လုပ်ရေးလုပ်ငန်း၊ လယ်ယာလုပ်ငန်း၊ မွေးမြူရေးလုပ်ငန်း၊ ဆောက်လုပ်ရေးလုပ်ငန်းနှင့် အိမ်တွင်းမှု လုပ်ငန်းများ၌ တရားဝင် အလုပ်လုပ်ကိုင်နိုင်မည်ဖြစ်ကြောင်း သိရသည်။
ထိုင်းနိုင်ငံအနှံ့တွင် မြန်မာပြည်သား စုစုပေါင်း ၂ သန်းမှ ၄ သန်း အထိ ရှိသည်ဟု သိရပြီး အလုပ်သမား အများစု မှာ အလုပ်သမားမှတ်ပုံတင်ဖြင့် တရားဝင် အလုပ်လုပ်နိုင်မည့် အခွင့်အရေးကို စောင့်ဆိုင်းနေကြသည်။
| < Prev | Next > |
|---|
