စစ်ကိုင်းတိုင်း ကလေးမြို့တွင် မဲဆန္ဒပြုသည့်နေရာမှာ အကာအရံ မရှိကြောင်း၊ မဲပေးသူ နည်းပါးပြီး ထိုအထဲမှ အများစုမှာ ချင်းတိုးတက်ရေးပါတီ အမှတ်တံဆိပ် နွားနောက်ကိုသာ ပေးကြကြောင်း ဒေသခံများကပြောသည်။ သို့ရာတွင် မဲပေးသူ အများစုမှာ မည်သို့ မဲပေးရမည်ကို မသိသောကြောင့် နွားနောက်ပုံ နဘေးတွင် အမှန်ခြစ်ရမည့်အစား မိမိ အမည်ကို ရေးလာသောကြောင့် ပယ်မဲ ဖြစ်သွားကြောင်း လေ့လာသူ တဦးက ပြောသည်။

မန္တလေးတိုင်း သာစည်မြို့နယ် ဟံဇားတိုက်နယ် ကျေးရွာကြီးရှိ မဲရုံများတွင် မဲပေးသူမှာ မနက် ၈ နာရီခန့်က အနည်းငယ်သာရှိခဲ့ပြီး ယခုအချိန်တွင် မဲပေးသူ တဦးမျှ မရှိ၍ ကြံ့ဖွံ့ပါတီဝင်များက ဆိုင်ကယ်များ၊ ကားများဖြင့် တအိမ်တက်ဆင်း မဲလာပေးရန် လိုက်လံ လှုံ့ဆော်နေကြောင်း၊ ခြိမ်းခြောက်ခံရ၍ မဲသွားပေးသူများကလည်း ပယ်မဲဖြစ်စေရန်များ ပြုလုပ်ခဲ့ကြောင်း ဟံဇား ဒေသခံ တဦးက ပြောသည်။ ထို့အတူ သာစည်မြို့ပေါ်ရှိ မဲရုံများတွင်လည်း မဲလာပေးသူ အနည်းငယ်သာရှိ၍ ကြံ့ဖွံ့ပါတီဝင်များက မဲလာပေးရန် နှိုးဆော် နေကြသည်ဟု ပြောသည်။

မွန်ပြည်နယ် သံဖြူဇရပ်မြို့နယ်မှ မဲဆန္ဒရှင် အများစုမှာ ဒေသကိုယ်စားပြု ပါတီဖြစ်သော မွန် ဒေသလုံး ဆိုင်ရာ ဒီမိုကရေစီ ပါတီ ကိုသာ အဓိက မဲပေးကြကြောင်း သိရသည်။ သံဖြူဇရပ်မြို့ခံတဦးက“ကျမတို့ မြို့မှာ မွန် ပါတီသစ်ကို မဲပေးကြတာ များပါတယ်။ ကျမလည်း ကိုယ့် မွန်ပါတီကိုပဲ ထည့်ခဲ့တယ်” ဟု ဆိုသည်။

ပဲခူးတိုင်း ကျောက်တံခါး မြို့နယ်ရှိ တောင်ပေါ် ရွာများတွင် မဲထည့်မည့် သူများကို ကြံ့ဖွံ့နှင့် တစည က ၎င်းတို့ကို မဲပေးရန် အပြိုင် စည်းရုံး နေကြောင်း သတင်း ရသည်။ ဖဒို တိုက်နယ် အတွင်းရှိ ရွှေဂျို့ပင်၊ ၀ိုင်းကြီး၊ မီးတိုင်တော ရွာများတွင် တစည ပါတီက ကြံ့ဖွံ့ပါတီသည် ဒီပဲယင်း အရေးအခင်း တွင် ဒေါ်အောင်ဆန်း စုကြည်ကို စနစ်တကျ လုပ်ကြံသည့် အဖွဲ့ဖြစ်၍ မဲ မပေးရန် ဟော ပြော ကြောင်း၊ လက်ရှိ အခြေ အနေ တွင် တစည ပါတီက အသာ ရနေ ကြောင်း ဒေသခံများက ပြောသည်။

ကရင်ပြည်နယ် ဘားအံမြို့အမှတ် ၂ ရပ်ကွက်ရှိ မဲရုံ (၁)၌ လုံခြုံရေး တာဝန်ကျသည့် ရယက အဖွဲ့ဝင် ဦးမောင်မောင်က မဲဆန္ဒရှင် တဦး၏ မဲပြားကိုယူ၍ ကိုယ်တိုင်မဲခြစ်ပေးခဲ့ကြောင်း ဖလုံ-စဝေါ် ဒီမိုကရက်တစ် ပါတီ ပြည်သူ့လွှတ်တော်ကိုယ် စားလှယ် နန်းစေအွာ က ပြောသည်။ “ကျမ ကော်မရှင်ကိုလည်း ပြောတယ်၊ ယရက အဖွဲ့ဝင် တဦးဟာလို့ ပြည်သူရဲ့မဲပြားတပြားကို အဲဒီလိုမျိုး ခြစ်ခွင့်ရှိလားလို့ မေး လိုက်တယ်၊ မရှိပါဘူးတဲ့ သူမှားပါတယ်ပေါ့နော်၊ မလုပ်တော့ပါဘူးတဲ့၊ ကျမကတော့ မကျေနပ်ဘူးလို့ ပြောလိုက်တယ်၊ အဲဒီလူ ကိုလည်း မဲရုံမှာ မထားပါနဲ့လို့ ပြောလိုက်တယ်။ သူ့ကို ချက်ချင်းပဲ မဲရုံမှာ မထားတော့ဘူး”ဟု ၎င်းက ဆိုသည်။

ရှမ်းပြည်တောင်ပိုင်း လင်းခေးမြို့နယ် ပမ်ပေါင်းရပ်ကွက် မဲရုံ၌ မဲများကို ရေတွက်ရာတွင် SNDPက အနိုင် ရရှိ ကြောင်း ပါတီမှ ၀င်ရောက် အရွေးချယ်ခံသူ ဦးစိုင်းလှကျော် က ပြော သည်။ “ပြည်သူ့ လွှတ်တော် အတွက် ပယ်မဲ ၁၈ မဲ၊ ကြံ့ဖွံ့ က ၃၇ မဲ၊ ကျားဖြူ က ၆၉ မဲ။ အမျိုးသား လွတ်တော် အတွက် ပယ်မဲ ၂၅ မဲ၊ ကြံ့ဖွံ့ က ၃၉ မဲ၊ ကျားဖြူ က မဲ ၆၀ ။ ပြည်နယ် လွှတ်တော် အတွက် ပယ်မဲ ၁၆ မဲ၊ ကြံ့ဖွံ့ က ၃၆ မဲ၊ ကျားဖြူ က  ၇၂ မဲ ရပါတယ်။ သက်ဆိုင်ရာ လူကြီး တွေ ရှေ့မှာ မဲကို ရေတွက်လိုက်ပါတယ်”ဟု ၎င်းက ဆိုသည်။ ပမ်ပေါင်း ရပ်ကွက်တွင် မဲ ပေးရမည့် သူ ၃၃၆ ဦး ရှိရာ ၁၂၄ ဦး လာရောက် မဲ ပေးခဲ့ကြောင်း သိရသည်။