ရန်ကုန်တိုင်း သန်လျင်မြို့နယ် ကြံ့ဖွံ့ပါတီ ကိုယ်စားလှယ်လောင်း၊ ဆန်ကုန်သည်ကြီးများ အသင်း ဥက္ကဋ္ဌ ဦးအောင်သန်းဦးက မဲဆန္ဒနယ်ရှိ ကျေးရွာများကို ကြံ့ဖွံ့ပါတီ ၉၀ % နိုင်လျှင် ၅ သိန်း၊ ၇၅ % နိုင်လျှင် ၄ သိန်းပေးမည်ဟု ပြောကြောင်း၊ ရပ်ကွက်၊ ကျေးရွာ ကော်မရှင်အဖွဲ့ဝင်များကိုလည်း ၁ သိန်းစီ ပေးမည်ဟု ပြောကြောင်း သတင်းရရှိသည်။

စစ်အစိုးရ အစီအစဉ်ဖြင့် တိုင်းနှင့် ပြည်နယ်များရှိ မြို့နယ် ၁၈ ခုတွင် သွားရောက် သတင်းယူသည့် ပြည်တွင်း၊ ပြည်ပ သတင်းထောက်များနောက်သို့ နယ်မြေခံ စရဖနှင့် ထောက်လှမ်းရေးများက မြန်မာသတင်းစဉ် အမည်ခံ၍ လိုက်ပါပြီး သတင်းထောက်များ မေးမြန်းသမျှကို မှတ်တမ်းတင်နေကြောင်း လိုက်ပါသွားသူ သတင်းထောက် တဦးက ပြောသည်။

မင်္ဂလာဒုံမြို့နယ် ငွေယားတောင် ဗိုလ်ရွေးအဖွဲ့ရှိ တပ်မတော်သားများထံမှ ကြိုတင်မဲများကို ပြီးခဲ့သည့် လကတည်း က ကောက်ယူ ခဲ့ပြီး ဖြစ်ကြောင်း သတင်းရသည်။ ထိုကြိုတင်မဲများကို ရုံးပိုင်းဆိုင်ရာ တာဝန်ကျ အရာရှိ တဦးတည်းကသာ အားလုံး ကိုယ်စား ကြံ့ဖွံ့ ပါတီ ကို မဲ ပေးရခြင်း ဖြစ်သည် ဟု အဆိုပါ ဗိုလ်ရွေး အဖွဲ့ရှိ အရာရှိ တဦးက ပြောသည်။

ရခိုင်ပြည်နယ် စစ်တွေမြို့တွင် ရွေးကောက်ပွဲ ဆန့်ကျင်ပြီး ရခိုင်ပြည် လွတ်မြောက်ရေးပါတီ (ALP)နှင့် အတူ တိုက်ပွဲ ၀င်ရန် လှုံ့ဆော်စာများ လူစည်ကားရာ နေရာများတွင် ကပ်ထားကြောင်း သတင်းရသည်။ “၂၀၁၀ ရွေးကောက်ပွဲကို ကန့်ကွက်ကြ၊ ရွေးကောက်ပွဲဟာ ရခိုင်ပြည်သူတွေအတွက် အကျိုးမရှိဘူး။ ရခိုင်ပြည် လွတ်မြောက်ရေး အတွက် ALP နဲ့ လက်တွဲပြီး လက် နက် ကိုင် တိုက်ပွဲဝင်ကြ ဆိုပြီးတော့ ရေးထားတယ်။ လိုက်ဖြုတ်တော့ အခု နေ့လယ်မှာ မရှိတော့ဘူး”ဟု ဒေသခံက ပြောသည်။ ALP သည် မြန်မာ-ဘင်္ဂလားဒေ့ရှ်-အိန္ဒိယ နယ်စပ်တလျှောက်တွင် အခြေချ၍ လက်နက်ကိုင် လှုပ်ရှားနေသော အဖွဲ့တခုဖြစ်သည်။

စစ်အစိုးရက အမျိုးသား စွမ်းအင် ဖွံ့ဖြိုးရေး အစီအစဉ်ဖြင့် ရွေးကောက်ပွဲပြီး နောက်ပိုင်း တနိုင်ငံလုံး လျှပ်စစ်မီး ပေးမည် ဟု ပြောဆိုသည်မှာ လိမ်လည် ခြင်းသာ ဖြစ်ကြောင်း၊ ၎င်းတို့ ဆက်လက် အုပ်ချုပ်ရေး အတွက် မဲဆွယ်ခြင်း ဖြစ်ကြောင်း ပြည် ပ အခြေစိုက် ရွှေဂက်စ် လှုပ်ရှားမှု အဖွဲ့က ကြေညာချက် တစောင် ထုတ်ပြန်သည်။ မြန်မာ နိုင်ငံ ၏ လျှပ်စစ် စွမ်းအင် ထုတ်လုပ် နိုင်သည့် ပမာဏမှာ ၂၈၄၈ မဂ္ဂါဝပ် ဖြစ်ကြောင်း၊ မြန်မာ လူထု ၏ ၈၀ ရာနှုန်းမှာ လျှပ်စစ် မီး မရရှိကြောင်း ယမန် နေ့ က ကြေညာ ချက် တွင် ပါရှိ သည်။

ရန်ကုန်မြို့ တောင်ဥက္ကလာပ မြို့နယ် တသီးပုဂ္ဂလ ကိုယ်စားလှယ် ဒေါက်တာ စောအောင်၏ မဲရုံ ကိုယ်စားလှယ် ၃ ဦး ယနေ့ ထပ်မံ နုတ်ထွက်သွားကြောင်း သိရသည်။ “အခု မဲရုံမှာ စောင့်ပေးဖို့ ကိုယ်စားလှယ် လိုက်ရှာနေတယ်၊ ကျနော့်ကို ပြောတာက မဲရုံ ကိုယ်စားလှယ် အဖြစ် တာဝန်ယူ ဆောင်ရွက် ပေးရင် ကျနော် ဘ၀ပျက် သွားပါလိမ့်မယ် ဆိုပြီး နုတ်ထွက် သွားတဲ့ တယောက်က ပြောသွားတယ်” ဟု ဒေါက်တာ စောအောင် က ပြော သည်။ ယမန်နေ့ ကလည်း တဦး နုတ်ထွက် ခဲ့သဖြင့် ယခု အခါ နုတ်ထွက်သူ ၄ ဦး ရှိပြီ ဖြစ်သည်။