NLD ဗဟို ဦးစီးအဖွဲ့ဝင် အပြီးသတ်ရွေးချယ်

E-mail Print
အမျိုးသား ဒီမိုကရေစီ အဖွဲ့ချုပ် (NLD) က ဗဟိုဦးစီး အဖွဲ့ဝင် ၁၀၀ နှင့် အရန် အဖွဲ့ဝင် ၈ ဦးကို ယနေ့ ရွေးချယ် လိုက်ကြောင်း သိရသည်။

ပြီးခဲ့သည့် သီတင်းပတ်များမှ စတင်၍ ပြည်နယ်နှင့် တိုင်းအသီးသီးမှ ရွေးချယ်လာသော လူစာရင်းများကို CEC အဖွဲ့သို့ တင်ပြ သော်လည်း ယနေ့မှသာ အပြီးသတ် ရွေးချယ်နိုင်ခဲ့ ကြောင်း NLD ဗဟိုကော်မတီ အဖွဲ့ဝင်(CEC) ဒေါက်တာ ၀င်းနိုင်က ပြောသည်။

bridge“နာမည် တွေကတော့ တရားဝင် မထုတ်ပြန် သေးဘူး၊ မကြာခင် ထုတ်ပြန် မှာပါ၊ ပြည်နယ်နဲ့ တိုင်းက တင်ပြတာကို အခြေခံပြီး ရွေးတာပါ၊ တချို့တင်ပြ ထားတဲ့ အထဲက CEC က ပယ်သင့်တဲ့ လူတွေကို ပယ်တယ်” ဟု ဒေါက်တာ ၀င်းနိုင်က ဆိုသည်။

ပြည်နယ်နှင့် တိုင်းအဆင့် ကိုယ်စားလှယ် ရွေးချယ်မှုနှင့် ပတ်သက်၍ မြို့နယ် အဆင့် NLD အဖွဲ့ဝင်များ အကြား မကျေနပ်မှုနှင့် ကွဲလွဲမှု များကို ပြေလည်အောင် ဖြေရှင်းနိုင် ခဲ့ကြောင်း၊ NLD ၏ မူအရ ပြည်နယ်နှင့်တိုင်း အကျယ် အ၀န်းကို မူတည်၍ ဦးစီးအဖွဲ့ကို ရွေးချယ်ခြင်း ဖြစ်ကြောင်းလည်း ၎င်းက ဆိုသည်။

“ပြည်နယ်နဲ့တိုင်း အငယ်တွေက ၅ ဦး အကြီးတွေက ၇ ဦး သတ်မှတ်ထားတယ်၊ အဲဒီမှာ အခြေခံပြီးတော့ လိုအပ်ရင်လိုအပ်သလို ထပ်တိုးတာပေါ့၊ လုပ်ငန်းလိုအပ်ချက်အရ ဗဟိုအလုပ် အမှုဆောင်နဲ့ အားလုံးသဘောတူရင် ထပ်ဖြည့်တာပေါ့” ဟု ဒေါက်တာ ၀င်းနိုင်က ပြောသည်။

NLD အနေဖြင့် ဗဟိုကော်မတီရွေးချယ်ရာ၌ ထားရှိသည့်မူများတွင် နိုင်ငံရေး အရည်အချင်းရှိရမည်၊ ပါတီအပေါ်တွင် သစ္စာ ရှိရမည်၊ အဖွဲ့ချုပ်၏ နိုင်ငံရေးလုပ်ငန်းများနှင့် မကင်းကွာဘဲ တဆက်တစပ်တည်း ရှိနေသူဖြစ်ရမည်၊ အဖွဲ့ချုပ်က ကိုင်စွဲထားသည့် နိုင်ငံရေး ရပ်တည်ချက်များနှင့် သဘောတူညီသည့် ပုဂ္ဂိုလ်ဖြစ်ရမည်၊ အဖွဲ့ချုပ် စည်းမျဉ်း စည်းကမ်းအရ အပြစ်ပေးအရေးယူခံ ထားရသည့် သူများ မဖြစ်ရဟု ပါရှိကြောင်း၊ သို့သော် အကျဉ်းကျနေသည့် အဖွဲ့ဝင်များကိုလည်း ရွေးချယ်မည်ဖြစ်ကြောင်း သိရသည်။

ဇန်န၀ါရီလက အဖွဲ့ဝင် ၁၁ ဦးဖြင့် ပါဝင်ဖွဲ့စည်းထားသော NLD၏ CECကို အဖွဲ့ဝင်သစ် ၉ ဦး ထပ်မံ ရွေးချယ်ခဲ့သဖြင့် အဖွဲ့ဝင် ၂၀ ဖြစ်သွားပြီ ဖြစ်သည်။

၂၀၀၉ ခုနှစ် ဒီဇင်ဘာလက NLD ဥက္ကဋ္ဌ ဦးအောင်ရွှေ၊ အတွင်းရေးမှူး ဦးလွင်၊ အဖွဲ့ဝင် ဦးလွန်းတင်တို့သည် ဒေါ်အောင်ဆန်းစုကြည် နှင့်တွေ့ဆုံခဲ့ကြသည်။ ယင်းသို့ တွေ့ဆုံရာတွင် CEC ကို ပြန်လည် ဖွဲ့စည်းရန် ဒေါ်အောင်ဆန်းစုကြည်က ပြောကြားခဲ့ခြင်းဖြစ်သည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်