မလေးရှားမှ မြန်မာနိုင်ငံရေး သမားတချို့ အဖမ်းခံရ

E-mail Print
မလေးရှား နိုင်ငံ၊ ကွာလာလမ်ပူ မြို့တွင် တရားမ၀င် နေထိုင်မှုဖြင့် ပြီးခဲ့သည့် ၂ ရက် အတွင်း ဖမ်းဆီး ခံခဲ့ရသည့်  မြန်မာ ပြည်သား ၃၀၀ ကျော်ရှိရာ ထိုအထဲတွင် NLD-LA ခေါ် အမျိုးသား ဒီမိုကရေစီ အဖွဲ့ချုပ် (လွတ်မြောက် နယ်မြေ) အဖွဲ့ဝင် တချို့ နှင့် စာစောင် ထုတ်ဝေသူ တဦး ပါဝင်သည်ဟု သိရသည်။

မြန်မာဘာသာဖြင့် ပြည်ထောင်စု သတင်းစာ ထုတ်ဝေသည့် ကိုအောင်ထွန်းဦးက သူ ဖမ်းဆီးခံရသည့် စနေနေ့ နေ့လယ်ပိုင်းတွင် ဧရာဝတီသို့ တယ်လီဖုန်းဆက်ပြီး အကြောင်းကြားခဲ့သည်။ ထိုစဉ်က သူ့အား ဖမ်းဆီး ခေါ်ဆောင်သွားသည့် လော်ရီကားပေါ်တွင် မြန်မာပြည်သား အလုပ်သမား ၆၀ ခန့်ကို တွေ့ရသည်ဟု သူက ပြောသည်။

ထိန်းသိမ်းခံနေရသည့် NLD-LA အဖွဲ့ဝင်များမှာ ကိုမောင်မောင်၊ ကိုမိုးမြင့် နှင့် အမည်မသိရသေးသူ ၂ ဦးတို့ ဖြစ်သည်။

“သူတို့ လွတ်မြောက်ဖို့ အတွက် ကျနော်တို့ အခု ရဲစခန်းကို သွားနေကြတယ်” ဟု  NLD-LA မလေးရှားဌာနခွဲ အတွင်းရေးမှူး ကိုအောင်ကျော်ဆက်က ဧရာဝတီသို့  ပြောသည်။

ကိုအောင်ထွန်းဦး အပါအ၀င် ဖမ်းဆီးခံရသူတချို့သည်  ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ပေးအပ်ထားသည့် ဒုက္ခသည်လက်မှတ် ကိုင်ဆောင်ထားကြသည်ဟု သိရသည်။

“အခု UNHCR ရုံးကို ရောက်နေတယ်။ အောင်ထွန်းဦးဟာ UNHCR ကတ် ကိုင်ဆောင်ထားသူ ဆိုတော့ သူတို့ လိုက်ထုတ်ပေးရင် ရမယ် ထင်လို့  လာစောင့်နေတာ” ဟု နိုင်ငံရေး အဖွဲ့အစည်း တခု ဖြစ်သည့် ရခိုင် ဒီမိုကရေစီ အဖွဲ့ချုပ်၏ နာယက ဦးသန်းဖေက ပြောသည်။

ထိန်းသိမ်းခံထားရသူများ မည်သည့်အချိန်တွင် ပြန်လည် လွတ်မြောက်မည်ကို မသိရသေးပေ။

ပြီးခဲ့သည့် ၂ ရက်အတွင်း မြန်မာအများစု ရှိသော ကွာလာလမ်ပူ မြို့လယ်မှ ဇေယျာ စားသောက်ဆိုင် အနီးတ၀ိုက်၊ တရုတ်တန်း၊ ကိုတရာယဈေး စသည့် ဒေသများတွင် အဖမ်းအဆီးများ ထူထပ်ခဲ့သည်။

မလေးရှားနိုင်ငံတွင် မြန်မာနှင့် တောင်အာရှ နိုင်ငံများမှ အလုပ်သမား အများအပြား တရားမဝင် နေထိုင်ပြီး အလုပ် လုပ်ကိုင်လျက်ရှိသည်။

မလေးရှားအာဏာပိုင်များသည် တရားမ၀င် ၀င်ရောက်လာသူများအား နှိမ်နင်းရန် ယမန်နှစ်က စစ်ဆင်ရေး ၇၀၉၉ ကြိမ် ဆင်နွှဲခဲ့သည်။ ယင်းစစ်ဆင်ရေးများအတွင်း ၄၇၃၁၀ ဦး အဖမ်းခံခဲ့ရသည်။ ၂၆၅၄၅မှု မှာ တရားမ၀င် ၀င်ရောက်မှု ဖြစ်ပြီး ၈၆၅၅ မှုမှာ ဗီဇာသက်တမ်း ကုန်ဆုံးမှု ဖြစ်ကြောင်း သိရသည်။

လူဝင်မှုကြီးကြပ်ရေးဌာန၏ ထိန်းသိမ်းရေးစခန်းများတွင် ကျန်းမာရေး စောင့်ရှောက်မှု ညံ့ဖျင်းခြင်းကြောင့် ကူးစက်ရောဂါများ ဖြစ်ပွားပြီး သေဆုံးသည့် သတင်းများ မကြာခဏ ထွက်ပေါ်လျက်ရှိသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်