ပြီးခဲ့သည့် ဆယ်တန်း စာမေးပွဲ မတိုင်ခင်က တနေ့လျှင် ၈ နာရီကျ ခွဲတမ်း စနစ်ဖြင့် ဖြန့်ဖြူးပေးနေသော်လည်း ယခုအခါ တနေ့ လျှင်၂ နာရီ ခန့်သာရရှိကြောင်း ရန်ကုန်မြို့ခံတဦးက ဆိုသည်။
“အီးပီစီကို သွားမေးတော့ ဂက်စ်ပိုက်လိုင်းပေါက်တယ်ပြောတယ်၊ ပြင်နေတုန်းပဲ၊ ကောင်းသွားရင်အရင်အတိုင်းပြန်ရမှာပါလို့ပြော တယ်၊ ဘယ်တော့ပြန်ပေးနိုင်မယ်ဆိုတာကိုတော့ မပြောနိုင်သေးဘူး”ဟု ၎င်းက ပြောသည်။
ထိုသို့လျှပ်စစ်မီးပြတ်တောက်မှုကြောင့် အထပ်မြင့်အိမ်ရာ အဆောက်အဦးများတွင် ရေရရှိရန် ပိုမိုခက်ခဲလာကြောင်း ၎င်းက ဆက်လက်ပြောဆိုသည်။
မြန်မာနိုင်ငံတွင် ၁၉၉၇ ခုနှစ်မှ စ၍ လျှပ်စစ်မီးကို တနေ့ ၈နာရီ ခွဲတမ်းစနစ်ဖြင့် စတင်ဖြန့်ဖြူးခဲ့ခြင်းဖြစ်သည်။
ပဲခူးတိုင်း အနောက်ခြမ်းရှိ ပြည်မြို့တွင်လည်း လျှပ်စစ်မီးကို သုံးရက် တကြိမ်သာရရှိကြောင်း၊ မီးပေးသည့် အချိန်မှာလည်း ၂နာရီ ခန့်ပေးကြောင်း၊ မြို့နယ်လျှပ်စစ်ရုံးသို့ သွားရောက်ပြောဆိုသော်လည်း မည်သည့် အကြောင်းပြချက်မျှ မပေးကြောင်း ပြည်မြို့ခံ တဦးကလည်း ပြောဆိုသည်။
“အခုမီးလာတာ အချိန်မှန်မရှိတော့ဘူး၊ တခါတလေ နှစ်ရက်လောက် မပေးဘဲထားတယ်၊ လာရင်တောင် ရေတင်ဖို့အတွက် ၁နာရီ လောက်ပဲ လာတယ်”ဟု ၎င်းကဆိုသည်။
လျှပ်စစ်မီး ပြတ်တောက်မှုများကြောင့် မြို့ကြီးများ အပါအ၀င် မြန်မာနိုင်ငံ တ၀န်း မီးစက်များကို သုံးစွဲလာခဲ့ကြရာ ယခု အခါယင်း မီးစက်နှင့် လောင်စာဆီဈေးနှုန်းများ မြင့်တက်လာကြောင်း ထိုမြို့ခံကပြောသည်။
တရုတ်နိုင်ငံလုပ် မီးစက်အသေးများမှာ မူလဈေးနှုန်း ၇၀၀၀၀ ကျပ်မှ ယခုအခါ ၉၀၀၀၀ ကျပ်အထိ မြင့်တက်သွားပြီး လောင်စာ ဆီ ဈေးမှာ ဓာတ်ဆီတဂါလံလျှင် ၃၆၀၀ ကျပ်သို့ မြင့်တက်သွားကြောင်း သိရသည်။
ဇီးကုန်းမြို့ခံတဦးကလည်း ယခုရက်ပိုင်းအတွင်း ၄ရက်တကြိမ်သာမီးလာ၍ မီးလာချိန်မှာလည်း ၂နာရီခန့်သာရှိကြောင်း၊ မီးစက် အသုံးမပြုနိုင်သူများအနေဖြင့် ဖယောင်းတိုင်မီးကိုသာ အားထားနေရကြောင်း၊ ဖယောင်းတိုင်ဈေးမှာလည်း ၆ တိုင်ပါ ဖယောင်း တိုင် တထုတ်လျှင် ၃၀၀ ကျပ်ပေးရကြောင်း ပြောသည်။
ထိုသို့လျှပ်စစ်မီးပေးချိန် နည်းပါးသွားမှုနှင့် ပတ်သက်၍ လျှပ်စစ်ဓာတ်အားဖြန်ဖြူးရေး လုပ်ကိုင်နေသည့် အမှတ်၂ လျှပ်စစ်စွမ်း အားဝန်ကြီးဌာနသို့ ဧရာဝတီက ဆက်သွယ်မေးမြန်းသော်လည်း ဖြေဆိုခြင်းမရှိပေ။
အတည်မပြုနိုင်သောသတင်းများအရ ရန်ကုန်မြို့ အလုံ၊ သာကေတနှင့် အင်းစိန်မြို့နယ်ရှိ ဓာတ်ငွေ့သုံး လျှပ်စစ်ဓာတ်အားပေး စက်ရုံများသို့ ပေးပို့နေသည့် ကမ်းလွန်ဓာတ်ငွေ့ပိုက်လိုင်း ပေါက်ကွဲမှု ဖြစ်ပွားကြောင်း ရန်ကုန်သတင်းရပ်ကွက်မှသိရသည်။
ပြီးခဲ့သည့် တနင်္ဂနွေနေ့က ၀န်ကြီးချုပ် ဗိုလ်ချုပ်ကြီး သိန်းစိန်နှင့် ကာကွယ်ရေးဝန်ကြီးဌာနမှ အရာရှိကြီးများ ပဲခူးတိုင်း တောင်ငူ မြို့နယ်ရှိ သောက်ရေခပ်၂ ရေအားလျှပ်စစ်စီမံကိန်း နှင့် ရွှေကျင် ရေအားလျှပ်စစ်စီမံကိန်းသို့ သွားရောက် စစ်ဆေးခဲ့သည်ဟု ယနေ့ထုတ် မြန်မာ့အလင်းသတင်းစာတွင်ဖော်ပြထားသည်။
ယခုလအတွင်း ပြုလုပ်ခဲ့သည့် စစ်အစိုးရ၏ အထူးစီမံကိန်းများ အကောင်အထည်ဖော်ရေးဆွေးနွေးပွဲတွင် ရေအားလျှပ်စစ်စီမံကိန်း ၂၅ ခု ၊ ကျောက်မီးသွေးသုံး လျှပ်စစ်ဓာတ်အားပေးစက်ရုံနှင့် နေရောင်ခြည်မှ လျှပ်စစ်ဓာတ်အား ထုတ်ယူသုံးစွဲနိုင်သည့် Solar Panel ထုတ်လုပ်မှု စီမံကိန်းကို ရန်ကုန်မြို့တွင် အကောင်အထည်ဖော်ဆောင်ရွက်ရန် ဗိုလ်ချုပ်မှူးကြီး သန်းရွှေမှ ညွှန်ကြားထား ကြောင်း အစိုးရ သတင်းစာများတွင်ရေးသားထားသည်။
မြန်မာနိုင်ငံတွင် အကြီးဆုံးရေအားလျှပ်စစ်စီမံကိန်းဖြစ်သည့် ရဲရွာစီမံကိန်းမှ တာဗိုင်စက်တလုံးကို လွန်ခဲ့သည့် ဖေဖော်ဝါရီ လ အတွင်းက စတင်လည်ပတ်၍ တနိုင်ငံလုံးသို့ မီးပေးနိုင်ရန် စီစဉ်ထားသည်ဟု သိရသည်။
| < Prev | Next > |
|---|