ဧရာဝတီ

အမျိုးသား အချင်းချင်း လက်ထပ် ထားသည့် ကရင် တိုင်းရင်းသား အဆိုတော် တဦးကို ရန်ကုန် အခြေစိုက် Klo and Kweh ဖောင်ဒေးရှင်းက အဖွဲ့ဝင်အဖြစ်မှ မကြာသေးမီက ထုတ်ပယ်ပြီး အဖွဲ့၏ အခမ်းအနားများတွင် သီချင်းဆိုခွင့် ပိတ်ပင်လိုက်ကြောင်း သိရသည်။

အဆိုတော်၏ အမည်မှာ ယူရီ ဖြစ်ပြီး ထိုင်းအမျိုးသား တဦးနှင့် လွန်ခဲ့သည့် ၃ နှစ်ကပင် လက်ထပ် ထားသည်ဟု သိရသည်။

“(Klo and Kweh အဖွဲ့က) စင်ပေါ်ကို ပေးမတက်ပါဘူး၊ လိင်တူ ချစ်သူ ဖြစ်လို့ သီချင်း ပေးမဆို နိုင်ပါဘူး၊ ကရင်ထဲမှာ လိင်တူ ချစ်သူ မရှိပါဘူး ဆိုပြီးတော့ ကျနော့်ကို အခု ထိုင်းမှာ လာလုပ်တဲ့ ဒီအဖွဲ့ရဲ့ ၉ နှစ်မြောက် အထိမ်း အမှတ်ပွဲက စပြီးတော့ ကြေညာ လိုက်တာပါ"ဟု အဆိုတော် ယူရီက ဧရာဝတီကို ပြောသည်။

အဖွဲ့ကြီးက ထိုသို့ ပိတ်ပင် လိုက်သည့် အတွက် အလွန် ၀မ်းနည်းပြီး မိမိကိုယ်ကို သတ်သေရန်ပင် စဉ်းစားမိခဲ့သည်ဟု ယူရီက ဆိုသည်။ ထုတ်ပယ်သည့် အကြောင်းနှင့် ပတ်သက်ပြီး အဖွဲ့ ခေါင်းဆောင်များကို မေးမြန်း သော်လည်း ပြန်လည် ဖြေကြားခြင်း မရှိဟု သူက ပြောပြသည်။

Klow and Kweh အဖွဲ့ကို အမေရိကန် ပြည်ထောင်စုရောက် ကရင်တိုင်းရင်းသားများ၊ မြန်မာနိုင်ငံမှ ကရင် တိုင်းရင်းသားများက ၂၀၀၁ ခုနှစ်တွင် တည်ထောင် ခဲ့သည်ဟု သိရသည်။ ယူရီသည် ထိုအဖွဲ့၏ ဂီတဆိုင်ရာ လုပ်ငန်း အဖွဲ့ ဖြစ်သော Klo and Kweh Music Awards (KKMA)တွင် စတင် ဖွဲ့စည်းစဉ်ကပင် ပါဝင် ဆောင်ရွက် ခဲ့သည်ဟု ဆိုသည်။

ဧရာဝတီက ထိုလုပ်ငန်း အဖွဲ့ သဘာပတိ Dr. Ya Ha Lay Lay La အား ဆက်သွယ် မေးမြန်းသည့်အခါ အဆိုတော် ယူရီနှင့် ပတ်သက်ပြီး ပြောစရာ မရှိဟူသော အဖြေကိုသာ ရရှိခဲ့သည်။

အဆိုတော် ယူရီသည် ကရင်သီချင်း စီးရီး ၂ ခွေ ထွက်ရှိထားသူ ဖြစ်သည်ဟု သိရသည်။ ယခင်က အဲမန္တလေး လေကြောင်းလိုင်းတွင် လေယာဉ်မောင်အဖြစ် ၁၀ နှစ်ကြာ လုပ်ကိုင်ခဲ့ ဖူးသည်ဟု ဆိုသည်။

ယူရီသည် ၂၀၀၅ ခုနှစ်တွင် ထိုင်းနိုင်ငံသို့ ရောက်ရှိခဲ့သည်။ မကြာမီမှာပင် နှစ်ဘက် မိဘများကို အသိပေးပြီး ထိုင်းအမျိုးသား တဦးနှင့် လက်ထပ်၍ လက်ရှိ ထိုင်းနိုင်ငံတွင်ပင် နေထိုင်လျက် ရှိသည်။

လိင်တူခြင်း ထိမ်းမြားမှုကို မြန်မာပြည် အပါအ၀င် နိုင်ငံ အများအပြားတွင် ပိတ်ပင်ထားသည်။ လက်ထပ်ခွင့် ရရေးအတွက် လှုံ့ဆော်မှုများ ရှိသော်လည်း အောင်မြင်မှု အနည်းအကျဉ်းသာ ရသဖြင့် အမျိုးသမီးချင်း၊ အမျိုးသားချင်း တရားဝင် လက်ထပ်နိုင်မှုကို နိုင်ငံအနည်းငယ် တွင်သာ တွေ့နိုင်သည်။

အမျိုးသားချင်း လက်ထပ်ထားသူ အဆိုတော် ယူရီ၏ အခြေအနေကို စာနာသည်ဟု မိန်းမလျာ (လိင်တူ ချစ်သူ) များအကြောင်း အထူးပြုလေ့လာ ရေးသားဖူးသည့် နာမည်ကျော် စာရေးဆရာမ နုနုရည် (အင်းဝ) က ဆိုသည်။

"သူတို့က မိန်းကလေးစိတ်၊ မိန်းမ အတွေးအခေါ်ပဲ ဖြစ်နေတယ်လေ၊ သူတို့ကို ပြောင်းလဲလို့မှ မရတာ၊ အဲ့ဒီလို မရတဲ့ အတွက် မိန်းမတယောက် အနေနဲ့ သူတို့ကို လက်ထပ်ဖို့ အထိ လူ့ အသိုင်းအ၀ိုင်းက ခွင့်ပြုမယ်၊ အားလုံး ကလည်း အဆင်ပြေမယ် ဆိုရင် သူတို့အတွက် ကောင်းတာပေါ့”ဟု နုနုရည် (အင်းဝ) က ဧရာဝတီကို ပြောသည်။

ယူရီ ကဲ့သို့သော အမျိုးသားများကို “မိန်းမလျာ” ဟု အများက ခေါ်ကြသည်။ သို့သော်လည်း ၎င်းတို့ကမူ “လိင်တူချစ်သူ” ဟူသော ဝေါဟာရကို ပိုမို နှစ်သက်သည်ဟု သိရသည်။

သာမန် အမျိုးသားများ အဖြစ် ပြောင်းလဲ နေထိုင်ရန် မဖြစ်နိုင်ကြောင်း သိရှိကြ သောကြောင့် မိန်းမလျာများသည် ယနေ့ခေတ်တွင် ၎င်းတို့၏ အခြေအနေမှန်ကို သတ္တိရှိရှိ ထုတ်ဖော် လာကြသည်ဟု စာရေးဆရာမ နုနုရည် (အင်းဝ) က ပြောသည်။

“လူတွေရဲ့ အမြင်တွေက မပြောင်းလဲပေမယ့် သူတို့က သတ္တိ ပိုကောင်း လာတယ်၊ အရင်ကဆိုရင် ပတ်ဝန်းကျင်က ၀ိုင်းနှိမ်ကြတော့ ဒါကို ကြောက်ပြီး မဖော်ရဲဘူးလေ၊ ပုန်းနေ တဲ့ဘ၀နဲ့ပဲ တသက်လုံး သွားတဲ့ သူတွေ ရှိတယ်”ဟု စာရေး ဆရာမက ရှင်းပြသည်။

“တကယ်တော့ ဒါက ဟော်မုန်း ပြောင်းလဲ ခြင်းကြောင့် ဖြစ်လာတဲ့ အတွက် နားလည်မှု ပေးနိုင်ရင် ကောင်းတယ်၊ ဒါကို အပြစ်ကြီး တခုလို သဘောထားပြီး ဆက်ဆံမယ် ဆိုရင်တော့ မကောင်းပါဘူး” ဟု နုနုရည် (အင်းဝ) က ဆက်ပြောသည်။

မိန်းမလျာများသည် AIDS ရောဂါ ပျံ့ပွားစေသူများ ဖြစ်သောကြောင့် လူ့အသိုင်း အ၀ိုင်းတွင် မရှိသင့်သူများဖြစ်သည်ဟု ယူဆနေ သူများကိုပင် တွေ့ဖူးကြောင်း HIV/AIDS ဝေဒနာရှင်များကို ကူညီပြီး ပညာပေးလုပ်ငန်း လုပ်ဆောင်နေသော ရန်ကုန်မြို့မှ မဖြူဖြူသင်းက ပြောသည်။ 

“ဒီလိုလူတွေကို မရှိသင့်ဘူးလို့ ပြောနေမယ့်အစား ရှိလာပြီ ဆိုရင် ဘယ်လို လုပ်မလဲ ဆိုတာ စဉ်းစားသင့်ပါတယ်၊ သူတို့ကို အသိ အမှတ်မပြုဘူး ဆိုရင် ဒါကို ခိုးကြောင်ခိုးဝှက် ဖြစ်နေဦးမှာပဲလေ၊ ဒီလို ရောဂါ ဆိုတာကလည်း ပွင့်လင်းမှုမရှိဘူး၊ နားလည်မှု မရှိဘူး ဆိုရင် ပိုပြီး ပြန့်ပွားဖို့ပဲ ရှိမှာပဲ”ဟု မဖြူဖြူသင်းက ဧရာဝတီကို ပြောသည်။

အမျိုးသမီးသည် အမျိုးသားထက် နိမ့်ကျသည်ဟုပင် ယူဆတတ်ကြသည့် မြန်မာနိုင်ငံတွင် မိန်းမလျာများ အခွင့်အရေး ရရှိရန် ခက်ခဲဦးမည်ဟုလည်း သူက ပြောဆိုသည်။

လူမှုပတ်ဝန်းကျင်တွင် ဆိုးဝါးစွာ ဖယ်ကြဉ်ခံထားရသော မိန်းမလျာများအပေါ် လူအများ၏ အမြင်သည် အနည်းငယ်သာ ပြောင်းလဲ လာသည်ဟု ရန်ကုန်မြို့မှ လူငယ်တဦးဖြစ်သူ ကိုခိုင်မာက ဧရာဝတီကို ပြောသည်။

“အခုဆိုရင် သူတို့နဲ့အတူ လက်ဖက်ရည်ဆိုင် တွဲထိုင်မယ်၊ ဆံပင်ပုံစံ ပြင်ချင်ရင် သူတို့ဆီမှာ သွားပြင်မယ်၊ ဒီလိုတွေ လူငယ် ယောကျာ်းလေးတွေ ကြားထဲမှာ ရှိလာတယ်၊ ဒါပေမယ့် လိင်တူချစ်သူအဖြစ် ခံယူထားတဲ့သူ အတွက်တော့ အကန့်အသတ်တွေ အများကြီး ရှိနေပါသေးတယ်"ဟု ကိုခိုင်မာက ပြောသည်။

မိန်းမလျာ အလှပြိုင်ပွဲများကို ယမန်နှစ်က ရန်ကုန်နှင့် မန္တလေးတို့တွင် ခမ်းခမ်း နားနား ကျင်းပနိုင်ခဲ့သော်လည်း နောက်ပိုင်းတွင် ကျင်းပခွင့်ရရန် မသေချာတော့ကြောင်း သိရသည်။

မိန်းမလျာများသည် အတတ်ပညာတခု တတ်မြောက်မှသာ လူအများက ထိုအတတ်ပညာကို အသုံးပြုရန်အတွက် နေရာပေး ဆက်ဆံတတ်ကြသည်ဟု စာရေးဆရာမ နုနုရည်(အင်းဝ) က ပြောဆိုသည်။

< Prev		Next >