လယ်စိုက်ပြတဲ့ သမ္မတနဲ့ ခေါင်းပုံဖြတ်ခံရဆဲ လယ်သမားများ

Friday, 24 June 2011 13:48 ဆောင်းပါး
Print
သမ္မတ ဦးသိန်းစိန်ဟာ နေပြည်တော်မှာ စံပြလယ်ယာ စိုက်ကွင်းတွေ၊ မွေးမြူရေးခြံတွေ တည်ထောင်ပြီး ကိုယ်တိုင် သုတေသန ပြု စိုက်ပျိုးနေတယ်လို့ ဇွန်လ ၁၆ ရက်နေ့ထုတ် The Voice Weekly ဂျာနယ်ရဲ့ အွန်လိုင်းစာမျက်နှာမှာ ရေးသားဖော်ပြထားပါတယ်။

Myanmar-Prime-Minister-Lieutenant-General-Thein-Sein-2
“သူဟာ နိုင်ငံတော်သမ္မတ ဆိုသော်ငြားလည်း လယ်သမားတဦးကဲ့သို့ လယ်ယာကို သုတေသနလုပ်ပြီးတော့ တွေ့ရှိချက်တွေကို မူတည်ပြီး လယ်သမားတွေ ဖွံ့ဖြိုးတိုးတက်အောင်ဘယ်လိုလုပ်မလဲဆိုပြီး လမ်းညွှန်မှာကြားတယ်”လို့ ဧရာဝတီတိုင်း ၀န်ကြီး ချုပ် ဦးသိန်းအောင်က အခမ်းအနား တခုမှာ ပြောဆိုခဲ့တာကို ကိုးကား ရေးသားထားတာပါ။

ဦးသိန်းစိန်ဟာ သမ္မတ တာဝန် စတင်ထမ်းဆောင်တဲ့မကြာခင်ရက်ပိုင်းမှာပဲ အစိုးရအဖွဲ့အတွက် စီးပွားရေးအကြံပေးအဖွဲ့၊ နိုင်ငံ ရေး အကြံပေးအဖွဲ့တွေ ဖွဲ့စည်းပြီး ဆင်းရဲမွဲတေမှု တိုက်ဖျက်ရေး ကော်မတီတရပ် ကို စီးပွားရေးပညာရှင်တွေနဲ့ ဖွဲစည်း၊ တာဝန် ပေးခဲ့တဲ့ အပြင် စာတမ်းတွေ တင်သွင်း၊ ဆွေးနွေးပွဲတွေ ပြုလုပ်ပေးခဲ့ပါတယ်။

ဆင်းရဲမွဲတေမှုတိုက်ဖျက်ရေး အစီအစဉ်တွေအတွက် စာတမ်းပြုစုတင်သွင်းသူနဲ့ သမ္မတရဲ့စီးပွားရေးအကြံပေးအဖွဲ့ ခေါင်းဆောင် ဖြစ်သူ ဒေါက်တာ ဦးမြင့်က“စိုက်ပျိုးရေး ကဏ္ဍဟာ မြန်မာနိုင်ငံရဲ့စီးပွားရေးအဆောက်အအုံမှာ အဓိက ကျပါတယ်။ စိုက်ပျိုးရေး အခြေခံကောင်းမှ နိုင်ငံအတွက်ကောင်းမယ်”လို့ သူ့ရဲ့စာတမ်းမှာ ရေးသားထားပါတယ်။

သမ္မတ ဦးသိန်းစိန်ရဲ့နိုင်ငံတော်အခြေပြု မိန့်ခွန်းတွေမှာလည်းပဲ မြန်မာနိုင်ငံရဲ့လူဦးရေ ၇၀ ရာခိုင်နှုန်းကျော်ဟာ တောင်သူ လယ်သမားတွေ ဖြစ်တဲ့အတွက် လယ်ယာကဏ္ဍကို ဦးစားပေးလုပ်ဆောင်သွားဖို့နဲ့ စိုက်ပျိုးစရိတ်ချေးငွေ(အမတော်ကြေး)တွေကို အတိုးနှုန်း သက်သာစွာနဲ့ ထုတ်ချေးပေးသွားမယ်လို့ နိုင်ငံကို ကြေညာခဲ့ပါတယ်။

ဦးသိန်းစိန် ပြောတဲ့မိန်းခွန်းတွေထဲက အတိုင်းပဲ လယ်ယာနှင့်ဆည်မြောင်း ၀န်ကြီးဌာန လက်အောက်ခံဖြစ်တဲ့ မြန်မာ့လယ်ယာ ဖွံ့ဖြိုးမှုဘဏ်(စိုက်ဘဏ်) က လယ်သမားတွေကို နှစ်တိုင်းထက် ချေးငွေ အနည်းငယ် ပိုချေးပေးနေပေမယ့် အစိုးရသစ်ရဲ့ အောက် ခြေ ၀န်ထမ်းတွေ၊ ဒေသဆိုင်ရာအာဏာပိုင်တွေက နည်းမျိုးစုံနဲ့ ဖြတ်တောက်ယူနေကြတယ်လို့ လယ်သမားတွေကဆိုပါတယ်။

“လက်မှတ်ထိုး ပေးရတာက ကျပ် ၇ သောင်းပါ။ ပေးတော့ ၅ သောင်းပဲ ပေးတယ်။ မေးကြည့်တော့ မြို့နယ် လူကြီးနဲ့ ဘဏ် မန်နေဂျာကို ပေးရတယ်ပဲ ပြောတယ်”လို့ ရခိုင်ပြည်နယ် ကျောက်ဖြူမြို့နယ် ရွှေညိုမ ကျေးရွာ လယ်သမားတဦးက ပြောပါတယ်။

အထူးသဖြင့်  ဧရာဝတီတိုင်း နာဂစ်ဒေသနဲ့ ရခိုင်ပြည်နယ်ရဲ့ ဂီရိဒေသက မြို့နယ်၊ ကျေးရွာအများ အပြားမှာ ကျေးရွာ အုပ်ချုပ် ရေးမှူး၊ ဘဏ်မန်နေဂျာ၊ မြို့နယ် အုပ်ချုပ်ရေးမှူး ဆိုသူတွေက အဆင့်ဆင့် ဖြတ်တောက်ယူနေတာကြောင့် လယ်သမားတွေရဲ့ စိုက်ပျိုးစရိတ်အတွက် အခက်အခဲတွေ အများကြီးကြုံနေကြရတာပါ။

အစိုးရသစ်ကို Good Governance (ကောင်းမွန်သောအုပ်ချုပ်မှုစနစ်)၊ Clean Government(သန့်ရှင်းသောအစိုးရ)တရပ်ဖြစ် ရန် လုပ်ဆောင်သွားမယ် ဆိုပြီးတော့လည်း သမ္မတ ဦးသိန်းစိန်က ဧပြီလ ၆ ရက်နေ့က နိုင်ငံကို ကြေညာခဲ့ပါတယ်။

သန့်ရှင်းသော အစိုးရဖြစ်ဖို့ သမ္မတက ကြေညာထားပေမယ့် အစိုးရသစ်ပေါ်ပြီး နောက်ပိုင်းမှာ လာဘ်ပေး၊ လာဘ်ယူမှုတွေ၊ မတရား အခွန်အခ ကောက်ခံမှုတွေ ဆက်လက်ရှိနေဆဲပဲလို့ သိရပါတယ်။

ဧပြီလ“သမ္မတ ပြောထားသလို တာဝန်ရှိသူ အဆင့်ဆင့်က လက်တွေ့လုပ်ဖို့ လိုပါတယ်။ အစိုးရသစ် တာဝန်ယူပြီး နောက်ပိုင်းမှာ မြို့နယ်၊ ကျေးရွာအဆင့်တွေမှာ တောင်းရမ်းမှုတွေက ပိုများလာနေတယ်”လို့ ကျောက်ဖြူမြို့နယ်က ရခိုင်တိုင်းရင်းသားများ တိုးတက်ရေးပါတီ (RNDP) ရဲ့ ပြည်သူ့လွှတ်တော် ကိုယ်စားလှယ် ဦးဘရှင်က ပြောပါတယ်။

နေပြည်တော်မှာ လက်ရှိကျင်းပနေတဲ့ ရေးရာကော်မတီ အစည်းအဝေးတွေမှာ လယ်သမားအရေးကိစ္စ တွေကို ဆွေးနွေးပေမယ့် ထိရောက်မှု မရှိဘူးလို့ ဥပဒေကြမ်းရေးရာ ကော်မတီဝင် လွှတ်တော်ကိုယ်စားလှယ် တဦးက ဆိုပါတယ်။

“လွှတ်တော်ထဲမှာ လယ်သမားအရေး ကိစ္စတွေကို ဆွေးနွေးကြပေမယ့် တကယ် လိုအပ်ချက်တွေ၊ အခက်အခဲ အဖြစ်အပျက် တွေကို ပြောဆိုပိုင်ခွင့်က လွှတ်တော် ကိုယ်စားလှယ်တွေ မရကြဘူး”လို့ သူက ဆက်ပြောပါတယ်။

မတူကွဲပြားခြင်းနှင့်ငြိမ်းချမ်းရေးပါတီ ဥက္ကဋ္ဌ ဦးနေမျိုးဝေကတော့ “လယ်သမားတွေနဲ့ ပတ်သက်တဲ့ ဥပဒေတချို့ကို ပြင်ဆင်ဖို့ လိုအပ်နေတယ်။ ဒါတွေကို လက်ရှိ လွှတ်တော် အစည်းအဝေးတွေက ဘာမှပြောဆိုတာ မတွေ့ရသေးဘူး၊ အသံတွေ တိတ်နေတော့ မဆလ ခေတ် လွှတ်တော်နဲ့ ဘာမှမထူးဘူး” လို့ ဆိုပါတယ်။

ဧရာဝတီတိုင်း မြစ်ဝကျွန်းပေါ်ဒေသက လယ်သမားတွေဟာလည်း ဒေသဆိုင်ရာ သစ်တောဌာနနဲ့ မြေစာရင်းဌာနတွေရဲ့ လယ် မြေ သိမ်းယူမှုတွေနဲ့ ကြုံတွေ့နေကြရတဲ့အပြင် ရွာအုပ်ချုပ်ရေးမှူးတွေရဲ့ ခေါင်းပုံဖြတ် အမြတ်ထုတ်မှုတွေကို ရင်ဆိုင်နေကြ ရ တယ်လို့ အမျိုးသားဒီမိုကရေစီ အင်အားစု (NDF) ကိုယ်စားပြုပြီး ဧရာဝတီတိုင်း ဘိုကလေးမြို့နယ်က ရွေးကောက်ပွဲ ၀င်ခဲ့တဲ့ ကိုယ်စားလှယ် ဒေါ်ခင်စုစုအောင်က ပြောပါတယ်။

“အမတော်ကြေး ထုတ်ပေးနေချိန်မှာ သစ်တောဌာနက လယ်သိမ်းလိုက်တော့ အမတော်ကြေး ချေးငွေပါ မရတော့တဲ့ လယ်သမားတွေ အများကြီးရှိနေပါတယ်။ ဒုက္ခရောက်နေကြတဲ့ လယ်သမားတွေ များလာနေတယ်”လို့ လယ်သမား အရေး ကူညီ ဆောင်ရွက်ပေးနေတဲ့ ဒေါ်ခင်စုစုအောင် က ဆိုပါတယ်။

အဲဒီလို လယ်ယာမြေ အဓမ္မ သိမ်းယူမှုတွေဟာလည်းပဲ နိုင်ငံအနှံ့ ဖြစ်ပေါ်နေဆဲပါ။

နာဂစ်ဒေသနဲ့ ဂီရိဒေသက လယ်သမားတွေ အတွက် အမတော်ကြေး ချေးငွေတွေကို ဇွန်လဆန်းကနေ စတင် ထုတ်ပေး နေ ပေမယ့် လုံလောက်မှု မရှိတဲ့အတွက် စပါးစိုက်ပျိုးရာသီ ရောက်တာတောင် လယ်ယာလုပ်ငန်းခွင်ကို မ၀င်နိုင်ကြသေးဘူး လို့ လယ်သမားတွေက ပြောပါတယ်။

“လယ်ဧက ဘယ်လောက်ပဲရှိရှိ တဦးကို ကျပ် ၂ သိန်းပဲ ရတယ်။ တဧက အတွက် ကုန်ကျတာ ၉ သောင်းခွဲ ၀န်းကျင်ပါ။ အဲဒီ ငွေထဲက ဟိုစရိတ်၊ ဒီစရိတ်အတွက်ဆိုပြီး ဖြတ်ယူတာက ၇၀၀၀ လောက်ရှိတယ်” လို့ ဘိုကလေးမြို့နယ် ဖိုးညိုကျေးရွာ ဒေသ ခံ လယ်သမား ဦးဝင်းမောင်က ပြောပါတယ်။

မြစ်ဝကျွန်းပေါ် နာဂစ်ဒေသလယ်သမားတွေထဲကအများစုဟာ အနည်းဆုံး လယ် ၁၀ ဧကနဲ့အထက် ပိုင်ဆိုင်ကြပြီး စိုက်ပျိုး စရိတ်မလုံလောက်မှုတွေကြောင့် စပါးအထွက်နှုန်းလျော့ကျတဲ့အပြင် အရည်အသွေးလည်းညံ့စေတယ်လို့ သူက ဆက်ပြောပါတယ်။

အဲဒီဒေသတွေအပြင် ပဲခူးတိုင်း အနောက်ခြမ်း သာယာဝတီခရိုင် အတွင်းက ကျေးရွာတွေက စိုက်ပျိုးစရိတ်ချေးငွေ ရရှိလိုတဲ့ တောင်သူတွေဟာ သက်ဆိုင်ရာ ကျေးရွာအုပ်စုပိုင် အုပ်ချုပ်ရေးမှူးတွေကို ငွေပေးကြရကြောင်း၊ လာဘ်ငွေပေးထားတဲ့ တောင် သူတွေကိုသာ ချေးငွေ ထုတ်ပေးကြောင်း ဒေသခံ လယ်သမားတွေက ပြောဆိုကြတဲ့အတွက် အမတော်ကြေး ဖြတ်တောက်မှုဟာ နေရာဒေသ အများစုမှာ ဖြစ်ပေါ်နေတယ်လို့ ဆိုရမှာပါ။

စီးပွားရေး ပညာရှင် ဒေါက်တာ ဦးမြင့်ကတော့ နာဂစ်ဒေသမှာ ဆုံးရှုံးပျက်စီးသွားခဲ့တဲ့ သဘာဝနဲ့ လူလုပ် အခြေခံ အဆောက် အအုံတွေ၊ အသက်မွေးဝမ်းကြောင်းကိစ္စတွေအတွက် နေစရာ၊ လုပ်စရာ လိုအပ်ချက်တွေဟာ လူအများရဲ့ချေးငွေ လိုအပ်ချက် တွေကို ထင်ဟပ်စေပြီး လက်ရှိအခြေအနေမှာ စိုက်ပျိုးချေးငွေ ရရှိရေးကို အထူးအာရုံ စိုက်သင့်တယ်လို့ ဆိုပါတယ်။

မြန်မာနိုင်ငံရဲ့ လယ်ယာကဏ္ဍ ဖွံ့ဖြိုးတိုးတက်ရေးနဲ့ စပါးအထွက်နှုန်း တိုးမြှင့်ရေးအတွက် လယ်သမားတွေကို မက်လုံးပေးဖို့၊ ချေးငွေ စဉ်ဆက်မပြတ် ထုတ်ချေးပေးဖို့နဲ့ ပြန်ဆပ်နိုင်မယ့် အခြေအနေ စနစ်တကျ ဆောင်ရွက်ပေးဖို့ အလေးထား လုပ်ဆောင် ဖို့ လိုတယ် ဆိုတဲ့အကြောင်း စာတမ်းမှာ ရေးသားထားပါတယ်။ လုပ်ဆောင်ရာမှာလည်း အစိုးရအပြင် ပုဂ္ဂလိက ကဏ္ဍ၊ လူမှုအဖွဲ့အစည်းတွေနဲ့ NGO တွေပါ ပါဝင်ဖို့ လိုအပ်တယ်လို့ ဆိုပါတယ်။

Myanmar_female_farmers
လယ်ယာကဏ္ဍတိုးတက်ရေးအတွက် လယ်သမားတွေရဲ့လိုအပ်ချက်တွေကိုကူညီထောက်ပံ့မှုဟာလွတ်လပ်ရေးရပြီးတဲ့နောက် ပိုင်းမှာ အားနည်းသွားကြောင်း၊ ၁၉၃၈-၁၉၃၉ ခုနှစ်မှာ မြန်မာနိုင်ငံဟာ ပြည်ပကို ဆန်တန်ချိန် ၃ ဒဿမ ၃ သန်း တင်ပို့နိုင်ခဲ့တဲ့အပြင်၊ ကမ္ဘာ့ဆန်တင်ပို့မှု နံပါတ် ၁ နေရာမှာရှိနေခဲ့ပြီး၂၀၀၇-၂၀၀၈ ခုနှစ်မှာတော့ ဆန်တန်ချိန် ၃ သိန်းကျော်ပဲ တင်ပို့နိုင်တဲ့အထိ ကျဆင်းသွားတယ်ဆိုတဲ့အကြောင်း သမ္မတရဲ့ စီးပွားရေးအကြံပေး အဖွဲ့ခေါင်းဆောင်က သူ့စာတမ်းမှာ ရေးသားထားပါတယ်။

ဇွန်လ ၂၁ ရက်နေ့မှာ ပြုလုပ်တဲ့ ကျေးလက်ဒေသ ဆင်းရဲနွမ်းပါးမှု လျှော့ချရေး ဗဟိုကော်မတီရဲ့ (၁/၂၀၁၁) အစည်းအဝေးမှာ ဆင်းရဲမွဲတေမှု တိုက်ဖျက်ရေးအတွက် လုပ်ငန်းစဉ် ၈ ရပ် ချမှတ်ရာမှာလည်းပဲ လယ်ယာကဏ္ဍ ဖွံ့ဖြိုးတိုးတက်ရေး ကို နံပါတ် ၁ ဦးစားပေး ဆောင်ရွက်သွားမယ်လို့ သမ္မတ ဦးသိန်းစိန်က ထပ်မံ ပြောဆိုခဲ့ပါတယ်။

အစိုးရသစ် အဖွဲ့ရဲ့ လယ်ဆည်ဝန်ကြီး ဦးမြင့်လှိုင်ဟာ ပြည်နယ်၊ တိုင်းတချို့က လယ်သမားတွေနဲ့ တွေ့ဆုံပြီး စပါး အထွက်နှုန်း ကောင်းမယ့် နည်းလမ်းတွေ၊ လိုအပ်ချက်တွေ ဖြည့်ပေးနေတယ် ဆိုတဲ့အကြောင်း အစိုးရထုတ် သတင်းစာတွေက မကြာခဏ ရေးသားလေ့ ရှိပါတယ်။

မြန်မာနိုင်ငံရဲ့ လူဦးရေ သန်း ၆၀ နီးပါးမှာ ၇၀ ရာခိုင်နှုန်းဟာ ကျေးလက်နေ ပြည်သူတွေ ဖြစ်တဲ့အပြင် အများစုဟာ ဆင်းရဲနွမ်း ပါးသူတွေ ဖြစ်နေတဲ့အတွက် အဲဒီဆင်းရဲနွမ်းပါးမှုကို ၂၀၁၄ - ၂၀၁၅ မှာ ၁၆ ရာခိုင်နှုန်းအထိ လျှော့ချ သွားမယ်လို့ ဦးသိန်းစိန် က ဇွန်လ ၂၁ ရက်နေ့ အစည်းအဝေးမှာ ပြောဆိုခဲ့ပါတယ်။

လယ်သမား အများစုနေထိုင်တဲ့ ကျေးလက်နေ ပြည်သူတွေရဲ့ လူနေမှုဘ၀တွေ တိုးတက်ပြောင်းလဲဖို့အတွက် ကျေးရွာအဆင့်၊ မြို့နယ်အဆင့် သမ၀ါယမ အစုအဖွဲ့တွေ ဖွဲ့စည်းတည်ထောင်ပြီး ချေးငွေ၊ စုငွေ ကဏ္ဍတွေ ဖော်ဆောင်ပေးသွားမယ်လို့လည်း သမ္မတ ဦးသိန်းစိန်က ပြောပါတယ်။

အဲဒီလို အဖွဲ့တွေ ပေါ်ပေါက်လာတဲ့အခါမှာ ချေးငွေတွေ ရဖို့ လာဘ်ပေး၊ လာဘ်ယူမှုတွေ ထပ်မံ ပေါ်ပေါက်လာမှာလား၊ သမ္မတ ဦးသိန်းစိန် ကြွေးကြော်ထားတဲ့အတိုင်း Clean Government(သန့်ရှင်းသောအစိုးရ) တကယ် ဖြစ်လာတော့မှာလား၊ သမ္မတ ကိုယ်တိုင် လယ်စိုက်ပြ၊ သုတေသန လုပ်တာနဲ့ လယ်သမားတွေရဲ့ဘ၀ တကယ်ပဲ ပြောင်းလဲတိုးတက် လာတော့မှာလား ဆိုတာတော့ ဘယ်သူမှ သေသေချာချာ မပြောနိုင်ကြသေးပါဘူး။     ။