နာဂစ်ဆိုင်ကလုန်းမုန်တိုင်း တိုက်ခတ်ဖျက်ဆီးပြီး၍ ၅ ရက်ကြာသည့်တိုင်၊ နိုင်ငံ၏အကြီးဆုံးမြို့ဖြစ်သည့် ရန်ကုန်အပါအ၀င် မြန်မာနိုင်ငံ၏ တောင်ပိုင်းဒေသများသည် နာလံမထူနိုင်ဘဲ ဖြစ်နေရပါသည်။ သဘာဝဘေးဒဏ်သင့်ပြီးနောက် ရှင်ကျန်ရစ် သူများထံ လိုအပ်သည့် ကယ်ဆယ်ရေးအကူအညီများ အလုံးအရင်းဖြင့် မရောက်ရှိနိုင်ခြင်းကြောင့် နောက်ထပ်သေဆုံးရမှု များ ဆိုးရွားဖြစ်ပေါ်လာနိုင်သည်ဟုလည်း နိုင်ငံတကာအကူအညီပေးရေး အေဂျင်စီများက စိုးရိမ်နေကြပါသည်။

လူပေါင်း တသန်းအထိ အိုးအိမ်မဲ့ဖြစ်ခဲ့ရပြီး၊ ဤဒုက္ခသည်များမှာ သောက်သုံးရေ၊ အစားအစာနှင့် ဆေးဝါးထောက်ပံ့မှုများ မရှိဘဲ ခက်ခဲကြမ်းတမ်းစွာ ရပ်တည်နေကြရပါသည်။ ဧရာဝတီတိုင်းဒေသမှာ ငှက်ဖျားရောဂါနှင့် ကာလ၀မ်းရောဂါ အမြဲ တစေ ဖြစ်ပွားလေ့ရှိသောနေရာ ဖြစ်သောကြောင့်လည်း၊ ထိုဒေသများတွင် ၎င်းကူးစက်ရောဂါများ အသစ်တဖန်ပြန်၍ အကြီးအကျယ် ပျံ့ပွားကူးစက်ခံရနိုင်သည့် အန္တရာယ်လည်း ရှိနေပါသည်။

မြန်မာနိုင်ငံ၏ ပြည်ဝင်ခွင့် ဗီဇာလုပ်ထုံးအကန့်အသတ်များကြောင့် အရေးပေါ်အကူအညီပေးရေးကိစ္စများက နှောင့်နှေးနေ ရပြီး၊ စစ်အစိုးရက အကူအညီပေးရေး ၀န်ထမ်းများအပါအ၀င်၊ ပြင်ပမှပုဂ္ဂိုလ်များကို သဘာဝကပ်ဘေးသင့်ဒေသများသို့ သွားရောက်ခွင့်ပေးရန်အတွက် တွန့်ဆုတ်လေးဖင့်နေဆဲဖြစ်ပါသည်။

မြန်မာနိုင်ငံ၏ အိမ်နီးချင်းနိုင်ငံများမှ အကူအညီများစတင်ရောက်ရှိလာနေပြီ ဖြစ်ပြီး၊ ကုလသမဂ္ဂ ကမ္ဘာ့စားနပ်ရိက္ခာ အစီ အစဉ် (WFP) ကလည်း ကပ်ဘေးသင့်နေရာများသို့ ပထမအကြိမ် ကူညီမှုများ ရောက်လာပြီဖြစ်ပါသည်။ သို့သော်လည်း မုန်တိုင်းနှင့် ရေလွှမ်းမိုးထားမှုဒဏ်ကြောင့် လမ်းများပျက်စီးနေကြပြီး သယ်ယူပို့ဆောင်ရေးအတွက် အခက်အခဲရှိနေရပါ သည်။

မတော်တလျော်ကိစ္စများကို မြင်တွေ့နေရပါသေးသည်။ နိုင်ငံကို အုပ်ချုပ်နေသည့် စစ်အစိုးရက နိုင်ငံတကာ အကူအညီများ တောင်းခံခဲ့သော်လည်း၊ ဗီဇာတင်းကျပ်ကန့်သတ်မှုများနှင့် နိုင်ငံတကာအဖွဲ့အစည်းများအပေါ် သင်္ကာ မကင်းစိတ်များက မပြောင်းမလဲ ကျွင်းကျန်နေဆဲ ဖြစ်သည်။

"ကျနော်တို့က အစိုးရဆီက အမြင့်မားဆုံး ပူးပေါင်းဆောင်ရွက်မှုကို ရလိုပါတယ်" ဟု ကုလသမဂ္ဂ လူသားချင်း စာနာမှု ဆိုင်ရာ ပူးပေါင်းဆောင်ရွက်ရေးရုံး (UN's Office for the coordination of humanitarian affairs) ၏ ဒါရိုက်တာ ရာရှစ် ခါလီကော့ဖ် (Rashid Khalikov) က သတင်းထောက်များကို နယူးယောက်မြို့တွင် ပြောခဲ့ပါသည်။ "ကျနော်တို့က ပြည်ဝင် ခွင့်တောင်းတယ်။ အခုအချိန်အထိ ဗီဇာတွေ မရသေးဘူး" ဟု သူက ဆိုသည်။

ဆက်သွယ်ရေးများ ပြတ်တောက်နေသောကြောင့်လည်း ပြည်ပရောက်နေသူ မြန်မာနိုင်ငံသားများလည်း မိသားစုဝင်များကို ဆက်သွယ်၍ မရနိုင်ဖြစ်နေကြပြီး အသက်ရှင်ကျန်ရစ်နေသူများကို ၀ိုင်းဝန်းကူညီကြရန်လည်း ခက်နေပါသည်။

ဤသို့ ကပ်ဘေးဒုက္ခကြုံနေရသည့်အရေး သက်သာစေရန်အတွက် ထိရောက်သည့် အရေးပေါ်ကူညီပံ့ပိုးမှုများ လိုအပ်နေ သော်လည်း၊ စစ်အစိုးရက ပြည်သူများကို "ကိုယ့်အားကိုယ်ကိုးရေး" အတွက်သာ တိုက်တွန်းပြောဆိုနေပါသည်။ အစိုးရက လျစ်လျူရှုထားသောကြောင့်လည်း ပြည်သူများက ပိတ်ဆို့ပျက်စီးနေသော လမ်းများနှင့် အဝေးပြေးလမ်းမများကို ရဟန်း သံဃာများ အကူအညီဖြင့် ကိုယ့်ဘာသာကိုယ် ပြင်ဆင်ထူထောင်နေကြရပါသည်။ ပုဂ္ဂလိကရေတွင်း ပိုင်ဆိုင်သူများက လည်း အိမ်နီးချင်းလူထုများအတွက် အခမဲ့ရေကူညီနေကြပါသည်။

စစ်တပ်သည် စည်းစနစ်အကျဆုံး၊ သစ္စာအရှိဆုံး၊ ညီညွတ်မှုအရှိဆုံးနှင့် နိုင်ငံကို ကာကွယ်ရန် သံန္နိဌာန် ချမှတ်ဆောင်ရွက် နေသည့် တခုတည်းသော ယူနီဖောင်းဝတ် အဖွဲ့အစည်းအဖြစ် ဂုဏ်တင်ဝါကြွား ပြောဆိုခဲ့ကြပါသည်။ ယခု နိုင်ငံက အမှန် တကယ်အလိုရှိနေသည့်အချိန်တွင် အင်အား ၅ သိန်းခန့်ရှိ မြန်မာ့စစ်တပ် ဘယ်မှာရှိနေကြသနည်း။

စစ်အစိုးရက အမှန်တကယ်အာရုံထားနေသည်မှာ ဖွဲ့စည်းပုံအခြေခံဥပဒေ မူကြမ်းအတည်ပြုနိုင်ရေး အတွက် ဆန္ဒခံယူပွဲ ဖြစ်နေပြီး လာမည့်စနေနေ့တွင် ကျင်းပရန် ရှိပါသည်။ ဆိုင်ကလုန်းမုန်တိုင်း တိုက်ခတ်ဖျက်ဆီးခံရ သည့် မြို့နယ် ၄၇ မြို့တွင် မဲပေးရန်ရွှေ့ဆိုင်းခဲ့သော်လည်း ဆန္ဒခံယူပွဲကို မဖြစ်မနေ ဆက်ကျင်းပရန် ရှိနေသည်။

ဆိုင်ကလုန်းမုန်တိုင်းဒဏ်အပေါ် စစ်အစိုးရ၏ တုံ့ပြန်ဆောင်ရွက်နေပုံနှင့် မုန်တိုင်းဒဏ်သင့် ပြည်သူများအပေါ် ဥပက္ခာပြု ထားပုံမှာ ရှက်ဖွယ်လိလိ ဖြစ်သည်။ အတုအယောင်ဆန္ဒခံယူပွဲတွင် ဤအခြေအနေကြောင့် နိုင်ငံရေးအရ အမှတ်တက်စရာ လည်း မရှိပါ။ ဆန္ဒခံယူပွဲကို နောက်သို့ ရွှေ့ဆိုင်းထားသင့်သည်။ ပြည်သူများထံသို့ နိုင်ငံတကာ အကူအညီများ အဆော တလျှင် ရောက်ရှိစေရေးကိုသာ ဖြစ်နိုင်သမျှအစွမ်းဖြင့် ကြိုးပမ်းဆောင်ရွက်သင့်သော ကာလလည်း ဖြစ်ပါသည်။ ဤပြည် သူများ၏ စားဝတ်နေရေးနှင့် ခိုလှုံရာ ရရှိရေးကိစ္စက တန်ဖိုးမဲ့ မဲစာရွက်များထက် ပို၍ အရေးကြီးနေပါကြောင်း။

< Prev		Next >