ကမ္ဘာ့ ကုလသမဂ္ဂ၊ နိုင်ငံတကာနှင့် စစ်အစိုးရတို့၏ ချိန်ခွင်လျှာ

မြန်မာ စစ်အစိုးရ၏ နိုင်ငံခြားရေး ၀န်ကြီးက ကုလသမဂ္ဂ အထွေထွေ ညီလာခံတွင် နိုင်ငံတကာ မိသားစုက တောင်းဆိုသော နိုင်ငံရေး အကျဉ်းသားများ လွှတ်ပေးရန်၊ အတိုက်အခံ အုပ်စုများ၊တိုင်းရင်းသား ခေါင်းဆောင်များနှင့် အဓိပ္ပာယ်ရှိ သည့် တွေ့ဆုံဆွေးနွေးမှုများပြုရန် စသည့် အချက်များကို လျစ်လျူရှု၍ ၎င်းတို့စစ်အစိုးရ၏ “လမ်းပြမြေပုံ” ကိုသာ ဆက်လက် ကိုင်စွဲ မည်ဖြစ်ကြောင်း ပြောဆိုခဲ့သည်။

တနင်္လာနေ့က နယူးယောက်မြို့တွင် ကျင်းပသည့် အဆိုပါ အထွေထွေညီလာခံတွင် ရှေ့မတိုး နောက်မဆုတ်သာ ဖြစ်နေ သည့် မြန်မာ့နိုင်ငံရေး အခြေအနေကို စိုးရိမ်နေကြသော နိုင်ငံများအား နိုင်ငံခြားရေးဝန်ကြီး ဦးဉာဏ်ဝင်းက စစ်အစိုးရ၏ “ဒီမိုကရေစီ လမ်းပြမြေပုံ” သည်သာ အရပ်သား အုပ်ချုပ်ရေးစနစ်သို့ ပြန်လည်ကူးပြောင်းရန် အကောင်းဆုံးနည်းလမ်း ဖြစ်ကြောင်း ချွေးသိပ် အဖြေပေး ပြောဆိုခဲ့လေသည်။

၎င်းအစည်းအဝေးမတိုင်မီ ၂ ရက်အလိုက ကုလသမဂ္ဂတွင် ယာယီဖွဲ့စည်းထားသည့် “မြန်မာနိုင်ငံ၏ မိတ်ဆွေနိုင်ငံများအုပ်စု” အစည်းအဝေးက တင်ပြထားခဲ့သလို အတိုက်အခံ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားများ လွတ်မြောက်ရေးကိစ္စကို ဦးဉာဏ်ဝင်း က တလုံးတပါဒမျှ ပြောဆိုသွားခဲ့ခြင်း မရှိခဲ့။ အလားတူ နိုင်ငံရေး အတိုက်အခံများနှင့်လည်း ဆွေးနွေး ပြောဆိုလိုဟန် မပြခဲ့ပေ။

စနေနေ့တွင် ကုလသမဂ္ဂအထွေထွေညီလာခံ ပင်မအစည်းအဝေးကြီး၏ ပြင်ပတွင် ကျင်းပသည့် ၎င်းအုပ်စု၏ မြန်မာ့အရေး ဆွေးနွေးပွဲ၌ အရှေ့တောင်အာရှနိုင်ငံများအသင်း (အာဆီယံအဖွဲ့)၊ ဥရောပသမဂ္ဂ၊ အမေရိကန်ပြည်ထောင်စု၊ ရုရှား၊ တရုတ်၊ ဗြိတိန်နှင့် ပြင်သစ်နိုင်ငံ ကိုယ်စားလှယ်များ တက်ရောက်ခဲ့ကြပြီး စစ်အစိုးရကို ကုလသမဂ္ဂနှင့် ပူးပေါင်းဆောင်ရွက်ပါရန် တောင်းဆိုခဲ့သည်။

ထို့ပြင် လုံခြုံရေးကောင်စီကလည်း စစ်အစိုးရကို နိုင်ငံရေးအကျဉ်းသားများ အားလုံးလွှတ်ပေးရေး အတွက် ဒီမိုကရေစီ အင်အားစုများနှင့် ပြောဆိုဆွေးနွေးရန်၊ နိုင်ငံရေးလုပ်ငန်းစဉ်များကို တံခါး ဖွင့်ပေးရန် နှင့် လူ့အခွင့်အရေး ချိုးဖောက်မှု များကို အဆုံးသတ်စေရန် တောင်းဆိုခဲ့သည်။

သို့သော် စိတ်ပျက်ဖွယ်ရာမှာ မြန်မာစစ်အစိုးရ၏ နိုင်ငံခြားရေးဝန်ကြီးက ဤတောင်းဆိုချက်များကို လုံးဝ ရည်ညွှန်း ဖြေကြား သွားမှု မရှိခြင်းပင် ဖြစ်သည်။ ထို့အပြင် သူက အထူးသဖြင့် အမေရိကန်နှင့် ဥရောပသမဂ္ဂနိုင်ငံများကို “တရားမျှတမှု မရှိ သည့်” စီးပွားရေး ပိတ်ဆို့အရေးယူမှုများ ရုပ်သိမ်းပေးပါ ရန် ပြန်လည် တောင်းဆိုရုံမျှမက ဤသို့စီးပွားပိတ်ဆို့ ဒဏ်ခတ် မှုများက “မြန်မာပြည်သူများ၏ ဖွံ့ဖြိုးမှုနှင့် တိုးတက်မှုကို ထိခိုက်စေသည်” ဟုပင် ဆိုခဲ့သေးသည်။

သူက မြန်မာနိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေကို ယခုနှစ် မေလက ပြည်လုံးကျွတ် ဆန္ဒခံယူပွဲဖြင့် အတည်ပြုထားပြီး ဖြစ်ကြောင်းနှင့် “ဒီမိုကရေစီ လမ်းပြမြေပုံ” ၏ နောက်တဆင့် ရွေးကောက်ပွဲများကို ၂၀၁၀ ပြည့်နှစ် တွင် ကျင်းပမည်ဖြစ် ကြောင်း ပြောခဲ့သည်။ သို့ရာတွင် ဖွဲ့စည်းပုံအတွက် လုပ်ခဲ့သည့် ဆန္ဒခံယူပွဲ၌ လွတ်လပ်သည့် ပြင်ပလေ့လာ စောင့်ကြည့် သူများ မပါရှိဘဲ ကျင်းပခဲ့ခြင်းသာ ဖြစ်ပြီး မတရားမှုများ ရှိခဲ့သည်ဟုလည်း သတင်းများ ဖြစ်ပေါ်ခဲ့သည်။

ကုလ အထွေထွေညီလာခံရှိ တခြားသောနိုင်ငံများမှ ၀န်ကြီးများကို သူက “နိုင်ငံတကာ မိသားစုတွေ အနေနဲ့ မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် မြန်မာပြည်သူလုထုရဲ့ ဆန္ဒကို လေးစားသင့်ပါတယ်” ဟုလည်း ပြောဆိုခဲ့ သေးသည်။

ပြည်သူများ၏ ဆန္ဒကို လေးစားသင့်သည်ဟု ပြောဆိုနေသော်လည်း မြန်မာ စစ်အစိုးရက နိုင်ငံရေးအကျဉ်းသား ၂၀၀၀ ကျော်ကို ထောင်သွင်းအကျဉ်း ချထားခဲ့သည်။ ၎င်းတို့ အထဲတွင် ကမ္ဘာသိထင်ရှားသည့် နိုဘဲလ်ဆုရှင် ဒေါ်အောင်ဆန်း စုကြည်လည်း တဦးအပါအ၀င် ဖြစ်သည်။

အကယ်၍ စစ်အစိုးရကသာ လူထုက ရွေးချယ်တင်မြှောက်သည့် အရပ်သားအစိုးရ ဖွဲ့စည်းရေးအတွက် အစစ်အမှန် ဆန္ဒရှိမည်ဆိုပါက ယခုအချိန်သည် အခြေခံနိုင်ငံရေး ပြုပြင်ပြောင်းလဲမှုများ ပြင်ဆင် လုပ်ဆောင်ရတော့မည့် အချိန်ဖြစ်ပြီး တိုင်းသူပြည်သားများကိုလည်း နိုင်ငံရေးလုပ်ငန်းစဉ်များ၌ တားဆီးကန့်သတ်မှု မရှိစေဘဲ ပါဝင်ခွင့်ပေးသင့်သည့် ကာလဖြစ်သည်။

ဤလုပ်ငန်းစဉ်များတွင် ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများကို လွှတ်ပေးရမည် ဖြစ်သည်။ ဖမ်းဆီး ထိန်းသိမ်းထားသည့် တိုင်းရင်းသား ခေါင်းဆောင်များကိုလည်း ပြန်လွှတ်ပေးရပေလိမ့်မည်။

ဤသို့ မဆောင်ရွက်နိုင်ခြင်းကပင်လျှင် စစ်အစိုးရ အနေနှင့် အတိုက်အခံ အင်အားစုများနှင့် အပေးအယူလုပ် ညှိနှိုင်း ဆွေးနွေးရန် ဆန္ဒမရှိသည်ကို ပြသနေခြင်းဖြစ်သည်။ အထူးသဖြင့် ၁၉၉၀ ရွေးကောက်ပွဲတွင် အမတ်နေရာအများစု အနိုင်ရရှိ ထားသည့် အမျိုးသားဒီမိုကရေစီအဖွဲ့ချုပ်နှင့်ပင် ဆွေးနွေးရန် ဆန္ဒမရှိ ဖြစ်နေသည်။

စစ်အစိုးရ အုပ်ချုပ်မှု ဆယ်စုနှစ် ၂ ခုကျော် ကြာလာသည့်တိုင် ပြည်သူများ၏ လိုလားချက်များ အပြည့်အ၀ရရှိနိုင်ခြင်း မရှိသေးပါ။

ယခုအချိန်သည် ကုလသမဂ္ဂ၊ အာဆီယံအဖွဲ့နှင့် နိုင်ငံတကာ မိသားစုတို့အတွက် မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး လုပ်ငန်းစဉ်များ ဖွင့်ပေးရန် စစ်အစိုးရကို ယခင်ကထက် ပို၍ ပြင်းပြင်းထန်ထန် တွန်းအားပေး ရတော့မည့် အချိန် ဖြစ်သည်။ စစ်အစိုးရကို အတိုက်အခံ အင်အားစုများ၊ တိုင်းရင်းသားခေါင်းဆောင်များနှင့် အဓိပ္ပာယ်ရှိသည့် တွေ့ဆုံဆွေးနွေး ပွဲများ ဖြစ်မြောက်လာစေရေး အတွက်လည်း ပိုမို ဖိအားပေးရတော့မည့် အချိန် ဖြစ်နေပါသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်