ယခုအခါ ၎င်းတို့၏ အရေးကိစ္စကို အရှေ့တောင်အာရှ နိုင်ငံများအသင်း (အာဆီယံ) ၏ ထိပ်သီးဆွေးနွေးပွဲတွင် နှစ်နိုင်ငံချင်း ဆွေးနွေးပွဲများ၊ ကြားဖြတ် ဆွေးနွေးပွဲများ၌ ဆွေးနွေး ကြတော့မည်ဟု အာဆီယံအဖွဲ့၏ အထွေထွေ အတွင်းရေးမှူးချုပ် ဆူရင် ပစ်ဆူဝန် (Surin Pitsuwan) က ဆိုပါသည်။
ရိုဟင်ဂျာတို့၏ အရေးသည် အရေးတကြီး ဆောင်ရွက်ရမည့် ကိစ္စဖြစ်ပါသည်။ သို့သော်လည်း စစ်အစိုးရ၏ နှိပ်စက်မှုများ ဒဏ်မှ၊ ပြည်တွင်းစစ် ဘေးဒုက္ခများမှ နေ့စဉ်နှင့်အမျှ ထွက်ပြေးနေကြရသည့် ထောင်သောင်းချီသော မြန်မာလူမျိုးများနှင့် တိုင်းရင်းသားများ အရေးကိစ္စကလည်း မေးခွန်းတက်မလာ သေးသော်လည်း မေ့ထားရန် မဖြစ်နိုင်ပေ။ ထိုင်းနိုင်ငံ နယ်စပ် တလျှောက် ခိုလှုံနေကြရသည့် ဒုက္ခသည်များအရေး၊ ပြည်တွင်းတွင် အခြေမဲ့ ပြောင်းရွှေ့ ပြေးလွှားနေကြရသည့် ဒုက္ခသည် (IDPs) များ၏ အရေးကိုလည်း မည်သို့ လုပ်ပါ့မည်နည်း။
၎င်းတို့က လှေများဖြင့် ပင်လယ်အတွင်းသို့ ထွက်မပြေးကြသော်လည်း၊ မြန်မာစစ်အစိုးရ၏ ရက်စက် ကြမ်းကြုတ်မှုများကို ခံစားခဲ့ကြရသူများ ဖြစ်ပါသည်။ အထူးသဖြင့် ရှမ်းပြည်နယ်၊ ကရင်ပြည်နယ်၊ မွန်ပြည်နယ်တွင် နေထိုင် နေကြသူ တိုင်းရင်း သားများ ဖြစ်ကြသည်။
လွန်ခဲ့သည့် ဆယ်စုနှစ် ၂-ခုတာ ကာလအတွင်း ဒေသဆိုင်ရာနှင့် နိုင်ငံတကာ လူ့အခွင့်အရေးအဖွဲ့များက စစ်အစိုးရက ကျူးလွန်ဆောင်ရွက်ခဲ့သည့် တရားမ၀င် သတ်ဖြတ်မှု၊ မုဒိမ်းမှု၊ အဓမ္မလုပ်အားခိုင်းစေမှု၊ စသည့် အခြားလူ့အခွင့်အရေး ချိုး ဖောက်မှုများကို မှတ်တမ်းတင်ထားခဲ့ကြပါသည်။
ထိုမျှမက မြန်မာနိုင်ငံတွင် နိုင်ငံရေးအကျဉ်းသား ၂,၀၀၀ ကျော် အကျဉ်းထောင်များအတွင်း၌ ဒုက္ခခံစား နေကြရသည်။ ထို့ အပြင် စီးပွားရေးဒုက္ခသည်များကလည်း နေ့စဉ်နှင့်အမျှ မြန်မာနိုင်ငံမှ ထွက်ပြေးလာနေကြသည်။ တိုင်းပြည်တခုလုံးက
ပြဿနာအိုးကြီး ဖြစ်နေပါသည်။
ရိုဟင်ဂျာ ပြဿနာဆိုသည်မှာ အစွန်းအစမျှသာ ဖြစ်သည်။ အတွင်းရေးမှူးချုပ် ဆူရင် နှင့် အာဆီယံအဖွဲ့တို့အဖို့ ပြဿနာ၏ ရေသောက်မြစ် ဇစ်မြစ်ကြောင်းရင်းကို ကြည့်သင့်ပါသည်။ ရေဆုံးမြေဖျား အဖြေရသည်အထိလိုက်ရန် နိုင်ငံရေးအရ ဆန္ဒရှိမှသာလျှင် ဖြစ်နိုင်ပါသည်။ သို့သော် ပြဿနာ မှာ အိပ်ပျော်ဟန်ဆောင်သူကို အနှိုးရ ခက်နေခြင်းပင် ဖြစ်သည်။
မြန်မာ့အရေး အာဆီယံ စင်ပြိုင်ကွန်ရက်အဖွဲ့ (Alternative Asean Network on Burma) က အာဆီယံအနေနှင့် အိပ်ချင်ယောင် ဆောင်မနေသင့်၊ နိုးထသင့်ပေပြီ။ အချိန်မနှောင်းခင် မြန်မာ့အရေးကို ကိုင်တွယ်ရန် လိုအပ်နေပြီဟု ပြောကြားခဲ့သည်။ မြန်မာ့အရေးက အရေးပေါ်အခြေအနေ ဆိုက်နေပြီဟု ဆိုသည်။
ရိုဟင်ဂျာပြဿနာအရေးနှင့် ပတ်သက်၍ ဆွေးနွေးမှုများမှသည် အခြားအရေးတကြီး ကိုင်တွယ်ဆောင်ရွက်ရမည့် မြန်မာ့ ပြဿနာများအတွက် အာဆီယံအဖို့ လမ်းပွင့်ကောင်း လမ်းပွင့်လာစေနိုင်သည်။
မြန်မာစစ်အစိုးရကတော့ ရိုဟင်ဂျာအရေးကို ဆွေးနွေးရန် စိတ်ဝင်စား သဘောတူညီလိမ့်မည် မဟုတ်ပါ။ သူတို့က ဤသူ များသည် မူစလင်လူနည်းစုများဖြစ်ပြီး မြန်မာနိုင်ငံမှ လာသူများ မဟုတ်ဟု ဆိုနေခဲ့ကြပါသည်။ ထိုမျှမက အာဆီယံအဖွဲ့ ကလည်း သမိုင်းကြောင်းမှတ်တမ်းများအရ စွမ်းဆောင်ရည်နည်းနည်း၊ သတ္တိနည်းနည်းနှင့် အရေးမပါကြောင်း ပြသခဲ့ဖူး သည့် ဖြစ်ရပ်များလည်း ရှိနေပါသည်။
သို့သော်လည်း ယခုအခါတွင် အာဆီယံအဖွဲ့၌ အဖွဲ့ဝင်အားလုံး လိုက်နာမည်ဟု သဘောတူညီထားသည့် ပဋိဉာဉ်စာတမ်း ရှိနေပြီဖြစ်ပြီး၊ လူထုအရေးကို ရှေ့ရှုသည့် လူမှုအဖွဲ့အစည်းတရပ်ကို တည်ဆောက်မည်ဟုလည်း ကြွေးကြော်ထားပါ သည်။ အာဆီယံအဖွဲ့ကို ဝေဖန်နေကြသူများကမူ ဤအတိုင်းဖြစ်လာမည်ဟု မယုံကြည်နိုင်ကြသေးပါ။ အထူး သဖြင့် အဖွဲ့၏ လူ့အခွင့်အရေးကိစ္စများအပေါ် အလေးအနက်ထားမှု၊ အရပ်ဖက်လူမှုအဖွဲ့အစည်းများနှင့် ဆက်ဆံရေးကိစ္စ များတွင် သံသယဖြင့် စောင့်ကြည့်နေကြဆဲ ရှိပါသည်။
ဆူရင်က ပြောကြားရာတွင် အာဆီယံအဖွဲ့အနေနှင့် လူ့အခွင့်အရေးပြဿနာများကို ဆွေးနွေးရန်အတွက် ရှောင်လွှဲငြင်းပယ် နေရန် မဖြစ်နိုင်ဟု ဆိုပါသည်။ သို့သော်လည်း "တနိုင်ငံနှင့် တနိုင်ငံ ပြစ်တင်ရှုံ့ချနေကြခြင်း မဟုတ်ဘဲ ဆွေးနွေးသင့်ကြ သည်" ဟု ဆိုခဲ့သည်။
မြန်မာ့အရေးက "အာဆီယံအဖွဲ့အတွက် အလွန်ခက်ခဲသည့်အရေးကိစ္စ" ဟု ၀န်ခံပြောကြားခဲ့သော်လည်း ဒေသဆိုင်ရာ အဖွဲ့အစည်းအတွင်းသို့ မြန်မာနိုင်ငံ ပူးပေါင်းခဲ့ချိန်မှစ၍ အပြုသဘောတိုးတက်မှုများ ရှိခဲ့သည်ဟုလည်း ဆူရင်က ယုံကြည် နေပါသည်။
သို့သော်လည်း ဝေဖန်နေကြသူများက ဤနေရာတွင် အတွင်းရေးမှူးချုပ် ဆူရင်နှင့် သဘောမတူကြပါ။ ၁၉၉၇ ခုနှစ်တွင် မြန်မာနိုင်ငံက အာဆီယံအဖွဲ့၏ အဖွဲ့ဝင်တဦးဖြစ်လာချိန်မှစ၍ စစ်အစိုးရက အဖွဲ့၏ ဒိုင်းလွှားအကာအကွယ်နောက်တွင် နေရာယူ ပုံးကွယ်၍ နေနိုင်ခဲ့သည်ဟု ဆိုကြပါသည်။
ဆူရင်က အာဆီယံအဖွဲ့ဝင်များ၏ နိုင်ငံတခု၏ပြည်တွင်းရေးကို အခြားတနိုင်ငံက ၀င်ရောက်မစွက်ဖက်ရေးမူကို ခုခံ ကာ ကွယ်ပြောကြားခဲ့ပြီး၊ ဤကိစ္စသည် "လိုအပ်သည့်ကိစ္စ" ဟု ဆိုခဲ့သေးသည်။ "မြန်မာ့အရေးနှင့်ပတ်သက်၍ ဤမျှမက ပိုမို ဆောင်ရွက်လိုသည်"ဟုလည်း ဆိုခဲ့ပါသေးသည်။
ဤမျှလောက်နှင့် မလုံလောက်နိုင်ပါ။ မြန်မာ့အရေးကို ကိုင်တွယ်ဆောင်ရွက်ရန် အချိန်သင့်ရုံမက များစွာလွန်၍ပင် နေပြီ ဖြစ်ပါသည်။ အတွင်းရေးမှူးချုပ် ဆူရင်နှင့် အာဆီယံအဖွဲ့ အစိုးရများက မြန်မာနိုင်ငံတွင် အပြောင်းအလဲများ ဖြစ်ပေါ်လာစေ ရန်နှင့် ဖိနှိပ်ခံမြန်မာပြည်သူများကို ပံ့ပိုးကူညီရန် မစဉ်းစားသမျှ ကာလပတ်လုံး အာဆီယံအဖွဲ့က မြန်မာ့အရေးအပေါ် လေး နက်မှုမရှိသေးဟု ယူဆရန်သာ ရှိပါတော့သည်။
< Prev | Next > |
---|