နိုင်ငံရေး ထောင်ချောက်လို့ ဆိုလို့ ရမလား။ မတ် ၂၉ ရက်နေ့မှာ ကျင်ပတဲ့ ဗဟို အဖွဲ့ဝင် ၁၀၀ ကျော် တက်ရောက်တဲ့ ပွဲက နောက်ဆုံးမှာ မှတ်ပုံ မတင်ရေး၊ ရွေးကောက်ပွဲ မ၀င်ရေးကို အများ ဆန္ဒနဲ့ ဆုံးဖြတ်ပေး လိုက်ပါပြီ။ ဒါကြောင့် ၂၂ နှစ်ကြာ ရပ်တည်ခဲ့ပြီး ၈၈ လူထု အရေးတော်ပုံက ပေါက်ဖွား ခဲ့တဲ့ လူထု အခြေပြု ပါတီကြီးဟာ အဖွဲ့ဝင်တွေရဲ့ ဆန္ဒအရ ဥပဒေတွင်း တိုက်ပွဲ လမ်းပေါ်မှာ ပြိုလဲသွားပြီ ဖြစ်ပါတယ်။ဒါဟာ ဘာ့ကြောင့်လဲ။ တရားမမျှတ၊ ဒီမိုကရေစီ မကျနတဲ့ ၂၀၀၈ အခြေခံ ဥပဒေနဲ့ လောလောဆယ် ထုတ်ပြန်တဲ့ ရွေးကောက်ပွဲ / ပါတီမှတ်ပုံတင် ဥပဒေတွေကို ဆန့်ကျင်ရမယ်ဆိုတဲ့ နိုင်ငံရေး ခံယူချက် အပေါ် ပထမ အခြေတည်ပါတယ်။ ဒီဥပဒေဟာ နိုင်ငံရေး အနိုင်ကျင့်မှု၊ နိုင်ငံရေး ငါတကောကောမှု ဆိုတာ ဘယ်သူ ငြင်းနိုင်မလဲ။ မငြင်းပါနဲ့၊ မငြင်းနိုင်ဘူး။ ဒါပေမယ့် စဉ်းစားသင့်တာက ဒီလိုမတရားတဲ့ ဥပဒေတွေကို ဒီလို ပါတီဖျက် ဆန့်ကျင်ရုံနဲ့ ပြင်လို့ ရနိုင်မလား။ ရှေ့နိုင်ငံရေး အရ တိုက်မယ့် အစီအစဉ် မရှိဘဲ တရားဝင်မှုက ဇွတ်ထွက်တာလား။ ဒါမှမဟုတ် နအဖ ဆင်ထားတဲ့ ထောင်ချောက်ထဲ ၀င်သွားမိပြီလား ဆိုတာ ခေါင်းအေးအေးထား စဉ်းစားနိုင်တဲ့ အခါ အဖြေ ပေါ်လာပါလိမ့်မယ်။
သွေးပူ သွေးဆူနေတဲ့ အချိန်မှာ ခေါင်းအေးအေးနဲ့ စဉ်းစားတဲ့ ဗဟိုဦးစီး အဖွဲ့ဝင် ၃ ယောက်၊ ကချင်ပြည်နယ်၊ တနင်္သာရီတိုင်းနဲ့ ရန်ကုန်တိုင်း ကိုယ်စားလှယ်တွေကတော့ ဒီမိုကရေစီ နိုင်ငံရေး ခရီးမှာ လူထု အုပ်ချုပ်တဲ့ အစိုးရ တရပ်ဆီကို သွားမယ် ဆိုရင် NLD မဟုတ်တောင် ပါတီ တရပ်က ဥပဒေတွင်း တိုက်ပွဲနဲ့ သွားဖို့ မလွဲမသွေ လိုအပ်တယ်လို့ တင်ပြကြတယ်။ ဘာကြောင့်လဲ။ ၂၀၁၀ ရွေးကောက်ပွဲက ပေါ်လာမယ့် လွှတ်တော်ထဲမှာ အတိုက်အခံမဲ့ ဒီမိုကရေစီ ဘက်တော်သား မပါတဲ့ နဖားကြိုးထိုးပြီးသား မဆလ လွှတ်တော်တွေလို လက်ညှိုးထောင်၊ ခေါင်းညိတ် ဥပဒေပြုရေးတွေကို ကြောက်ကြမဲ့ လွှတ်ထားရတော့မယ်။ အဲဒီတော့ ပြည်သူအတွက် နိုင်ငံရေး လုပ်ကြတယ် ဆိုရင် ပြည်သူတွေ အားကိုးရာမဲ့အောင် တရားဝင် ရှိပြီးသား နိုင်ငံရေးက ထွက်ပြေးမှုကို လုပ်သင့်ကြပါသလား။ ကျနော်တို့ ဖြေကြည့်ကြဖို့ လိုပါတယ်။
တချို့ကလည်း နိုင်ငံရေး ခြေကုန် လက်ပန်း ကျနေကြပြီ။ လူမှုရေး၊ စီးပွားရေး ဒုက္ခတွေကို ခါးစည်းခံခဲ့ကြရပေမယ့် အပြောင်း အလဲဟာ သူတို့ လိုချင်သလို ဖြစ်မလာခဲ့ဘူး။ နောက်ပြီး တိုက်ပွဲဟာ ရှည်ကြာမယ် ဆိုတာကို ဆင်ခြင်သိနဲ့ သိပေမယ့် လက်တွေ့မှာ လက်မခံနိုင်ကြဘူး ဖြစ်နေတယ်။ စားဝတ်နေရေး အလွန် ကျပ်တည်း နေတဲ့ ပြည်သူတွေဟာ လမ်းမပေါ် ရောက်မလာသေးဘဲ ဒီဥပဒေ မတရားမှုကြောင့် ရောက်လာမလားဆိုပြီး မျှော်လင့်နေကြဟန် တူပါတယ်။ ဒါနဲ့ပဲ ပေါက်ကွဲ ထွက်ကုန်တဲ့ နိုင်ငံရေး ဒေါသတွေက NLD တရားဝင်မှုမှ ဖျက်သိမ်းရေးဆီ နအဖ အလိုကျ တွန်းပို့လိုက်တာကို ကာယကံရှင်တွေ သိဟန် မတူဘူးလို့ပဲ ဆိုရပါမယ်။
ကျနော်တို့ဟာ ပါတီနိုင်ငံရေး လမ်းကြောင်းက မဟုတ်ဘဲ ဥပဒေ ပြင်ပတိုက်ပွဲကို ရွေးချယ်ရင် ဒီမိုကရေစီ တန်းတူညီမျှခွင့်၊ ကိုယ်ပိုင်အုပ်ချုပ်ခွင့် စတာတွေကို လွှတ်တော် ပြင်ပကနေ ရအောင် လုပ်နိုင်တဲ့ အာမခံချက်တွေ ရှိနေပြီလား။ မတရားတဲ့ ဥပဒေတွေကပဲ ပေါက်ဖွားလာတဲ့ လွှတ်တော်ထဲမှာကော အခွင့်အလမ်း မရှိတော့ဘူးလား။ အတွင်းက ၀င်တိုက်ဖို့ အခွင့်အရေး ရနေတာကို လက်လွှတ်မလား။ နောက်ပြီး လမ်းပေါ်တိုက်ပွဲဟာ ပါတီလမ်းကြောင်းက တိုက်ပွဲထက် တဆင့်နိမ့်နိုင်ငံရေး အနေအထား ဆိုတာကိုလည်း သတိထားမိကြဖို့ လိုပါတယ်။
ခုတော့ အချိန်က နှောင်းသွားပါပြီ။ ဒေါ်အောင်ဆန်းစုကြည်က ၂၉ ရက်နေ့ ဗဟိုအစည်းအဝေးကို ပေးပို့တဲ့ သူရဲ့ အမှာစာမှာ
- ရွှေဂုံတိုင်ကြေညာချက်အတိုင်း ဆက်လက် ရပ်တည်သွားမယ်။
- NLD ဟာ သူတဦးတည်းပိုင် မဟုတ်သလို မည်သူ တဦးတယောက်မှလည်း မပိုင်ပါ။
- ၂၀၀၈ အခြေခံဥပဒေကို လက်မခံဘူး။
တရား မမျှတတဲ့ ပါတီ ဥပဒေ/ရွေးကောက်ပွဲဥပဒေတွေကို လက်မခံဘူး။
ဒါကြောင့် မှတ်ပုံမတင်ဖို့ ဆန္ဒ ပေးလိုက်တယ်။
- NLD ဟာ မှတ်ပုံမတင်လည်း လူထုကြားမှာ ရှိနေမှာပဲ။
- ဒါကြောင့် ပြည်သူလူထုအတွက် ဒီမိုကရေစီရေးကို ကြိုးပမ်းသွားဦးမယ်။
- အုပ်စုဖွဲ့ လူမွေးတဲ့ လုပ်ရပ်မျိုးကို လက်မခံဘူး။
ဆိုတဲ့ သဘောထားတွေကို ပေးပို့ခဲ့ပါတယ်။
အဲဒါကြောင့် ပါတီဝင်တွေဟာ အဖွဲ့ချုပ် ဖျက်သိမ်းဖို့ အများဆန္ဒအရ ဆုံးဖြတ်လိုက်ကြတယ်။ အဲဒီလို ဆုံးဖြတ်လိုက်ကြတဲ့အခါ ပျော်သူတွေက ပျော်နေကြတယ်။ သေသူသေ ကြေသူကြေ၊ မိသားစုသောကတွေ၊ မျက်ရည်တွေနဲ့ ပံ့ပိုးပေးခဲ့တဲ့ NLD အတွက် ၀မ်းနည်းသူ အနည်းစုကတော့ မျက်ရည် ၀ဲနေကြလေရဲ့။ ဒါပေမယ့် အများဟာ ကန့်ကွက်မှု မရှိဘဲ ပြီးဆုံးသွားတာကိုတော့ လက်ခံကြပါတယ်။ အဲဒါကလည်း
(၁) ဒေါ်အောင်ဆန်းစုကြည်ကို မြတ်နိုးလေးစားမှု
(၂) အများဆန္ဒကို တန်ဖိုးထားမှု နဲ့
(၃) ဒီမိုကရေစီကျင့်စဉ်အတိုင်း ဆောင်ရွက်မှုကို နောက်ဆုံး ပြသလိုက်ပုံ ရပါတယ်။
ဒါပေမယ့် ဖြေရမယ့် မေးခွန်း တခုကတော့ ကျန်ရစ်ခဲ့တယ်။ အဲဒါက ပြည်သူတွေဟာ ဒီမိုကရေစီ ရရှိရေးအတွက် အမှန်အကန် လုပ်ပေးနိုင်မယ့် ဘယ်သူတွေကို အားကိုးမလဲ၊ ၂၀၁၀ ကို ဘယ်လို ဖြတ်သန်းရမလဲ ဆိုတာပါပဲ။
ဦးခင်မောင်ဆွေသည် NLD ဗဟို အလုပ်အမှုဆောင် အဖွဲ့ဝင်တဦး ဖြစ်သည်။ ၁၉၉၀ ရွေးကောက်ပွဲတွင် ပြည်သူ့လွှတ်တော်ကိုယ်စားလှယ် တဦးအဖြစ် ရွေးချယ်ခံရပြီးနောက်တွင် စစ်အစိုးရက သူ့ကို ၂ ကြိမ် ဖမ်းဆီး အကျဉ်းချခဲ့သည်။ ဒုတိယအကြိမ်တွင် ထောင်တွင်း၌ ၁၅ နှစ်ခန့် နေခဲ့ရပြီး ၂၀၀၈ ခုနှစ်တွင် ပြန်လည်လွတ်မြောက်ခဲ့သူဖြစ်သည်။
| < Prev | Next > |
|---|
