မြန်မာ့အရေးကို လစ်ဗျားလောက် အရေးမထားတဲ့ ကုလသမဂ္ဂ

Saturday, 05 March 2011 16:29 သူ့အတွေး သူ့အမြင်
Print
၂၀၁၁ ခုနှစ်ဟာ မြောက်အာဖရိကနဲ့ အရှေ့အလယ်ပိုင်းက ဒီမိုကရေစီရေး လူထုလှုပ်ရှားမှုတွေနဲ့ စတင်ခဲ့ပြီး ကမ္ဘာ့သတင်း မီဒီယာတွေက “စံပယ်တော်လှန်ရေး” လို့ လျင်လျင်မြန်မြန်ပဲ ကင်ပွန်းတပ်ခဲ့ကြတယ်။ ဒါပေမယ့် မြောက်အာဖရိက က စတင်တဲ့ ဒီမိုကရေစီလှိုင်းဟာ လစ်ဗျားနိုင်ငံဆီ ကူးစက်လာတဲ့အခါမှာတော့ လူထုလွတ်လပ်ရေးလှုပ်ရှားမှုရဲ့ သင်းပျံ့တဲ့ အနံ့အသက်ဟာ စတင်ပျောက်ဆုံးခဲ့ပါတော့တယ်။

ဖေဖော်ဝါရီလလယ် ရောက်ချိန်မှာတော့ လစ်ဗျားရဲ့ အိမ်နီးချင်း တူနီးရှားနဲ့ အီဂျစ်နိုင်ငံတွေမှာ အစိုးရခေါင်းဆောင်တွေကို ဖြုတ်ချနိုင်ခဲ့တဲ့ အောင်မြင်တဲ့ လူထုဆန္ဒပြပွဲတွေရဲ့ အရှိန်အစော်က ၁၉၆၉ ခုနှစ်မှာ အာဏာသိမ်းပြီး တိုင်းပြည်ကို ယနေ့အထိ အာဏာရှင်တဦးအနေနဲ့ အုပ်ချုပ်နေတဲ့ မွမ်မာ မူဟာမက် အယ်လ် ကဒါဖီ အုပ်ချုပ်မှုကို တော်လှန်ဖို့ လစ်ဗျားပြည်သူတွေ လမ်းမတွေပေါ်ထွက် ဆန္ဒပြလာကြပါတယ်။

saffron-revolutionအာရပ်ကမ္ဘာရဲ့ အခြားဒေသတွေမှာ ဖြစ်ပွားခဲ့တဲ့ ဒီမိုကရေစီအရေး လှုပ်ရှားမှုတွေနဲ့မတူဘဲ လစ်ဗျားက ဆန္ဒပြ ပြည်သူတွေဟာ သူတို့ရဲ့အာဏာရှင် ကဒါဖီရဲ့ အမျက်ဒေါသနဲ့ ရင်ဆိုင်ရပြီး ကဒါဖီဟာ သူ့ကိုသစ္စာခံတဲ့ လစ်ဗျားစစ်တပ်ရဲ့ အစိတ်အပိုင်းတချို့၊ သူငှားရမ်းထားတဲ့ ကြေးစားစစ်သားများသာမက ဗုံးကြဲစစ်လေယာဉ်ကိုတောင်မှ အသုံးပြုပြီး လက်နက်မဲ့ ဆန္ဒပြည်သူတွေကို ချေမှုန်းနေပါတယ်။

ဖေဖော်ဝါရီလ ၂၅ ရက်နေ့မှာ ကုလသမဂ္ဂ လူ့အခွင့်အရေးကောင်စီဟာ အထူးအစည်းအဝေးတရပ်ကို ဆွစ်ဇာလန်နိုင်ငံ ဂျနီဗာမြို့မှာ ခေါ်ယူ ကျင်းပခဲ့ပြီး လစ်ဗျားအစိုးရဟာ လူ့အခွင့်အရေးဆိုင်ရာ နိုင်ငံတကာဥပဒေကို ချိုးဖောက်နေတယ်ဆိုတဲ့ စွပ်စွဲချက်တွေကို စုံစမ်းစစ်ဆေးဖို့ လွတ်လပ်တဲ့ နိုင်ငံတကာ စုံစမ်းစစ်ဆေးရေး ကော်မရှင်တရပ် (Commission of Inquiry - CoI) စေလွှတ်ဖို့ အဖွဲ့ဝင်နိုင်ငံတွေက ကန့်ကွက်မဲမရှိ တညီတညွှတ်တည်း တောင်းဆိုလိုက်ပါတယ်။

အဲဒီတောင်းဆိုချက် ထွက်ပေါ်လာပြီး နောက်တနေ့မှာပဲ ကုလသမဂ္ဂ လုံခြုံရေးကောင်စီက ကောင်စီရဲ့သမိုင်းမှာ အရေးကြီးတဲ့ ဆုံးဖြတ်ချက်တရပ်ကို တညီတညွတ်တည်း ချမှတ်ခဲ့ပါတယ်။ အဲဒါကတော့ လစ်ဗျားအစိုးရဟာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှု (Crime against Humanity) ကို သူ့ပြည်သူတွေအပေါ် ကျူးလွန်ခဲ့ခြင်းရှိမရှိ စုံစမ်းစစ်ဆေးရန် နယ်သာလန်နိုင်ငံမှာ အခြေစိုက်တဲ့ နိုင်ငံတကာ ရာဇ၀တ်တရားရုံး (ICC) သို့ လွှဲပြောင်းပေးအပ်တဲ့ ဆုံးဖြတ်ချက်ပဲ ဖြစ်ပါတယ်။

မကြာသေးခင် ကာလတွေအတွင်း နိုင်ငံတကာအရေးအရာ ကိစ္စတွေမှာ ကုလသမဂ္ဂရဲ့ ၀င်ရောက်ဆောင်ရွက်ခဲ့တဲ့သမိုင်းမှာ ရှားပါးတဲ့လုပ်ရပ်အဖြစ် လုံခြုံရေးကောင်စီရဲ့ အင်းအားကြီးနိုင်ငံ ၅ နိုင်ငံဖြစ်တဲ့ အမေရိကန်၊ တရုတ်၊ အင်္ဂလန်၊ ပြင်သစ်နဲ့ ရုရှားနိုင်ငံတို့ဟာ ကဒါဖီးအစိုးရကို အရေးယူတဲ့ကိစ္စမှာ တညီတညွတ်တည်း ရပ်တည်ခဲ့ကြပါတယ်။

ဖေဖော်ဝါရီလ ၂၈ ရက်နေ့မှာတော့ ICC ဟာ လစ်ဗျားအစိုးရက လူသားများအပေါ်ကျူးလွန်တဲ့ ရာဇ၀တ်မှုမျိုး ကျူးလွန်ခြင်း ရှိမရှိ စုံစမ်းစစ် ဆေးရေးကော်မရှင် ဖွဲ့သင့် မဖွဲ့သင့်ကို အမြန်ဆုံး စဉ်းစားဆုံးဖြတ် လုပ်ဆောင်သွားမယ်လို့ ပြောဆိုလိုက်ပါတယ်။ ICC ရဲ့ ရှေ့နေ Luis Moreno-Ocampo က ရာဇ၀တ်မှုကျူးလွန်တဲ့ ဘယ်လို နိုင်ငံခေါင်းဆောင်မျိုးမှ ဥပဒေရဲ့ကင်းလွတ်ခွင့် မရရှိစေရဘူး၊ ယခုကိစ္စကို နှောင့်နှေးမှုမရှိဘဲ ဆုံးဖြတ်ချက်ချ လုပ်ဆောင်သွားမယ်လို့ ပြောဆိုခဲ့ပါတယ်။

ရက်စက်ဖိနှိပ်တဲ့ အစိုးရတရပ်ကို အခုလို ရက်ပိုင်းအတွင်း ထိထိရောက်ရောက် ကိုင်တွယ်ဆက်ဆံခဲ့တာဟာ ကုလသမဂ္ဂရဲ့ အခန်းကဏ္ဍကို အင်းအားကောင်းကောင်းနဲ့ သက်သေပြလိုက်တာ ဖြစ်ပါတယ်။ ဒါပေမယ့် ကုလသမဂ္ဂဟာ မြန်မာစစ်အစိုးရနဲ့ ဆက်ဆံတဲ့အခါမှာတော့ ဘာကြောင့်များ အစွယ်ကျိုးနေရပါသလဲ။

အဖြေက အလွန်ရိုးရှင်းပါတယ်။ လစ်ဗျားအစိုးရကို အရေးယူတဲ့အခါမှာ လုံခြုံရေးကောင်စီမှာ ရရှိခဲ့တဲ့ ညီညွတ်မှုမျိုး မြန်မာ့အရေးကို ကိုင်တွယ်ဆောင်ရွက်တဲ့အခါမှာ ဘယ်တုန်းကမှ မရရှိခဲ့ပါဘူး။

စစ်အာဏာရှင်စနစ်အောက်က ရုန်းထွက်ဖို့ ဒီမိုကရေစီထူထောင်ဖို့ မြန်မာပြည်သူတွေ လမ်းမတွေပေါ်ထွက် တောင်းဆိုဆန္ဒပြခဲ့တဲ့ အခါတိုင်းမှာ စစ်အစိုးရရဲ့ စစ်တပ်အင်းအားသုံးပြီး လူမြင်ကွင်း လမ်းမတွေပေါ်မှာ ရက်ရက်စက်စက် နှိမ်နှင်းခံခဲ့ကြရပါတယ်။
မြန်မာပြည်က ငြိမ်းချမ်းစွာဆန္ဒပြတဲ့ ပြည်သူတွေ မျှော်လင့်ရမယ့် အရာတွေကတော့ လမ်းမတွေပေါ်မှာ ပစ်သတ်ခံရတာ၊ ဖမ်းဆီးနှိပ်စက်ခံရတာ၊ လူသားရဲ့ဖြစ်တည်မှုကို ဆန့်ကျင်တဲ့ နှစ်ပေါင်းများစွာ ထောင်ဒဏ်အပြစ်ပေးတာ၊ ဒါမှမဟုတ် နယ်စပ်ဒေသတွေကို ထွက်ပြေးပြီး အိမ်နီးချင်းနိုင်ငံတွေမှာ ခိုလှုံရတာတွေပဲ ဖြစ်ပါတယ်။

၂၀၀၇ နှစ်မှာ လောင်စာဆီနဲ့ ကုန်ဈေးနှုန်းများ အဆမတန် ကြီးမြင့်ခဲ့တာကြောင့် ပြည်သူတွေရဲ့ဘ၀ရပ်တည်ရေး ခက်ခဲလာချိန်မှာ ပြည်သူတွေရဲ့ လူမှုဒုက္ခကို ကူညီဖို့ ဗုဒ္ဓဘာသာရဟန်းတော်များ ဦးဆောင်ပြီး သံဃာထုတရပ်လုံးက ရန်ကုန်မြို့နဲ့ တခြားမြို့ကြီးတွေမှာ ငြိမ်းချမ်းစွာ လမ်းလျှောက်မေတ္တာပို့ ဆန္ဒပြကာ စစ်အစိုးရကို နိုင်ငံရေးပြုပြင်ပြောင်းလဲမှုများ ပြုလုပ်ပေးဖို့ တောင်းဆိုခဲ့ပါတယ်။ ဒါပေမယ့် စစ်အစိုးရက စစ်တပ်အင်အားသုံးပြီး ဆန္ဒပြ ရဟန်းသံဃာတွေနဲ့ ပြည်သူတွေကို ပစ်ခတ်နှိမ်နှင်းခဲ့ပါတယ်။
အလားတူ ၂၀၀၃ ခုနှစ်မှာ ပါတီရဲ့စည်းရုံးရေးခရီးစဉ်နဲ့ အထက်မြန်မာပြည်က ဒီပဲယင်းမြို့ကိုသွားစဉ် ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ မော်တော်ယာဉ်တန်းကို စနစ်တကျကြိုတင်စီမံပြီး အရပ်ဝတ်လူရမ်းကားအုပ်စုက ၀ိုင်းဝန်းရိုက်နှက် သတ်ဖြတ်ခဲ့လို့ ဒီမိုကရေစီလိုလားသူ အယောက် ၇၀ ခန့် အသက်ဆုံးရှုံးခဲ့ရပါတယ်။

မြန်မာစစ်အစိုးရအုပ်ချုပ်ခဲ့တဲ့ လွန်ခဲ့တဲ့အနှစ် ၂၀ အတွင်းမှာ တိုင်းပြည်ရဲ့ အစွန်အဖျားက တိုင်းရင်းသားပြည်နယ်တွေမှာ တိုင်းရင်းသားလက်နက်ကိုင် ပဋိပက္ခကို အကြောင်းပြုပြီး ကျေးရွာပေါင်း ၃၀၀၀ ကျော်ကို မီးရှို့ဖျက်ဆီးခဲ့လို့ လူနည်းစု တိုင်းရင်းသားလူမျိုး ၅ သိန်းခန့်ဟာ တောတောင်တွေထဲမှာ ပုံးအောင်းနေရတာနဲ့ နယ်စပ်ဒေသကို ထွက်ပြေးလာပြီး အိမ်နီးချင်း ထိုင်းနိုင်ငံမှာ ယနေ့အထိ ခိုလှုံနေကြရပါတယ်။

ဒီလို စစ်အစိုးရရဲ့ လူ့အခွင့်အရေးချိုးဖောက်မှုတွေကို ကုလသမဂ္ဂ အထွေထွေညီ လာခံနဲ့ လူ့အခွင့်အရေးကောင်စီတို့က ၁၉၉၀ ခုနှစ်များ အစောပိုင်းကာလ ကတည်းက နှစ်စဉ်နှစ်တိုင်း ဆုံးဖြတ်ချက်များ ချမှတ် မှတ်တမ်းတင်ခဲ့ကြပါတယ်။ ဒါပေမယ့် မြန်မာစစ်အစိုးရဟာ ၎င်းတို့ကိုယ်တိုင် ကျူးလွန်တဲ့ စစ်ရာဇ၀တ်မှုတွေနဲ့ လူသားများအပေါ် ကျူးလွန်တဲ့ရာဇ၀တ်မှုတွေကနေ ယနေ့တိုင် ဥပဒေရဲ့ကင်းလွတ်ခွင့်ကို ရရှိခံစားနေကြပါတယ်။

လွတ်လပ်တဲ့ ကုလသမဂ္ဂ စုံစမ်းစစ်ဆေးရေး ကော်မရှင်တရပ် မရှိခဲ့တဲ့အတွက် မြန်မာပြည်က လူ့အခွင့်အရေး အခြေအနေတွေဟာ တနှစ်ထက်တနှစ် တိုးတက်လာတာမရှိဘဲ ပိုလို့ ဆိုးရွားလာနေပေမယ့် နိုင်ငံတကာ ဥပဒေတွေဟာ စစ်ခေါင်းဆောင်တွေရဲ့ လုပ်ရပ်တွေအပေါ် ဘယ်လိုမှ အကျိုးမသက်ရောက်နိုင်ပါဘူးလို့ ၎င်းတို့ကို ပိုပြီး ယုံကြည်မှုရှိလာစေပါတယ်။

၂၀၁၀ ခုနှစ်အစောပိုင်းမှာတော့ မြန်မာပြည်ဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် သောမတ်စ် ကင်တားနားက လူ့အခွင့်အရေးကောင်စီကို တင်ပြတဲ့ သူ့ရဲ့ မြန်မာပြည်ဆိုင်ရာ အခွင့်အရေးအစီရင်ခံစာမှာ ယခင်ကနဲ့ မတူဘဲ ထူးထူးခြားခြား မြန်မာပြည်က ဖြစ်နိုင်ခြေရှိတဲ့ စစ်ရာဇ၀တ်မှုတွေနဲ့ လူသားများအပေါ် ကျူးလွန်တဲ့ရာဇ၀တ်မှုတွေအတွက် CoI တရပ် ဖွဲ့စည်းရန် လိုအပ်ကြောင်း တောင်းဆိုခဲ့ပါတယ်။

လူ့အခွင့်အရေးကောင်စီကရော လုံခြုံရေးကောင်စီကပါ သူ့ရဲ့တောင်းဆိုချက်ကို ယနေ့အချိန်အထိ အရေးယူ တုန့်ပြန်ဆောင်ရွက်တာ မရှိခဲ့ပါဘူး။

ယခုလောလောဆယ် ကျင်းပနေတဲ့ လူ့အခွင့်အရေးကောင်စီရဲ့ ၁၆ ကြိမ်မြောက် ပုံမှန်အစည်းအဝေးကို Asian Legal Resource Center (ALRC) က မြန်မာနိုင်ငံနဲ့ပတ်သက်ပြီး သီးခြားအစီရင်ခံစာ တစောင်တင်သွင်းခဲ့သလို ALRC ရဲ့ မြန်မာ့ လူ့အခွင့်အရေးနဲ့ပတ်သက်တဲ့ ဥပဒေသုံးသပ်ချက်တချို့ကိုလည်း မတ်လ ၃ ရက်နေ့မှာ ကြေညာချက်တစောင် ထုတ်ပြန်ခဲ့ပါတယ်။

အဲဒီကြေညာချက်မှာ ALRC က လူ့အခွင့်အရေးကောင်စီ အစည်းအဝေးအတွင်း ဂျပန်အစိုးရကိုယ်စားလှယ်က မြန်မာစစ်အစိုးရ ကိုယ်စားလှယ်များကို မေးမြန်းခဲ့တဲ့ မေးခွန်းတချို့ကို ရည်ညွန်းထားပါတယ်။

“မြန်မာနိုင်ငံတွင် ဖြစ်ပွားနေသည့် စနစ်တကျ အခွင့်အရေး ချိုးဖောက်မှုပြဿနာသည် နိုင်ငံတကာ လူအဖွဲ့အစည်းစံနှုန်းများနှင့် နိုင်ငံတကာဥပဒေများကို လိုက်နာကျင့်သုံးရန် ငြင်းဆန်နေသည့် ပြဿနာထက် မြန်မာနိုင်ငံရဲ့ ဥပဒေများ သို့မဟုတ် မည်သည့် ဥပဒေ ဖြစ်စေကာမူ ဥပဒေတရပ်ရပ်၏ စံနှုန်းတွေကို လိုက်နာကျင်သုံးရန် ငြင်းဆန်နေသည့် ပြဿနာဖြစ်ပါသည်” လို့ ဂျပန် အစိုးရရဲ့ ကိုယ်စားလှယ်က လူ့အခွင့်အရေးကောင်စီမှာ ပြောခဲ့ပါတယ်။

ALRC ရဲ့ ကြေညာချက်ထဲမှာ လူ့အခွင့်အရေးကောင်စီရဲ့ အားနည်းချက်ကိုလည်း ထောက်ပြဝေဖန်ထားပါတယ်။ ကြေညာချက်မှာ “မြန်မာနိုင်ငံဥပဒေများနှင့် မြန်မာပြည်တွင်း ဖြစ်ပွားနေသော လက်တွေ့ဖြစ်ရပ်များအကြား ကွာဟချက်သည် အခွင့်အရေး ချိုးဖောက်မှုကို ကျူးလွန်သော လုပ်ရပ်များ၏ နောက်ဆက်တွဲ ရလဒ်သက်သက်မျှ မဟုတ်ပါ။ ယင်းသည် မူဝါဒဆိုင်ရာ ကိစ္စရပ်ဖြစ်ပြီး မြန်မာနိုင်ငံက နာတာရှည်လူ့အခွင့်အရေး ချိုးဖောက်မှုများ၏ အခြေခံကျသည့် အကြောင်းတရားတခု ဖြစ်ပါသည်။ သို့သော် ဤအချက်ကို လူ့အခွင့်အရေးကောင်စီက မည်သည့်အခါကမျှ ပြည့်ပြည့်၀၀ လက်ခံအသိအမှတ်ပြုခြင်း မရှိခဲ့ပါ” ဟု ဖော်ပြထားသည်။

ဒါ့အပြင် ကံမကောင်း အကြောင်းမလှစွာပင် မြန်မာပြည်သူတွေဟာ ကုလသမဂ္ဂ လုံခြုံရေးကောင်စီရဲ့ တညီတညွတ်တည်း ထောက်ခံမှုကို မည်သည့်အခါမှ မရရှိခဲ့ပါ။ ရလဒ်အနေနဲ့ စစ်အစိုးရက ဆက်လက်ကျူးလွန်နေတဲ့ လူ့အခွင့်အရေး ချိုးဖောက်မှုတွေကို ကိုင်တွယ်ဖြေရှင်းနိုင်တဲ့ နိုင်ငံတကာဥပဒေ ယန္တရားတရပ်ရပ် ရှိမနေခြင်းဘဲ ဖြစ်ပါတယ်။

ဒီလိုဖြစ်ရတာဟာ စစ်ခေါင်းဆောင် ဗိုလ်ချုပ်မှူးကြီး သန်းရွှေက လစ်ဗျားခေါင်းဆောင် ကဒါဖီလို လမ်းပေါ်ထွက်ပြီး ငြိမ်းချမ်းစွာ ဆန္ဒပြကြတဲ့ ပြည်သူတွေကို ဗုံးကြဲနှိမ်နှင်းမှု မလုပ်ခဲ့လို့ပါလား။ ဒါမှမဟုတ် သွေးစွန်းခဲ့တဲ့လမ်းမတွေကို စစ်အစိုးရက အောင်အောင်မြင်မြင် ဖုံးကွယ်ထားနိုင်ခဲ့လို့ပါလား။ ဒါမှမဟုတ် မြန်မာစစ်တပ်အတွင်း အကွဲအပြဲ မဖြစ်ခဲ့လို့ပါလား။

လစ်ဗျားနိုင်ငံမှာ လက်ရှိဖြစ်ပွားနေတဲ့ အစိုးရကိုယ်တိုင်က ကျူးလွန်နေတဲ့ အကြမ်းဖက်မှုတွေဟာ မြန်မာနိုင်ငံမှာ ဖြစ်ပွားခဲ့တဲ့ အခြေအနေတွေနဲ့ ပြင်းထန်မှုရော ကျယ်ပြန့်မှုပါ ကွာခြားပေမယ့် မြန်မာပြည်က တရားဥပဒေစိုးမိုးမှုမရှိတဲ့ အခြေအနေတွေအပေါ် ကုသသမဂ္ဂအနေနဲ့ ပြည်သူတွေဘက်က တသံတည်း တညီတညွတ်တည်း ရပ်တည်ထောက်ခံပေးဖို့ကိုလည်း မြန်မာပြည်သူတွေ ရရှိခဲ့သင့်တာ ကြာပါပြီ။