အကျဉ်းထောင် စစ်ဆေးကူညီပေးရေး ဘုတ်အဖွဲ့နှင့်စပ်လျဉ်း၍ လွှတ်တော် ကိုယ်စားလှယ်တဦး၏ မေးမြန်းချက်ကို ပြည်ထဲရေးဝန်ကြီး ဒု ဗိုလ်ချုပ်ကြီး ကိုကိုက အဆိုပါ ဘုတ်အဖွဲ့ ဖွဲ့စည်းမှုသည် အကျဉ်းထောင်အတွင်း ထောင်သားများ၏ အခွင့်အရေးတောင်းဆိုမှုနှင့် အကျဉ်းထောင် အုပ်ချုပ်ရေးကို ထိခိုက်လာသည့်အတွက် ၁၉၇၅  ခုနှစ်ကတည်းက ရပ်ဆိုင်းခဲ့ကြောင်း၊ ယခုအခါ အစိုးရ လက်အောက်ခံ အဖွဲ့အစည်းများက အဆိုပါနေရာတွင် တာဝန်ယူလုပ်ဆောင်ပြီး အကျဉ်းသားများအရေးကို ကူညီလုပ်ဆောင်ပေးနေကြောင်း ပြန်လည် ဖြေကြားခဲ့သည်။ အဆိုပါ ဘုတ်အဖွဲ့ဆိုင်ရာ လုပ်ပိုင်ခွင့်သည့် အကျဉ်းသားများအား ထောင်အာဏာပိုင်များက မတရား ညဉ်းပန်းနှိပ်စက်မှုများ၊ ကျန်းမာရေး၊ လူမှုရေး စောင့်ရှောက်မှုများနှင့် အကျဉ်းသားအခွင့်အရေးများကို အဓိက ကူညီလုပ် ဆောင်ပေးနိုင်ရန် ၁၈၉၄ ခုနှစ်က ရေးဆွဲခဲ့သော အကျဉ်းထောင်လက်စွဲဥပဒေ ဖြစ်သည်။

အမျိုးသားသတင်းဆု (National Press Award) ကို ၂ဝ၁၂ ခုနှစ် ဖေဖော်ဝါရီလအတွင်း ချီးမြှင့်သွားရန် စီစဉ်ထားကြောင်း အမျိုးသားသတင်းဆုကော်မတီ၏ ပြီးခဲ့သည့် သီတင်းပတ်က ထုတ်ပြန်ကြေညာချက်အရ သိရသည်။ ဆုအမျိုးအစားများမှာ အကောင်းဆုံးသတင်းဆု၊ အကောင်းဆုံး သတင်းဓာတ်ပုံဆု၊ အကောင်းဆုံး သတင်းဆောင်းပါးဆု၊ အကောင်းဆုံး အာဘော်ဆောင်းပါးဆု၊ အကောင်းဆုံး သတင်းကာတွန်းဆုတို့ဖြစ်ပြီး ဆုတဆုလျှင် ကျပ် ၁ဝ သိန်း ချီးမြှင့်မည်ဟု သိရသည်။

အစိုးရပိုင် စက်ရုံများကို နှစ်ရှည်ငှားရမ်းသည့်စနစ်ဖြင့် ပြောင်းလဲ လုပ်ကိုင်သွားမည်ဟု သိရသည်။ စက်တင်ဘာလမှစ၍ စက်မှုဝန်ကြီးဌာနအောက်ရှိ အချိုရည်စက်ရုံ၊ စက္ကူစက်ရုံ၊ သကြားစက်ရုံများ အပါအဝင် စက်ရုံ ၉ ရုံကို နှစ် ၃၀ စာ အငှားချပေးကာ ပုဂ္ဂလိက လည်ပတ်မှုပုံစံဖြင့် လုပ်ဆောင်ခွင့်ပြုမည်ဟု စက်မှုဝန်ကြီး ဦးစိုးသိန်း၏ ပြောကြားချက်ကို ကိုးကား၍ ရန်ကုန်တိုင်းမ် သတင်းဂျာနယ်က ဖော်ပြထားသည်။

သင်္ဃန်းကျွန်းမှ လွှတ်တော် ကိုယ်စားလှယ် ဦးသိန်းညွန့် တင်သွင်းထားသော အရေးပေါ်စီမံမှု အက်ဥပဒေ ရုပ်သိမ်းရေးကို ကြံ့ဖွံ့အမတ်များနှင့် ပြည်ထဲရေးဝန်ကြီး ဒု ဗိုလ်ချုပ်ကြီး ကိုကိုတို့က ကန့်ကွက် သောကြောင့် ယမန်နေ့က ပြည်သူ့ လွှတ်တော်တွင် ယင်းအဆိုကို ပယ်ချခဲ့သည်။ နိုင်ငံတော်လုံခြုံရေး၊ တရားဥပဒေ စိုးမိုးရေးတို့အတွက် ယင်းဥပဒေမှာ အရေးကြီးသည်ဟု ဒု ဗိုလ်ချုပ်ကြီး ကိုကို က အကြောင်းပြခဲ့သည်။

ခယကရုံး၏ ညွှန်ကြားမှုဖြင့် ဆင်းရဲမွဲတေမှု ပပျောက်ရေးအတွက်ဆိုကာ စစ်ကိုင်းတိုင်း တမူးမြို့ရှိ နမ့်ဖာလုံဈေးတွင် ငွေကျပ် သိန်းချီကာ အလှူငွေကောက်ခံနေသည်။ နမ့်ဖာလုံဈေးကော်မတီက ကျပ်ငွေ သိန်း ၅၀၀ ပေးရမည်ဖြစ်ရာ ဈေးဆိုင်တဆိုင်လျှင် ငွေကျပ် ၃ သိန်းခွဲနှုန်းဖြင့် အချိုးကျထည့်ဝင်ရန် လိုက်လံကောက်ခံနေကြောင်း၊ နယ်စပ်ကုန်သည် ၀င်ထွက်မှု နည်းပါးသောကြောင့် ဈေးသည်များ အခက်တွေ့နေ၍ အဆိုပါငွေကို မပေးလိုကြကြောင်း ဆိုင်ရှင်တဦးက ဆိုသည်။ ပြီးခဲ့သည့် လကလည်း မုံရွာမြို့ ကုန်သည်၊ ပွဲစားများအသင်းတွင်လည်း အသင်းဝင် တဦးလျှင် ကျပ်ငွေ ၃ သိန်းနှုန်း မထည့်မနေရ ကောက်ခံခဲ့သည်။ အဆိုပါ ကောက်ခံရငွေများကို စစ်ကိုင်းတိုင်း တိုင်းရုံးသို့ ပေးပို့ပြီး နွမ်းပါးသူများ၊ လုပ်ငန်းလုပ်လိုသူများသို့ ငွေ ကျပ် ၁၀၀ လျှင် ၂ ကျပ်တိုးနှုန်းဖြင့် ချေးငွေပေးမည်ဖြစ်ကြောင်း၊ ချေးလိုသူများမှာ သက်ဆိုင်ရာ မယက၊ ခယက ရုံးများမှတဆင့် တိုင်းရုံးသို့ တင်ပြချေးယူရမည်ဖြစ်ကြောင်း သိရသည်။

၁၉၉၀ ပြည့်နှစ် ပါတီစုံ ဒီမိုကရေစီ အထွေထွေရွေးကောက်ပွဲ ရလဒ်သည် ပျက်ပြယ်ပြီဖြစ်ပြီး ယင်းရွေးကောက်ပွဲတွင် တင်မြှောက်ထားသော လွှတ်တော် ကိုယ်စားလှယ် ၁၀၀ ကျော် တို့ကို အသိအမှတ်မပြုတော့ကြောင်း ရွေးကောက်ပွဲ ကော်မရှင် အဖွဲ့ဝင် ဦးမြင့်နိုင်က ယမန့်နေ့၌ လွှတ်တော်တွင် ပြောကြားသွားသည်။ အစိုးရသစ်အနေဖြင့် ၁၉၉၀ ရွေးကောက်ခံ ကိုယ်စားလှယ်များကို တနည်းနည်းဖြင့် အသိအမှတ်ပြုရန် အစီအစဉ်ရှိမရှိ သင်္ဃန်းကျွန်းမှ လွှတ်တော်ကိုယ်စားလှယ် ဦးသိန်းညွန့်၏ မေးမြန်းချက်ကို ယင်းသို့ ဖြေကြားခြင်း ဖြစ်သည်။

ပြည်ပနိုင်ငံများသို့ သွားရောက် လုပ်ကိုင်နေခြင်းသည် မျိုးချစ်စိတ်ပေါ်တွင်သာ အခြေခံသည်ဟု ပြည်ထဲဝန်ကြီး ဒု ဗိုလ်ချုပ်ကြီး ကိုကိုက ယမန်နေ့က လွှတ်တော်တွင် ပြောဆိုသည်။ ဘူးသီးတောင်မှ ကိုယ်စားလှယ်တဦးက မြန်မာပညာရှင်များ ပြည်ပသို့မထွက်ခွာအောင်၊ ထွက်ခွာပြီးသူများ ပြန်လာအောင် လုပ်ဆောင်ပေးရန် ရှိမရှိ မေးမြန်းရာတွင် ဒု ဗိုလ်ချုပ်ကြီး ကိုကိုက ယင်းသို့ ပြောဆိုခြင်းဖြစ်သည်။ စစ်အစိုးရ အုပ်ချုပ်ခဲ့သည့် သက်တမ်းတလျှောက်တွင် အလုပ်အကိုင် အခွင့်အလမ်း ခက်ခဲခြင်း၊ ထိုက်တန်သော နေရာ မရရှိခြင်း၊ လွတ်လပ်စွာ လုပ်ကိုင်ဆောင်ရွက်ခွင့် မရှိခြင်းတို့ကြောင့် မြန်မာပညာရှင်နှင့် လူငယ်အများအပြား ပြည်ပနိုင်ငံများသို့ ထွက်ခွာသွားခဲ့သည်။

မိုးသည်းထန်စွာရွာခြင်း၊ ဇော်ဂျီမြစ်ရေတက်ပြီး ကင်းတားဆည်နှင့် ငပြောင်ဆည်တို့ကို ရေဖောက်ချရခြင်းတို့ကြောင့် မန္တလေးတိုင်း ကျောက်ဆည်မြို့ရှိ ရာနှင့်ချီသော လူနေအိမ်များ စနေနေ့ ညနေပိုင်းက စတင်ပြီး ရေနစ်မြုပ်သွားကြောင်း သတင်းရရှိသည်။  တံတားလယ်၊ ကြက်မင်းတွန်၊ ရဲစု စသည့် ရပ်ကွက် ၃ ခုတွင် လူတရပ်နီးပါး ရေနစ်မြှုပ်နေ၍ ရေဘေးဒုက္ခသည်တို့က ရေလွတ်ရာ ဒေသများ၊ ဘုန်းကြီးကျောင်းများတွင် ရွှေ့ပြောင်း နေထိုင်လျက်ရှိသည်ဟု ဆိုသည်။ ထိုဒေသရှိ ဆည် ၂ ခုကြောင့် ဇော်ဂျီမြစ်ကြောင်း ကောလာပြီး မိုးများသည့်နှစ်တိုင်း ကျောက်ဆည်မြို့ ရေကြီးလေ့ရှိကြောင်း ဒေသခံများက ပြောသည်။

ဥပေရာပ ရုပ်ရှင်ပွဲတော်ကို လာမည့် အောက်တိုဘာလအတွင်း ရန်ကုန်မြိ်ု့၌ လက်ခံကျင်းပမည်ဖြစ်ကြောင်း သိရသည်။ ဗြိတိသျှ သံရုံး၏ စီစဉ်မှုဖြင့် ဗြိတိန်၊ အီတလီ၊ ပြင်သစ်နှင့် ဂျာမနီမှ ရုပ်ရှင်ကားများ ပါဝင်ပြသမည် ဖြစ်သည်။ ရန်ကုန်မြို့ နေပြည်တော် ရုပ်ရှင်ရုံတွင် ပြသမည့် ယင်းရုပ်ရှင်ကားများကို သြဂုတ်လ ၂၂ ရက်နေ့မှ ၂၉ ရက်နေ့အတွင်း ကြည့်ရှုနိုင်မည်ဟု သိရှိရသည်။

ပထမအကြိမ် ပြည်သူ့လွှတ်တော် ဒုတိယ ပုံမှန်အစည်းအဝေးတွင် သြဂုတ်လ ၂၆ ရက်နေ့က သင်္ဃန်းကျွန်း ပြည်သူ့လွှတ်တော် ကိုယ်စားလှယ် ဦးသိန်းညွန့်က အထွေထွေ လွတ်ငြိမ်းချမ်းသာခွင့်ကို လွှတ်တော်သို့ တင်သွင်းခဲ့ပြီး ကိုယ်စားလှယ် ၁၅ ဦးနှင့် စစ်တပ်ကိုယ်စားလှယ် ၂ ဦးတို့က ထောက်ခံကြသည်။ ယင်းအဆိုကို ကန့်ကွက်မည့်သူ မရှိသဖြင့် သမ္မတထံ တင်ပြရန် ဆုံးဖြတ်လိုက်ကြောင်း သိရသည်။ အထွေထွေ လွတ်ငြိမ်းချမ်းသာခွင့်အတွက် သမ္မတသည် ကာကွယ်ရေးနှင့် လုံခြုံရေးကောင်စီ၏ သဘောတူညီမှု ရယူရမည်ဖြစ်သည်။