လာဘ်ပေးလာဘ်ယူမှု၊ အာဏာအလွဲသုံးစားမှုများ ပြုလုပ်ခဲ့သည်ဟူသော စွပ်စွဲချက်ဖြင့် ဗိုလ်ချုပ် ၅ ဦးကို ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က ခေါ်ယူစစ်ဆေးမှုများ ပြုလုပ်လျက်ရှိသည်။ ၎င်းတို့မှာ တပ်မတော်စစ်ရေး အရာရှိချုပ် ဗိုလ်ချုပ် ကျော်ဖြိုး၊ စီးပွားရေးဦးပိုင် လီမိတက် ဥက္ကဋ္ဌနှင့် စစ်ရေးချုပ် ဗိုလ်ချုပ် ခင်ဇော်ဦး၊ ကစထမှူး ဗိုလ်ချုပ် မြင့်စိုး၊ တြိဂံဒေသ တိုင်းမှူး ဗိုလ်မှူးချုပ် သန်းထွန်းဦး၊ ကမ်းရိုးတန်း တိုင်းမှူး ဗိုလ်မှူးချုပ် ခင်မောင်ဌေးတို့ ဖြစ်သည်။ ဗိုလ်ချုပ်ကြီး မင်းအောင်လှိုင် ကာကွယ်ရေး ဦးစီးချုပ် ဖြစ်ပြီးနောက်ပိုင်း ရန်ကုန် တိုင်းမှူးဟောင်း ဗိုလ်မှူးချုပ် ထွန်းသန်းနှင့် ကစထမှူး ဗိုလ်ချုပ်တင်ငွေတို့ကိုလည်း အလားတူ စွဲချက်များဖြင့် အနားပေးခဲ့သေးသည်။

၂၀၁၁ ခုနှစ် ပထမ ၃ လတာအတွင်း အင်တာနက် တိုက်ခိုက်မှု လမ်းကြောင်း အများဆုံးလာသော နိုင်ငံသည် မြန်မာဖြစ်လာသည်ဟု အင်တာနက်ဆိုင်ရာ သတင်းအချက်အလက်အဖွဲ့ Akamai ၏ အစီရင်ခံစာတွင် ဖော်ပြထားသည်။ ၂၀၁၀ နှစ်ကုန်တွင် ထင်ထင်ရှားရှားမရှိခဲ့သော်လည်း မြန်မာနိုင်ငံ အင်တာနက်မှ တိုက်ခိုက်မှုနှုန်းသည် ယခုနှစ်တွင် ၁၃ ရာခိုင်နှုန်းဖြင့် ထိပ်တန်းစာရင်း ဝင်လာသည်။ ၂၀၁၀ နှစ်ကုန်တွင် အမေရိကန်သည်ပင် ၁၀ ရာခိုင်နှုန်းသာ ရှိခဲ့သည်။ Akamai အစီရင်ခံစာ အယ်ဒီတာကမူ မြန်မာမှ အင်တာနက် တိုက်ခိုက်မှုများသည် အုပ်စုတခုမှ လာခြင်းလား၊ ဟက်ကာများက ထိန်းချုပ် အသုံးပြုနေခြင်းလား သွဲကွဲစွာ မသိရကြောင်း ပြောသည်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အကြောင်း ရိုက်ကူထားသော The Lady ရုပ်ရှင်ဇာတ်ကားကို စက်တင်ဘာလတွင် ကနေဒါနိုင်ငံ တိုရွန်တို ရုပ်ရှင်ပွဲတော်၌ ပွဲဦးထွက် ပြသသွားမည်ဟု သိရသည်။ ယင်းဇာတ်ကားကို ပြင်သစ် ဒါရိုက်တာ Luc Besson က ရိုက်ကူးပြီး ဒေါ်အောင်ဆန်းစုကြည်အဖြစ် မစ်ရှဲယိုးလ်က သရုပ်ဆောင်ထားသည်။

အမေရိကန်ဒေါ်လာ တဒေါ်လာလျှင် မြန်မာငွေ ၆ ကျပ် သတ်မှတ်ထားသော ငွေလဲလှယ် နှုန်းထားကို သမ္မတဦးသိန်းစိန် အစိုးရက ပြင်ဆင်သတ်မှတ် ပြောင်းလဲမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီး ဦးလှထွန်းက ပြောသည်။ အစိုးရပိုင်းက ယင်းသို့ ပြောင်းလဲရေးနှင့် ပတ်သက်၍ ကုန်သည်များနှင့် စီးပွားရေးလုပ်ငန်းရှင်များ၏ သဘောထားအမြင်ကို မေးမြန်းနေကြောင်း၊ မည်ရွေ့မည်မျှ သတ်မှတ်မည်ကို မသိသေးကြောင်း ကုန်သည်များနှင့် စက်မှုလက်မှု အသင်းချုပ်မှ အမှုဆောင် တဦးက ပြောသည်။

ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းက ဒေါ်အောင်ဆန်းစုကြည်နှင့် လူမှုဝန်ထမ်း ကယ်ဆယ်ရေးဝန်ကြီး ဦးအောင်ကြည်တို့ တွေ့ဆုံသည်ကို ကြိုဆိုကြောင်း၊ သို့သော် နိုင်ငံရေး အကျဉ်းသားများကိ်ုလည်း လွှတ်ပေးရေး စဉ်းစားသင့်ကြောင်း တိုက်တွန်းလိုက်သည်။ ဤတွေ့ဆုံမှုမှတဆင့် အပြန်အလှန် နားလည်မှုတည်ဆောက်ရန် မျှော်လင့်ကြောင်း မစ္စတာ ဘန်ကီမွန်း၏ ထုတ်ပြန်ချက်တွင် ဖော်ပြထားသည်။

မိုးအကြီးအကျယ် ရွာပြီး တောင်ကျရေ ကျဆင်းခြင်းကြောင့် ပဲခူးမြို့ရှိ ကျောက်ကြီးစု၊ ဇိုင်းဂနိုင်းစသည့် ရပ်ကွက် များ၏ အနိမ့်ပိုင်းနေရာများ ယနေ့ရေလွှမ်းနေပြီး ပဲခူးဈေးလည်း ရေနစ်မြှုပ်နေကြောင်း ပဲခူးဒေသခံများက ပြောသည်။ ပဲခူး အနီးရှိ သနပ်ပင် မြို့နယ်တွင်လည်း ရေဘေး ကြုံတွေ့နေရပြီး ကျိုက်မဲ၊ ထောင်မင်းစသည့် ကျေးရွာများရှိ လယ်ဧက သုံးရာခန့်လည်း ရေနစ်မြှုပ်နေကြောင်း သိရသည်။

သီတင်း တပတ်ကျော်အတွင်း ထိုင်းစစ်တပ်မှ ၃ စင်းမြောက် ရဟတ်ယာဉ် ယမန်နေ့က ထိုင်း-မြန်မာ နယ်စပ်တွင် ပျက်ကျခဲ့သည်။ ဇူလိုင်လ ၁၆ ရက်နေ့တွင် ရဟတ်ယာဉ် တစင်းပျက်ကျပြီး ၅ ဦးသေဆုံးသည်။ ယင်း သေဆုံးသူများကို သွားရောက်သယ်ယူသော ဘလက်ဟော့ခ် ရဟတ်ယာဉ်သည် ဇူလိုင်လ ၁၉ ရက်နေ့တွင် ပျက်ကျပြီး ၉ ဦး သေဆုံးခဲ့သည်။ အဆိုပါ သေဆုံးသူများကို သွားရောက်သယ်ယူသည့် ယခု ဘဲလ် ၂၁၂ ရဟတ်ယာဉ် ထပ်မံ ပျက်ကျခြင်းဖြစ်ပြီး ၃ ဦးသေဆုံးကာ ၁ ဦး အသက်ရှင်သည်။

ဒေါ်အောင်ဆန်းစုကြည်သည် အလုပ်သမားဝန်ကြီး ဦးအောင်ကြည်နှင့် ယနေ့ နေ့လည် ၁နာရီ၌ ရန်ကုန်မြို့ရှိ အစိုးရ ဧည့်ဂေဟာတွင် တွေ့ဆုံမည်ဟု အမျိုးသား ဒီမိုကရေစီ အဖွဲ့ချုပ် (NLD)က ပြောသည်။ အာဏာပိုင်တို့က ဦးအောင်ကြည်ကို ဒေါ်အောင်ဆန်းစုကြည်နှင့် ၎င်းတို့အကြား ဆက်သွယ်ရေး အတွက် ဆက်ဆံရေးဝန်ကြီး အဖြစ် ၂၀၀၇ ခုနှစ် အောက်တိုဘာလက ခန့်အပ်ခဲ့သည်။

ထိုင်းနိုင်ငံ ချင်းရိုင်အခြေစိုက် သဘာဝပတ်ဝန်းကျင် ထိန်းသိမ်းရေးသမားနှင့် ကျေးရွာဒေသခံများ ကွန်ရက်က မြန်မာနိုင်ငံရှိ လျှပ်စစ်ဓာတ်အား ထုတ်လုပ်ရေး စီမံကိန်းများတွင် ပါဝင်ပတ်သက်ခြင်း မပြုလုပ်ရန် ထိုင်း လျှပ်စစ်ဓာတ်အား ရရှိရေး အာဏာပိုင်အဖွဲ့ (Egat) အား တောင်းဆိုသည့် လှုံ့ဆော်မှုကို စတင်လိုက်သည်။ လျှပ်စစ်ဓာတ်အား စီမံကိန်းများကြောင့် ကျေးရွာ ၂၀ ခန့် ရွှေ့ပြောင်းခံရပြီး လူ့အခွင့်အရေး ချိုးဖောက်မှုများကြောင့် ထိုသို့ တောင်းဆိုခြင်း ဖြစ်ကြောင်း သိရသည်။

မဲခေါင်မြစ်ဝှမ်းဒေသ (GMS) စီးပွားရေး ပူးပေါင်းဆောင်ရွက်ရေးအဖွဲ့သည် GMS ခရီးသွားလာရေး ပွဲတော်ကို မြန်မာနိုင်ငံ ပုဂံမြို့ဟောင်း၌ ယခုနှစ်အတွင်း ကျင်းပဖွယ်ရှိကြောင်း ခရီးသွားလုပ်ငန်း အသိုင်းအဝိုင်းက ပြောသည်ဟု ဆင်ဟွာ သတင်းတပုဒ်တွင် ဖော်ပြထားသည်။ ၂၀၁၁ ခုနှစ် ပထမ သုံးလတွင် မြန်မာနိုင်ငံသို့ လာရောက်သော ကမ္ဘာလှည့်ခရီးသည် ၁၀၆၇၉၅ ရှိပြီး ၂၀၁၀ နှင့် နှိုင်းယှဉ်လျှင် ၂၄ ရာခိုင်နှုန်း မြင့်တက်လာကြောင်း သိရသည်။ မြန်မာနှင့် ဂျပန်သည်လည်း ဂျပန်မှ ခရီးသွားများ မြန်မာသို့ ပိုမိုလည်ပတ်ရေး ပူးပေါင်းဆောင်ရွက်မည်ဟု ပြည်တွင်း သတင်းများက ဆိုသည်။