“ကျနော် သိသလောက်တော့ သူတို့ ပါတီရုံး ဆိုတာတွေက နိုင်ငံတော် ငွေကြေးနဲ့ တည်ဆောက် ထားတာ တွေလေ။ ဒါတွေကို သူတို့တွေ ဆက်သုံး နေမယ်ဆိုရင် စကား ပြောစရာ တွေတော့ ဖြစ်လာ လိမ့်မယ်” ဟု ပြည်ထောင်စု ဒီမိုကရေစီပါတီ ဥက္ကဋ္ဌ ကိုဖြိုးမင်းသိန်းက ယနေ့ ဧရာဝတီသို့ ပြောသည်။ စစ်အစိုးရက ထုတ်ပြန် ထားသော နိုင်ငံရေး ပါတီများ မှတ်ပုံ တင်ခြင်း ဥပဒေ ပုဒ်မ ၇၊ အပိုဒ် (ဂ) တွင်လည်း နိုင်ငံတော်ပိုင် ငွေကြေး၊ အဆောက် အအုံ၊ ယာဉ်၊ ပစ္စည်းတို့ကို တိုက်ရိုက် ဖြစ်စေ၊ သွယ်ဝိုက်၍ ဖြစ်စေ ရယူသုံးစွဲသည့် အဖွဲ့အစည်းသည် နိုင်ငံရေး ပါတီအဖြစ် မှတ်ပုံတင် ပေးရန် လျှောက်ထားခြင်း မရှိစေရ ဟူ၍ပါရှိသည်။
ထိုသို့ ရွေးကောက်ပွဲ ဥပဒေများနှင့် မညီသည့် အခြေအနေများ တွေ့မြင်နေရသောကြောင့် အသွင်ကူးပြောင်းရေး ကာလတွင် စစ်သားနှင့် အရပ်သား ညီတူညီမျှ ပါဝင်သည့် အစိုးရသစ်တရပ် ဖွဲ့ပေးရန် ပြည်ထောင်စု ဒီမိုကရေစီပါတီက သောကြာနေ့တွင် ကြေညာချက်တရပ် ထုတ်ပြန်လိုက်သည်။
၎င်းတို့ပါတီ၏ နာယကတဦးဖြစ်သူ ကိုညိုထွန်းကလည်း “ကြံ့ခိုင်ဖွံ့ဖြိုးရေး ပါတီထဲမှာ အသက် ၁၈ နှစ်မပြည့်သေးတဲ့ ကျောင်းသားတွေ၊ နိုင်ငံ့ ဝန်ထမ်းတွေအများကြီး ပါနေတယ်။ ဒီလိုကိစ္စတွေက မဖြစ်သင့်မဖြစ်ထိုက်တဲ့ ကိစ္စတွေပါ” ဟု ဆိုသည်။
ကိုညိုထွန်းကပင် ဆက်လက်၍ မကြာသေးမီက စစ်ဘက်ရာထူးမှအနားယူသွားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ခေါင်းဆောင် ဦးသိန်းစိန်သည် ရာထူးမှ အနားယူသွားသော်လည်း စစ်အစိုးရနှင့် ငွေကြေးကိစ္စများ အရမှစ၍ နောက်ကွယ်တွင် မည်သို့ ပတ်သက်နေသည်ကို မည်သူမှ မသိနိုင်ကြောင်း ပြောသည်။
ယခုကဲ့သို့ ကြေညာချက်ထုတ်ပြန်ရခြင်းသည် ပြည်သူလူထုကို အသိပေး ချပြရုံသာ ဖြစ်ကြောင်း၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ၎င်းတို့၏ အပြုအမူများကို မပြောင်းလဲဘဲ အာဏာရပါတီတခုကဲ့သို့ ဆက်လက် ပြုမူဆောင်ရွက်သွားမည် ဆိုပါက ရွေးကောက်ပွဲကော်မရှင်ထံသို့လည်းကောင်း နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဋ္ဌထံသို့ လိပ်မူ၍ လည်းကောင်း တိုင်ကြားသွားမည်ဟုလည်း ကိုဖြိုးမင်းသိန်းက ဆိုသည်။
“တကယ်လို့ ဥပဒေနဲ့မညီတဲ့ အပြုအမူတွေနဲ့ ရွေးကောက်ပွဲကို ဝင်ရောက်ယှဉ်ပြိုင်ခဲ့မယ်ဆိုရင် တည်ဆဲဥပဒေတွေနဲ့ ရွေးကောက်ပွဲ ကော်မရှင်ကနေ အရေးယူသွားမှာပါ” ဟု ကိုဖြိုးမင်းသိန်းက ရှင်းပြသည်။
ဇိုမီး အမျိုးသားကွန်ဂရက်မှ ဦးပူကျင့်ရှင်းထန်ကလည်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အသုံးပြုနေသော အဆောက် အအုံများသည် ပြည်သူများထံမှလာသော နိုင်ငံတော်ဘဏ္ဍာများ ဖြစ်နေခြင်း၊ ပါတီဝင်များသည်လည်း ကျောင်းသား ကျောင်းသူများ၊ ဝန်ထမ်းများ ပါဝင်နေခြင်းတို့ကြောင့် ပြည်ထောင်စု ဒီမိုကရေစီပါတီ၏ လုပ်ရပ်အပေါ် ထောက်ခံသည်ဟု ဆိုသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် နိုင်ငံတော်ဝန်ကြီးချုပ် ဗိုလ်ချုပ်ကြီးဟောင်း ဦးသိန်းစိန် ဦးဆောင်ထားသော နိုင်ငံရေး ပါတီတခုဖြစ်သည်။
| < Prev | Next > |
|---|
