၂၀၁၀ ရွေးကောက်ပွဲ ကမ္ဘာလုံးဆိုင်ရာ ကန့်ကွက်မှု ပြုလုပ်

E-mail Print
စစ်အစိုးရ၏ ၂၀၁၀ ရွေးကောက်ပွဲကို ကန့်ကွက် ရှုတ်ချသည့် ကမ္ဘာလုံးဆိုင်ရာ လှုပ်ရှားမှုနေ့ အဖြစ် ပြည်ပ အခြေစိုက် ဒီမိုကရေစီ အင်အားစုများမှ နိုင်ငံအလိုက် လှုပ်ရှားမှုများကို ယနေ့ ကျင်းပ သည်ဟု သိရှိရသည်။


ယင်းလုပ်ရှားမှုများကို ပြည်ပအခြေစိုက် ဒီမိုကရေစီ တပ်ပေါင်းစု ဆယ်စုမှ နိုင်ငံခြားရေးကော်မတီများကို စုဖွဲ့ထား သည့် နိုင်ငံခြားရေးဆိုင်ရာ ပူးပေါင်းဆောင်ရွက်မှုအဖွဲ့ (FACT) မှ ကမကထပြု ကျင်းပခဲ့ခြင်းဖြစ်သည်။

“တပ်ပေါင်းစု ဆယ်စုကနေပြီးတော့မှ ၂၀၁၀ ရွေးကောက်ပွဲကို ဆန့်ကျင်တဲ့ လှုပ်ရှားမှုတခုကို မတ်လ ၁၉ ရက်နေ့ က ဘန်ကောက်မှာ သတင်းစာရှင်းလင်းပွဲလုပ်ပြီး ဖွင့်လှစ်ခဲ့တယ်၊ ဒီနေ့ကျင်းပတဲ့ ကမ္ဘာလုံးဆိုင်ရာ လှုပ်ရှားမှုနေ့ ဆိုတာကတော့ ဒီ လှုပ်ရှားမှုကြီးရဲ့ လုပ်ငန်းစဉ်တခုလို့ ပြောလို့ရပါတယ်”ဟု FACT တာဝန်ခံ ကိုသွင်လင်းအောင် က ဧရာဝတီသို့ ပြောသည်။

ယနေ့ကျင်းပသည့် ကမ္ဘာလုံးဆိုင်ရာ လှုပ်ရှားမှုနေ့ အခမ်းအနားသည် မြန်မာနိုင်ငံတွင်းမှ အမျိုးသားဒီမိုကရေစီ အဖွဲ့ချုပ်(NLD)၏ ရွေးကောက်ပွဲမဝင်ဟုဆိုကာ ပြတ်ပြတ်သားသား ရပ်တည်ခဲ့သည့်အပေါ်တွင် ပြည်ပ အတိုက် အခံ များကလည်း ၎င်းတို့နှင့် တစ်သားတည်း ဖြစ်ကြောင်းကို ပြသသည့်အခမ်းအနားလည်း ဖြစ်သည်ဟု ၎င်းက ဆက်ပြောသည်။

NLD လွတ်မြောက်နယ်မြေ (မလေးရှား) ဥက္ကဌ ကိုကျော်ကျော်က“စစ်မှန်တဲ့ ရွေးကောက်ပွဲ နဲ့ စစ်အာဏာရှင် ရွေးကောက်ပွဲလို့ ရေးထားတဲ့ မဲပြားတွေကို ပို့စ်ကတ်အရွယ် လုပ်ပြီးမှ ဘယ် ရွေးကောက်ပွဲ အမျိုးအစားကို ကြိုက်လဲ ဆိုတာကို ပွဲလာတက်တဲ့သူတွေရဲ့ ဆန္ဒတွေကို ကောက်ခံတဲ့ လှုပ်ရှားမှု လုပ်ခဲ့တာပါ”ဟု သူက ဆို သည်။

ယင်း ကမ္ဘာလုံးဆိုင်ရာ လှုပ်ရှားမှုနှင့် ၁၉၉၀ ရွေးကောက်ပွဲ အနှစ် ၂၀ ပြည့်အခမ်းအနားကို မလေးရှားနိုင်ငံ၊ ကွာလာလမ်ပူရှိ တရုတ်တန်းခန်းမတွင် ကျင်းပခဲ့ပြီး ပွဲတက်ရောက်လာသူဦးရေ တရာခန့်ရှိသည်ဟုလည်း ကိုကျော်ကျော်က ပြောသည်။

NLD လွတ်မြောက်နယ်မြေ (ကိုရီးယား) တာဝန်ခံ ကိုနေထွန်းနိုင်က“ကျနော်တို့က ဆိုးလ်မြို့မှာရှိတဲ့ နအဖ သံရုံး ရှေ့ မှာ ၁၉၉၀ မေလ ၂၇ ရက်နေ့ ရွေးကောက်ပွဲ အကြောင်းတွေ၊ အခုလက်ရှိ မြန်မာနိုင်ငံမှာ ဖြစ်ပျက်နေတဲ့ အကြောင်းအရာတွေ၊ အခု စစ်အစိုးရ ပြင်ဆင်နေတဲ့ ၂၀၁၀ ရွေးကောက်ပွဲ အကြောင်းတွေကို သတင်းစာ ရှင်းလင်း ပွဲ တခုလုပ်ပြီးတော့ ပွဲတက်လာတဲ့သူတွေကို တင်ပြခဲ့ပါတယ်”ဟု ပြောသည်။

“ဒီနေ့ပွဲကို ကိုရီးယားမှာရှိတဲ့ မြန်မာ့ဒီမိုကရေစီအရေး လှုပ်ရှားတဲ့သူတွေ၊ မြန်မာ့ဒီမိုကရေစီအရေးကို ထောက်ခံ အားပေးတဲ့ ကိုရီးယား အန်ဂျီအိုတွေ၊ ကိုရီးယားရောက်မြန်မာတွေ တက်ရောက်ခဲ့ပြီးတော့ တခြားနိုင်ငံတွေမှာ လိုပဲ စစ်အာဏာရှင် ရွေးကောက်ပွဲကို ကြိုက်လား၊ စစ်မှန်တဲ့ ရွေးကောက်ပွဲကို ကြိုက်လား ဆိုတဲ့ ဆန္ဒပြုမှုတွေ ကောက်ခံခဲ့ပါတယ်”ဟု ကိုနေထွန်းနိုင်က ဆက်ပြောသည်။

ထိုင်းနိုင်ငံ မဲဆောက်မြို့တွင်လည်း ကမ္ဘာလုံးဆိုင်ရာ လှုပ်ရှားမှုအခမ်းအနားကို ကျင်းပရာ မြန်မာနိုင်ငံ ဒီမိုကရေစီ အရေးနှင့် တိုင်းရင်းသားအခွင့်အရေး လုပ်ဆောင်နေသည့် တပ်ပေါင်းစု ၁၀ ဖွဲ့နှင့် လူပေါင်း နှစ်ရာ နီးပါးခန့် တက်ရောက်သည်ဟု စုံစမ်းသိရှိရသည်။

ယင်း ကမ္ဘာလုံးဆိုင်ရာ လှုပ်ရှားမှုနေ့ အထိမ်းအမှတ်အဖြစ်နှင့် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများအား ပြန်လွှတ်ပေးရန်၊ တိုင်းရင်းသားများနှင့် ဒီမိုကရေစီအရေး လှုပ်ရှားနေသည့် အဖွဲ့အစည်း များအပေါ် အန္တရာယ်ပြုမှုများအား ရပ်တန့်ရန်၊ ၂၀၀၈ ဖွဲ့စည်းပုံအခြေခံဥပဒေကို ပြန်လည် သုံးသပ်ရန် များကို တောင်းဆိုကြသည်။

ထို့အပြင် စစ်အာဏာရှင် ရွေးကောက်ပွဲနှင့် စစ်မှန်သော ရွေးကောက်ပွဲကို မဲပေးရွေးချယ်ရန် အစီအစဉ်အား ယနေ့ စတင် ဖွင့်လှစ်လိုက်သည်ဟုလည်း မဲဆောက်မြို့အခြေစိုက် ဧရာဝတီသတင်းထောက်ထံမှ သိရှိရသည်။

ယနေ့ စတင်သည့် စစ်အာဏာရှင် ရွေးကောက်ပွဲနှင့်၊ စစ်မှန်သော ရွေးကောက်ပွဲကို မဲပေးရွေးချယ်ခြင်း အစီ အစဉ် သည် ဒေါ်အောင်ဆန်းစုကြည်၏ မွေးနေ့ဖြစ်သော ဇွန်လ ၁၉ ရက်နေ့တွင် အဆုံးသတ်မည်ဖြစ်ပြီး ရရှိ လာသော မဲပြားများရလဒ်ကို နိုင်ငံအလိုက် အစိုးရများထံသို့ ပေးပို့သွားမည်ဟုသိရှိရသည်။

အာဆီယံ ဒေသတွင်း နိုင်ငံများမှ ရရှိလာသော မဲပြားများနှင့် မဲပြားရလဒ်များကိုမူ အာဆီယံ အထွေထွေ အတွင်းရေးမှုးချုပ်ထံသို့ ပေးပို့သွားမည် ဖြစ်ကြောင်း FACT တာဝန်ခံက ပြောသည်။

နအဖ စစ်အစိုးရ၏ ၂၀၁၀ ရွေးကောက်ပွဲကို ဆန့်ကျင်သည့် ယခုလှုပ်ရှားမှုတွင် မြန်မာ့ဒီမိုကရက်တစ် အင်အားစု၊ အမျိုးသားညွန့်ပေါင်း အစိုးရ၊ မြန်မာ ပါလီမန် အမတ်များအဖွဲ့၊ မြန်မာ အမျိုးသမီး သမဂ္ဂ၊ ဗမာနိုင်ငံလုံး ဆိုင်ရာ ကျောင်းသားများ သမဂ္ဂ စသည့်အဖွဲ့အစည်း ၁၀ ဖွဲ့က အဓိက တပ်ပေါင်းစုကြီးအဖြစ် ရပ်တည်လျက်ရှိကြောင်း၊ ယင်းလှုပ်ရှားမှုသည် ကမ္ဘာတလွှားရှိ အဖွဲ့အစည်းပေါင်း ၁၅၀ ကျော်၏ ထောက်ခံမှုလည်း ရရှိထားကြောင်း သိရ သည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်