ဒီပဲယင်း လုပ်ကြံမှု ကြိုးကိုင်သူများ USDP တွင် ခေါင်းဆောင်

Monday, 31 May 2010 19:47
Print
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP)မှ ထိပ်ပိုင်း ခေါင်းဆောင် တချို့သည် ၂၀၀၃ ခုနှစ်က ဒေါ်အောင်ဆန်း စုကြည်နှင့် အမျိုးသား ဒီမိုကရေစီ အဖွဲ့ချုပ် (NLD) ပါတီဝင်များကို ဒီပဲယင်းတွင် တိုက်ခိုက်ခဲ့သည့် လုပ်ကြံမှု၌ အဓိကကြိုးကိုင်သူများ ဖြစ်ကြောင်း တွေ့ရသည်။

ယင်း USDP ပါတီတွင် ဝန်ကြီးချုပ် ဗိုလ်ချုပ်ကြီးဟောင်း ဦးသိန်းစိန် ခေါင်းဆောင် ဖြစ်သည်။

ပြီးခဲ့သည့် မေလ ၃၀ ရက်နေ့တွင် ၇ နှစ် ပြည့်ခဲ့ပြီ ဖြစ်သော ဒီပဲယင်း လုပ်ကြံမှုကို ဗိုလ်ချုပ်မှူးကြီး သန်းရွှေ၏ အဓိက ညွှန်ကြားမှုဖြင့် ၀န်ကြီးချုပ်ဟောင်း ဗိုလ်ချုပ်ကြီး စိုးဝင်း က အကောင် အထည်ဖော် ခဲ့ကြောင်း၊ ယင်း လှုပ်ကြံမှု အတွက် ဗိုလ်ချုပ်ကြီး စိုးဝင်းသည် အနောက် မြောက်တိုင်း စစ်ဌာနချုပ် (နမခ) တွင် သီးသန့် ရုံးထိုင်ပြီး (နမခ) တိုင်းမှူး ဗိုလ်ချုပ်စိုးနိုင်ကို ဆက်လက် ကွပ်ကဲစေခဲ့ကြောင်း သိရှိရသည်။

ဒီပဲယင်း လုပ်ကြံမှုကို အသေးစိတ် အစီရင်ခံစာ ထုတ်ပြန်ခဲ့သော အဝေးရောက် အမျိုးသား ညွန့်ပေါင်း အစိုးရအဖွဲ့(NCGUB)မှ ဦးဇင်လင်းက“အဲဒီတုန်းက ရခဲ့တဲ့ သတင်းတွေအရ ဗိုလ်ချုပ်မှူးကြီး သန်းရွှေက ဗိုလ်ချုပ်ကြီး စိုးဝင်းကို ဘယ်သူ့ကိုမှ မသိစေဘဲနဲ့ အဲဒီကိစ္စကို ဦးဆောင်ခိုင်းတာ၊ သူကနေတဆင့် ဗိုလ်ချုပ် စိုးနိုင်၊ ဦးအောင်သောင်းတို့ကို ခိုင်းတာ၊ ဗိုလ်ချုပ် စိုးနိုင်က နမခ တိုင်းမှူး ဆိုတော့ သူက Field Commander ပေါ့၊ အဲဒီကိစ္စကို စစ်ဆင်ရေးတခုလို သဘောထားပြီး သေချာ စနစ် ဇယားချပြီး လုပ်ခဲ့ကြ တာ” ဟု ပြောသည်။

ဒီပဲယင်း လုပ်ကြံမှု၌ ကြိုးကိုင်ခဲ့သူများ ဖြစ်သည့် မကြာသေးခင် စစ်တပ်ရာထူးများမှ နုတ်ထွက်ထားသော ဟိုတယ်နှင့် ခရီးသွားလာရေး ဝန်ကြီးဌာန ဝန်ကြီး ဦးစိုးနိုင်၊ ပြန်ကြားရေးဝန်ကြီးဌာန ဝန်ကြီး ဦးကျော်ဆန်း တို့နှင့် တခြားသော စစ်ဗိုလ်ချုပ် ဟောင်း များအပါအဝင် ဒု ဗိုလ်မှူးကြီးဟောင်း အမှတ်(၁) စက်မှု ဝန်ကြီးဌာန ဝန်ကြီး ဦးအောင်သောင်းလည်း အဆိုပါ USDP ပါတီတွင်ပါဝင်ကြောင်း သိရသည်။

နအဖ စစ်အစိုးရအုပ်စုမှ ဗိုလ်ချုပ်အများစုသည် ၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ရန်အတွက် လက်ရှိ စစ်ရာထူးများမှ နုတ်ထွက်လိုက်ကြကာ အရပ်သားများအဖြစ်သို့ ကူးပြောင်းလိုက်ကြပြီး ဖြစ်သည်။

“ဒီပဲယင်းလုပ်ကြံမှုမှာ အဓိကပါတာကတော့ ပြည်ခိုင်ဖြိုးလို့ သူများတွေခေါ်တဲ့ ကြံ့ဖွံ့အဖွဲ့ပေါ့၊ အဲဒီအချိန်တုန်းက ဗိုလ်ချုပ် တွေက လည်း ကြံ့ဖွံ့အဖွဲ့ရဲ့ ဦးသျှောင်အဖွဲ့ထဲမှာ ပါကြတယ်”ဟု NCGUB မှ ဦးဇင်လင်းက ဧရာဝတီသို့ ပြောသည်။

လုပ်ကြံမှု ဖြစ်ပွားခဲ့သော ဒီပဲယင်းမြို့နယ်သည် စစ်ကိုင်းတိုင်းတွင် ပါရှိပြီး လုပ်ကြံမှုကို ထိုစဉ်က အနောက်မြောက်တိုင်း စစ်ဌာန ချုပ် တိုင်းမှူး ဗိုလ်ချုပ်စိုးနိုင်နှင့် အလယ်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်ရဲမြင့်တို့က အဓိက ဦးဆောင်ကာ စစ်ကိုင်း တိုင်းနှင့် မန္တလေးတိုင်းတို့မှ ကြံ့ဖွံ့အဖွဲ့ဝင်များပါဝင်သည်။ ဗိုလ်ချုပ်ရဲမြင့်ကိုမူ USDP တွင် ပြန်လည် နေရာပေးခြင်း မတွေ့ရပေ။

ဒီပဲယင်းလုပ်ကြံမှုကြီးတွင် နအဖ အစိုးရဘက်မှ လူအင်အား ၅၀၀၀ ခန့်က ၂၀၀၃ ခုနှစ် မေလ ၃၀ ရက်နေ့ ညနေပိုင်းတွင် ဒေါ်အောင်ဆန်းစုကြည်တို့၏ ယာဉ်တန်းကို တုတ်၊ ဓား၊ ခဲများနှင့် တိုက်ခိုက်ခဲ့ကြပြီး ခန့်မှန်းခြေ လူ တရာခန့် သေဆုံးခဲ့ ကြသည်ဟု လေ့လာသူများက ဆိုသည်။

ယင်း လုပ်ကြံမှုမှ လွတ်မြောက်လာသူ NLD ဒု- ဥက္ကဌ ဦးတင်ဦးက တိုက်ခိုက်သူများသည် အင်အား ၅၀ ခန့်စီ အုပ်စုဖွဲ့လျက် တိုက်ခိုက်ကြကြောင်း၊ တိုက်ခိုက်သူများထဲတွင် အမျိုးသမီးများပင် ပါဝင်ကြောင်း မကြားသေးမီက ပြောခဲ့သည်။

ပြည်သူ့လွှတ်တော် ကိုယ်စားပြု ကော်မတီ(CRPP)အတွင်းရေးမှူး ဦးအေးသာအောင်က“ဒီပဲယင်း လုပ်ကြံမှုလိုမျိုး ရာဇဝတ်မှုတွေနဲ့ ပတ်သက်ခဲ့ဖူးတဲ့ လူတွေက အခုလိုမျိုး ပါတီတွေထောင်ပြီး နိုင်ငံရေး နယ်ပယ်ထဲမှာ ပါဝင်လာမှာကို ကျနော်တို့မလိုလားပါဘူး”ဟု ဧရာဝတီသို့ ပြောသည်။

ဒီပဲယင်း လုပ်ကြံမှုတွင် အဓိက ပတ်သက်ခဲ့သည့် ဗိုလ်ချုပ်ကြီး စိုးဝင်းသည် ၂၀၀၇ အောက်တိုဘာလတွင် သွေးကင်ဆာရောဂါဖြင့် ကွယ်လွန်ခဲ့ပြီး ဗိုလ်ချုပ်မှူးကြီး သန်းရွှေက နိုင်ငံတော် ဈာပနအဖြစ် အသိအမှတ်ပြု ကျင်းပပေးခဲ့သည်။