ဖယောင်းတိုင်မီးကစ အိမ် ၂ လုံးပြာကျ

E-mail Print
ရန်ကုန်တိုင်း အင်းစိန်မြို့နယ် ပိန္နဲကုန်းရပ်ကွက်တွင် ယမန်နေ့ ည က လျှပ်စစ်မီးမလာ၍ ဖယောင်းတိုင် ထွန်းရာ မှတဆင့် အိမ် ၂ လုံးမီး လောင်ခဲ့ကြောင်း ဒေသခံများကပြော သည်။

အင်းစိန် ပိန္နဲကုန်း သရက်ခြံ ၅ လမ်းတွင် ည ၇း၅၀ နာရီ ခန့်က မီးစတင်လောင်ကျွမ်းခဲ့ပြီး နာရီဝက် နီးပါး လောင် ကျွမ်းခဲ့ကြောင်း၊ မီးသတ်ကားများနှင့် ရပ်ကွက်နေလူထု ပူးပေါင်းငြှိမ်းသတ်မှုကြောင့် ည ၈ နာရီ ကျော်တွင် မီးငြိမ်းသွားကြောင်း ဒေသခံများ၏  ပြောဆိုချက်အရ သိရှိရသည်။

"ပိန္နဲကုန်းက အိမ်ခြေတအားစိတ်တယ်၊ ရပ်ကွက်နေလူတွေနဲ့ မီးသတ်တွေ အချိန်မီ မီးကို နိုင်လို့၊ မဟုတ်လို့ ကတော့ ၂၀၀၅ ခုနှစ်က လှိုင်မှာလောင်တဲ့ မီးလို တရပ်ကွက်လုံး လောင်မှာ"ဟု ပိန္နဲကုန်း သရက်ခြံ ၅ လမ်းနေ အိမ်ရှင်မတဦးက ပြောသည်။

အဆိုပါ မီးလောင်မှုသည် ဖယောင်းတိုင်မီးကြောင့် ဖြစ်သော်လည်း လျှပ်စစ်မီးမလာ၍ ဖယောင်းတိုင် ထွန်းရာမှ လောင်ကျွမ်းခြင်းဖြစ်ကြောင်း၊ အစိုးရက လျှပ်စစ်မီးအပြည့်အ၀ မပေးနိုင်သည့်အတွက် ရန်ကုန်မြို့ခံ များမှာ ထင်းမီးဖြင့် ထမင်းဟင်းချက်ပြုတ်ရာမှလည်းကောင်း၊ ညအချိန် ဖယောင်းတိုင်မီးထွန်းရာမှလည်းကောင်း မကြာ ခဏဆိုသလို မီးလောင်မှုများ ဖြစ်ပွားလျက်ရှိကြောင်း အင်းစိန်မီးသတ် တပ်ဖွဲ့ဝင် တဦးက ပြောသည်။

ရန်ကုန်မြို့တွင် ဆောင်းနှင့်နွေ အပါအ၀င် ပွင့်လင်း ရာသီတခုလုံး လျှပ်စစ်ဓာတ်အား အလှည့်ကျသာပေးမည်ဖြစ် ကြောင်း၊ ယခုအခါ ရန်ကုန်မြို့တော်ကို လျှပ်စစ်မီးပေးရာတွင် အုပ်စုခွဲပေးနေပြီး တအုပ်စုလျှင် ၆ နာရီ မီးပေး၊ ၆ နာရီမီးဖြတ် စနစ်ဖြင့် လျှပ်စစ်ဓာတ်အား ပေးဝေနေကြောင်း သိရှိရသည်။

ယင်းသို့ လျှပ်စစ်ဓာတ်အားပေးဝေမှု အလှည့်ကျစနစ် အသုံးပြုရခြင်းမှာ ရေအားလျှပ်စစ်ထုတ်လုပ်သည့်  စက်ရုံ များတွင် ရေရရှိမှုလျော့ကျခြင်းနှင့် သဘာဝဓာတ်ငွေ့ ဖိအားလျော့ကျခြင်းတို့ကြောင့်ဖြစ်ကြောင်း၊ မြန်မာနိုင်ငံတွင် တည်ဆောက်ဆဲ ရေအားလျှပ်စစ် စီမံကိန်း ၂၂ ခုရှိပြီး ဆက်လက်အကောင်အထည်ဖော်မည့် ရေအားလျှပ်စစ် စီမံကိန်း ၁၅ ခုရှိကြောင်း အမှတ် ၁ လျှပ်စစ်စွမ်းအားဝန်ကြီးဌာန၀န်ကြီး ဗိုလ်မှူးကြီး ဇော်မင်း၏အဆိုကို ကိုးကား ၍ ပြည်တွင်းထုတ် သတင်းဂျာနယ်များတွင် ဖော်ပြထားသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်