စီးပွားရေး ဆွေးနွေးပွဲ ဒေါ်အောင်ဆန်းစုကြည်ကို ဖိတ်ထား

E-mail Print
နေပြည်တော်တွင် ကျင်းပမည့် စီးပွားရေးဆိုင်ရာ အလုပ်ရုံဆွေးနွေးပွဲ တက်ရောက်ရန် ဖိတ်ကြားစာကို ဒေါ်အောင်ဆန်းစုကြည်က ယမန်နေ့တွင် လက်ခံရရှိကြောင်း သိရသည်။

“ဒီကိစ္စနဲ့ပတ်သက်ပြီး ဖိတ်စာကို မနေ့က ရပါတယ်။ ဖိတ်တဲ့ ရက်က သြဂုတ်လ ၁၉ ကနေ ၂၁ ပါ။ ဒေါ်အောင်ဆန်းစုကြည် တက်မယ်၊ မတက်ဘူးဆိုတာကတော့ လောလောဆယ် ကျနော်တို့ မပြောနိုင်သေးပါဘူး” ဟု အမျိုးသားဒီမိုကရေစီ အဖွဲ့ချုပ် (NLD) ပါတီ ပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။

DSUU-THEIN-SEINဒေါ်အောင်ဆန်းစုကြည်ထံ အပြည်ပြည်ဆိုင်ရာ အလုပ်ရုံဆွေးနွေးပွဲ ကျင်းပရေးဆိုင်ရာ ဦးစီးကော်မတီက ပေးပို့လာသော ဖိတ်ကြားစာသည် NLD ပါတီ ခေါင်းဆောင်တဦးအဖြစ် မဟုတ်သကဲ့သို့ လေ့လာသူအဖြစ်လည်း မဟုတ်ကြောင်း၊ ဒေါ်အောင်ဆန်းစုကြည် အမည်ဖြင့်သာ ဖိတ်ကြားခြင်းဖြစ်ကြောင်း သိရသည်။

ဒေါ်အောင်ဆန်းစုကြည်အနေဖြင့် ပါတီအရေးကိစ္စ အပါအဝင် လုပ်ဆောင်စရာများ ရှိနေကြောင်း၊ ဒေါ်အောင်ဆန်းစုကြည်သည် ပါတီခေါင်းဆောင်ဖြစ်၍ ၄င်း၏ သဘောထားသည် NLD ပါတီ၏ သဘောထားဖြစ်ကြောင်း ဦးဝင်းထိန်က ပြောသည်။

အလုပ်ရုံဆွေးနွေးပွဲသို့ ဒေါ်အောင်ဆန်းစုကြည် ဖိတ်ကြားခံရသည့်ကိစ္စနှင့် ပတ်သက်ပြီး NLD ပါတီ ခေါင်းဆောင်တဦးဖြစ်သူ ဦးဝင်းတင်က ပြဿနာများစွာကို အောက်ခြေအထိ ဖြေရှင်းသွားနိုင်ရေးအတွက် သမ္မတ ဦးသိန်းစိန်နှင့် ဆက်လက်ဆွေးနွေးရန်အဆင့်အထိ မျှော်လင့်ထားကြောင်း ပြောသည်။

စီးပွားရေး ဖွံ့ဖြိုးတိုးတက်ရေးအတွက် အမျိုးသားအဆင့် အလုပ်ရုံဆွေးနွေးပွဲသို့ စီးပွားရေး၊ လူမှုရေး၊ နိုင်ငံရေး နယ်ပယ်များမှ လူပုဂ္ဂိုလ်ပေါင်း ၅၀၀ ခန့် တက်ရောက်ရန် ဖိတ်ကြားထားသည်ဟု သိရသည်။

အဆိုပါ အလုပ်ရုံဆွေးနွေးပွဲသို့ ဖိတ်ကြားခံထားရသူများထဲတွင် ပြည်ပအခြေစိုက် “ဗဟု” အဖွဲ့ဟု လူသိများသည့် အဖွဲ့မှ ပုဂ္ဂိုလ်များလည်း ပါဝင်သည်ဟုသိရပြီး ဆွေးနွေးပွဲတက်ရောက်မည်ဟု ဆိုသည်။

ထို့အပြင် ပြည်ပအခြေစိုက် နိုင်ငံရေးနယ်ပယ်မှ ပုဂ္ဂိုလ်တချို့လည်း ဖိတ်ကြားခံထားရကြောင်းနှင့် တက်ရောက်ရန် ပြင်ဆင်နေကြကြောင်း သိရသော်လည်း မည်သူတက်ရောက်မည်ကို စုံစမ်းနေဆဲ ဖြစ်သည်။

အလုပ်ရုံဆွေးနွေးပွဲသို့ သမ္မတ အကြံပေးများနှင့် စာနယ်ဇင်းသမားများကိုလည်း ဖိတ်ကြားထားသည်။

၂၀၁၀ ရွေးကောက်ပွဲဝင် နိုင်ငံရေးပါတီ ၃၇ ပါတီမှ ကိုယ်စားလှယ်များကိုလည်း ဖိတ်ကြားထားပြီး ပါတီ တခုလျှင် ကိုယ်စားလှယ် ၃ ဦးနှုန်း တက်ရောက်ရမည်ဟု သိရသည်။

နေပြည်တော် လွှတ်တော်အစည်းအဝေးနှင့် တိုက်ဆိုင်နေသဖြင့် အလုပ်ရုံဆွေးနွေးပွဲသို့ တချို့နိုင်ငံရေးပါတီများမှ လွှတ်တော်တက်ရောက်မည့် သူများကသာ တက်ရောက်သွားမည်ဖြစ်သည်ဟု ဆိုသည်။

ဒီမိုကရက်တစ်ပါတီ (မြန်မာပြည်) က ပါတီခေါင်းဆောင် ၃ ဦးဖြစ်သည့်  ဦးသုဝေ၊ ဒေါ်ချိုချိုကျော်ငြိမ်းနှင့် ဒေါ်နေခြည်ဗဆွေတို့ ၃ ဦး တက်ရောက်မည်ဟု သိရသည်။

“ကျနော်တို့ အခု ၃ ယောက် နေပြည်တော်ကို သွားနေကြပါတယ်။ ပါတီတွေအားလုံးကို ဖိတ်ထားတယ်သိရပါတယ်” ဟု ဦးသုဝေ က ပြောသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်