ကျန်းမာရေး နှင့် သဘာဝ ပတ်ဝန်းကျင်ဆိုင်ရာ အသိပညာ ပြန့်ပွားရေးအတွက် ဒဂုံမြို့သစ် မြောက်ပိုင်း၊ ၄၇ ရပ်ကွက်ရှိ အောင် ဖောင်ဒေးရှင်းက ပြုလုပ်သော သင်တန်းတွင် ပို့ချနေသူများမှာ ဒေါ်သန်းမြင့်အောင်၊ မိုးလေ၀သ ဦးထွန်းလွင်၊ ဒေါ်ဆွေဆွေလှိုင်၊ သက်ပိုင်ထွန်း တို့ ဖြစ်သည်ဟု သိရသည်။
“ခေါင်းလျှော်ရည်တို့၊ ဆပ်ပြာတို့ ဆိုတာတွေမှာ သဘာဝ ပစ္စည်းတွေနဲ့ လုပ်တဲ့ လူသုံးကုန်တွေဟာ လူ့ကျန်းမာရေးကို မထိခိုက်စေသလို သဘာဝ ပတ်ဝန်းကျင်ကိုလည်း မထိခိုက်တဲ့ အကြောင်း ဆရာမ ဒေါ်သန်းမြင့်အောင်က ရှင်းပြပါတယ်” ဟု သင်တန်းတွင် ပူးပေါင်း လုပ်ဆောင်နေသည့် ကိုဗမျိုးသိန်းက ဧရာဝတီကို ပြောသည်။
လူသုံးကုန် အများစုမှာ ဓာတုပစ္စည်းများဖြင့် လုပ်ဆောင်ထားကြသဖြင့် သုံးစွဲသူများ ကျန်းမာရေး ထိခိုက်ခြင်း၊ သဘာဝ ပတ်ဝန်းကျင် ထိခိုက်ခြင်းတို့ ဖြစ်ပေါ်စေသဖြင့် မိမိတို့ နေထိုင်ရာ ကမ္ဘာကြီး ပိုမိုအန္တရာယ်ရှိလာကြောင်း၊ ဤအကြောင်းအရာတို့ကို လူသားတိုင်း သိရှိနားလည်ရန် လိုအပ်သည့်အတွက် ပညာပေးဟောပြောနေရခြင်းဖြစ်ကြောင်း ကိုဗမျိုးသိန်းက ဆက်လက် ရှင်းပြသည်။
“အခု လူ့အဖွဲ့အစည်းမှာ တိုးတက်လာတယ်လို့ ပြောပေမယ့် ခြင်ဆေးခွေတို့၊ ဓာတ်မြေသြဇာတို့၊ အသီးအနှံမှာ သုံးတဲ့ လှပအောင်၊ ကြီးထွားအောင် လုပ်တဲ့ ဓာတုဆေးဝါးနဲ့ လုပ်ထားတာတွေ များလာတာနဲ့ အမျှ လူတွေရဲ့ ကျန်းမာရေးတွေ အတွက် အန္တရာယ်များလာတယ်။ ဒါတွေကို သတိမထားမိဘဲ ဆက်သုံးစွဲနေခြင်းဟာ ကိုယ့်ကျန်းမာရေးနဲ့တကွ သဘာဝ ပတ်ဝန်းကျင်ကို အရမ်းထိခိုက်တယ်” ဟု ကိုဗမျိုးသိန်းက ပြောသည်။
သင်တန်းတွင် ပညာပေး စာရွက်စာတမ်းများ၊ ပိုစတာများကိုလည်း ခင်းကျင်း ပြသထားသည်။ သင်တန်းတက်ရောက်သူများက အသိပညာပေးလုပ်ငန်းများကို လက်ဆင့်ကမ်း လုပ်ကိုင်သွားကြမည်ဖြစ်ကြောင်း၊ ယနေ့သင်တန်းသို့ အနယ်နယ် အရပ်ရပ်မှ လာရောက်သူ ၄၀ ၀န်းကျင် ရှိပြီး လစဉ် သင်တန်းဖြစ်မြောက်ရေး စီစဉ်သွားမည် ဖြစ်ကြောင်း သိရသည်။
သင်တန်းပို့ချမှုသည် လူထုအခြေပြု လူမှုအဖွဲ့အစည်း ပိုမိုအားကောင်းလာစေရန်လည်း ရည်ရွယ်ပြီး ပိုမို ကျယ်ပြန့်စွာ ဆောင်ရွက်နိုင်ရန်သည့် ပညာပေးမှုများ ပြုလုပ်သွားမည်ဟု သင်တန်း စီစဉ်သူများက ဆိုသည်။
| < Prev | Next > |
|---|
