သွေးလှူဒါန်းရေးအဖွဲ့ သဘာဝ ဘေးအန္တရာယ် ဟောပြောပွဲ စီစဉ်

E-mail Print
အမျိုးသား ဒီမိုကရေစီအဖွဲ့ချုပ် (NLD) ပါတီ လူငယ်များနှင့် တခြားစိတ်ဝင်စားသူ လူငယ်များ စုပေါင်းဖွဲ့စည်းထားသည့် BG သွေးလှူဒါန်းရေး အဖွဲ့က လက်ရှိ ပြောင်းလဲနေသော ရာသီဥတုဖြစ်စဉ်များနှင့် ကြုံတွေ့လာနိုင်သော သဘာဝ ဘေးအန္တရာယ်များအကြောင်း ဟောပြောပွဲတခု ကျင်းပပြုလုပ်မည် ဖြစ်သည်။

“ကျနော်တို့ BG သွေးလှူဒါန်းရေးအဖွဲ့က ဖိတ်ကြားမူကြောင့် ဒေါက်တာ ဦးထွန်းလွင်က စက်တင်ဘာ ၁၁ ရက် တနင်္ဂနွေနေ့မှာ လာရောက် ဟောပြောပေးမှာ ဖြစ်ပါတယ်” ဟု BG သွေးလှူဒါန်းရေးအဖွဲ့မှ ကိုညီညီက ဧရာဝတီသို့ ပြောသည်။

ထွန်းလွင်ဖောင်ဒေးရှင်းမှ မြန်မာ့ရာသီဥတုပြောင်းလဲမှု စောင့်ကြည့်ရေး တာဝန်ခံ ဒေါက်တာ ဦးထွန်းလွင်က စိတ်ပါဝင်စားသူ ပြည်သူအများနှင့် တောင်သူလယ်သမားများကို ဒဂုံမြို့သစ်တောင်ပိုင်း (၂၆) ရပ်ကွက်ရှိ နိကာယ်ပရိယတ္ထိ စာသင်တိုက်တွင် နေ့လည် (၁) နာရီအချိန်၌ ဟောပြောမည်ဖြစ်ကြောင်း သိရသည်။

“အရင်က ကျနော်တို့ဆီမှာ နာဂစ်မုန်တိုင်းတုန်းက ဖြစ်ပေါ်လာခဲ့တဲ့ အခြေအနေတခုကို ပြည်သူလူထုတွေက ကြိုမသိခဲ့ကြဘူး။ ကြိုတင်ကာကွယ်မှုတွေ မလုပ်ဆောင်နိုင်ခဲ့လို့ မဆုံးရှုံးသင့်တဲ့ အသက်တွေ ဆုံးရှုံးခဲ့ရတယ်။ ပြီးတော့ အိုးအိမ်တွေနဲ့ တောင်သူလယ်သမားတွေလည်း လယ်ယာမြေတွေ ဆုံးရှုံးခဲ့ရတယ်။ ပျက်ဆီးခဲ့ရတယ်” ဟု ကိုညီညီက ပြောသည်။

BG သွေးလှူဒါန်းရေးအဖွဲ့သည် သွေးလှူဒါန်းရေး လုပ်ငန်းအပြင် ပဲခူးတိုင်း၊ ဧရာဝတီတိုင်းတို့တွင် ဆီ၊ ဆန်း၊ ဆား၊ အ၀တ်အထည်များကို လိုအပ်နေသူများထံ ပေးလှူခြင်းများလည်း လုပ်ဆောင်ခဲ့ပြီး သဘာဝ ပတ်ဝန်းကျင်ဆိုင်ရာ ကွန်ရက်ကို ပြီးခဲ့သည့် သြဂုတ်လ ၂၄ ရက်နေ့က အောင်မြင်စွာ စုစည်းခဲ့သည်ဟု သိရသည်။

သမ္မတ ဦးသိန်းစိန် အစိုးရလက်ထက် ထောင်ဒဏ်ချမှတ်ခံခဲ့ရသူ ဗိုလ်ကြီးဟောင်း နေမျိုးဇင်သည် BG သွေးလှူဒါန်းရေးအဖွဲ့နှင့် လက်တွဲ လုပ်ဆောင်ခဲ့သူ ဖြစ်သည်။

BG သွေးလှူဒါန်းရေးအဖွဲ့ကို ကူညီပေးခဲ့သူ နေမျိုးဇင်ကို အီလက်ထရောနစ် ဆက်သွယ်ဆောင်ရွက်ရေး ပုဒ်မ ၃၃ (က) အရ ရန်ကုန်မြောက်ပိုင်းခရိုင် အင်းစိန်ထောင်တွင်း တရားရုံးက သြဂုတ်လ ၂၆ ရက်နေ့က ထောင်ဒဏ် ၁၀ နှစ် ချမှတ်ခဲ့သည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်