ယခု အချိန်သည် မိမိအနာဂတ်နှင့် ပတ်သက်၍ ပြောဆိုရမည့် အချိန် မဟုတ်ကြောင်း၊ သို့သော် နုတ်ထွက်ရန် စဉ်းစား နေကြောင်း၊ မိမိ၏ နေရာကို မည်သူဆက်ခံမည်ကို မသိရသော်လည်း အာဂျင်တီးနားဘောလုံးသမားများ၏ အရည် အချင်းကို ပိုမိုတိုးတက်စေချင်သည်ဟု သတင်းစာရှင်းလင်းပွဲတွင် နည်းပြမာရာဒိုနာက ပြောဆိုကြောင်း ဗျူနိုအေးရိစ် သံတော်ဆင့်တွင် ရေးသားထားသည်။
“ဒီလိုရှုံးနိမ့် ခဲ့ရလိမ့်မယ်လို့  လုံးဝ မမျှော်လင့် ခဲ့ဘူး။ ကျနော့် အနာဂတ် အတွက် မိသားစုနဲ့လည်း တိုင်ပင်ရဦးမှာပါ။ ဒီအရှုံးဟာ ဘောလုံး သမားဘ၀ကို အဆုံးသတ်ဖို့ ဆုံးဖြတ်ခဲ့စဉ်က ခံစားရသလိုပါပဲ။ နာကျင် လွန်းပါတယ်”ဟု မာရာဒိုနာက ဆိုသည်။ယခု အရှုံးသည် နှစ်ပေါင်း ၅၂ နှစ် အတွင်း အကြီးမားဆုံး အရှုံးဖြစ်ပြီး အာဂျင်တီးနား အသင်း၏ မျှော်လင့်ချက်များကို ရိုက်ချိုးပစ်ခဲ့သည်။
ကွာတား ဖိုင်နယ်ပွဲ အထိ လေးပွဲဆက် အနိုင်ရထားသော အာဂျင်တီးနားသည် ဗိုလ်စွဲမည်ဟု ရေပန်းစားသော အသင်း တသင်း ဖြစ်ခဲ့သည်။
အာဂျင်တီးနား ကစားသမားများက ဂျာမနီ ဂိုးပေါက်ကို ခြိမ်းခြောက် နိုင်ခဲ့သော်လည်း ဂိုးအဖြစ်တော့ မဖန်တီးနိုင် ခဲ့ကြပေ။ ဂျာမနီ အသင်းမှ သောမတ်စ်မူလာက ပွဲအစ ၃ မိနစ်တွင် ဗွေဆော်ဦး ဂိုးကို သွင်းယူပြီးနောက် အာဂျင်တီးနား အသင်းကို ဖရိုဖရဲ ဖြစ်စေခဲ့သည်။
အာဂျင်တီးနားအသင်းအတွက် အဆိုးရွားဆုံး အရှုံးကတော့ ၁၉၅၈ ခု ဆွီဒင် ကမ္ဘာ့ဖလားပွဲတွင် ချက်ကိုစလိုဗေးကီး ယားကို ၆ ဂိုး ၁ ဂိုးဖြင့် ရှုံးခဲ့ခြင်းဖြစ်သည်။
အာဂျင်တီးနားအသင်းသည် ဂျာမနီအသင်းကို၂၀၀၆ ခုနှစ်ကလည်း ကွာတားဖိုင်နယ်အဆင့်တွင် တကြိမ်ရှုံးခဲ့ဖူးသည်။ ထိုစဉ်က ပယ်နယ်တီ အဆုံးအဖြတ်ဖြင့် ရှုံးနိမ့်ခဲ့ခြင်းဖြစ်သည်။
ဂျာမနီနည်းပြ ဂျိုးအာချင်လိုးကမူ လူငယ်များနှင့် ဖွဲ့စည်းထားသည့် ၎င်း၏ အသင်းသည် နှစ်ပေါင်း ၂၀ ကြာဝေးကွာ နေသည့် ကမ္ဘာ့ဖလားကို ရယူနိုင်မည်ဟု ယုံကြည်ကြောင်း ဗျူနိုအေးရိစ် သံတော်ဆင့်၌ ဖော်ပြထားသည်။
“အောင်မြင်မှု အကြီးကြီးကို ရတာပါ၊ နောက်နှစ်ပွဲအတွက်ကတော့ အေးအေးဆေးဆေးပါ၊ ကျနော့် ကစား သမား တွေက အရမ်းမြန်တယ်၊ ငယ်တယ်”ဟု ဂျာမနီနည်းပြက ဆိုသည်။
ဂျာမနီအသင်းသည် ၁၉၅၄၊ ၁၉၇၄၊ ၁၉၉၀ ခုနှစ်များတွင် ကမ္ဘာ့ဖလား ၃ ကြိမ်ဆွတ်ခူးထားပြီး ယခုနှစ်တွင်လည်း ရယူမည်ဟု မျော်လင့်ထားကြောင်း သိရသည်။
| < Prev | Next > |
|---|
