ဗြိတိန်နိုင်ငံတွင် နှစ်စဉ်ကျင်းပလေ့ရှိပြီး ယခုနှစ်တွင် ဒေါ်အောင်ဆန်းစုကြည်ကို ဂုဏ်ထူးဆောင် ဒါရိုက်တာအဖြစ် ခန့်အပ်ထားသော ဘရိုက်တန် အနုပညာပွဲတော်ကို မေလ ၇ ရက်နေ့က ဖွင့်လှစ်ခဲ့သည်။ မြန်မာ့ဒီမိုကရေစီရေးအတွက် ယင်းအနုပညာပွဲတော်တွင် တခဲနက် ထောက်ခံကြောင်း သိရသဖြင့် အံ့သြဝမ်းသာကြောင်း ဒေါ်အောင်ဆန်းစုကြည်က သတင်းစကား ပေးပို့ထားသည်။ ဘရိုက်တန် အနုပညာပွဲတော်ကို မေလ ၂၉ ရက်နေ့အထိ ကျင်းပမည် ဖြစ်သည်။
