အကျဉ်းသား ၆၃၅၉ ဦးကို မနက်ဖြန် အောက်တိုဘာ ၁၂ ရက်၊ သီတင်းကျွတ်လပြည့်နေ့ (အဘိဓမ္မာ အခါတော်နေ့) မှ စတင်၍ ဆက်တိုက် လွှတ်ပေးသွားမည်ဟု မြန်မာရုပ်မြင်သံကြားမှ ယနေ့နေ့လယ် ၁ နာရီတွင် ကြေညာသွားသည်။ ကြေညာ ချက်တွင် နိုင်ငံရေးအကျဉ်းသားများဟု ခွဲခြား ဖော်ပြခြင်းမရှိဘဲ အကျဉ်းသားများအားလုံးအနက် ထိုက်သင့်သော ပြစ်ဒဏ်ကို ကျခံပြီး စည်းကမ်းရှိ၍ အကျင့်စာရိတ္တ ကောင်းမွန်သူ၊ အသက်အရွယ် ကြီးရင့်သူ၊ ကျန်းမာရေး မကောင်းသူ၊ ကိုယ်လက်အင်္ဂါချို့ယွင်းနေသူ အကျဉ်းသားများအား လွှတ်ပေးမည်ဟုသာ ဖော်ပြထားသည်။

မြန်မာနိုင်ငံတွင် အံအားသင့်လောက်စရာ တိုးတက်ပြောင်းလဲမှုများ ဖြစ်ပေါ်လာနေကြောင်း အရှေ့အာရှနှင့် ပစိဖိတ်ရေးရာ လက်ထောက်နိုင်ငံခြားရေး ၀န်ကြီး ကာ့တ် ကမ်းဘဲလ်က ပြောဆိုလိုက်သည်။ ထိုင်းနိုင်ငံ ဘန်ကောက်မြို့ရှိ ချူလာလောင်ကွန်းတက္ကသိုလ်တွင် ယမန်နေ့က ပြုလုပ်သော ဟောပြောပွဲ၌ မစ္စတာ ကာ့တ် ကမ်းဘဲလ်က ထိုသို့ ပြောဆိုခြင်းဖြစ်ပြီး မြန်မာအစိုးရက အပြုသဘော ခြေတလှမ်းလှမ်းလျှင် အမေရိကန်ဘက်ကလည်း လိုက်လှမ်းရန် အသင့်ရှိကြောင်းလည်း ပြောဆိုသွားသည်။

မြစ်ဆုံဆည်စီမံကိန်းနှင့် ပတ်သက်၍ တရုတ်နိုင်ငံခြားရေးဝန်ကြီးနှင့် မြန်မာနိုင်ငံခြားရေးဝန်ကြီးတို့ ယမန်နေ့က တရုတ်နိုင်ငံတွင် တွေ့ဆုံဆွေးနွေးကြသည်။ မြစ်ဆုံအရေးနှင့် ပတ်သက်၍ အပြေအလည်ဖြစ်အောင် ဖြေရှင်းရန် သဘောတူကြကြောင်း တရုတ်နိုင်ငံခြားရေးဝန်ကြီးဌာန၏ အဆိုကို ကိုးကား၍ တရုတ်အစိုးရအာဘော် သတင်းစာများက ဖော်ပြသည်။ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်သည် တရုတ် ဒုတိယ သမ္မတနှင့်လည်း တွေ့ဆုံဆွေးနွေးသည်။

မြန်မာနိုင်ငံ အမျိုးသားလူ့အခွင့်အရေး ကော်မရှင်က ယုံကြည်ချက်ကြောင့် အကျဉ်းကျနေသူများအား လွှတ်ပေးရန် သမ္မတထံ အိတ်ဖွင့်ပေးစာ ပေးပို့ မေတ္တာရပ်ခံလိုက်သည်။ အကျဉ်းသားများသည် တည်ဆဲဥပဒေများကို ချိုးဖောက်သောကြောင့်ဟူသော အစိုးရ ရပ်တည်ချက်ကို သဘောပေါက်ကြောင်း၊ နိုင်ငံတော်တည်ငြိမ်ရေးနှင့် တိုင်းရင်းသားအကျိုးစီးပွားကို မထိပါးမည့် အန္တရာယ်မရှိနိုင်သော အကျဉ်းသားများကို လွှတ်ပေးစေလိုကြောင်း ယင်းပေးစာတွင် ဖော်ပြထားသည်။

အစိုးရ တာဝန်ရှိသူများနှင့် မိုင်းလားအခြေစိုက် အမျိုးသားဒီမိုကရေစီ မဟာမိတ် တပ်မတော် (NDAA) မှ ခေါင်ဆောင်တချို့ အပစ်အခတ်ရပ်စဲရေး၊ ဒေသဖွံ့ဖြိုးရေးတို့နှင့် ပတ်သက်၍ ရှမ်းပြည်နယ် အရှေ့ပိုင်း ကျိုင်းတုံမြို့နယ်တွင် ယမန်နေ့က တွေ့ဆုံဆွေးနွေးသည်။ ဒေသဖွံ့ဖြိုးရေး ပြန်လည်ဖော်ဆောင်ရေး၊ နှစ်ဖက် ဆက်ဆံရေးရုံးများ ပြန်ဖွင့်ရေး၊ အစိုးရ ၀န်ထမ်းများ ပြန်လည် ပို့ဆောင်ပေးရေး စသည့် အချက်များကို ဆွေးနွေးကြောင်း တရုတ် မြန်မာနယ်စပ် စစ်ရေး လေ့လာသူ ဦးအောင်ကျော်ဇောက ပြောသည်။

ယုံကြည်ချက်ကြောင့် အကျဉ်းကျနေသူ နိုင်ငံရေးအကျဉ်းသားများကို မကြာမီ ရက်ပိုင်းအတွင်း လွတ်ငြိမ်းချမ်းသာခွင့် ပြုမည်ဟု ပြည်သူ့လွှတ်တော် ဥက္ကဋ္ဌ သူရဦးရွှေမန်းက နော်ဝေ ဒု နိုင်ငံခြားရေး ဝန်ကြီးနှင့် အောက်တိုဘာ ၇ ရက်နေ့က နေပြည်တော်တွင် တွေ့ဆုံစဉ် ပြောကြားလိုက်ကြောင်း နော်ဝေ ရုပ်သံဌာနက ထုတ်လွှင့်ကြေညာ သွားသည်။ နိုင်ငံရေးအကျဉ်းသားမိသားစုများ အကျိုးဆောင်ကွန်ရက်မှတဆင့် အင်းစိန်ထောင်မှ နိုင်ငံရေးအကျဉ်းသားများက ကြေညာချက်တခု ထုတ်ပြန်ရာ အထွေထွေ လွတ်ငြိမ်းချမ်းခွင့်တရပ်ကို သမ္မတ ဦးသိန်းစိန်က ကြေညာပေးခြင်းအားဖြင့် အမျိုးသားပြန်လည်သင့်မြတ်ရေးကို ဖော်ဆောင်ပေးနိုင်လိမ့်မည်ဟု ဖော်ပြထားသည်။

ထိုင်းနှင့် မြန်မာကြား မဲခေါင်မြစ် ရွှေတြိဂံနယ်မြေတွင် တရုတ်သင်္ဘောတစီး ပစ်ခတ်ခံရသဖြင့် တရုတ်သင်္ဘောသား ၁၁ ဦးသေဆုံးပြီး ၂ ဦး ပျောက်ဆုံးနေကြောင်း တရုတ်နိုင်ငံခြားရေး ဝန်ကြီးဌာနက ကြေညာသည်။ အောက်တိုဘာလ ၅ ရက်နေ့က ယင်းသို့ အပစ်ခံရခြင်းဖြစ်ပြီး ထိုဒေသအတွင်း လှုပ်ရှားနေသည့် မူးယစ်ဆေးဝါး ရောင်းဝယ်သည့် အဖွဲ့များ လက်ချက်ဖြစ်နိုင်ကြောင်း သတင်းများက ဖော်ပြသည်။

မြန်မာနိုင်ငံသည် ဒီမိုကရေစီစနစ်သို့ ကူးပြောင်းနေပြီ ဖြစ်သောကြောင့် ခေတ်နှင့်လျော်ညီအောင် စာပေစိစစ်ရေးဌာနကို မထားရှိသင့်တော့ဟု ထင်မြင်ကြောင်း စာပေစိစစ်နှင့် မှတ်ပုံတင်ဌာနမှ ဒုတိယ ညွှန်ကြားရေးမှူးချုပ် ဦးတင့်ဆွေက RFA သတင်းဌာနသို့ အောက်တိုဘာလ ၈ ရက်နေ့တွင် ပြောကြားလိုက်သည်။ သို့သော်လည်း စာနယ်ဇင်းများက လွတ်လပ်ခွင့်ကို တာဝန်ယူမှုနှင့် တွဲပြီး ကျင့်သုံးသင့်သည်ဟုလည်း ၎င်းက ဆက်လက်ပြောသည်။

မန္တလေးတိုင်း အမရပူရမြို့ရှိ ပွဲတော်ဘုန်းကြီးကျောင်းတွင် ယနေ့ ပြုလုပ်သည့် ရဟန်းခံရှင်ပြုအလှူမှ ကျွေးမွေးသည့် ကြက်သားဟင်းနှင့် ချဉ်ဖတ် စားသောက်ပြီးနောက် လူ ၄၀၀ ခန့် အစာအဆိပ်သင့်ကာ အမရပူရမြို့ဆေးရုံကြီးနှင့် အမရသုခ ဆေးခန်းတွင် ဆေးကုသမှု ခံယူနေရကြောင်း သိရသည်။ ဒေသခံများအဆိုအရ ချဉ်ဖတ် မသန့်၍ ဖြစ်နိုင်ကြောင်း၊ ထို့အပြင် ဘုန်းကြီးကျောင်းအတွင်း တချို့နေရာများတွင်လည်း  ပြီးခဲ့သည့် ရေကြီးရေလျံမှုကြောင့် မသန့်ရှင်းသည့် ရေပုတ်ရေဆိုးများလည်း တင်ကျန်နေကြောင်း သိရသည်။

ရန်ကုန်မြို့ရွှေဂုံတိုင်ရှိ NLD ရုံးချုပ်၌ အထွေထွေအတွင်းရေးမှူး ဒေါ်အောင်ဆန်းစုကြည်နှင့် ပြည်သူ့လွှတ်တော် ကိုယ်စားပြု ကော် မတီ(CRPP) အစည်းအဝေး ပြုလုပ်သည်။ နေ့လယ် ၁နာရီမှ ၃နာရီအထိ အစည်းအဝေး၌ ဧရာဝတီ မြစ်ဆုံရေအားလျှပ်စစ် စီမံ ကိန်း ရပ်ဆိုင်းခြင်း၊ ကချင်တွင် တိုက်ပွဲများ ဖြစ်ပေါ်နေခြင်းနှင့် NLD ပါတီအနေဖြင့် မှတ်ပုံတင်၊ မတင် ကိစ္စနှင့် ပတ်သက်ပြီး ဆွေးနွေး ခဲ့ကြောင်း သိရသည်။