ရှမ်းပြည် အရှေ့ပိုင်း ကျိုင်းတုံ အကျဉ်းထောင်တွင် ထောင်ဒဏ် ၆၅ နှစ် ၆ လ ကျခံနေရသော ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်၏ နေအိမ်သို့ ဒေါ်အောင်ဆန်းစုကြည်သည် ယမန်နေ့ နေ့လည်က သွားရောက်၍ မိသားစုဝင်များကို အားပေးစကားပြောကြားခဲ့သည်။ ဒေါ်အောင်ဆန်းစုကြည်အနေဖြင့် ယခုကဲ့သို့ လာရောက် အားပေးစကား ပြောကြားခဲ့သည့်အတွက် မိသားစုဝင်များအနေဖြင့် ၀မ်းမြောက်အားတက်မိကြောင်း သိရသည်။ ကိုမင်းကိုနိုင်၏ ဖခင် ပန်းချီဆရာကြီး ဦးသက်ညွန့်က ၄င်းရေးဆွဲထားသည့် ပန်းချီကားတချို့ကို လက်ဆောင်အဖြစ် ဒေါ်အောင်ဆန်းစုကြည်အား ပေးခဲ့သည်။
