လတ်တလောတွင် အသင်းအဖွဲ့ သမဂ္ဂများ ထူထောင်ခွင့်ပြုရန် အစီအစဉ်မရှိသေးကြောင်း အစိုးရပြောခွင့်ရပုဂ္ဂိုလ် ဦးကျော်ဆန်းက ယမန်နေ့က လွှတ်တော်တွင် ပြောသွားသည်။ အမတ်တဦးက တောင်သူလယ်သမားအဖွဲ့ ဖွဲ့စည်းရန် ရှိမရှိ မေးမြန်းရာတွင် ဦးကျော်ဆန်းက ပါလီမန်ဒီမိုကရေစီခေတ် အစည်းအရုံးများအကြောင်း အစချီ၍ ရှည်လျားစွာ ပြောဆိုပြီးနောက် ယင်းသမိုင်းကြောင်းများကို သုံးသပ်ပြီး ဥပဒေရေးဆွဲခြင်း၊ လွှတ်တော်တွင် အတည်ပြုခြင်း၊ ကိုယ်စားပြု အဖွဲ့များဖွဲ့စည်းခြင်းတို့ကို ဥပဒေပြဌာန်းပြီးမှ တဆင့်ချင်း လုပ်ဆောင်ရမည်ဟု ပြောသွားသည်။
