ပို့စ်ကတ် တခုလျှင် ကျပ် ၁ ထောင်ဖြင့် စတင် ရောင်းချခြင်းဖြစ်ပြီး ရရှိသောငွေများကို နိုင်ငံရေး အကျဉ်းသား မိသားစုများအား ကူညီရေး၊ HIV/ AIDS ဝေဒနာရှင်များအား စောင့်ရှောက်ရေး စသည့် လူမှုရေး ကိစ္စရပ်များအတွက် အသုံးပြုမည်ဖြစ်ကြောင်း အမျိုးသားဒီမိုကရေစီ အဖွဲ့ချုပ် (NLD) လူငယ်တဦးက ပြောသည်။ပို့စ်ကတ်များကို ယနေ့ ဒေါ်အောင်ဆန်းစုကြည်နှင့် အမေရိကန်နိုင်ငံ အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး မစ္စတာ ဂျိုးဇက် ဝိုင် ယွန်းတို့ တွေ့ဆုံချိန် ဒေါ်အောင်ဆန်းစုကြည်၏ နေအိမ်ခြံအတွင်း လာရောက် သတင်းယူနေကြသော ပြည်တွင်းပြည်ပ သတင်းထောက် များအား စတင်ရောင်းချခြင်းဖြစ်ပြီး သတင်းထောက် များက အလုအယက် ၀ယ်ယူခဲ့ကြသည်။
ပို့စ်ကတ်များကို နွေဦး၊ ဆောင်းဦး၊ နွေရာသီ၊ ဆောင်းရာသီ၊ ဇာပန်ထိုး ပညာ၊ ပန်းနုရောင်ပန်းများ၊ အနီရောင်ပန်းများ ဟူ၍
အမည်များပေးထားပြီး ပို့စ်ကတ်နောက်ကျောတွင် ပို့စ်ကတ်နှင့် သက်ဆိုင်သော အကြောင်းအရာ၊ နေအိမ် အကျယ်ချုပ် ကျခံနေရစဉ် အတွင်း ရေးဆွဲထားသည် ဆိုသော စာများ ရေးထိုးထားပြီး အောက်တွင် “အောင်ဆန်းစုကြည်” ဟု ရေးထိုး ထားသည်။
ရာသီအကြောင်း ရေးဆွဲထားသော ပို့စ်ကတ်များ နောက်တွင် “ဤပန်းချီကားသည် ရာသီ စီးရီးထဲမှ တခုဖြစ်ပြီး ကျမ နေအိမ်အကျယ်ချုပ် ကျခံနေရစဉ် ကွန်ပျူတာဖြင့် ရေးဆွဲထားခြင်း ဖြစ်သည် (This is one of the “seasons” series that I draw on my computer during my last term of house arrest)” ဟု ရေးသားထားသည်။
အနီရောင်ပန်းများ ဆိုသောပို့စ်ကတ် နောက်ကျောတွင် “ကွန်ပျူတာဖြင့် ပထမဆုံး ပန်းချီဆွဲရန် ကြိုးစားခဲ့ခြင်း (My first attempt at drawing on the computer) ဆိုသော စာသားကို ရေး ထားကာ ပန်းနုရောင် ပန်းများ ဆိုသော ပို့စ်ကတ် နောက်ကျောတွင်မူ “ကျမ၏ ပန်းများ စီးရီးထဲမှ တစိတ်တပိုင်း (Part of my “Flowers” series)” ဟု ရေးထားသည်။
ဇာပန်းထိုးခြင်းပညာဆိုသော ပန်းချီကားတွင်လည်း “ကျမ ကလေး ဘ၀က အလွန်ညံ့ဖျင်းခဲ့သော ဇာပန်းထိုးပညာကို အမှတ်ရသည့် အနေဖြင့် (I called this “Embroidery” because it reminds me of the cross stitch lessons
at which I was so bad when I was a little girl) ဟူ၍ ရေးထားသည်။
ဒေါ်အောင်ဆန်းစုကြည်၏ ပို့်စ်ကတ် ပန်းချီကားများကို ပြည်တွင်းပြည်ပ ဖြန့်ဖြူးရောင်းချခြင်းဖြင့် လူမှုရေး ရန်ပုံငွေရှာမည် ဖြစ်ကြောင်း အမျိုးသားဒီမိုကရေစီ အဖွဲ့ချုပ် (NLD) လူငယ်တာဝန်ခံတဦးဖြစ်သူ မဖြူဖြူသင်းက ပြောသည်။
| < Prev | Next > |
|---|