တက္ကသိုလ် ရိပ်သာလမ်းရှိ ဒေါ်အောင်ဆန်းစုကြည်နေအိမ်တွင် အမေရိကန် အဆင့်မြင့်အရာရှိနှင့် ဒေါ်အောင်ဆန်းစုကြည် အပါအဝင် အမျိုးသား ဒီမိုကရေစီအဖွဲ့ချုပ် (NLD) ဗဟို အလုပ်အမှုဆောင် အဖွဲ့ဝင်များ၊ ပြည်သူ့လွှတ်တော် ကိုယ်စားပြု ကော်မတီဝင် များတို့သည် ယနေ့ နံနက် ၁၀ နာရီမှ မွန်းတည့် ၁၂ နာရီကျော်အထိ တွေ့ဆုံ စကားပြောခဲ့ခြင်း ဖြစ်သည်။ယင်းတွေ့ဆုံပွဲအပြီးတွင် ဒေါ်အောင်ဆန်းစုကြည်က စီးပွားရေးပိတ်ဆို့မှု အပါအ၀င် မြန်မာ့နိုင်ငံရေးနှင့် ပတ်သက်သော အကြောင်းအရာ များကို ဆွေးနွေးဖြစ်ခဲ့ကြောင်း သတင်းထောက်များအား ရှင်းလင်းပြော ကြားသည်။
“အမေရိကန်နဲ့ မြန်မာအကြား နွေးနွေးထွေးထွေး ဆက်ဆံရေးရှိတယ်။ စီးပွားရေး ပိတ်ဆို့မှု အပါအ၀င် ကိစ္စ တော်တော် များများ ဆွေးနွေးဖြစ်တယ်” ဟု ဒေါ်အောင်ဆန်းစုကြည်က ပြောသည်။
မစ္စတာ ဂျိုးဇက် ဝိုင် ယွန်းကမူ မြန်မာနိုင်ငံသို့ လာရောက်သော ခရီးစဉ်သည် ကောင်းမွန်သော ခရီးစဉ်ဖြစ်ခဲ့ကြောင်း၊ သို့ရာတွင် ရလဒ်များအား အထူးဂရုပြု စောင့်ကြည့်ရဦးမည်ဖြစ်ကြောင်း ပြောဆိုသည်။
မစ္စတာ ဂျိုးဇက် ဝိုင် ယွန်း သည် နေပြည်တော်တွင် နိုင်ငံခြားရေးဝန်ကြီး ဦးဉာဏ်ဝင်း၊ ရဲချုပ် ခင်ရီအပါအဝင် သိပ္ပံနှင့် နည်းပညာ ၀န်ကြီးဌာနမှ တာဝန်ရှိသူများနှင့် တွေ့ဆုံခဲ့သေးကြောင်း စစ်အစိုးရပိုင် သတင်းစာများက ယနေ့ ထုတ်ပြန်သည်။
| < Prev | Next > |
|---|
