တရားမ၀င် နေထိုင်သူများကို တရားဝင် နေထိုင်လုပ်ကိုင်ခွင့်ပေးရန် မလေးရှားအစိုးရက စီစဉ်နေသဖြင့် ဇူလိုင်လ ၁ ရက်နေ့မှ စတင်ပြီး ထိုသို့ ရပ်နားမည်ဟု သိရကြောင်း မလေးရှားအခြေစိုက် မဟာနန်းကုမ္ပဏီမှ တာဝန်ရှိသူတဦးက ဧရာဝတီကို ပြောသည်။
“မြန်မာသံရုံးက ကျနော်တို့ဆီကို တရားဝင် စာပို့ပြီး အကြောင်းကြားထားတာပါ” ဟု မဟာနန်းမှ ကိုမျိုးက ရှင်းပြသည်။
ထိုကာလအတွင်း ကုမ္ပဏီတို့၏ အလုပ်သမားတင်ပို့ရေး လျှောက်လွှာများကို မြန်မာအစိုးရက လက်ခံမည် မဟုတ်ကြောင်း စာတွင် ဖော်ပြထားသည်ဟု သိရသည်။
ဤအပြောင်းအလဲကြောင့် မလေးရှားသို့ လာရောက် အလုပ် လုပ်ကိုင်ရန် ပြင်ဆင်နေသူများ ထိခိုက် နစ်နာမည်ဟု အလုပ်သမား ရေးရာ ကုမ္ပဏီများက ပြောသည်။
“ပွဲစားတွေက သူတို့ပွဲစားခကို ကြိုသုံးထားလိုက်လို့ ပြန်မအမ်းနိုင်တာတွေ ဖြစ်လာနိုင်တယ်။ အလိမ်အခေါက်တွေ ပိုများလာနိုင်တယ်။ ကုမ္ပဏီတွေလည်း ပိတ်ရတဲ့အထိ ဖြစ်လာနိုင်တယ်” ဟု မလေးရှားရှိ ပုဂံနက် ကုမ္ပဏီမှ တာဝန်ရှိသူတဦးက ရှင်းပြသည်။
၆ လတာ ကာလအတွင်း နစ်နာမည့်သူများထဲတွင် လေကြောင်းလိုင်းတချို့ နှင့် ရန်ကုန်မှ အလုပ်သမား ပို့ဆောင်ရေး ကုမ္ပဏီများ ပါဝင်မည်ဟု သိရသည်။
မလေးရှားသို့ တရားဝင် စာရွက်စာတမ်းများ ရယူပြီး သွားရောက်ခြင်းကို အပေါ်လမ်းဟု ခေါ်ပြီး နယ်စပ်မှ လျှို့ဝှက် သွားရောက်ခြင်းကို အောက်လမ်းဟု ခေါ်ကြသည်။
ယခုကဲ့သို့ တရားဝင်လမ်းကြောင်းကို လအတန်ကြာ ပိတ်ပင်မည့် ကာလအတွင်း မလေးရှားသို့ နယ်စပ် ဖြတ်ကျော် ၀င်ရောက်သူ များပြားလာမည်ဟု သုံးသပ်သူလည်း ရှိသည်။
“မြန်မာနိုင်ငံမှာက စီးပွားရေး ကျပ်တည်းတော့ အရဲစွန့်ပြီး ထွက်လာကြတာပေါ့။ ပြန်သွားပြီး ပြန်မလာတော့ဘူးလို့ ဆိုတဲ့သူတွေတောင် ပြန်ရောက်လာကြတယ်” ဟု မလေးရှားရောက် မြန်မာအလုပ်သမား အရေး ဆောင်ရွက်နေသော Burma Campaign Malaysia (BCM)မှ ကိုရန်နိုင်ထွန်းက ပြောသည်။
မလေးရှားတွင် မြန်မာပြည်သား အလုပ်သမား အရေအတွက် ၆ သိန်း နီးပါး ရှိသည်ဟု BCM အဖွဲ့၏ စာရင်းများ အရ သိရသည်။ ၅ သိန်း ၀န်းကျင်မှာ တရားမ၀င် အလုပ်သမားများဖြစ်သည်ဟု ဆိုသည်။ ထိုင်းနိုင်ငံကို ဖြတ်ကျော်ပြီး နယ်စပ်မှတဆင့် ၀င်ရောက်သော မြန်မာပြည်သားအရေအတွက်မှာ နှစ်စဉ် ငါးထောင်ဝန်းကျင် ရှိသည်ဟုလည်း BCM က ဆိုသည်။
ဆက်စပ်သတင်း -
မလေးရှားရှိ တရားမ၀င်မြန်မာများ လက်မှတ်ရရေး ဈေးကွက်ပေါ်နေ
| < Prev | Next > |
|---|