အဆိုပါ အာရှနိုင်ငံများ၏ ၂၀၁၀ ခုနှစ် ပူးတွဲ စစ်ရေးလေ့ကျင့်မှုကို ထိုင်းနိုင်ငံ အလယ်ပိုင်း ဒေသနှင့် ရရောင် (Rayong) ခရိုင်တို့ တွင် ဖေဖော်ဝါရီလ ၁ ရက်နေ့မှ ၁၁ ရက်နေ့အထိ ပြုလုပ်ရန် စီစဉ်ထားခြင်း ဖြစ်သည်။
ထိုင်းဘုရင့် တပ်မတော် ဗိုလ်ချုပ်ကြီး Ratchakrit Kanchanawat က ၁၁ ရက်တာ ကာလအတွင်း စစ်သင်တန်း များသာမက ဆူနာမီ ငလျင် ကယ်ဆယ်ရေး ကဲ့သို့သော လူသားချင်း စာနာမှုဆိုင်ရာ ကူညီရေး၊ ငြိမ်းချမ်းမှု တည်ဆောက်ရေး ဆိုင်ရာ လေ့ကျင့်မှုများလည်း ပါဝင်မည်ဟု တနင်္လာနေ့က သတင်းထောက်များကို ပြောကြားခဲ့သည်။
စစ်ရေးလေ့ကျင့်မှုတွင် အမေရိကန်၊ ထိုင်း၊ စင်္ကာပူ၊ အင်ဒိုနီးရှား၊ ဂျပန်၊ တောင်ကိုရီးယား စသည့် ၆ နိုင်ငံမှ လက်နက်ကိုင် တပ်ဖွဲ့ ၀င်များ ပါဝင်မည်ဖြစ်သည်။ တောင်ကိုရီးယား နိုင်ငံသည် ပထမဆုံး အကြိမ် ပါဝင်ခြင်း ဖြစ်သည်ဟု သိရသည်။
အမေရိကန် နိုင်ငံအနေဖြင့် စစ်လေယာဉ်၊ စစ်သင်္ဘော အပါအ၀င် ယင်း ၆ နိုင်ငံမှ စစ်သား အင်အား စုစုပေါင်း ၁၀၀၀၀ ခန့် ပါဝင်မည် ဖြစ်ကြောင်း သတင်း ဖော်ပြချက်များ အရသိရသည်။
| < Prev | Next > |
|---|