နေပြည်တော်ရှိ လွှတ်တော်အဆောက်အအုံတွင် ကျင်းပသည့် ပြည်ထောင်စုလွှတ်တော် အစည်းအဝေးအတွင်း ၎င်းက ထိုသို့ ပြောဆိုခြင်း ဖြစ်သည်။“ကျနော်တို့ အစိုးရက လသားအရွယ် အစိုးရပဲရှိပါသေးတယ်။ အစိုးရအပေါ် တားဆီးနှောင့်ယှက်မှုတွေ ရှိနေပေမယ့်လည်း စိတ်ဓာတ်ကျစရာ၊ စိတ်ပျက်စရာအကြောင်း မရှိပါဘူး။ ကျနော်တို့မှာ စည်းလုံးညီညွတ်တဲ့ ပဉ္ဖမမဏ္ဍိုင်ဖြစ်တဲ့ ပြည်သူလူထုကြီး ရှိနေပါတယ်။ ပြည်သူတွေ တခဲနက် ထောက်ခံထားတဲ့ ဖွဲ့စည်းပုံ အခြေခံလည်း ရှိပါတယ်။ ဒီဖွဲ့စည်းပုံ အခြေခံဥပဒေအရ
ထွက်ပေါ်လာပြီဖြစ်တဲ့ အစိုးရ ရှိနေပါတယ်။ လွှတ်တော်အရပ်ရပ် ရှိနေပါတယ်။ သီးခြား တည်ရှိတဲ့ တရားစီရင်ရေး မဏ္ဍိုင် ရှိနေပါပြီ။ စတုတ္ထမဏ္ဍိုင်ဖြစ်တဲ့ မီဒီယာတွေ ပိုမိုဖွံ့ဖြိုး လာနေပြီဖြစ်ပါတယ်။ ဒီအခြေအနေတွေကို မယုံသေးတဲ့သူတွေ ယုံကြည်လာအောင်၊ မမြင်ကြသေးတဲ့သူတွေ ကိုယ်တိုင်ကိုယ်ကျ မြင်တွေ့လာအောင် နိုင်ငံတကာ အသိုင်းအ၀န်းနဲ့
လက်တွဲ ပူးပေါင်းဆောင်ရွက်သွားဖို့ ကျနော်တို့ အသင့်ရှိနေပါတယ်” ဟု ဦးသိန်းစိန်က ပြောကြားသည်။
၂၀၀၈ ဖွဲ့စည်းပုံအခြေခံ ဥပဒေကို လက်မခံချင်သော ပြည်တွင်း နိုင်ငံရေးအင်အားစုများ၊ တိုင်းရင်းသား လက်နက်ကိုင် အဖွဲ့အစည်းများနှင့် ငြိမ်းချမ်းရေး ရစေရန်နှင့် ပဋိပက္ခလျော့ပါးစေရန် ကြိုးပမ်း ဆောင်ရွက်သွားမည်ဖြစ်ကြောင်းလည်း
သမ္မတက ဆိုသည်။
“ဖွဲ့စည်းပုံ အခြေခံဥပေဒကို လက်မခံနိုင်သေးတဲ့ ပြည်တွင်းအင်အားစုဆိုတာက ဒေါ်အောင်ဆန်းစုကြည်နဲ့ NLD ကို တိုက်ရိုက် ရည်ညွှန်းတာပါ။ နာမည်ကိုသာထည့်မပြောတာ၊ တိုင်းရင်းသားအဖွဲ့တွေဖြစ်တဲ့ KIA၊ DKBA ခွဲထွက် အဖွဲ့တွေကိုလည်း သူ ရည်ညွှန်းပြီး ပြောသွားတယ်။ ဆိုလိုတာက ဖွဲ့စည်းပုံ အခြေခံဥပဒေ လက်မခံတဲ့သူတွေကို လက်ခံလာအောင် လုပ်မယ့် သဘော သမ္မတက ပြောတာ” ဟု အမျိုးသား လွှတ်တော်ကိုယ်စားလှယ် တဦးက ရှင်းပြသည်။
ကမ္ဘာ့နိုင်ငံများအကြား ဒီမိုကရေစီနိုင်ငံအဖြစ် ထည်ထည်ဝါဝါရပ်တည်နိုင်ရန် ကြိုးပမ်းဆောင်ရွက်လျှက်ရှိကြောင်း၊ ထို့ကြောင့် ၂၀၁၄ ခုနှစ် အာဆီယံ အလှည့်ကျ ဥက္ကဋ္ဌ တာဝန်ကို တရားဝင် အဆိုပြု ကမ်းလှမ်းခဲ့ခြင်းဖြစ်ကြောင်း သမ္မတက ပြောသည်။
ယနေ့ အမျိုးသားလွှတ်တော် အစည်းအဝေးအတွင်း တိုင်းရင်းသားရေးရာနှင့် ပြည်တွင်းငြိမ်းချမ်းရေး ကော်မတီဆိုသော
ကော်မတီတရပ်ကို ဖွဲ့စည်းလိုက်ပြီး ပြည်တွင်းငြိမ်းချမ်းရေး ဆောင်ရွက်ရန်၊ နိုင်ငံတော်ကို ဆူပူစေရန် လုပ်ဆောင်မည့်
ပြည်တွင်းပြည်ပ အဖွဲ့အစည်းများ၏ လုပ်ဆောင်ချက်များကို တားဆီး ဆောင်ရွက်သွားရန်ဆိုသော ရည်ရွယ်ချက်များပါဝင်ကာ ကချင်ပြည်နယ်မှ လွှတ်တော်အမတ်တဦးကို ဥက္ကဋ္ဌအဖြစ် အမျိုးသားလွှတ်တော် ဥက္ကဋ္ဌ ဦးခင်အောင်မြင့်ကခန့်အပ် တာဝန် ပေးခဲ့သည်။
ယင်းအပြင် စီးပွားရေး၊ ပညာရေး၊ ပြည်သူ့တိုင်ကြားရေးနှင့် အသနားခံစာ စိစစ်ရေးကော်မတီကိုလည်း ဖွဲ့စည်းခဲ့သည်။
နံနက်ပိုင်း အမျိုးသားလွှတ်တော်နှင့် ပြည်သူ့လွှတ်တော် အစည်းအဝေးများကို တပြိုင်နက်တည်း ကျင်းပပြီးနောက် မွန်းလွဲ ၁ နာရီတွင် ပြည်ထောင်စုလွှတ်တော် အစည်းအဝေးအဖြစ် လွှတ်တော် နှစ်ရပ်စလုံးမှ ကိုယ်စားလှယ်များကို စုစည်းခေါ်ယူခဲ့ပြီး သမ္မတဦးသိန်းစိန်က မိနစ် ၃၀ ကျော်ကြာ မိန့်ခွန်းတရပ် ပြောကြားခဲ့သည်။
သမ္မတ မိန့်ခွန်းပြောကြားပြီးနောက် စီးပွားရေးဆိုင်ရာ ဥပဒေကြမ်းများဖြစ်ကြသည့် အမြတ်ခွန် ဥပဒေ ရုပ်သိမ်းမည့် ဥပဒေ ကြမ်း၊ မြန်မာနိုင်ငံ တံဆိပ်ခေါင်း အက်ဥပဒေပြင်ဆင်မည့် ဥပဒေကြမ်း၊ ကုန်သွယ်လုပ်ငန်းခွန် ပြင်ဆင်သည့် ဥပဒေကြမ်း၊
ဝင်ငွေခွန် ပြင်ဆင်မည့် ဥပဒေကြမ်း၊ ရုံးခွန် ပြင်ဆင်သည့် ဥပဒေကြမ်း စုစုပေါင်း ဥပဒေကြမ်း ၅ ခု တင်သွင်းခဲ့ပြီး လာမည့် ၂၆ ရက်နေ့ ပြည်ထောင်စုလွှတ်တော်တွင် အသေးစိတ်ဆွေးနွေးကြမည်ဖြစ်သည်။
သြဂုတ်လ ၂၃ ရက်နေ့တွင် ကုလသမဂ္ဂ လူ့အခွင့်အရေး အရာရှိ မစ္စတာ သောမတ်စ် အိုဟေး ကင်တားနားအား ပြည်သူ့လွှတ်တော် ဥက္ကဋ္ဌ ဦးရွှေမန်း၊ အမျိုးသား လွှတ်တော်ဥက္ကဋ္ဌ ဦးခင်အောင်မြင့်တို့ တွေ့ဆုံကြမည်ဖြစ်သည်။
| < Prev | Next > |
|---|