အဆိုပါမြို့ခံက “ကလေးသုံးယောက်နဲ့ သူတို့ရဲ့ အမေတော့ သေသွားတယ်၊ လူ ၇ ယောက်လောက် ကတော့ အခုဆေးရုံမှာ ရောက်နေတယ်”ဟု ဧရာဝတီသို့ ပြောသည်။
ယင်းမြေပြိုမှုသည် ယမန်နေ့ညက ပြင်းထန်သောလေနှင့် သည်းထန်စွာ ရွာသွန်းသောမိုးကြောင့် ဖြစ်ပွားခဲ့ခြင်း ဖြစ်ကြောင်း၊ အဆောက်အအုံများ ပြိုကျခဲ့ပြီး တချို့သောအိမ်များမှာ ရေမြုပ်သွားကာ သစ်ပင်များမှာလည်း ကျိုးကျကုန်ကြောင်း ယင်းမြို့ ခံက ဆက်ပြောသည်။
ထိုင်း-မြန်မာ နယ်စပ် ကော့သောင်းမြို့သည် မြန်မာပြည် တောင်ဘက်အကျဆုံး နေရာတွင်တည်ရှိကာ မြန်မာပြည်၏ အဓိကကျသော ပင်လယ် ဆိပ်ကမ်းမြို့တမြို့ ဖြစ်ပြီး ယင်းမြို့မှတဆင့် မွန်နှင့် မြန်မာလူမျိုးများသည် ထိုင်းနှင့် မလေးရှား နိုင်ငံများသို့ သွားရောက် အလုပ်လုပ်ကိုင်ကြသည်။
| < Prev | Next > |
|---|
