ထိုင်းနိုင်ငံ ချင်းမိုင်မြို့၌ ပထမအကြိမ် မြန်မာ့ရိုးရာ သင်္ကြန်ရေသဘင်ပွဲတော်အား ချင်းမိုင်ရောက် မြန်မာနိုင်ငံသားများ၊ အနုပညာရှင်များက သင်္ကြန်အကြိုနေ့ ဧပြီ ၁၃ ရက်နေ့တွင် သင်္ကြန်သီချင်းများ၊ ရိုးရာအကများဖြင့် ချင်းမိုင်မြို့ကို လှည့်လည် ဖျော်ဖြေကြမည်ဖြစ်သည်။ ဧပြီ ၁၁ ရက်နေ့ကလည်း ချင်းမိုင်တက္ကသိုလ် ပန်းချီပြတိုက်တွင် မြန်မာနိုင်ငံသား များက သင်္ကြန်အကြို ဖျော်ဖြေပွဲကျင်းပခဲ့သည်။ ဧပြီ ၁၃ ရက်နေ့တွင်ပင် ထိုင်း၊ မြန်မာ၊ လာအို၊ ကမ္ဘောဒီးယား နိုင်ငံသားများက ရိုးရာ ၀တ်စုံ၊ သီချင်းများသီဆိုကာ ထိုင်းနိုင်ငံ ချင်းမိုင်မြို့အားလှည့် ယာဉ်ပြိုင်မည်ဖြစ်ပြီး အကဲဖြတ်အဖွဲ့များက အမှတ်ပေး စနစ်ဖြင့် အမှတ်ပေး ကာ ဆုရရှိသည့်အဖွဲ့ကို ဆုပေးသွားမည်ဖြစ်ကြောင်း သိရသည်။