တရုတ် အထူး အုပ်ချုပ်ရေး ဒေသ ဟောင်ကောင် နှင့် မြန်မာနိုင်ငံ ၏ ကုန်သွယ်ရေးသည် ၂၀၁၀ – ၂၀၁၁ ဘဏ္ဍာရေး နှစ်တွင် အမေရိကန် ဒေါ်လာ ၁.၇ ဘီလီယံ ရှိ၍ ၇၉ ရာခိုင်နှုန်းမြင့်တက်လာကြောင်း သိရသည်။ မြန်မာနိုင်ငံမှ ဟောင်ကောင်သို့ တင်ပို့မှု တန်ဖိုးမှာ ဒေါ်လာ ၁.၆၉ ဘီလီယံ ရှိပြီး ဟောင်ကောင်မှ မြန်မာသို့ တင်သွင်းမှု တန်ဖိုးမှာ ဒေါ်လာ ၄.၇ မီလီယံ ရှိသည်ဟု မြန်မာ နိုင်ငံ စီးပွားရေးဆိုင်ရာ စာရင်းအင်းများကို ကိုးကား၍ ဆင်ဟွာ သတင်း၌ ဖော်ပြထားသည်။ ၂၀၀၉-၂၀၁၀ ဘဏ္ဍရေးနှစ်တွင် ဒေါ်လာ ၉၄၉ မီလီယံသာ ရှိကြောင်း သိရသည်။ ဟောင်ကောင်သည် တရုတ်ပြည်မကြီး နှင့် ထိုင်းနိုင်ငံတို့ ပြီးလျင် မြန်မာနှင့် တတိယ အများဆုံး ကုန်သွယ်ဖက် နိုင်ငံဖြစ်သည်ဟုလည်း ဆိုသည်။