“ကျန်ရစ်တဲ့ မုဆိုးမ ၁၅ ဦးနဲ့ တခြား အမျိုးသမီး ၃၀ က စုပြီးတော့ မေလ ကတည်းက တောင်းဆိုတာ ခုချိန်ထိ ကူညီပေးတာမျိုး၊ ဆောင်ရွက်ပေးမယ် ဆိုတာမျိုး တုန့်ပြန်မှု မရှိဘူး” ဟု ရှေ့နေ ကိုဖိုးဖြူက ဧရာဝတီကို ပြောသည်။အမျိုးသမီး ၃၀ သည် မုန်တိုင်းမိ၊ ပျောက်ဆုံးပြီးမှ ပြန်လည်ရောက်ရှိလာသူ ရေလုပ်သားတို့၏ ဇနီးများ ဖြစ်သည်။
ရေလုပ်သားများသည် ပင်လယ်ပြင်တွင် ကျားဖောင်လုပ်ငန်း၊ ငါးဖမ်းလုပ်ငန်းများ လုပ်ဆောင်နေသည့် ဖျာပုံ၊ ဒေးဒရဲ၊ လပ္ပတ္တာ၊ မြောင်းမြ၊ တွံတေး၊ ကော့မှူး၊ ကွမ်းခြံကုန်း စသည့်မြို့နယ်တို့မှ ဒေသခံများ ဖြစ်သည်။
မတ်လလယ်က တိုက်ခတ်ခဲ့သော လေပြင်း မုန်တိုင်းကြောင့် ရေလုပ်သား တသောင်းခြောက်ထောင်ကျော် ရေထဲ မျောပါသွားခဲ့သည်။ အများအပြား အသက်ရှင်ပြီး နေရပ်ရင်းသို့ ပြန်ရောက်ရှိပြီး ဖြစ်သည်။
ယခု သုံးလ ပြည့်မြောက်ချိန်တွင် ပျောက်ဆုံးနေသူ အရေအတွက် ၅၀၀ ၀န်းကျင် ရှိသည်ဟု သိရသည်။
“အလုပ်ရှင်တွေ ပြောတာက ရာသီဥတု မကောင်းလို့ ဖြစ်သွားတာ လျော်ကြေးပေးစရာ မလိုဘူး ဆိုပြီး ဟိန်းဟောက်တယ်” ဟု ခင်ပွန်းနှင့် သားမက်တို့ ပျောက်ဆုံးနေသူ ဖျာပုံမြို့နယ်၊ ဒေါ်ညိမ်းရွာမှ ဒေါ်စန်းစန်းက ဧရာဝတီကို ပြောသည်။
ယခင် လုပ်အားခများကို တောင်းဆိုရာတွင်လည်း ကြမ်းကြမ်း တမ်းတမ်း ဟိန်းဟောက်ခံရသည်ဟု ဒေါ်စန်းစန်းက ပြောသည်။
ထိုအမျိုးသမီး ၄၅ ဦးက လျော်ကြေး နှင့် နစ်နာကြေး ရရှိရေးအတွက် လိုက်ပါ ဆောင်ရွက်ပေးရန် ရှေ့နေကိုဖိုးဖြူကို အကူအညီတောင်းထားခြင်း ဖြစ်သည်။
အာဏာပိုင်တို့က လျော်ကြေး ပေးမည်မဟုတ် ဟူသော ပြောဆိုချက်ကို ရန်ကုန်အခြေစိုက် ဂျာနယ်တစောင်တွင် တွေ့ရသည်။
“ယခုကိစ္စတွင် ရေလုပ်သားများသည် သဘာဝ ဘေးအန္တရာယ်ကြောင့် သေဆုံးရခြင်း ဖြစ်သည့် အတွက် ၁၉၂၃ ခုနှစ် အလုပ်သမား လျော်ကြေးဥပဒေနှင့် အကျုံးဝင်ခြင်း မရှိ” ဟု ရှေ့နေချုပ်ရုံး၏ ညွှန်ကြားချက်ကို အခြေခံ၍ မြန်မာနိုင်ငံ ငါးလုပ်ငန်း အဖွဲ့ချုပ်၏ တာဝန်ရှိသူ တဦးက ရှင်းပြကြောင်း မေလ ၁၁ ရက်နေ့ထုတ် Weekly Eleven ဂျာနယ်တွင် ဖော်ပြထားသည်။
ထိုသို့ ပြောဆိုခြင်းသည် မျှတမှု လုံးဝမရှိကြောင်း ရှေ့နေကိုဖိုးဖြူက ပြောသည်။
“ရေလုပ်သားတွေက ပင်လယ်ပြင်ကို အပျော်သွားကြတာ မဟုတ်ဘူးလေ၊ အလုပ် လုပ်ဖို့ သွားတာကို အလုပ်ရှင်က တာဝန်ယူရမှာပေါ့” ဟု ကိုဖိုးဖြူက ဆိုသည်။
ထိုကိစ္စများနှင့် ပတ်သက်သည့် ဧရာဝတီ၏ ယနေ့ ဆက်သွယ် မေးမြန်းချက်ကို ငါးလုပ်ငန်း အဖွဲ့ချုပ်က ဖြေဆိုရန် ငြင်းဆန်သည်။
| < Prev | Next > |
|---|
