မြန်မာနှစ်ဆန်း ၁ ရက်နေ့ ဧပြီလ ၁၇ ရက်မှစတင်သော စုပေါင်းလက်မှတ်ထိုး တောင်းဆိုလှုပ်ရှားမှုသည် ယခုတပတ် အတွင်း လက်မှတ်ပေါင်း ၁၀၀၀ နီးပါး ရရှိနေပြီဖြစ်ပြီး လာမည့် တနလာင်္နေ့၌ ပထမဆုံးအကြိမ် သမ္မတ ဦးသန်းစိန် ထံ ပို့ဆောင်မည် ဖြစ်ကြောင်း သိရသည်။ အပတ်စဉ် သောကြာနေ့တိုင်း ရရှိသည့်လက်မှတ်များကို ဆက်လက်တင်ပြသွားမည် ဖြစ်သည်ဟု ဦးဆောင်လှုပ်ရှားသူများက ပြောသည်။ ယင်းလှုပ်ရှားမှုအား NLD အပါအ၀င် မြန်မာပြည်တွင်းရှိ ဒီမိုကရေစီရေး ဆောင်ရွက်သူများက ဦးဆောင်ခြင်းဖြစ်ပြီး နိုင်ငံရေးအကျဉ်းသား လွတ်မြောက်ရေး၊ ပြည်တွင်းစစ် ရပ်စဲ ရေး၊ ပြည်ပရောက် မြန်မာ နိုင်ငံသားများ ပြန်လာနိုင်ရေး စသည့် အချက်များလည်း ပါဝင်သည်။
