ယခု ဖမ်းဆီးခံရသော မိန်းကလေးများသည် အသက် ၁၆ နှစ်မှ ၁၇ နှစ် အရွယ်ရှိသူများ ဖြစ်ကြောင်း MCOT.NET ၀က်ဘ်ဆိုက် တွင် ယမန်နေ့က ထိုင်း ဘာသာဖြင့် ဖော်ပြထားသည်။
အာဏာပိုင်များက လိင် ပျော်ပါးလိုသူများ ဟန်ဆောင်၍ ၎င်းတို့ကို သွားရောက် ကယ်တင်ခဲ့ပြီး လုပ်ငန်း ပိုင်ရှင်ကိုလည်း ဖမ်းဆီးခဲ့ ကြောင်း သတင်း၌ ရေးသားထားသည်။ ထို မိန်းကလေး ၃ ဦးကိုလည်း စစ်ဆေး မေးမြန်းပြီး မြန်မာနိုင်ငံသို့ ပြန်ပို့မည်ဟု ပါရှိသည်။
လွန်ခဲ့သည့် ဧပြီလ၂၈ ရက်ကလည်း ရနောင်းမြို့တွင် လိင်ဖျော်ဖြေရေး အလုပ်လုပ်နေသည့် မြန်မာ မိန်းကလေး ၃၉ ဦးကို ထိုင်း လ၀က နှင့် စစ်တပ်ပူးပေါင်း အာဏာပိုင်များက ဖမ်းဆီးခဲ့သည်။
ယင်းသို့ ဖမ်းဆီးမှုများ ယခင်က မကြာခဏ ဖြစ်ပွားလေ့ရှိ သော်လည်း ပြန်လွတ် လာသူများမှာ နဂိုအလုပ်ကိုပင် ဆက်လက် လုပ်ကိုင်နေကြသည်ဟု ရနောင်းမြို့ဒေသခံများက ပြောဆိုသည်။
ဧပြီလ ၂၅ ရက်နေ့ထုတ် စစ်အစိုးရ မြန်မာ့အလင်း သတင်းစာတွင် ထိုင်းနှင့် မြန်မာ လူကုန်ကူးမှု ပူးပေါင်း တိုက်ဖျက်ရေး နား လည်မှု စာချွန်လွှာကို နှစ်နိုင်ငံ တာဝန်ရှိသူများ လက်မှတ် ရေးထိုးကြကြောင်း ဖော်ပြထားသည်။
< Prev | Next > |
---|