သန်လျင်မြို့နယ် တိုင်းဒေသကြီး လွှတ်တော်မဲဆန္ဒနယ်အမှတ် ၁ တွင် ပါဝင်သော ရပ်ကွက်နှင့် ကျေးရွာ ၁၉ ခုရှိ ရပ်ကွက်လူကြီးများကို တဦးလျှင် ဦးအောင်သန်းဦးကို အမာခံ မဲပေးမည့် ပါတီဝင် ၅၀ ရရှိစေရန် ငွေပေး၍ စုစည်းခိုင်းနေခြင်း ဖြစ်ကြောင်း သန်လျင်ဒေသခံများက ပြောသည်။
သန်လျင်မြို့နယ် တိုင်းဒေသကြီးလွှတ်တော် မဲဆန္ဒနယ်အမှတ် ၁ တွင် ပါဝင်သော မြို့ဟောင်း အလယ်ရပ်ကွက် ရယက ဥက္ကဋ္ဌ ဦးချင်းကျောင်သည် ဦးအောင်သန်းဦးထံမှ ငွေကျပ် ၅ သိန်း လက်ခံခဲ့ပြီး ပါတီဝင် ၅၀ ရရှိစေရန် စည်းရုံး လုပ်ဆောင် ပေးခဲ့ကြောင်း စုံစမ်းသိရှိရသည်။
“တစ်ရပ်ကွက်ကို ပါတီဝင် ၅၀ ရအောင် စည်းရုံးပေးဖို့ဆိုပြီး ရပ်ကွက်ဥက္ကဋ္ဌ တဦးကို ကျပ် ၅ သိန်း ဦးအောင်သန်းဦးက ပေးတယ်။ ဒီငွေကို ပါတီဝင်ရအောင် စည်းရုံးပေးတဲ့ ရယကတွေက ခွဲဝေယူကြတယ်” ဟု သန်လျင်မြို့နယ် မဲဆန္ဒနယ်အမှတ် ၁ တွင်ပါဝင်သော ပဲခူးစုရပ်ကွက်သား တဦးက ဆိုသည်။
ထိုသို့ ရပ်ကွက်လူကြီးများကို ငွေပေးရာတွင် အတိုးမဲ့ချေးငွေဟု အမည်တပ်၍ ထုတ်ပေးပြီး အမာခံမဲပေးမည့် ပါတီဝင် ၅၀ ရရှိစေရန် စည်းရုံးခိုင်းခြင်း ဖြစ်ကြောင်း သိရှိရသည်။
“အမှန်တော့ ရွေးကောက်ပွဲ အသုံးစရိတ်အဖြစ် အမည်မတပ်ဘဲ ချေးငွေလို့ အမည်တပ်ပြီး မဲဝယ်တာပဲ။ ဒါဥပဒေနဲ့ မညီပါဘူး” ဟု သန်လျင်မြို့နယ်တွင် အရွေးချယ်ခံမည့် နိုင်ငံရေးပါတီတခုမှ တိုင်းဒေသကြီးလွှတ်တော် ကိုယ်စားလှယ်လောင်းတဦးက ပြောသည်။
ရွေးကောက်ပွဲဆိုင်ရာ ဥပဒေ အခန်း ၁၃ ပုဒ်မ ၅၇ တွင် မည်သူမဆို ရွေးကောက်ပွဲတွင် ပုဂ္ဂိုလ်တဦး၏ ဆန္ဒမဲပေးပိုင်ခွင့်နှင့် ရွေးကောက် တင်မြှောက် ခံပိုင်ခွင့် တို့ကို ကျင့်သုံးခြင်းမပြုနိုင်ရန် အကြမ်းဖက်ခြင်း၊ ခြိမ်းခြောက်ခြင်း၊ မလျော်သြဇာသုံးခြင်း၊ လိမ်လည် လှည့်ဖြားခြင်း၊ လာဘ်ပေးခြင်း သို့မဟုတ် လာဘ်ယူခြင်းများ ပြုလုပ်ကြောင်း ပြစ်မှုထင်ရှား စီရင်ခြင်းခံရလျှင် ထိုသူအား ထောင်ဒဏ် ၁ နှစ် ဖြစ်စေ၊ ငွေဒဏ် ကျပ် ၁ သိန်းဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ပြဋ္ဌာန်း ထားသည်။
ဦးအောင်သန်းဦးသည် ၎င်းယှဉ်ပြိုင်မည့် မဲဆန္ဒနယ်တွင် ပါဝင်သော ဘုရားကုန်း ကျေးရွာအုပ်စုတွင် အလှူများ ပြုလုပ်ပြီး ရွာလုံးကျွတ်ထမင်းကျွေးခြင်း စသည့် ပုံစံဖြင့် မဲဆွယ်ခြင်းများလည်း ပြုလုပ်နေကြောင်း သိရသည်။
“ဦးအောင်သန်းဦးက တခါမှ အဲဒီလို မလှူဘူး။ အခုမှ လှူတာ။ ရွာသားတွေက သူလုပ်တဲ့ အလှူကို သာဓုခေါ်၊ ဒါနမြောက်အောင်တော့ စားပေးတယ်။ မဲတော့ ကိုယ်ကြိုက်ရာထည့်မယ်” ဟု ဘုရားကုန်းကျေးရွာသား တဦးက
ဆိုသည်။
ဦးအောင်သန်းဦးနှင့်အတူ ဒုတိယဗိုလ်ချုပ်ကြီးဟောင်း ဦးမြင့်ဆွေကလည်း ရန်ကုန်တိုင်း ဒေသကြီးလွှတ်တော် ဆိပ်ကြီး ခနောင်တို မဲဆန္ဒနယ်အမှတ် ၂ တွင် ကြံ့ဖွံ့ပါတီ ကိုယ်စားပြုဝင်ရောက်ယှဉ်ပြိုင်မည်ဖြစ်ပြီး သေချာပေါက် ရွေးကောက်ပွဲတွင် အနိုင်ရရှိရေးအတွက် ဆောင်ရွက်ထားကြောင်း စုံစမ်းသိရှိရသည်။
တိုင်းဒေသကြီး လွှတ်တော်ကိုယ်စားလှယ် ဖြစ်လာမည့် ဦးမြင့်ဆွေက ရန်ကုန်တိုင်း ၀န်ကြီးချုပ်အဖြစ် တာဝန်ယူမည်ဆိုသည့် သတင်းကို ရွေးကောက်ပွဲ ကော်မရှင်နှင့် နီးစပ်သူများက ပြောဆိုနေကြကြောင်း နိုင်ငံရေးသမားတဦးက ဆိုသည်။
ဒုတိယ ဗိုလ်ချုပ်ကြီးဟောင်း ဦးသာအေးသည်လည်း ၎င်း၏မွေးရပ်ဇာတိမြေ စစ်ကိုင်းတိုင်း၊ ဘုတလင်မြို့နယ်မှနေ၍ တိုင်းဒေသကြီး လွှတ်တော်ကိုယ်စားလှယ်အဖြစ် ကြံ့ဖွတ်ပါတီကိုယ်စားပြု ၀င်ရောက် ယှဉ်ပြိုင်မည်ဖြစ်ပြီး စစ်ကိုင်းတိုင်း ၀န်ကြီးချုပ်အဖြစ် တာဝန် ထမ်းဆောင်မည်ဆိုသည့် သတင်းများ ထွက်ပေါ်လျက်ရှိသည်။
ပါတီစုံဒီမိုကရေစီ ရွေးကောက်ပွဲကို နိုဝင်ဘာလ ၇ ရက်နေ့တွင် ကျင်းပပြုလုပ်မည် ဖြစ်သည်။
| < Prev | Next > |
|---|
