ထိုင်းနိုင်ငံ ဘန်ကောက်မြို့ရှိ နိုင်ငံခြား သတင်းထောက်များ ကလပ် (FCCT) တွင် ယမန်နေ့က ပြုလုပ်သော “မြန်မာ အမျိုးသမီးများအတွက် ဖြစ်ပေါ်လာမည့် အပြောင်းအလဲ” အမည်ရှိ ဆွေးနွေးပွဲတွင် ထိုသို့ ပြောကြားကြခြင်း ဖြစ်သည်။
အမျိုးသမီးများ အဖွဲ့ချုပ်(မြန်မာနိုင်ငံ)မှ တာဝန်ရှိသူ ဒေါ်တင်တင်ညိုက“ကျမတို့ အနေနဲ့ ဒီ ၂၀၁၀ ရွေးကောက်ပွဲ ဟာ နောက်ဆုံးအဖြေ မဟုတ်ဘူးဆိုတာကို မြန်မာပြည်သူကိုရော ကမ္ဘာကိုပါ သိစေချင်တယ်။ ကျမတို့တိုင်းပြည်မှာ ဒီမိုကရေစီနဲ့ လူ့အခွင့်အရေး ရရှိဖို့ အလုပ်တွေလုပ်စရာ အများကြီး ရှိနေသေးတယ်။ ဒါကြောင့် နိုင်ငံတကာ အစိုးရ တွေကို တိုက်တွန်းချင်တာက လာမယ့် ရွေးကောက်ပွဲနဲ့ အဲဒီ ရွေးကောက်ပွဲက ပေါ်ထွက်လာမယ့် အစိုးရကို အသိအ မှတ်မပြုဖို့၊ လက်မခံကြဖို့ ပြောချင်ပါတယ်”ဟု ဆိုသည်။
ဆွေးနွေးပွဲတွင် This is my witness အမည်ရှိ မှတ်တမ်းခွေကို ပြသခဲ့ကြောင်း၊ ယင်းမှတ်တမ်းခွေတွင် နအဖ စစ်တပ် ၏ အနိုင်ကျင့်မှုကို ခံခဲ့ရသည့် အမျိုးသမီးများ၏ ထွက်ဆိုချက်များ၊ အဓမ္မလုပ်အားပေး ခိုင်းစေခံရမှုများကို ဖော်ပြထား ကြောင်း သိရသည်။
အဆိုပါ ပြစ်မှုမျိုးအပါအ၀င် မြန်မာပြည်သူတရပ်လုံးကို ဆယ်စုနှစ်နှင့်ချီ၍ ဖိနှိပ်ချုပ်ချယ်လာခဲ့သော စစ်အာဏာပိုင် များ၏ ရွေးကောက်ပွဲသည် မျှော်လင့်ချက်မရှိကြောင်း ၁၉၉၇ ခုနှစ် ငြိမ်းချမ်းရေး နိုဘဲလ်ဆုရှင် မစ္စ ဂျိုဒီ ဝီလျံ (Jody Williams) က ဧရာဝတီသို့ ပြောသည်။
“ဒီရွေးကောက်ပွဲဟာ ဘယ်လိုမှ တရားမျှတမှု မရှိနိုင်ဘူးဆိုတာ ရှင်းရှင်းကြီးပါ။ ဒီရွေးကောက်ပွဲကို ကမ္ဘာက ရလဒ် ကောင်း ရဖို့ မမျှော်လင့်စေချင်ပါဘူး။ ဘာကြောင့်လဲဆိုရင် ဒီရွေးကောက်ပွဲက မြန်မာပြည်အတွက် ဘာရလဒ်ကောင်း မှ မပေါ်ထွက်လာနိုင်ဘူးဆိုတာ သေချာနေလို့ပါ”ဟု ဂျိုဒီ ဝီလျံက ဆိုသည်။
ဆွေးနွေးပွဲသို့ အမျိုးသမီးများ အဖွဲ့ချုပ်(မြန်မာနိုင်ငံ)၊ မစ္စ ဂျိုဒီ ဝီလျံနှင့် Burma Soldier မှတ်တမ်းရုပ်ရှင် ဒါရိုက်တာ နစ် ဒန်းလော့ပ်(Nic Dunlop) တို့က ဦးဆောင် ဆွေးနွေးခဲ့ကြကြောင်း သိရသည်။
< Prev | Next > |
---|